ڧِدَايَ 18 - أَتَّوْرَتْ دَ أَنَّبَاوَا1 يَهْوٜىٰهْ يَثٜىٰ وَ هَٰرُونَ «كَيْ دَ یَیَنْكَ مَظَا دَ غِدَنْ كَكَنْكَ لَوِ ذَاكُ طَوْكِ أَلْحَكِنْ كُواْوَنٜىٰ لَيْڢِنْدَ يَشَاڢِ تٜىٰنْتِنْ كَسَنْثٜىٰوَتَ؞ عَمَّا كَيْ دَ یَیَنْكَ مَظَا كَطَيْ ذَاكُ طَوْكِ أَلْحَكِنْ كُواْوَنٜىٰ لَيْڢِنْدَ يَشَاڢِ عَيْكِنْ ڢِرِسْتِ؞ 2 كَكَٰوُاْ یَنْعُوَنْكَ نَظُرِيَرْ لَوِ، وَتُواْ غِدَنْ كَكَنْكَ، دُواْمِنْ سُتَيْمَكٜىٰكَ؞ ذَاسُيِ حِدِمَ تَرٜىٰدَكَيْ، يَايِنْ دَكَيْ دَ یَیَنْكَ مَظَا كُكٜىٰيِنْ حِدِمَ عَتٜىٰنْتِنْ شَيْدَرْ يَرْجٜىٰجٜىٰنِيَ؞ 3 ذَاسُ تَيْمَكٜىٰكَ، سُكُمَيِ دُكَنْ هِدِمُواْمِنْ تٜىٰنْتِنْ؞ عَمَّا كَدَ سُتَٻَ كَايَنْ عَيْكِنْ دَ عَكَ كٜىٰٻٜىٰ دَ ڟَرْكِے نَوُرِ مَيْ ڟَرْكِے كُواْ نَبَغَدٜىٰنْ؞ عِدَنْ سُنْ تَٻَ دَكَيْ دَسُو دُكَنْكُ ذَاكُ مُتُ؞ 4 ذَاسُ حَطَ حَنُّ دَكَيْ دُواْمِنْ سُيِ هِدِمُواْمِنْ دَ عَكٜىٰيِ عَتٜىٰنْتِنْ سَدُوَ؞ عَمَّا بَابُوَنِ وَنْدَ بَ نَظُرِيَرْ لَوِ بَ دَ ذَيْ يِكُسَ يَيِ عَيْكِ دَكُو؞ 5 دَ كَيْ دَ یَیَنْكَ مَظَا نٜىٰ كَطَيْ، ذَاكُيِ هِدِمُواْمِ نَوُرِ مَيْ ڟَرْكِے دَ كُمَ نَبَغَدٜىٰنْ، دُواْمِنْ كَدَ ڢُشِنَ يَسَاكٜىٰ ڢَاطَوَ إِسْرَٰٓءِيلَاوَا؞ 6 غَاشِ، نِے دَكَيْنَ نٜىٰ نَا ذَاٻِ یَنْعُوَنْكُ لَوِيَاوَا دَغَ ثِكِنْ جَمَعَرْ إِسْرَٰٓءِيلَ؞ نَكُمَ بَاكُسُ ݣَوْتَا، كُمَ أَنْكٜىٰٻٜىٰسُ غَ يَهْوٜىٰهْ دُواْمِنْ سُيِ حِدِمَ عَتٜىٰنْتِنْ سَدُوَ؞ 7 عَمَّا كَيْ دَ یَیَنْكَ مَظَا كَطَيْ نٜىٰ ذَاكُيِ حِدِمَ تَڢِرِسْتِ وَدَّ تَشَاڢِ بَغَدٜىٰنْ دَ كُمَ عَيْكِ نَبَايَنْ لَبُلٜىٰنْ، وَتُواْ وُرِے مَڢِے ڟَرْكِے؞ نِے نَبَاكُسُ ݣَوْتَا، دُواْمِنْ كُيِ حِدِمَ عَتٜىٰنْتِنْ سَدُوَ؞ وَنْدَ بَنَظُرِيَرْ لَوِ بَ عِدَنْ يَا ذُواْ كُسَ دُواْمِنْ يَيِ وَنَّنْ حِدِمَ، ذَاعَ كَشٜىٰشِ؞» رَبُوانْ ڢِرِسْتُواْثِے 8 يَهْوٜىٰهْ يَيِ مَغَنَ دَ هَٰرُونَ ثٜىٰوَ «غَاشِ، نِے نَا بَاكَ عَيْكِنْ لُورَ دَ دُكَنْ بَيٜىٰ بَيٜىٰنْ دَ عَكَبَانِ؞ دَغَ دُكَنْ بَيٜىٰ بَيٜىٰ مَاسُ ڟَرْكِے نَ إِسْرَٰٓءِيلَاوَا، رَبُوانْكُ نٜىٰ نَبَاكُ، كَيْ دَ یَیَنْكَ مَظَا؞ وَنَّنْ نٜىٰ رَبُواْ نَڢِرِسْتِ نَدِنْدِنْدِنْ؞ 9 دَغَ ثِكِنْ بَيٜىٰ بَيٜىٰ مَاسُ ڟَرْكِے وَطَنْدَ عَكَ ضَغٜىٰ دَغَ هَدَايُنْ دَ عَكَمِيڧَ مِنِ دَ وُتَا، وَطَنَّنْ ذَاسُ ذَمَ نَاكُ، كُواْ دَ نَهَدَايَ تَهَڟِنٜىٰ، كُواْ نَهَدَايَ تَوَنْكٜىٰ ذُنُوبِ، كُواْ نَهَدَايَ تَشَاڢٜىٰ لَيْڢِے؞ وَطَنَّنْ بَيٜىٰ بَيٜىٰ مَاسُ ڟَرْكِے ذَاسُ ذَمَ نَاكُ، كَيْ دَ یَیَنْكَ مَظَا؞ 10 أَوُرِے مَيْ ڟَرْكِے نٜىٰ ذَاكُثِشِ؞ كُواْوَنٜىٰ نَمِجِ ذَيْ عِيَثِ؞ أَبُ نٜىٰ مَيْ ڟَرْكِے سُواْسَيْ أَغَرٜىٰكَ؞ 11 «غَا أَبِنْدَ يَكٜىٰ نَاكَنٜىٰ؞ سَشٜىٰنْ دَ عَكَ كٜىٰٻٜىٰ نَبَيٜىٰ بَيٜىٰنْ دَ إِسْرَٰٓءِيلَاوَا سُكَ مِيڧَ مِنِ هَدَايَ تَطَغَوَ، نَبَاكُ يَذَمَ رَبُوانْكُ نَدِنْدِنْدِنْ، دَكَيْ دَ یَیَنْكَ مَظَا دَ مَاتَا؞ عَثِكِنْ غِدَنْكَ، دُكْ وَنْدَ يَكٜىٰ مَرَرْ ڧَظَنْتَا ذَيْ عِيَثِ؞ 12 «إِنَ كُمَ بَاكُ دُكَنْ أَبُبُوَ مَڢِے ݣَوْ وَطَنْدَ إِسْرَٰٓءِيلَاوَا سُكَ مِيڧَ مِنِ، وَتُواْ نُونً ڢَارِ نَمَنْ ظَيْتُنْ دَ نَضُوً إِنَبِے دَ كُمَ نَهَڟِ؞ 13 دُكَنْ نُونً ڢَارِ نَأَمْڢَانِنْ غُواْنَ عَڧَسَرْسُ وَطَنْدَ سُكَ كَٰوُاْوَ يَهْوٜىٰهْ ذَاسُ ذَمَ نَاكَ؞ عَثِكِنْ غِدَنْكَ، دُكْ وَنْدَ يَكٜىٰ مَرَرْ ڧَظَنْتَا ذَيْ عِيَثِ؞ 14 «كُواْوَنٜىٰ أَبِنْدَ عَكَ كٜىٰٻٜىٰ مِنِ دُواْمِنْ هَلَّكَرْوَ عَ إِسْرَٰٓءِيلَ ذَيْ ذَمَ نَاكَ؞ 15 «دُكَنْ یَیَنْ ڢَارِنْ دَ إِسْرَٰٓءِيلَاوَا سُكَ مِيڧَ مِنِ، كُواْ نَمُتُمْ كُواْ نَدَبَّ، ذَاسُ ذَمَ نَاكُ؞ عَمَّا كُواْوَنٜىٰ طَنْ ڢَارِ نَمُتُمْ كُواْ نَدَبَّرْ دَتَكٜىٰ مَيْ ڧَظَنْتَا، ذَاكُ ڢَنْشٜىٰشِ؞ 16 ذَاكَ ڢَنْشٜىٰسُ أَ لُواْكَثِنْ دَ سُكَ كَيْ وَتَا طَيَ؞ كُطِنْ ڢَنْسَ ذَيْ ذَمَ أَظُرْڢَا بِيَرْ، بِسَغَ مَعَوْنِنْ أَظُرْڢَا وَنْدَ عَكٜىٰ أَمْڢَانِ دَشِ أَ وُرِے مَيْ ڟَرْكِے؞ 17 عَمَّا طَنْ ڢَارِ نَسَانِيَ، كُواْ نَتُنْكِيَ، كُواْ نَأَكُيَ، بَذَاكَ ڢَنْشٜىٰسُبَ، غَمَا أَنْكٜىٰٻٜىٰسُ دَ ڟَرْكِے نٜىٰ غَ يَهْوٜىٰهْ؞ سَيْ كَيَيَّڢَا جِنِنْسُ عَكَنْ بَغَدٜىٰنْ، كَكُمَ ڧُواْنٜىٰ كِڟٜىٰنْسُ هَدَايَرْدَ عَكَ مِيڧَ دَ وُتَا، هَدَايَ مَيْ دَاطِنْ ڧَنْشِ غَ يَهْوٜىٰهْ؞ 18 عَمَّا نَامَنْسُ ذَيْ ذَمَ نَاكَ، كَمَرْ يَدَّ ڧِرْجِ دَ ثِنْيَرْ دَامَ تَهَدَايَ تَطَغَوَ نَاكَنٜىٰ؞ 19 «دَغَ ثِكِنْ دُكَنْ بَيٜىٰ بَيٜىٰ مَاسُ ڟَرْكِے وَطَنْدَ إِسْرَٰٓءِيلَاوَا سُكَ مِيڧَ مِنِ، رَبُوانْكَ نٜىٰ نَبَاكَ، دَكَيْ دَ یَیَنْكَ مَظَا دَ مَاتَا؞ وَنَّنْ رَبُوانْكَنٜىٰ نَدِنْدِنْدِنْ؞ وَنَّنْ يَرْجٜىٰجٜىٰنِيَ تَغِشِرِ تَهَرْ أَبَدَاثٜىٰ أَغَبَنْ يَهْوٜىٰهْ دُواْمِنْكَ دَ ذُرِيَرْكَ، غَمَا غِشِرِ عَلَمَثٜىٰ تَيَرْجٜىٰجٜىٰنِيَ دَ اللَّهْ نْكُ؞» 20 سَيْ يَهْوٜىٰهْ يَثٜىٰ وَ هَٰرُونَ «بَذَاكَ غَاجِ كُواْمٜىٰ عَڧَسَرْ إِسْرَٰٓءِيلَاوَا بَ، بَذَاكَ كُمَ سَامِ وَنِ رَبُواْ عَثِكِنْسُبَ؞ نِنٜىٰ رَبُوانْكَ دَ غَادُوانْكَ عَثِكِنْ إِسْرَٰٓءِيلَاوَا؞» رَبُوانْ لَوِيَاوَا 21 يَهْوٜىٰهْ يَكُمَثٜىٰ «غَمٜىٰ دَ لَوِيَاوَا، نَبَاسُ كُواْوَثٜىٰ زَكَّ وَدَّ إِسْرَٰٓءِيلَاوَا سُكَ كَٰوُاْ مِنِ تَذَمَ غَادُوانْسُ؞ وَنَّنْ تَذَمَ رَبُوانْ عَيْكِنْسُ كٜىٰنَنْ، وَتُواْ حِدِمَرْ دَسُكٜىٰيِ مِنِ عَثِكِنْ تٜىٰنْتِنْ سَدُوَ؞ 22 دَغَ يَنْذُ ذُوَا نَنْ غَبَ، كَدَ سَوْرَنْ إِسْرَٰٓءِيلَاوَا سُيِ كُسَدَ تٜىٰنْتِنْ، دُواْمِنْ كَدَ سُجَٰوُاْ وَكَنْسُ ذُنُوبِ سُمُتُ؞ 23 عَمَّا لَوِيَاوَا نٜىٰ كَطَيْ ذَاسُيِ حِدِمَ عَتٜىٰنْتِنْ؞ ذَاسُ كُمَ طَوْكِ أَلْحَكِنْ لَيْڢِنْدَ سُكَ عَيْكَتَ أَوُرِنْ؞ وَنَّنْ ڧَٰعِدَ ثٜىٰ تَدِنْدِنْدِنْ حَرْ إِيَاكَرْ ڟَارَرَّكِنْكُ؞ لَوِيَاوَا كُوَ بَذَاسُ سَامِ غَادُواْ عَثِكِنْ إِسْرَٰٓءِيلَاوَا