ڧِدَايَ 17 - أَتَّوْرَتْ دَ أَنَّبَاوَا

سَنْدَنْ هَٰرُونَ يَيِ ڟِرُواْ

¹ يَهْوٜىٰهْ يَيِ مَغَنَ دَ مُوسَٰى ثٜىٰوَ

² ‏«‏كَڢَطَا وَ إِسْرَٰٓءِيلَاوَا سُكَٰوُاْ سَنْدُنَ غُدَا غُواْمَشَا بِيُ دَغَ دُكَنْ شُوغَبَنِّنْسُ، سَنْدَا طَيَ دَغَ كُواْوَنٜىٰ غِدَنْ كَاكَنِّنْسُ؞ كَرُبُوتَ سُونَنْ كُواْوَنٜىٰ مُتُمْ عَكَنْ سَنْدَنْسَ؞

³ سَيْ كَرُبُوتَ سُونَنْ هَٰرُونَ عَكَنْ سَنْدَنْ ذُرِيَرْ لَوِ؞ غَمَا ذَاعَ شِرْيَ سَنْدَا طَيَ دُواْمِنْ كُواْوَنٜىٰ شُوغَبَنْ غِدَنْ كَاكَنِّ؞

⁴ كَأَجِيٜىٰ سَنْدُنَنْ عَتٜىٰنْتِنْ سَدُوَ أَغَبَنْ عَݣُوتِنْ شَيْدَرْ يَرْجٜىٰجٜىٰنِيَ، عِنْدَ نَكَنْ سَدُ دَكَيْ؞

⁵ سَنْدَنْ مُتُمِنْدَ نَذَاٻَا ذَيْ يِڟِرُواْ؞ تَهَكَنٜىٰ ذَنْ كَٰوُاْ غَ ڧَرْشٜىٰ دُكَنْ غُنَغُنِنْ دَ مُتَنٜىٰنْ إِسْرَٰٓءِيلَ سُكٜىٰيِ عَكَنْكُ؞»‏

⁶ سَيْ مُوسَٰى يَيِ مَغَنَ دَ إِسْرَٰٓءِيلَاوَا؞ دُكَنْ شُوغَبَنِّنْسُ سُكَ بَاشِ سَنْدَا طَيَ طَيَ، وَتُواْ سَنْدَا طَيَ دَغَ كُواْوَنٜىٰ شُوغَبَا بِسَغَ غِدَاجٜىٰنْ كَاكَنِّنْسُ، سَنْدُنَ غُواْمَشَا بِيُ كٜىٰنَنْ؞ سَنْدَنْ هَٰرُونَ يَنَ ثِكِنْ سَنْدُنَ غُواْمَشَا بِيُ طِنْ؞

⁷ سَيْ مُوسَٰى يَأَجِيٜىٰ سَنْدُنَنْ أَغَبَنْ يَهْوٜىٰهْ عَثِكِنْ تٜىٰنْتِنْ شَيْدَرْ يَرْجٜىٰجٜىٰنِيَ؞

⁸ وَشٜىٰغَرِ سَعَدَّ مُوسَٰى يَشِغَ تٜىٰنْتِنْ، غَاشِ سَنْدَنْ هَٰرُونَ نَغِدَنْ لَوِ يَيِ ڟِرُواْ؞ بَنْدَ حَكَمَا يَڢِتَرْدَ سَابُوانْ غَنْيٜىٰ، يَيِ ڢُلَوَ، يَكُمَيِ یَیَنْ أَلْمُوانْ وَطَنْدَ سُكَ نُونَ؞

⁹ سَيْ مُوسَٰى يَݣُوشِ دُكَنْ سَنْدُنَنْ دَسُكٜىٰ أَغَبَنْ يَهْوٜىٰهْ، يَنُونَ وَ دُكَنْ مُتَنٜىٰنْ إِسْرَٰٓءِيلَ؞ سُكَ دُوبَ، كُواْوَنٜىٰ مُتُمْ كُوَ يَطَوْكِ سَنْدَنْسَ؞

¹⁰ سَيْ يَهْوٜىٰهْ يَثٜىٰ وَ مُوسَٰى ‏«‏كَمَيَرْدَ سَنْدَنْ هَٰرُونَ أَغَبَنْ عَݣُوتِنْ شَيْدَرْ يَرْجٜىٰجٜىٰنِيَ؞ ذَيْ ذَمَ عَلَمَ غَ إِسْرَٰٓءِيلَاوَا مَاسُ تَاوَيٜىٰ ثٜىٰوَ عِدَنْ بَسُ دَيْنَ وَنَّنْ حَلِنْ غُنَغُنِ عَكَيْنَ بَ، دُكَنْسُ ذَاسُ مُتُ؞»‏

¹¹ سَيْ مُوسَٰى يَيِ دَيْدَيْ بِسَغَ أَبِنْدَ يَهْوٜىٰهْ يَعُمَرْثٜىٰشِ؞

عَيْكِنْ تٜىٰنْتِنْ، عَيْكِنْ ڢِرِسْتِنٜىٰ

¹² سَيْ إِسْرَٰٓءِيلَاوَا سُكَثٜىٰ وَ مُوسَٰى ‏«‏أَيْ إِنْ حَكَنٜىٰ، تَامُ تَا ڧَارٜىٰ كٜىٰنَنْ!‏ مُنْ لَلَثٜىٰ!‏ دُكَنْمُ مُنْ هَلَّكَ!‏

¹³ عِدَنْ أَنْثٜىٰ دُكْ وَنْدَ يَذُواْ كُسَدَ تٜىٰنْتِنْ كَسَنْثٜىٰوَرْ يَهْوٜىٰهْ ذَيْمُتُ، أَيْ، دُكَنْمُ مُنْ هَلَّكَ كٜىٰنَنْ!‏»‏