ڧِدَايَ 16 - أَتَّوْرَتْ دَ أَنَّبَاوَاتَاوَيٜىٰنْ ڧَارُونَ دَ دَتَنْ دَ أَبِرَمْ 1 أَنَانً سَيْ ڧَارُونَ طَنْ إِظْهَرْ جِيكَنْ كُواْهَتْ، نَظُرِيَرْ لَوِ يَيِ تَاوَيٜىٰ عَكَنْ شُوغَبَنْثِنْ مُوسَٰى، تَرٜىٰ دَشِ كُوَ أَݣَويْ دَتَنْ دَ أَبِرَمْ یَیَنْ عٜىٰلِيَبْ دَ عُوانْ طَنْ ڢٜىٰلٜىٰتْ نَظُرِيَرْ رَعُبَيْنُ؞ 2 سُكَ حَطَ بَاكِ دَ وَطَنْسُ إِسْرَٰٓءِيلَاوَا طَرِے بِيُ دَ حَمْسِنْ، شُوغَبَنِّنْ جَمَعَ، وَطَنْدَ عَكَسَنْسُ سُواْسَيْ، وَطَنْدَ عَكٜىٰ كِرَا سُونَنْسُ عَثِكِنْ تَارُوانْ جَمَعَ؞ سَيْ سُكَ ڢُسْكَنْثِ مُوسَٰى؞ 3 سُكَ تَارُ سُنْ ذُواْ غَبَنْ مُوسَٰى دَ هَٰرُونَ سُكَثٜىٰ مُسُ «لَلَّيْ كُنْ وُثٜىٰ غُواْنَ دَ إِرِ! دُكَنْ تَارُوانْ جَمَعَرْ نَنْ، أَنْكٜىٰٻٜىٰ كُواْوَنّٜىٰنْسُ دَ ڟَرْكِے، يَهْوٜىٰهْ كُمَ يَنَ تَرٜىٰدَسُو؞ مٜىٰيَسَا كُكٜىٰ طَوْكَرْ كَنْكُ ڢِيٜىٰدَ سَوْرَنْ جَمَعَرْ يَهْوٜىٰهْ؟» 4 دَ مُوسَٰى يَجِ وَنَّنْ، سَيْ يَڢَاطِ دَ ڢُسْكَرْسَ حَرْ ڧَسَا؞ 5 سَيْ يَيِ مَغَنَ دَ ڧَارُونَ دَ ڧُنْغِيَرْسَ ثٜىٰوَ «غُواْبٜىٰ دَ سَڢٜىٰ، يَهْوٜىٰهْ ذَيْ نُونَ مَنَ وَنْدَ يَكٜىٰ نَاسَ، وَنْدَ عَكَ كٜىٰٻٜىٰ دَ ڟَرْكِے، وَنْدَ كُمَ ذَيْ عِيَ ذُوَا كُسَدَشِ؞ وَنْدَ يَذَاٻَا، شِينٜىٰ ذَيْ بَرْ شِ يَذُواْ كُسَدَ بَغَدٜىٰنْسَ؞ 6 كَيْ ڧَارُونَ دَ ڧُنْغِيَرْكَ، غَ أَبِنْدَ ذَاكُيِ؞ غُواْبٜىٰ كُطَوْكِ ݣُونُواْنِ نَڧُواْنَ تُرَارٜىٰ، 7 كُكُمَسَا مُسُ وُتَادَ تُرَارٜىٰ، كُكَيْسُ أَغَبَنْ يَهْوٜىٰهْ؞ سَعَنً ذَامُ غَ مُتُمِنْ دَ يَهْوٜىٰهْ يَذَاٻَا، شِينٜىٰ مُتُمِنْ دَ عَكَ كٜىٰٻٜىٰ دَ ڟَرْكِے؞ كُو لَوِيَاوَا، كُنْ وُثٜىٰ غُواْنَ دَ إِرِ!» 8 سَيْ مُوسَٰى يَسَاكٜىٰ ثٜىٰ وَ ڧَارُونَ «يَنْذُ كُكَسَ كُنّٜىٰ، يَا كُو لَوِيَاوَا! 9 أَغَنِنْكُ، ڧَرَمِنْ أَبُ نٜىٰ وَنْدَ يَهْوٜىٰهْ يَيِ دَ يَكٜىٰٻٜىٰكُ دَغَ سَوْرَنْ جَمَعَرْ إِسْرَٰٓءِيلَ؟ كُواْ كُنَ غَنِ ڧَرَمِنْ أَبُ نٜىٰ دَ يَهْوٜىٰهْ يَبَرْكُ كُيِ كُسَدَشِ دُواْمِنْ كُيِ عَيْكِنْسَ عَثِكِنْ تٜىٰنْتِنْ كَسَنْثٜىٰوَرْسَ؟ كُواْ ڧَرَمِنْ أَبُ نٜىٰ دَ يَهْوٜىٰهْ يَدَنْڧَ مُكُ عَيْكِنْ حِدِمَ أَمَدَدِنْ سَوْرَنْ جَمَعَ؟ 10 يَهْوٜىٰهْ يَيَرْدَ مَكَ كَذُواْ كُسَدَشِ، كَيْ دَ دُكَنْ یَنْعُوَنْكَ لَوِيَاوَا؞ كَمَرْ وَنَّنْ بَيْ إِسَ بَ، كَنَ كُمَ نٜىٰمَنْ عَيْكِنْ ڢِرِسْتِ! 11 حَڧِيڧَ، كَيْ دَ ڧُنْغِيَرْكَ كُنَ غُنَغُنِ غَمٜىٰدَ هَٰرُونَ، عَمَّا وَنٜىٰنٜىٰ هَٰرُونَ دَ كُكٜىٰ غُنَغُنِ عَكَنْسَ؟ أَيْ، يَهْوٜىٰهْ نٜىٰ كُكٜىٰيِوَ تَاوَيٜىٰ!» 12 سَيْ مُوسَٰى يَعَيْكَ عَكِرَوُاْ دَتَنْ دَ أَبِرَمْ، یَیَنْ عٜىٰلِيَبْ، عَمَّا سُكَثٜىٰ «بَذَامُ ذُوابَ! 13 بَيْ إِشٜىٰكَبَ دَ كَڢِتُواْ دَمُو دَغَ ڧَسَرْ مَصَرْ، ڧَسَاثٜىٰ مَيْ ظُبَرْدَ مَدَرَ دَ ظُمَ، مَيْ أَمْڢَانِ، دُواْمِنْ كَكَشٜىٰمُ أَدَاجِنَّنْ؟ يَنْذُ سَرْكِنْمُ نٜىٰ كَكٜىٰسُواْ كَذَمَ؟ 14 غَاشِ، بَكَ مَا كَٰوُاْمُ ذُوَا ڧَسَا مَيْ أَمْڢَانِبَ؞ بَكَكُمَ بَامُ غَادُوانْ غُواْنَكِ دَ غُواْنَكِنْ عِتَتُوَنْ إِنَبِبَ؞ كَنَ تُنَانِ مُو مَكَڢِ نٜىٰ؟ مُنْڧِ، بَذَامُذُواْ بَ!» 15 سَيْ مُوسَٰى يَيِ ڢُشِے سُواْسَيْ، يَثٜىٰوَ يَهْوٜىٰهْ «كَدَ كَكَرْٻِ بَيٜىٰ بَيٜىٰنْسُ؞ بَنْيِ وَوَنِنْسُ لَيْڢِے بَ، بَلّٜىٰ عَثٜىٰ إِنْڨُوثٜىٰ وَنِ أَبُ كَمَرْ طَنْ جَاكِ دَغَ كُواْ طَيَنْسُبَ؞» حُكُنْثِنْ تَاوَيٜىٰنْ ڧَارُونَ دَ دَتَنْ دَ أَبِرَمْ 16 سَيْ مُوسَٰى يَثٜىٰوَ ڧَارُونَ «غُواْبٜىٰ كُذُواْ نَنْ أَغَبَنْ تٜىٰنْتِنْ كَسَنْثٜىٰوَرْ يَهْوٜىٰهْ دَكَيْ دَ ڧُنْغِيَرْ مُتَنٜىٰنْكَ طَرِے بِيُ دَ حَمْسِنْ؞ هَٰرُونَ مَا ذَيْ كَسَنْثٜىٰ أَوُرِنْ؞ 17 كُواْوَنّٜىٰنْكُ ذَيْ طَوْكِ ݣُونُوانْسَ نَڧُواْنَ تُرَارٜىٰ، يَسَا تُرَارٜىٰ عَثِكِ، يَمِيڧَ شِ أَغَبَنْ يَهْوٜىٰهْ، وَتُواْ ݣُونُواْ نَڧُواْنَ تُرَارٜىٰ غُدَا طَرِے بِيُ دَ حَمْسِنْ كٜىٰنَنْ؞ كَيْ دَ هَٰرُونَ، كُواْوَنّٜىٰنْكُ دَ نَاسَ ݣُونُواْ نَڧُواْنَ تُرَارٜىٰ؞» 18 سَيْ كُواْوَنٜىٰ مُتُمْ يَطَوْكِ ݣُونُوانْسَ نَڧُواْنَ تُرَارٜىٰ، يَسَا تُرَارٜىٰ دَ وُتَا عَثِكِ؞ سَيْ سُكَ ڟَيَ عَڧُواْڢَرْ شِغَ تٜىٰنْتِنْ سَدُوَ تَرٜىٰدَ مُوسَٰى دَ هَٰرُونَ؞ 19 كَاڢِنْ لُواْكَثِنْ، ڧَارُونَ يَا رِغَا يَا جَا حَنْكَلِنْ جَمَعَرْ؞ سَيْ دُكَنْ تَارُوانْ جَمَعَرْ سُكَ تَتَّارُ سُكَ ڟَيَ سُنَ ڢُسْكَنْتَرْ مُوسَٰى دَ هَٰرُونَ عَڧُواْڢَرْ شِغَ تٜىٰنْتِنْ؞ سَيْغَا حَصْكٜىٰنْ طَوْكَكَرْ يَهْوٜىٰهْ يَبَيَّنَ غَ دُكَنْ جَمَعَرْ؞ 20 سَيْ يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ 21 «جَا بَايَ دَغَ وَنَّنْ جَمَعَ، دُواْمِنْ إِنْ هَلَّكَرْ دَسُو غَبَاطَيَ نَنْ دَنَنْ؞» 22 عَمَّا مُوسَٰى دَ هَٰرُونَ سُكَ ڢَاطِ دَ ڢُسْكَرْسُ حَرْ ڧَسَا سُكَثٜىٰ «يَا اللَّهْ، كَيْنٜىٰ اللَّهْ، تُوشٜىٰنْ نُمْڢَشِنْ رَيْ نَدُكَنْ حَلِتَّ؞ إِنْ مُتُمْ طَيَ يَيِ ذُنُوبِ، ذَاكَيِ ڢُشِے دَ دُكَنْ جَمَعَ؟» 23 سَيْ يَهْوٜىٰهْ يَيِ مَغَنَ دَ مُوسَٰى يَثٜىٰ، 24 «ڢَطَا وَجَمَعَ سُجَا بَايَ سُيِ نِيسَ دَ تٜىٰنْتُنَنْ ڧَارُونَ دَ دَتَنْ دَ كُمَ أَبِرَمْ؞» 25 سَيْ مُوسَٰى تَرٜىٰدَ دَتَّاوَنْ إِسْرَٰٓءِيلَ سُكَتَاشِ سُكَجٜىٰ وُرِنْ دَتَنْ دَ أَبِرَمْ؞ 26 سَيْ يَڢَطَا وَجَمَعَرْ «كُجَا بَايَ دَغَ تٜىٰنْتُنَنْ وَطَنَّنْ مُوغَيٜىٰنْ مُتَنٜىٰ، كُمَ كَدَ كُتَٻَ كُواْ أَبُ طَيَ ثِكِنْ كَايَنْسُ، دُواْمِنْ كَدَ أَ هَلَّكَرْ دَكُو سَبُواْدَ دُكَنْ ذُنُبَنْسُ؞» 27 سَيْ جَمَعَ سُكَجَا بَايَ دَغَ تٜىٰنْتُنَنْ ڧَارُونَ دَ دَتَنْ دَ أَبِرَمْ؞ دَتَنْ دَ أَبِرَمْ كُوَ سُكَ ڢِتُواْ سُكَ ڟَيَ عَڧُواْڢُواْڢِنْ شِغَرْ تٜىٰنْتُنَنْسُ، سُو دَ مَاتَنْسُ دَ یَیَنْسُ دَ يَارَنْسُ ڧَنَانَا؞ 28 سَيْ مُوسَٰى يَثٜىٰ وَجَمَعَرْ «تَهَكَ ذَاكُ سَنِ ثٜىٰوَ يَهْوٜىٰهْ نٜىٰ يَعَيْكٜىٰنِ إِنْيِ دُكَ وَطَنَّنْ أَبُبُوَنْ، كُمَ بَنِے بَنٜىٰ نَذَاٻَا إِنْيِسُ؞ 29 عِدَنْ مُتَنٜىٰنَّنْ سُنْ مُتُ كَمَرْ يَدَّ مُتَنٜىٰ سُكٜىٰ مُتُوَ، كُواْ كُمَ عِدَنْ أَبِنْدَ يَكَنْ سَامِ كُواْوَ شِينٜىٰ يَسَامٜىٰسُ، تُواْ، بَ يَهْوٜىٰهْ نٜىٰ يَعَيْكٜىٰنِبَ؞ 30 عَمَّا عِدَنْ يَهْوٜىٰهْ يَعَيْكَتَ وَنِ سَابُوانْ أَبُ، حَرْ يَسَا ڧَسَا تَبُوطٜىٰ بَاكِنْتَ، تَهَطِيٜىٰ وَطَنَّنْ مُتَنٜىٰنْ دَ دُكَنْ كَايَنْ دَسُكٜىٰ دَشِ، سُكَ كُمَ غَنْغَرَ أَ رَايٜىٰ ذُوَا وُرِنْ ذَمَنْ مَتَتُّو، تَهَكَ ذَاكُ سَنِ ثٜىٰوَ مُتَنٜىٰنَّنْ سُنْ رٜىٰنَ يَهْوٜىٰهْ؞» 31 دَظَرَرْ يَغَمَ مَغَنَرْ، بَا لَابَرِ سَيْ ڧَسَا عِنْدَ دَتَنْ دَ أَبِرَمْ سُكٜىٰ ڟَيٜىٰ تَڟَٰغٜىٰ؞ 32 ڧَسَرْ تَبُوطٜىٰ بَاكِنْتَ تَهَطِيٜىٰسُ دَ دُكَنْ عِيَلَنْسُ، تَرٜىٰدَ دُكَنْ ڧُنْغِيَرْ ڧَارُونَ دَ دُكَنْ كَايَنْسُ؞ 33 تَهَكَ سُو دَ دُكَنْ كَايَنْ دَسُكٜىٰ دَشِ سُكَ غَنْغَرَ أَ رَايٜىٰ ذُوَا وُرِنْ ذَمَنْ مَتَتُّو؞ ڧَسَرْ كُمَ تَكُواْمَ تَرُڢٜىٰسُ غَبَاطَيَ، سُكَ ٻَثٜىٰ دَغَ ثِكِنْ تَارُوانْ جَمَعَ؞ 34 دُكَنْ مُتَنٜىٰنْ إِسْرَٰٓءِيلَ دَسُكٜىٰ أَوُرِنْ سُنْ غُدُ دَجِنْ إِيهُنْسُ؞ غَمَا سُنْثٜىٰ «غُدُ! كَدَ ڧَسَرْ تَهَطِيٜىٰمُ مَا!» 35 وُتَا تَڢِتَ دَغَ وُرِنْ يَهْوٜىٰهْ تَثِنْيٜىٰ مُتَنٜىٰنَّنْ طَرِے بِيُ دَ حَمْسِنْ وَطَنْدَ سُكٜىٰ مِيڧَ تُرَارٜىٰ نَڧُواْنَاوَا؞ ݣُونُواْنِ نَڧُواْنَ تُرَارٜىٰ 36 سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ 37 يَڢَطَا وَ عٜىٰلٜىٰيَظَرْ طَنْ هَٰرُونَ ڢِرِسْتِ يَثِثِّرٜىٰ ݣُونُواْنِ نَڧُواْنَ تُرَارٜىٰ دَغَ وُرِنْ دَ وُتَا تَثِنْيٜىٰ مُتَنٜىٰ، غَمَا أَنْكٜىٰٻٜىٰ ݣُونُواْنِنْ دَ ڟَرْكِے؞ بَايَنْ حَكَ سَيْ يَوَرْوَاڟَرْدَ غَرْوَشِ دَغَ ثِكِنْ ݣُونُواْنِ نَڧُواْنَ تُرَارٜىٰ؞ 38 عَثِرٜىٰ ݣُونُواْنِ نَڧُواْنَ تُرَارٜىٰ نَوَطَنْدَ سُكَ مُتُ سَبُواْدَ ذُنُبَنْسُ؞ سَيْ عَڧٜىٰرَسُ سُذَمَ مُرْڢِنْ بَغَدٜىٰنْ، غَمَا تُنْدَ عَكَيِ أَمْڢَانِ دَسُو دُواْمِنْ هَدَايَ غَ يَهْوٜىٰهْ، سُنْ ذَمَ وَطَنْدَ عَكَ كٜىٰٻٜىٰ دَ ڟَرْكِے كٜىٰنَنْ؞ بَرِ سُذَمَ أَبِنْ غَرْغَطِے غَ جَمَعَرْ إِسْرَٰٓءِيلَ؞ 39 سَيْ عٜىٰلٜىٰيَظَرْ ڢِرِسْتِ يَطَوْكِ ݣُونُواْنِنْ تَغُلَّ نَڧُواْنَ تُرَارٜىٰ وَطَنْدَ مُتَنٜىٰنْ دَ عَكَ هَلَّكَ سُكَ مِيڧَ؞ عَكَ ڧٜىٰرَسُ سُذَمَ مُرْڢِنْ بَغَدٜىٰنْ؞ 40 وَنَّنْ يَذَمَ أَبِنْ غَرْغَطِے غَ إِسْرَٰٓءِيلَاوَا ثٜىٰوَ كَدَ وَنْدَ بَ ڢِرِسْتِ بَ، وَتُواْ وَنْدَ بَدَغَ ذُرِيَرْ هَٰرُونَ بَ، يَيِ كُسَدَ بَغَدٜىٰنْ دُواْمِنْ يَڧُواْنَ تُرَارٜىٰ أَغَبَنْ يَهْوٜىٰهْ؞ دُكْ وَنْدَ بَ ڢِرِسْتِ بَايَ كُمَيِ كُسَدَ بَغَدٜىٰنْ دُواْمِنْ يَڧُواْنَ تُرَارٜىٰ، أَبِنْدَ يَڢَرُ دَ ڧَارُونَ ذَيْسَامٜىٰشِ؞ أَنْيِ حَكَ بِسَغَ يَدَّ يَهْوٜىٰهْ يَڢَطَا وَ عٜىٰلٜىٰيَظَرْ تَبَاكِنْ مُوسَٰى؞ هَٰرُونَ يَڟَيَ أَمَدَدِنْ جَمَعَ 41 وَشٜىٰغَرِ، سَيْ دُكَنْ جَمَعَرْ إِسْرَٰٓءِيلَ سُكَيِ غُنَغُنِ عَكَنْ مُوسَٰى دَ هَٰرُونَ سُنَ ثٜىٰوَ «كُو نٜىٰ كُكَ كَشٜىٰ مُتَنٜىٰنْ يَهْوٜىٰهْ؞» 42 