بَ، 24 غَمَا نَابَاسُ رَبُوانْ غَادُوانْسُ نَظَكَّ وَدَّ إِسْرَٰٓءِيلَاوَا سُكَ كٜىٰٻٜىٰ سُكَ كَٰوُاْ مِنِ؞ شِيَسَا نَڢَطَا مُسُ ثٜىٰوَ بَذَاسُ سَامِ غَادُواْ عَثِكِنْ إِسْرَٰٓءِيلَاوَا بَ؞» زَكَّ تَ لَوِيَاوَا 25 يَهْوٜىٰهْ يَيِ مَغَنَ دَ مُوسَٰى ثٜىٰوَ 26 يَڢَطَا وَ لَوِيَاوَا وَطَنَّنْ ڧَٰعِدُواْدِ؞ «سَعَدَّ كُكَ كَرْٻِ زَكَّ دَغَ إِسْرَٰٓءِيلَاوَا، وَدَّ نَبَاكُ تَذَمَ رَبُوانْ غَادُوانْكُ، ذَاكُ كٜىٰٻٜىٰ بَايَرْوَ دَغَ ثِكِ غَ يَهْوٜىٰهْ، وَتُواْ زَكَّ دَغَ ثِكِنْ زَكَّ وَدَّ إِسْرَٰٓءِيلَاوَا سُكَ بَايَرْ؞ 27 وَنَّنْ بَايَرْوَ ذَاعَ لِسَّڢْتَاتَ كَمَرْ بَايَرْوَ وَدَّ مَنُواْمِ يَيِ، وَتُواْ بَايَرْوَ تَسَابُوانْ حَڟِ دَ تَسَابُوانْ ضُوً إِنَبِے؞ 28 تَهَكَ كُو مَا ذَاكُ كٜىٰٻٜىٰ بَايَرْوَ غَ يَهْوٜىٰهْ دَغَ ثِكِنْ زَكَّ وَطَنْدَ كُكَ كَرْٻَ دَغَ إِسْرَٰٓءِيلَاوَا؞ وَنَّنْ بَايَرْوَرْ دَ كُكَ كٜىٰٻٜىٰ غَ يَهْوٜىٰهْ، ذَاكُ بَا هَٰرُونَ ڢِرِسْتِ؞ 29 دَغَ ثِكِنْ دُكَنْ بَيٜىٰ بَيٜىٰنْ دَ عَكَ بَاكُ، ذَاكُ كٜىٰٻٜىٰ كُواْوَثٜىٰ بَايَرْوَرْ دَ تَدَاثٜىٰ دَ يَهْوٜىٰهْ؞ دَغَ ثِكِنْسُ ذَاكُ كٜىٰٻٜىٰ مَڢِے ݣَوْ كُبَايَرْ؞ 30 بَايَنْدَ كُكَ كٜىٰٻٜىٰ سَاشٜىٰ مَڢِے ݣَوْ دَغَ ثِكِنْسُ، ذَاعَ لِسَّڢْتَا سَوْرَنْ غَ لَوِيَاوَا كَمَرْ يَدَّ مَنُواْمِ يَكَنْ رِڧٜىٰ سَوْرَنْ حَڟِ دَ ضُوً إِنَبِے بَايَنْدَ يَبَايَرْدَ زَكَّ؞ 31 كُو دَ عِيَلَنْكُ ذَاكُ عِيَ كُثِ سَوْرَنْ عَكُواْعِنَ، غَمَا رَبُوانْكُ نٜىٰ دُواْمِنْ عَيْكِنْ حِدِمَرْ دَ كُكٜىٰيِ عَتٜىٰنْتِنْ؞ 32 بَذَاكُ جَٰوُاْ وَكَنْكُ ذُنُوبِ سَعَدَّ كُكَثِ وَنَّنْبَ، عِدَنْ دَيْ كُكَ مِيڧَ مَڢِے ݣَوْ دَغَ ثِكِنْسَ؞ عَمَّا كَدَ كُيِ بَنْظَ دَ بَيٜىٰ بَيٜىٰ مَاسُ ڟَرْكِے نَ إِسْرَٰٓءِيلَاوَا تَوُرِنْ ثِنْ أَبِنْدَ يَكٜىٰ نَ يَهْوٜىٰهْ؞ عِدَنْ كُنْيِ حَكَ، ذَاعَ كَشٜىٰكُ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria