ڧِدَايَ 13 - أَتَّوْرَتْ دَ أَنَّبَاوَا

أَنْ عَيْكَرْ دَ یَنْ لٜىٰڧٜىٰنْ أَسِيرِ

¹ يَهْوٜىٰهْ كُمَ يَيِ مَغَنَ دَ مُوسَٰى ثٜىٰوَ

² ‏«‏كَعَيْكِ مُتَنٜىٰ سُجٜىٰ سُلٜىٰڧِ أَسِيرِنْ ڧَسَرْ كَنْعَنَ، وَدَّ نَكٜىٰ بَا إِسْرَٰٓءِيلَاوَا؞ دَغَ كُواْوَثٜىٰ ذُرِيَرْ كَاكَنِّنْسُ، ذَاكَ عَيْكَرْ دَ مُتُمْ طَيَ دَغَ وَطَنْدَ سُكٜىٰ شُوغَبَنِّ نٜىٰ عَثِكِنْسُ؞»‏

³ بِسَغَ وَنَّنْ عُمَرْنِنْ يَهْوٜىٰهْ، سَيْ مُوسَٰى يَذَاٻِ شُوغَبَنِّ دَغَ ثِكِنْ إِسْرَٰٓءِيلَاوَا، يَعَيْكٜىٰسُ دَغَ دَاجِنْ ڢَرَنْ ذُوَا كَنْعَنَ؞

⁴ غَا سُونَيٜىٰنْسُ، دَغَ ذُرِيَرْ رَعُبَيْنُ، شَمُّوَ طَنْ ظَكُّرْ؛

⁵ دَغَ ذُرِيَرْ سِمٜىٰيُوانْ، شَڢَتْ طَنْ هُواْرِ؛

⁶ دَغَ ذُرِيَرْ يَهُودَ، كَلٜىٰبْ طَنْ يٜىٰڢُنّٜىٰ؛

⁷ دَغَ ذُرِيَرْ إِسَّكَرْ، إِغَلْ طَنْ يُوسُڢَ؛

⁸ دَغَ ذُرِيَرْ إِڢْرَيِمْ، هُواْشٜىٰيَ طَنْ نُنْ؛

⁹ دَغَ ذُرِيَرْ بِلِيَامِنُ، ڢَلْتِ طَنْ رَڢُ؛

¹⁰ دَغَ ذُرِيَرْ ظٜىٰبُلُنْ، غَدِّيٜىٰلْ طَنْ سُواْدِ؛

¹¹ دَغَ ذُرِيَرْ مَنَسّٜىٰ، وَتُواْ طَيَ دَغَ ذُرِيَرْ يُوسُڢَ، غَدِّ طَنْ سُسِ؛

¹² دَغَ ذُرِيَرْ دَنْ، أَمِّيٜىٰلْ طَنْ غٜىٰمَلِّ؛

¹³ دَغَ ذُرِيَرْ أَشٜىٰرْ، شِتُورْ طَنْ مِيكَآءِيلُ؛

¹⁴ دَغَ ذُرِيَرْ نَڢْتَلِ، نَبِے طَنْ وُاڢْسِ؛

¹⁵ دَغَ ذُرِيَرْ غَدْ، غٜىٰيُوٜىٰلْ طَنْ مَكِ؞

¹⁶ وَطَنَّنْ نٜىٰ سُونَيٜىٰنْ مُتَنٜىٰنْ دَ مُوسَٰى يَعَيْكٜىٰسُ سُلٜىٰڧِ أَسِيرِنْ ڧَسَرْ كَنْعَنَ؞ سُونَنْ هُواْشٜىٰيَ طَنْ نُنْ كُوَ مُوسَٰى يَثَنْجَشِ ذُوَا يُواْشُوَ؞

¹⁷ سَعَدَّ مُوسَٰى يَعَيْكٜىٰسُ لٜىٰڧٜىٰنْ أَسِيرِنْ ڧَسَرْ كَنْعَنَ، سَيْيَثٜىٰ مُسُ ‏«‏دَغَ نَنْ كُيِ أَرٜىٰوَ كُبِے تَ نٜىٰغٜىٰبْ، كُهَوْرَ ذُوَا يَنْكِنْ تُدَّنْ ڧَسَرْ؞

¹⁸ كُبِنْثِكَ كُغَ يَدَّ ڧَسَرْ تَكٜىٰ دَ كُمَ يَدَّ مُتَنٜىٰنْ سُكٜىٰ، كُواْ سُنَانَنْ دَيَوَ، كُواْ سُو كَطَنْ نٜىٰ، كُواْ سُنَدَ ڧَرْڢِے كُواْ بَابُ؞

¹⁹ كُبِنْثِكَ كُسَنِ كُواْ ڧَسَرْ تَنَ دَݣَوْ، كُواْ بَاتَ دَݣَوْ؞ كُكُمَ بِنْثِكَ كُغَ وَنٜىٰ إِرِنْ غَرُرُوَ سُنَ ذَمَ عَثِكِ، كُواْ بِرَنٜىٰنْسُ سُنَدَ كَتَنْ‌غَ كُواْ بَابُ؞

²⁰ كُبِنْثِكَ كُغَ يَدَّ ڧَسَرْ تَكٜىٰ، كُواْ تَنَدَ أَمْڢَانِ دُواْمِنْ نُواْمَ كُواْ بَابُ، كُمَ كُواْ أَݣَويْ عِتَتُوَ كُواْ بَابُ؞ كُيِ إِيَاكَثِنْ ڧُواْڧَرِنْكُ كُكَٰوُاْ مَنَ وَطَنْسُ یَیَنْ إِتَاثٜىٰنْ ڧَسَرْسُ مُغَنِ؞»‏ أَوَنَّنْ لُواْكَثِ كُوَ أَنَسَامُنْ نُونً ڢَارِ نَیَیَنْ إِنَبِے؞

²¹ سَيْ سُكَ تَڢِے سُكَ لٜىٰڧِ أَسِيرِنْ ڧَسَرْ تُنْدَغَ دَاجِنْ ظِنْ حَرْ ذُوَا غَرِنْ رٜىٰهُوابْ، كُسَدَ مَشِغِنْ يَنْكِنْ هَمَتْ؞

²² سُكَ هَوْرَ تَوَجٜىٰنْ نٜىٰغٜىٰبْ حَرْ سُكَ إِسُواْ هٜىٰبْرُوانْ؞ أَوُرِنْ نٜىٰ یَیَنْ أَنَكْ سُكٜىٰ دَ ذَمَ، وَتُواْ أَهِمَنْ دَ شٜىٰشَيْ دَ تَلْمَيْ نَوَتَ ذُرِيَرْ ڧَتِّنْ مُتَنٜىٰ؞ أَنْ كُوَ كَڢَ هٜىٰبْرُوانْ شٜىٰكَرُ بَݣَويْ كَاڢِنْ عَكَ كَڢَ ذُواْوَنْ عَڧَسَرْ مَصَرْ؞

²³ دَ سُكَ كَيْ ݣُورِنْ عٜىٰشْكُوالْ، سَيْ سُكَ يَنْكَ رٜىٰشٜىٰ مَيْ بَبَّنْ ڧُنْشِنْ یَیَنْ إِنَبِے طَيَ، وَنْدَ كُمَ يَكٜىٰدَ نَوْيِ حَرْ سَيْ مُتَنٜىٰ بِيُ نٜىٰ سُكَ طَوْكَ أَ رَاتَيٜىٰ أَ سَنْدَا ڟَكَانِنْسُ؞ سُكَ كُمَ طِبَ یَیَنْ رُمَّنْ دَ نَٻَوْرٜىٰ؞

²⁴ أَنْ كِرَا وَنَّنْ وُرِنْ دَ سُونَ ݣُورِنْ عٜىٰشْكُوالْ، وَتُواْ ڧُنْشِنْ یَیَنْ إِنَبِے، سَبُواْدَ بَبَّنْ ڧُنْشِنْ یَیَنْ إِنَبِے وَنْدَ یَنْ لٜىٰڧٜىٰنْ أَسِيرِ سُكَ يَنْكُواْ أَوُرِنْ؞

رَهُواْتُوانْ یَنْ لٜىٰڧٜىٰنْ أَسِيرِ

²⁵ بَايَنْ سُنْيِ ݣُونَكِے أَرْبَعِنْ سُنَ لٜىٰڧٜىٰنْ أَسِيرِنْ ڧَسَرْ، سَيْ سُكَ كُواْمَ

²⁶ وُرِنْ مُوسَٰى دَ هَٰرُونَ دَ دُكَنْ جَمَعَرْ إِسْرَٰٓءِيلَ أَ دَاجِنْ ڢَرَنْ أَ كَدٜىٰشْ؞ أَوُرِنْ سَيْ سُكَ بَادَ رَهُواْتُوانْ أَبُبُوَنْ دَ سُكَ غَنِ، سُكَ كُمَ نُونَ مُسُ أَمْڢَانِنْ غُواْنَ وَطَنْدَ سُكَ كَٰوُاْ دَغَ ڧَسَرْ؞

²⁷ غَا لَابَرِنْ دَ سُكَ بَا مُوسَٰى؞ ‏«‏مُنْ تَڢِے ڧَسَرْدَ كَاعَيْكٜىٰمُ مُنْ بِنْثِكَ كُواْمٜىٰ؞ حَڧِيڧَ ڧَسَاثٜىٰ مَيْ ظُبَرْدَ مَدَرَ دَ ظُمَ، ڧَسَاثٜىٰ مَيْ أَمْڢَانِ؞ غَا أَمْڢَانِنْ ڧَسَرْ، مُنْ كَٰوُاْ؞

²⁸ عَمَّا مُتَنٜىٰنْ دَسُكٜىٰ دَ ذَمَ عَڧَسَرْ، مَاسُ ڧَرْڢِے نٜىٰ، بِرَنٜىٰنْسُ كُمَ مَنْيَ مَنْيَ نٜىٰ مَاسُ كَتَنْ‌غَ؞ بَنْدَ حَكَمَا، مُنْ‌غَ ڧَتِّنْ مُتَنٜىٰ نَظُرِيَرْ أَنَكْ أَوُرِنْ؞

²⁹ أَمَلٜىٰكَاوَا سُنَ ذَمَ أَ نٜىٰغٜىٰبْ، يَنْكِنْ كُدُ نَڧَسَرْ؞ هِتِّيَاوَا دَ يٜىٰبُسِيَاوَا دَ كُمَ أَمُواْرِيَاوَا سُنَ ذَمَ عَيَنْكِنْ تُدَّيْ؞ كَنْعَنِيَاوَا كُوَ سُنَ ذَمَ كُسَدَ تٜىٰكُنْ مٜىٰدِتٜىٰرٜىٰنِيَ دَ كُمَ كُسَدَ كُواْغِنْ يُواْدَنْ؞»‏

³⁰ مُتَنٜىٰنْ سُنَ غُنَغُنِ عَكَنْ مُوسَٰى، سَيْ كَلٜىٰبْ يَسَا سُيِ شِضُ، سَيْيَثٜىٰ ‏«‏مُتَاشِ مُڢَاطَ مُسُ دَ يَاڧِ مُمَلَّكِ ڧَسَرْ، غَمَا مُنْ عِيَ ثِنْتَ دَ يَاڧِ؞»‏

³¹ عَمَّا وَطَنْدَ سُكَ تَڢِے ڧَسَرْ تَرٜىٰدَ كَلٜىٰبْ سُكَثٜىٰ ‏«‏أَعِنَا!‏ بَذَامُ عِيَثِيسُ دَ يَاڧِبَ، غَمَا سُنْڢِيمُ ڧَرْڢِے!‏»‏

³² سَيْ سُكَ بَظَ مُوغُنْ رَهُواْتُواْ وَجَمَعَرْ إِسْرَٰٓءِيلَ غَمٜىٰدَ ڧَسَرْدَ سُكَ لٜىٰڧِ أَسِيرِنْتَ؞ سُكَثٜىٰ ‏«‏ڧَسَرْ دَ مُكَ تَڢِے مُكَ بِنْثِكَ، إِنْ مُتُمْ يَشِغَ دَ وُيَ يَڢِتَ دَ رَيْ، غَمَا دُكَنْ مُتَنٜىٰنْ دَ مُكَ غَنِ أَوُرِنْ ڧَتِّ نٜىٰ؞

³³ بَنْدَ حَكَمَا، مُنْ غَ ڧَتِّنْ مُتَنٜىٰ نَظُرِيَرْ أَنَكْ أَوُرِنْ؞ مُنْ‌غَ كَنْمُ كَمَرْ ڢَارَ نٜىٰ كَوَيْ، حَكَ كُوَ سُو مَا سُنْ غَنْمُ؞»‏