ڧِدَايَ 19 - أَتَّوْرَتْ دَ أَنَّبَاوَا

شِرِنْ ضُوَ نَڟَبْتَثٜىٰوَ

¹ يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ

² ‏«‏وَنَّنْ عِتَثٜىٰ ڧَٰعِدَ وَدَّ يَهْوٜىٰهْ يَعُمَرْتَ؞ إِسْرَٰٓءِيلَاوَا ذَاسُ كَٰوُاْ مُكُ وَتَ یَرْ سَانِيَ ثِكَكِّيَ مَرَرْ تَبُواْ، كُمَ وَدَّ بَعَتَٻَ طَوْرَ مَتَ غُنْ‌غُمٜىٰنْ نُواْمَ أَوُيَبَ؞

³ سَيْ عَبَا عٜىٰلٜىٰيَظَرْ ڢِرِسْتِ؞ ذَاعَ ڢِتَرْدَ عِتَ عَبَايَنْ ذَنْ‌غُواْ، سَيْ عَيَنْكَتَ أَعِدُوانْسَ؞

⁴ عٜىٰلٜىٰيَظَرْ ذَيْ طِبِے جِنِنْتَ دَ يَڟَرْسَ يَيَيَّڢَا شِ سَوْ بَݣَويْ عَتَغَبَنْ تٜىٰنْتِنْ سَدُوَ؞

⁵ سَعَنً ذَاعَ ڧُواْنٜىٰ یَرْ سَانِيَ غَبَاطَيَ أَعِدُوانْسَ، وَتُواْ دَ ڢَتَرْتَ دَ نَامَنْتَادَ جِنِنْتَ دَ كَاشِنْتَ، دُكَ ذَاعَ ڧُواْنٜىٰ؞

⁶ سَيْ ڢِرِسْتِ يَطَوْكِ إِتَاثٜىٰنْ سٜىٰدَ دَ إِظُوابْ دَ جَنْ ظَرٜىٰ، يَجٜىٰڢَرْ دَسُو عَثِكِنْ وُتَرْ دَتَكٜىٰ ڧُواْنٜىٰ یَرْ سَانِيَرْ؞

⁷ بَايَنْ حَكَ ڢِرِسْتِ ذَيْ وَنْكٜىٰ رِيغُنَنْسَ يَكُمَيِ وَنْكَ دَ ضُوَ؞ بَايَنْ حَكَ ذَيْ عِيَ شِغَ ثِكِنْ ذَنْ‌غُوانْ؞ عَمَّا ذَيْ كَسَنْثٜىٰ مَيْ ڧَظَنْتَا حَرْ يَمَّ؞

⁸ وَنْدَ يَڧُواْنٜىٰ یَرْ سَانِيَرْ طِنْ، شِے مَا ذَيْ وَنْكٜىٰ رِيغُنَنْسَ يَكُمَيِ وَنْكَ دَ ضُوَ؞ شِمَا ذَيْ كَسَنْثٜىٰ مَيْ ڧَظَنْتَا حَرْ يَمَّ؞

⁹ وَنِ مُتُمِنْ دَ بَيْ ڧَظَنْتُ بَذَيْ ݣُوشِ تُواْكَرْ یَرْ سَانِيَرْ، يَظُبَ أَوَنِ وُرِے مَرَرْ ڧَظَنْتَا عَبَايَنْ ذَنْ‌غُوانْ؞ أَوُرِنْ نٜىٰ ذَاعَ أَجِيٜىٰ تُواْكَرْ دُواْمِنْ جَمَعَرْ إِسْرَٰٓءِيلَ سُيِ أَمْڢَانِ دَ تُواْكَرْ دُواْمِنْ شِرِنْ ضُوَ نَڟَبْتَثٜىٰوَ؞ وَنَّنْ ڧَٰعِدَ ثٜىٰ تَوَنْكٜىٰ ذُنُوبِ؞

¹⁰ مُتُمِنْدَ يَݣُوشِ تُواْكَرْ یَرْ سَانِيَرْ كُمَ، شِے مَا ذَيْ وَنْكٜىٰ رِيغُنَنْسَ، ذَيْ كُمَ كَسَنْثٜىٰ مَيْ ڧَظَنْتَا حَرْ يَمَّ؞ ‏«‏وَنَّنْ ڧَٰعِدَ ثٜىٰ تَدِنْدِنْدِنْ دُواْمِنْ إِسْرَٰٓءِيلَاوَا دَ بَڧُوانْ دَيَكٜىٰ ذَمَ عَثِكِنْسُ؞»‏

ڧَظَنْتُ سَبُواْدَ غَاوَا

¹¹ ‏«‏دُكْ وَنْدَ يَتَٻَ غَاوَرْ مُتُمْ، ذَيْ ڧَظَنْتُ حَرْ ݣُونَ بَݣَويْ؞

¹² أَ رَانَ تَ عُكُ دَ تَبَݣَويْ، ذَيْ ڟَبْتَثٜىٰ كَنْسَ دَ ضُوَ نَڟَبْتَثٜىٰوَ يَذَمَ مَرَرْ ڧَظَنْتَا؞ عَمَّا عِدَنْ بَيْ ڟَبْتَثٜىٰ كَنْسَ أَ رَانَ تَ عُكُ دَ تَبَݣَويْ بَ، بَذَيْ ذَمَ مَرَرْ ڧَظَنْتَبَ؞

¹³ دُكْ وَنْدَ يَتَٻَ غَاوَا، وَتُواْ جِكِنْ مُتُمِنْدَ يَمُتُ، كُمَ بَيْ ڟَبْتَثٜىٰ كَنْسَبَ، يَڧَظَنْتَرْ دَ تٜىٰنْتِنْ كَسَنْثٜىٰوَرْ يَهْوٜىٰهْ كٜىٰنَنْ؞ وَنَّنْ مُتُمْ، ذَاعَ كَوَرْ دَشِ دَغَ إِسْرَٰٓءِيلَاوَا، غَمَا بَعَيَيَّڢَا مَسَ ضُوَ نَڟَبْتَثٜىٰوَبَ؞ يَكَسَنْثٜىٰ مَيْ ڧَظَنْتَا؞ أَلْحَكِنْ ذَمَنْ ڧَظَنْتَرْسَ يَنَ عَكَنْسَ؞

¹⁴ ‏«‏سَعَدَّ وَنِ يَمُتُ عَثِكِنْ تٜىٰنْتِ، غَ ڧَٰعِدَرْ دَ ذَاعَ بِے؞ دُكْ وَنْدَ يَكٜىٰ عَثِكِ أَ لُواْكَثِنْ مُتُوَرْ، كُواْ وَنْدَ يَشِغَ ثِكِنْ تٜىٰنْتِنْ أَ لُواْكَثِنْ، ذَيْ ڧَظَنْتُ حَرْ ݣُونَ بَݣَويْ؞

¹⁵ كُواْوَثٜىٰ تُكُنْيَرْ دَتَكٜىٰ عَبُوطٜىٰ، وَدَّ بَعَطَوْرَ مَتَ مُرْڢِ بَ، ذَاتَ ڧَظَنْتُ؞

¹⁶ دُكْ وَنْدَ يَكٜىٰ عَثِكِنْ ڢِيلِ يَكُمَ تَٻَ غَاوَرْ وَنْدَ عَكَ كَشٜىٰ دَ تَكُواْبِے، كُواْ وَنْدَ يَمُتُ مُتُوَ تَ اللَّهْ، كُواْ كُمَ يَتَٻَ ڧَشِنْ مُتُمْ كُواْ كَبَرِ، وَنَّنْ مُتُمْ ذَيْ ڧَظَنْتُ حَرْ ݣُونَ بَݣَويْ؞

¹⁷ ‏«‏دُواْمِنْ أَڟَبْتَثٜىٰ ڧَظَنْتَتُّ، سَيْ أَطِبَ تُواْكَ دَغَ ثِكِنْ تُواْكَرْ یَرْ سَانِيَرْ دَ عَكَ ڧُواْنٜىٰ دُواْمِنْ ڧَٰعِدَرْ وَنْكٜىٰ ذُنُوبِ؞ ذَاعَ ظُبَ تُواْكَرْ عَثِكِنْ تُكُنْيَ؞ سَعَنً ذَاعَ ظُبَ ضُوَ مَيْ غُدُ عَثِكِ؞

¹⁸ سَيْ وَنِ مُتُمِنْ دَ بَيْ ڧَظَنْتُ بَذَيْ ڟُواْمَ إِظُوابْ عَثِكِنْ ضُوً، يَيَيَّڢَا عَكَنْ تٜىٰنْتِنْ دَ عَكَنْ دُكَنْ أَبُبُوَنْ دَسُكٜىٰ ثِكِنْسَ دَ كُمَ عَكَنْ مُتَنٜىٰنْ دَسُكٜىٰ أَوُرِنْ؞ حَكَكُمَ ذَاعَيِ دَ مُتُمْ وَنْدَ يَتَٻَ ڧَشِنْ مُتُمْ، كُواْ يَتَٻَ وَنْدَ عَكَ كَشٜىٰ، كُواْ يَتَٻَ غَاوَا، كُواْ كُمَ كَبَرِ؞

¹⁹ عَكَنْ رَانَ تَ عُكُ دَ كُمَ أَ رَانَ تَبَݣَويْ، مُتُمِنَّنْ مَرَرْ ڧَظَنْتَا ذَيْ يَيَّڢَا ضُوً عَكَنْ ڧَظَنْتَتُّنْ؞ تَهَكَ ذَاعَ ڟَبْتَثٜىٰسُ أَ رَانَ تَبَݣَويْ؞ سَعَنً ذَاسُوَنْكٜىٰ رِيغُنَنْسُ، سُكُمَيِ وَنْكَ دَ ضُوَ دَ يَمَّ كُوَ ذَاسُ ذَمَ مَرَرْ ڧَظَنْتَا؞

²⁰ ‏«‏دُكْ وَنْدَ يَڧَظَنْتُ يَكُمَڧِ يَڟَبْتَثٜىٰ كَنْسَ دَ وَنَّنْ ضُوً ڟَبْتَثٜىٰوَ ذَيْ كَسَنْثٜىٰ مَيْ ڧَظَنْتَا، كُمَ ذَاعَ كَوَرْ دَشِ دَغَ تَارُوانْ جَمَعَ، غَمَا يَا ڧَظَنْتَرْدَ وُرِے مَيْ ڟَرْكِے نَ يَهْوٜىٰهْ؞ ذَيْ كَسَنْثٜىٰ مَيْ ڧَظَنْتَا، تُنْدَيَكٜىٰ بَعَيَيَّڢَا مَسَ ضُوَ مَيْ ڟَبْتَثٜىٰوَبَ؞

²¹ وَنَّنْ ڧَٰعِدَثٜىٰ تَدِنْدِنْدِنْ دُواْمِنْسُ؞ مُتُمِنْدَ يَيَيَّڢَا وَمُتَنٜىٰنْ ضُوً ڟَبْتَثٜىٰوَ شِے مَا ذَيْ وَنْكٜىٰ رِيغُنَنْسَ؞ بَايَنْ حَكَ دُكْ وَنْدَ يَتَٻَ وَنَّنْ ضُوً ڟَبْتَثٜىٰوَ ذَيْ ڧَظَنْتُ حَرْ يَمَّ؞

²² دُكْ أَبِنْدَ مَيْ ڧَظَنْتَا يَتَٻَ، أَبِنْ ذَيْ ڧَظَنْتُ؞ كُمَ دُكْ وَنْدَ يَتَٻَ وَنَّنْ أَبُ، شِے مَا ذَيْ ڧَظَنْتُ حَرْ يَمَّ؞»‏