ڧِدَايَ 12 - أَتَّوْرَتْ دَ أَنَّبَاوَا

مَرْيَمُ دَ هَٰرُونَ سُنْيِ غَابَادَ مُوسَٰى

¹ سَعَدَّ سُكٜىٰ أَ هَظٜىٰرُواتْ، مَرْيَمُ دَ هَٰرُونَ سُكَ زَرْغِ مُوسَٰى، غَمَا يَا عَوْرِ وَتَ یَرْ ڧَسَرْ كُشْ؞

² سُكَثٜىٰ ‏«‏مُوسَٰى نٜىٰ كَطَيْ يَهْوٜىٰهْ يَيِ مَغَنَ دَشِ؟ مُو ڢَا؟ بَيْيِ مَغَنَ دَمُوبَ؟»‏ يَهْوٜىٰهْ كُوَ يَجِ مَغَنَرْسُ؞

³ مُوسَٰى كُوَ مُتُمْ مَيْ سَوْڧِنْ كَيْنٜىٰ سُواْسَيْ، ڢِيٜىٰدَ كُواْوَنٜىٰ مُتُمْ أَ ڢُسْكَرْ دُونِيَا؞

أَمْسَرْ يَهْوٜىٰهْ

⁴ بَا لَابَرِ سَيْ يَهْوٜىٰهْ يَثٜىٰ وَ مُوسَٰى دَ هَٰرُونَ دَ مَرْيَمُ ‏«‏ڢِتُواْ، كُو عُكُ، كُذُواْ وُرِنْ تٜىٰنْتِنْ سَدُوَ؞»‏ سَيْ سُو عُكُ سُكَ ڢِتَ؞

⁵ سَيْ يَهْوٜىٰهْ يَسَوْكُواْ عَثِكِنْ ڧُنْشِنْ غِرْغِجٜىٰ، يَڟَيَ عَبَاكِنْ ڧُواْڢَرْ تٜىٰنْتِنْ، يَكِرَا هَٰرُونَ دَ مَرْيَمُ؞ سُكَ مَڟُواْ كُسَدَ بَاكِنْ ڧُواْڢَرْ تٜىٰنْتِنْ؞

⁶ يَثٜىٰ ‏«‏كُكَسَ كُنّٜىٰ غَ مَغَنَاتَ؞ ‏«‏نِنٜىٰ يَهْوٜىٰهْ؞ كُواْ سَعَدَّ أَݣَويْ أَنَّبَاوَا عَثِكِنْكُ، نَكَنْ بَيَّنَ كَيْنَ تَوُرِنْ رُعُيَ، نَكَنْيِ مَغَنَ دَسُو ثِكِنْ مَڢَرْكِ؞

⁷ بَهَكَ نَكٜىٰيِ دَ بَاوَنَ مُوسَٰى بَ، شِے كَمْ، نَبَاشِ أَمَانَرْ دُكَنْ جَمَعَتَ؞

⁸ إِنَ مَغَنَ دَشِ ڢُسْكَ دَ ڢُسْكَ، بَاتَرٜىٰدَ مِصَلَيْبَ، عَمَّا أَ ڢِيلِ؞ شِ كَمْ، يَنَ غَنِنْ كَمَنِّنْ يَهْوٜىٰهْ!‏ مٜىٰيَسَا بَكُ كُواْ جِڟُواْرُواْ كُيِ مَغَنَرْ غَابَادَ بَاوَنَ مُوسَٰى بَ؟»‏

⁹ سَيْ ڢُشِنْ يَهْوٜىٰهْ يَكُنَّ عَكَنْسُ، يَتَاشِ يَرَبُ دَسُو؞

¹⁰ سَعَدَّ ڧُنْشِنْ غِرْغِجٜىٰنْ يَتَاشِ دَغَ بِسَ تٜىٰنْتِنْ، سَيْغَا مَرْيَمُ أَڟَيٜىٰ دَ ثُوتَرْ ڢَتَرْ جِكِے، تَايِ ڢَرِ ڢَتْ كَمَرْ أَوْدُغَ؞ دَ هَٰرُونَ يَجُويَ يَكَلّٜىٰتَ، سَيْ يَغَ تَا سَامِ ثُوتَرْ ڢَتَرْ جِكِے؞

¹¹ سَيْ هَٰرُونَ يَثٜىٰ وَ مُوسَٰى ‏«‏رَنْكَيَدَطٜىٰ، إِنَ ضُواْڧُوانْكَ كَدَ كَحُكُنْتَمُ سَبُواْدَ وَنَّنْ ذُنُوبِنْ وَوَنْثِنْ دَ مُكَ عَيْكَتَ؞

¹² كَدَ كَبَرْتَ تَذَمَ كَمَرْ مَتَثّٜىٰ وَنْدَ رَبِنْ جِكِنْسَ يَرُٻٜىٰ لُواْكَثِنْدَ يَڢِتَ دَغَ ثِكِنْ ثِكِنْ مَامَرْسَ؞»‏

¹³ سَيْ مُوسَٰى يَيِ كُوكَا غَ يَهْوٜىٰهْ يَثٜىٰ ‏«‏يَا اللَّهْ، إِنَ ضُواْڧُوانْكَ، كَوَرْكَرْدَ عِتَ!‏»‏

¹⁴ عَمَّا يَهْوٜىٰهْ يَثٜىٰ وَ مُوسَٰى ‏«‏دَاعَثٜىٰ بَابَنْتَ يَا تُواْڢَ مِيَوْ أَ ڢُسْكَرْتَ، بَلَلَّيْ نٜىٰ تَيِ ݣُونَكِے بَݣَويْ تَنَ جِنْ كُنْيَا بَ؟ تُواْ، كَڢِتَرْدَ عِتَ دَغَ ثِكِنْ ذَنْ‌غُوانْ تَيِ ݣُونَ بَݣَويْ أَوَجٜىٰ؞ بَايَنْ حَكَ ذَاعَ عِيَ شِغَرْدَ عِتَ؞»‏

¹⁵ سَيْ عَكَ ڢِتَرْدَ مَرْيَمُ دَغَ ذَنْ‌غُوانْ حَرْ ݣُونَ بَݣَويْ؞ مُتَنٜىٰنْ كُوَ بَسُتَاشِ سُكَامَ حَنْيَ بَ، سَيْ دَ عَكَ دَاوُاْ دَ عِتَ؞

¹⁶ بَايَنْ وَنَّنْ، سَيْ مُتَنٜىٰنْ سُكَتَاشِ دَغَ هَظٜىٰرُواتْ سُكَ كَامَ حَنْيَ ذُوَا دَاجِنْ ڢَرَنْ، عِنْدَ سُكَ كَڢَ ذَنْ‌غُوانْسُ؞