عَمَّا سَعَدَّ تَارُوانْ جَمَعَ سُكَ تَارُ دُواْمِنْ سُيِ غَابَادَ مُوسَٰى دَ هَٰرُونَ، سَيْ مُوسَٰى دَ هَٰرُونَ سُكَ جُويَا ڢُسْكَرْسُ غَ تٜىٰنْتِنْ سَدُوَ؞ سَيْغَا ڧُنْشِنْ غِرْغِجٜىٰ يَرُڢٜىٰ تٜىٰنْتِنْ، حَصْكٜىٰنْ طَوْكَكَرْ يَهْوٜىٰهْ كُمَ يَبَيَّنَ؞ 43 سَيْ مُوسَٰى دَ هَٰرُونَ سُكَ تَڢِے وَجٜىٰنْ ڧُواْڢَرْ تٜىٰنْتِنْ سَدُوَ؞ 44 سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ 45 «كُو كُجَا بَايَ دَغَ وَنَّنْ جَمَعَ، دُواْمِنْ إِنْ هَلَّكَرْ دَسُو غَبَاطَيَ نَنْ دَنَنْ؞» سَيْ سُكَ ڢَاطِ دَ ڢُسْكَرْسُ حَرْ ڧَسَا؞ 46 سَيْ مُوسَٰى يَثٜىٰ وَ هَٰرُونَ «طَوْكِ ݣُونُوانْكَ نَڧُواْنَ تُرَارٜىٰ، كَسَا غَرْوَشِنْ وُتَادَغَ بَغَدٜىٰنْ عَكَيْ، كَكُمَسَا تُرَارٜىٰ عَكَنْ غَرْوَشِنْ؞ سَيْ كَتَڢِے دَ سَوْرِ ذُوَا وُرِنْ جَمَعَ، كَيِ ڧَٰعِدَ تَطَوْكَرْ أَلْحَكِنْ ذُنُوبِنْسُ؞ يِسَوْرِ! غَمَا ڢُشِنْ يَهْوٜىٰهْ يَا رِغَا يَا ٻَرْكٜىٰ، كُمَ بَلَعِ يَا رِغَا يَا ڢَارَ؞» 47 بِسَغَ عُمَرْنِنْ مُوسَٰى، حَكَ كُوَ هَٰرُونَ يَيِ؞ يَتَاشِ أَغُجٜىٰ ذُوَا ڟَكِيَرْ تَارُوانْ جَمَعَرْ، عِنْدَ بَلَعِنْ يَا رِغَا يَا ڢَارَ؞ سَيْ يَسَا تُرَارٜىٰنْ عَكَنْ غَرْوَشِنْ وُتَا، يَيِ ڧَٰعِدَ تَطَوْكَرْ أَلْحَكِنْ ذُنُوبِنْ مُتَنٜىٰنْ؞ 48 يَڟَيَ ڟَكَانِنْ مَتَتُّو دَ مَاسُ رَيْ؞ بَلَعِنْ كُوَ يَڟَيَ؞ 49 عَمَّا دُكْدَهَكَ مُتَنٜىٰنْ دَ سُكَ مُتُ سَبُواْدَ بَلَعِنْ، سُنْ كَيْ دُبُو غُواْمَشَا حُطُ دَ طَرِے بَݣَويْ، بَنْدَ وَطَنْدَ سُكَ مُتُ أَ ذَنْثٜىٰنْ تَاوَيٜىٰنْ ڧَارُونَ؞ 50 بَايَنْدَ عَكَ ڟَيَرْ دَ بَلَعِنْ، سَيْ هَٰرُونَ يَكُواْمَ وُرِنْ مُوسَٰى عَڧُواْڢَرْ شِغَ تٜىٰنْتِنْ سَدُوَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria