ڧِدَايَ 14 - أَتَّوْرَتْ دَ أَنَّبَاوَاجَمَعَرْ إِسْرَٰٓءِيلَ سُنْيِ تَاوَيٜىٰ 1 دَ دَرٜىٰ أَ رَانَرْ سَيْ دُكَنْ جَمَعَرْ سُكَتَادَ بَبَّرْ مُرْيَ سُنَ تَكُوكَا؞ 2 دُكَنْ إِسْرَٰٓءِيلَاوَا سُكَيِ غُنَغُنِ عَكَنْ مُوسَٰى دَ هَٰرُونَ سُكَثٜىٰ «أَيْ دَمَا مُنْ مُتُ أَ مَصَرْ دَ يَڢِ! أَيْ دَمَا مُمُتُ أَدَاجِنَّنْ دَ ذَيْڢِ! 3 مٜىٰيَسَا يَهْوٜىٰهْ يَكٜىٰ كَٰوُاْمُ ڧَسَرْ نَنْ دُواْمِنْ يَبَرْمُ مُمُتُ تَوُرِنْ تَكُواْبِے؟ ذَاعَكُمَ ڨُوثٜىٰ مَاتَنْمُ دَ يَارَنْمُ ڧَنَانَا عَيَاڧِ؞ بَذَيْڢِ مَنَ ݣَوْ، مُكُواْمَ ڧَسَرْ مَصَرْ بَ؟» 4 سَيْ سُكَثٜىٰوَ جُونَ «ذُواْ مُذَاٻِ مُتُمِنْ دَ ذَيْ جَغُواْرَنْثٜىٰمُ، مُكُواْمَ ڧَسَرْ مَصَرْ؞» 5 سَيْ مُوسَٰى دَ هَٰرُونَ سُكَ ڢَاطِ دَ ڢُسْكَرْسُ عَڧَسَا أَغَبَنْ دُكَنْ تَارُوانْ جَمَعَرْ إِسْرَٰٓءِيلَ؞ 6 سَيْ يُواْشُوَ طَنْ نُنْ دَ كَلٜىٰبْ طَنْ يٜىٰڢُنّٜىٰ، وَطَنْدَ سُكٜىٰ تَرٜىٰدَ وَطَنْدَ سُكَ تَڢِے لٜىٰڧٜىٰنْ أَسِيرِنْ ڧَسَرْ، سُكَ يَيَّاغٜىٰ رِيغُنَنْسُ دُواْمِنْ بَڧِنْ ثِكِ؞ 7 سُكَ كُمَ ثٜىٰوَ دُكَنْ تَارُوانْ جَمَعَرْ إِسْرَٰٓءِيلَ «ڧَسَرْ دَ مُكَ بِنْثِكَ، ڧَسَاثٜىٰ مَيْ أَمْڢَانِ سُواْسَيْ؞ 8 عِدَنْ يَهْوٜىٰهْ يَنَ جِنْ دَاطِنْمُ، ذَيْ كَيْمُ ڧَسَرْ، يَكُمَ بَامُ عِتَ، ڧَسَرْ مَيْ ظُبَرْدَ مَدَرَ دَ ظُمَ، ڧَسَاثٜىٰ مَيْ أَمْڢَانِ؞ 9 سَيْ دَيْ كَدَ كُيِ وَ يَهْوٜىٰهْ تَاوَيٜىٰ، كُمَ كَدَ كُجِڟُواْرُوانْ مُتَنٜىٰنْ دَسُكٜىٰ عَڧَسَرْ؞ ذَامُثِسُ بَا وُيَ! يَهْوٜىٰهْ يَنَ تَرٜىٰدَمُو، يَا رِغَا يَا ثِنَصَرَا عَكَنْ أَلُّواْلِنْ دَ سُكَ ڟَرٜىٰسُ؞ سَبُواْدَ حَكَ، كَدَ كُجِڟُواْرُوانْسُ؞» يَهْوٜىٰهْ يَيِ ڢُشِے 10 عَمَّا دُكَنْ تَارُوانْ جَمَعَرْ إِسْرَٰٓءِيلَ سُكَسُواْ سُجٜىٰجّٜىٰڢٜىٰسُ دَ دُوَڟُو، بَا لَابَرِ سَيْ حَصْكٜىٰنْ طَوْكَكَرْ يَهْوٜىٰهْ يَبَيَّنَ غَ دُكَنْ إِسْرَٰٓءِيلَاوَا دَغَ بِسَ تٜىٰنْتِنْ سَدُوَ؞ 11 سَيْ يَهْوٜىٰهْ يَثٜىٰ وَ مُوسَٰى «حَرْ يَوْشٜىٰ مُتَنٜىٰنَّنْ ذَاسُ رٜىٰنَنِ؟ حَرْ يَوْشٜىٰ ذَاسُڧِ أَمِنْثٜىٰوَ دَنِے، دُكْ دَ أَيُّكَنْ بَنْ مَامَاكِنْدَ نَعَيْكَتَ أَغَبَنْسُ؟ 12 ذَنْ هَلَّكَرْ دَسُو دَ بَلَعِ، إِنْكُمَ رَبَسُ دَ غَادُوانْ دَ نَكٜىٰبَاسُ؞ ذَنْ كُوَ تَادَ وَتَ أَلْعُمَّ دَغَ ثِكِنْكَ، أَلْعُمَّرْ دَ تَڢِسُ غِرْمَ دَ إِيكُواْ؞» مُوسَٰى يَيِ أَدُّعَ أَمَدَدِنْ جَمَعَرْ 13 عَمَّا مُوسَٰى يَثٜىٰوَ يَهْوٜىٰهْ «كَيْ كَڢِتَرْدَ جَمَعَرْ نَنْ دَغَ ڧَسَرْ مَصَرْ دَ ڧَرْڢِنْ إِيكُوانْكَ؞ أَيْ، عِدَنْ مَصَرَاوَا سُكَجِ لَابَرِنَّنْ، 14 ذَاسُ ڢَطَا وَمَذَوْنَنْ وَنَّنْ ڧَسَا؞ مُتَنٜىٰنَّنْ سُنْ رِغَا سُنْجِ ثٜىٰوَ كَيْ، يَا يَهْوٜىٰهْ، كَنَ تَرٜىٰدَ جَمَعَرْكَ؞ سُنْ سَنْ يَدَّ كَبَيَّنَ كَنْكَ ڢُسْكَ دَ ڢُسْكَ أَغَرٜىٰسُ دَ كُمَ يَدَّ كَبِدَسُ دَ رَانَ دَ ڧُنْشِنْ غِرْغِجٜىٰنْ دَيَكٜىٰ عَبِسَنْسُ دَ دَرٜىٰ كُمَ دَ ڧُنْشِنْ وُتَا؞ 15 يَنْذُ عِدَنْ كَكَشٜىٰ جَمَعَرْ نَنْ أَ لُواْكَثِ طَيَ، أَلْعُمَّنْ دَ سُنْ رِغَا سُنْجِ لَابَرِنْكَ ذَاسُثٜىٰ، 16 ‹سَبُواْدَ يَهْوٜىٰهْ بَيْ عِيَ كَيْ جَمَعَرْ نَنْ ذُوَا ثِكِنْ ڧَسَرْدَ يَيِ ضَنْڟُوَا ثٜىٰوَ ذَيْبَاسُبَ، شِے يَسَا يَكَشٜىٰسُ أَدَاجِ؞› 17 سَبُواْدَ حَكَ، يَا يَهْوٜىٰهْ، إِنَ ضُواْڧُوانْكَ، بَرِ كَنُونَ إِيكُوانْكَ مَيْغِرْمَ أَ ڢِيلِ كَمَرْ يَدَّ كَيِ أَلْڧَوَرِ؞ غَمَا كَاثٜىٰ، 18 « ‹نِے يَهْوٜىٰهْ، مَرَرْ سَوْرِنْ ڢُشِنٜىٰ، مَيْ يَوَنْ ڧَوْنَ مَرَرْ ثَنْجَاوَا، مَيْ غَاڢَرْتَا لَيْڢِے دَ ذُنُوبِنْ غَنْغَنْثِ؞ دُكْدَهَكَ، بَمَيْكَاسَ حُكُنْتَ مَيْ لَيْڢِے بَنٜىٰ، مَيْ حُكُنْتَ یَیَ سَبُواْدَ ذُنُوبِنْ إِيَايٜىٰنْسُ حَرْ ذُوَا ڟَارَا تَ عُكُ دَ تَهُطُ؞› » 19 «يَنْذُ، يَا يَهْوٜىٰهْ، بِسَغَ يَوَنْ ڧَوْنَرْكَ مَرَرْ ثَنْجَاوَا، إِنَضُواْڧُوانْكَ، كَغَاڢَرْتَ لَيْڢِنْ جَمَعَرْ نَنْ، كَمَرْ يَدَّ كَيِ تَغَاڢَرْتَا مُسُ تُنْدَغَ لُواْكَثِنْ دَ سُكَبَرْ ڧَسَرْ مَصَرْ حَرْ ذُوَا يَوْ؞» غَاڢَرَ دَ حُكُنْثِ 20 سَيْ يَهْوٜىٰهْ يَأَمْسَ يَثٜىٰ «نَغَاڢَرْتَا مُسُ كَمَرْ يَدَّ كَضُواْڧَا؞ 21 دُكْدَهَكَ، نَا ضَنْڟٜىٰ دَ رَيْنَ، حَڧِيڧَ نَا ضَنْڟٜىٰ ثٜىٰوَ كَمَرْ يَدَّ دُكَنْ دُونِيَا تَثِكَ دَ طَوْكَكَرْ يَهْوٜىٰهْ، 22 بَابُ كُواْ طَيَ دَغَ جَمَعَرْ دَ ذَيْ شِغَ ڧَسَرْدَ نَرَنْڟٜىٰ ذَنْبَاسُ؞ غَمَا كُواْدَيَكٜىٰ سُكَغَ طَوْكَكَتَ دَ عَلَمُنْدَ نَعَيْكَتَ عَڧَسَرْ مَصَرْ دَ كُمَ أَدَاجِ، دُكْدَهَكَ سُكَيِ تَڠُودَانِ حَرْ سَوْ غُواْمَ سُكَ كُمَ ڧِيِنْ بِيَيَّ دَ مَغَنَاتَ؞ 23 بَذَاسُ غَ ڧَسَرْدَ نَرَنْڟٜىٰوَ كَاكَنِّنْسُ ثٜىٰوَ ذَنْبَاسُبَ؞ دَغَ ثِكِنْ دُكَنْ وَطَنْدَ سُكَ رٜىٰنَنِ كُواْ طَيَ بَذَيْ شِغَ ڧَسَرْ بَ؞ 24 عَمَّا بَاوَنَ كَلٜىٰبْ ذَنْ كَٰوُاْشِ عَثِكِنْ ڧَسَرْدَ يَبِنْثِكَ دَشِے دَ ذُرِيَرْسَ سُغَاجٜىٰتَ سُكُمَ مَلَّكٜىٰتَ، سَبُواْدَ يَنَدَ حَلِ دَبَمْ دَ نَسَوْرَنْ جَمَعَرْ، يَكُمَ بِينِ دَ دُكَنْ ذُوثِيَارْسَ؞ 25 يَنْذُ ڢَا، تُنْدَيَكٜىٰ أَمَلٜىٰكَاوَا دَ كَنْعَنِيَاوَا سُنَدَ ذَمَ عَݣُورِنْ ڧَسَرْ، غُواْبٜىٰ سَيْ كُجُويَا كُكَامَ حَنْيَ ذُوَا دَاجِ عَتَهَنْيَرْ ذُوَا تٜىٰكُنْ ثِيَوَرْ إِوَ؞» 26 يَهْوٜىٰهْ يَيِ مَغَنَ دَ مُوسَٰى دَ هَٰرُونَ يَثٜىٰ، 27 «حَرْ يَوْشٜىٰ مُوغُنْ تَارُوانْ جَمَعَرْ نَنْ ذَاسُيِ تَغُنَغُنِ عَكَيْنَ؟ جِنْ غُنَغُنِنْ ڢَا يَ إِشٜىٰنِ! 28 سَيْ كُڢَطَا مُسُ ثٜىٰوَ ‹نِے يَهْوٜىٰهْ، نَا ضَنْڟٜىٰ دَ رَيْنَ، حَڧِيڧَ كَمَرْ يَدَّ نَجِ كُنْيِ مَغَنَ، حَكَ ذَنْيِ مُكُ؞ 29 ذَاكُ مُتُ طَيَ طَيَ أَدَاجِنَّنْ؞ دَغَ ثِكِنْ وَطَنْدَ عَكَ لِسَّڢْتَا، دُكَنْكُ وَطَنْدَ شٜىٰكَرُنْكُ سُكَ كَيْ عَشِرِنْ ذُوَا سَمَ، وَطَنْدَ كُكَيِ غُنَغُنِ عَكَيْنَ، 30 بَا كُواْ طَيَنْكُ وَنْدَ ذَيْ شِغَ ڧَسَرْدَ نَرَنْڟٜىٰ ثٜىٰوَ ذَاتَ ذَمَ وُرِنْ ذَمَنْكُ، سَيْدَيْ كَلٜىٰبْ طَنْ يٜىٰڢُنّٜىٰ دَ يُواْشُوَ طَنْ نُنْ؞ 31 عَمَّا يَارَنْكُ ڧَنَانَا، وَطَنْدَ كُكَثٜىٰ ذَاعَ ڨُوثٜىٰ عَيَاڧِ، سُونٜىٰ ذَنْ كَيْسُ ثِكِنْ ڧَسَرْ؞ سُونٜىٰ ذَاسُ سَنْ ڧَسَرْدَ كُكَ رٜىٰنَ؞ 32 كُو كَمْ، ذَاكُ مُتُ، كُمَ غَوَوَّكِنْكُ ذَاسُ ڢَڢَّاطِ أَدَاجِنَّنْ؞ 33 یَیَنْكُ كُمَ ذَاسُيِ تَيَٰوُاْ أَدَاجِ حَرْ شٜىٰكَرُ أَرْبَعِنْ، سُنَ تَشَنْ وَهَلَ سَبُواْدَ كَرْيَرْ أَمِنْثِنْكُ، حَرْ سَيْ لُواْكَثِنْ دَ مُتُمِنْكُ نَڧَرْشٜىٰ يَمُتُ أَدَاجِنْ؞ 34 ذَاكُشَا وَهَلَ سَبُواْدَ لَيْڢِنْكُ حَرْ شٜىٰكَرَا أَرْبَعِنْ، بِسَغَ ݣُونَكِنَّنْ أَرْبَعِنْ دَ كُكَ لٜىٰڧِ أَسِيرِنْ ڧَسَرْ، وَتُواْ شٜىٰكَرَا طَيَ دُواْمِنْ كُواْوَنٜىٰ ݣُونَ طَيَ؞ تَهَكَ ڢَا، ذَاكُ طَوْكِ أَلْحَكِنْ لَيْڢِنْكُ، كُكُمَ سَنِ ثٜىٰوَ بَڧَرَمِنْ أَبُ بَنٜىٰ ڢُشِنَ يَڧُونَ عَكَنْ مُتُمْ؞ 35 نِے يَهْوٜىٰهْ نَا ڢَطَا؞ حَڧِيڧَ ذَنْيِ حَكَ عَكَنْكُ، كُو مُوغُنْ تَارُوانْ جَمَعَرْ دَ كُكَ حَطَ بَاكِ عَكَيْنَ؞ أَ دَاجِنَّنْ نٜىٰ ذَاكُ ڧَارٜىٰ كَكَڢْ، كُواْوَنٜىٰ طَيَنْكُ ذَيْ مُتُ؞› » 36 مُتَنٜىٰنْ دَ مُوسَٰى يَعَيْكٜىٰسُ سُيِ لٜىٰڧٜىٰنْ أَسِيرِنْ ڧَسَا، وَطَنْدَ سُكَسَا جَمَعَ سُكَ ڢَارَ غُنَغُنِ عَكَنْ يَهْوٜىٰهْ سَبُواْدَ مُوغُنْ رَهُواْتُوانْ دَ سُكَيِ غَمٜىٰدَ ڧَسَرْ، 37 سُونٜىٰ يَهْوٜىٰهْ يَسَا وَنِ بَلَعِ يَڢَاطُواْ مُسُ يَكَشٜىٰسُ أَغَبَنْسَ؞ 38 دَغَ ثِكِنْ وَطَنْدَ سُكَ تَڢِے لٜىٰڧٜىٰنْ أَسِيرِنْ ڧَسَرْ كُوَ، يُواْشُوَ طَنْ نُنْ دَ كَلٜىٰبْ طَنْ يٜىٰڢُنّٜىٰ كَطَيْ سُكَ رَايُ؞ ڢَرْكُوانْ ڧُواْڧَرِنْ ثِنْ ڧَسَرْ يَكَاسَ ﴿ مَيْ شَـ 1.41-46 ﴾ 39 سَعَدَّ مُوسَٰى يَغَيَ وَ جَمَعَرْ إِسْرَٰٓءِيلَ أَبِنْدَ يَهْوٜىٰهْ يَڢَطَا، سَيْ سُكَيِ بَڧِنْ ثِكِ سُواْسَيْ؞ 40 دَ سَسَّڢٜىٰ، سَيْ سُكَتَاشِ سُكَ كَامَ حَنْيَ دُواْمِنْ سُهَوْرَ ذُوَا يَنْكِنْ تُدَّنْ ڧَسَرْ كَنْعَنَ، سُنَ ثٜىٰوَ «غَامُنَنْ، أَشِرْيٜىٰ مُكٜىٰ دُواْمِنْ مُتَڢِے وُرِنْ دَ يَهْوٜىٰهْ يَيِ أَلْڧَوَرِ ذَيْبَامُ؞ مُنْ يَرْدَ مُنْيِ ذُنُوبِ؞» 41 عَمَّا مُوسَٰى يَثٜىٰ «مٜىٰيَسَا كُكٜىٰ ڧٜىٰتَرٜىٰ عُمَرْنِنْ يَهْوٜىٰهْ؟ يِنْ حَكَ بَذَيْ كَٰوُاْ نَصَرَا بَ! 42 كَدَ كُهَوْرَ، غَمَا يَهْوٜىٰهْ بَايَ تَرٜىٰدَكُو يَنْذُ؞ أَبُواْكَنْ غَابَنْكُ ذَاسُثِ نَصَرَا عَكَنْكُ؞ 43 غَمَا أَمَلٜىٰكَاوَا دَ كَنْعَنِيَاوَا ذَاسُ ڢُسْكَنْثٜىٰكُ دَ يَاڧِ أَوُرِنْ، ذَاكُ كُوَ مُتُ تَوُرِنْ تَكُواْبِے؞ سَبُواْدَ كُنْ جُويَا كُنْ بَرْ بِنْ يَهْوٜىٰهْ، بَذَيْ كَسَنْثٜىٰ تَرٜىٰدَكُوبَ؞» 44 عَمَّا دُكْدَهَكَ سُنْيِ ڧَرْڢِنْ حَلِ سُكَ كَامَ حَنْيَ ذُوَا يَنْكِنْ تُدَّنْ ڧَسَرْ، كُواْدَيَكٜىٰ عَݣُوتِنْ يَرْجٜىٰجٜىٰنِيَرْ يَهْوٜىٰهْ، كُواْ مُوسَٰى بَسُ تَاشِ دَغَ ذَنْغُوانْ سُوُثٜىٰ غَبَنْسُبَ؞ 45 سَيْ أَمَلٜىٰكَاوَا دَ كَنْعَنِيَاوَا وَطَنْدَ سُكٜىٰ دَ ذَمَ عَيَنْكِنْ تُدَّنْ ڧَسَرْ، سُكَ غَنْغَرُواْ سُكَ ڢَاطُواْ مُسُ دَ يَاڧِ؞ سُكَثِ نَصَرَا عَكَنْ إِسْرَٰٓءِيلَاوَا سُنَ كُواْرَرْسُ حَرْ ذُوَا غَرِنْ هُوارْمَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria