ڧِدَايَ 11 - أَتَّوْرَتْ دَ أَنَّبَاوَا

مُتَنٜىٰ سُنْيِ غُنَغُنِ

¹ أَنَانً سَيْ مُتَنٜىٰنْ سُكَ ڢَارَ غُنَغُنِ غَمٜىٰدَ وَهَلَرْسُ، يَهْوٜىٰهْ كُوَ يَجِيسُ؞ سَعَدَّ يَجِيسُ، سَيْ ڢُشِنْسَ يَكُنُّ عَكَنْسُ؞ سَيْ وُتَرْ يَهْوٜىٰهْ تَ ڢِتُواْ تَيِ تَثِ عَثِكِنْسُ حَرْ تَڧُواْنٜىٰ وَنِ غٜىٰڢٜىٰ نَظَنْ‌غُوانْسُ؞

² سَيْ مُتَنٜىٰنْ سُكَ كَيْ كُوكَنْسُ غَ مُوسَٰى دُواْمِنْ يَتَيْمَكٜىٰسُ، مُوسَٰى كُوَ يَيِ أَدُّعَ غَ يَهْوٜىٰهْ، سَيْ وُتَرْ تَمُتُ؞

³ سَبُواْدَ حَكَنٜىٰ عَكَ كِرَا سُونَنْ وُرِنْ تَبٜىٰرَ، غَمَا أَوُرِنْ نٜىٰ وُتَرْ يَهْوٜىٰهْ تَٻَرْكٜىٰ عَثِكِنْسُ؞

⁴ أَ لُواْكَثِنْ كُوَ أَݣَويْ بَاڧِ عَثِكِنْ إِسْرَٰٓءِيلَاوَا، یَنْ ذَنْ‌غَ ذَنْ‌غَ مَاسُ ݣُوطَيِنْ نَامَ؞ وَطَنَّنْ سُكَ ڢَارَ غُنَغُنِ، حَرْ إِسْرَٰٓءِيلَاوَا مَا سُكَ ڢَارَ كُكَ سُكَثٜىٰ ‏«‏دَمَا مُسَامِ نَامَ مُثِ!‏

⁵ مُنْ تُنَ يَدَّ عَڧَسَرْ مَصَرْ مُكَثِ كِيڢِ ݣَوْتَا؞ مُنْ كُمَ تُنَ دَسُو كَكَمْبَ دَ كَبٜىٰوَ دَ أَلْبَسَ مَيْ غَنْيٜىٰ دَ مَيْ ڨُويَ دَ تَڢَرْنُوَ؞

⁶ عَمَّا يَنْذُ ڢَا!‏ ڧَرْڢِنْمُ يَڧَارٜىٰ؞ بَابُ كُواْمٜىٰنْ دَ ذَامُثِ أَنَنْ سَيْدَيْ وَنَّنْ مَنَّ كَطَيْ مُكٜىٰ تَغَنِ!‏»‏

⁷ وَنَّنْ مَنَّ كُوَ كَمَرْ ڨُويَرْ ڢَضٍ رِطِ تَكٜىٰ، كَلَرْتَ كُمَ كَمَرْ غَمْ نَ إِتَاثٜىٰ؞

⁸ مُتَنٜىٰ سُكَنْ ڢِتَ سُتَتَّرَتَ، سُنِڧَ أَدُوڟٜىٰنْ نِڧَ، كُواْ سُدَكَ عَتُرْمِ؞ بَايَنْ حَكَ سَيْ سُدَڢَ عَتُكُنْيَ، سُكُمَ شِرْيَشِ كَمَرْ وَيْنَ؞ طَنْطَنُوانْ وَيْنَرْ كُوَ كَمَرْ نَوَدَّ عَكَيِ دَ مَيْ؞

⁹ سَعَدَّ رَٻَ تَكَنْ سَوْكَ أَ ذَنْ‌غُواْ دَ دَرٜىٰ، مَنَّ تَكَنْ سَوْكَ تَرٜىٰدَ عِتَ؞

أَدُّعَرْ مُوسَٰى

¹⁰ مُوسَٰى يَجِ مُتَنٜىٰنْ كُواْوَنٜىٰ غِدَا سُنَ تَكُوكَا، كُواْوَنٜىٰ مُتُمْ عَڧُواْڢَرْ تٜىٰنْتِنْسَ؞ سَيْ يَهْوٜىٰهْ يَيِ ڢُشِے مَيْ ڟَنَنِ، حَرْ مُوسَٰى يَدَامُ؞

¹¹ سَيْ مُوسَٰى يَثٜىٰ وَ يَهْوٜىٰهْ ‏«‏مٜىٰيَسَا كَوُلَڧَنْتَرْ دَنِے بَاوَنْكَ حَكَ؟ مٜىٰيَسَا بَنْ سَامِ ڢَضٍ جِنِ أَعِدُوانْكَبَ، حَرْ دَ كَا طُواْرَ نَوْيِنْ دُكَنْ مُتَنٜىٰنَّنْ عَكَيْنَ؟

¹² نِے نَا طَوْكِ ثِكِنْسُ نٜىٰ؟ كُواْ نِے نَا حَيْڢٜىٰسُنٜىٰ؟ دُوانْمٜىٰ ذَاكَثٜىٰ مِنِ إِنْ طَوْكِ وَطَنَّنْ مُتَنٜىٰ كَمَرْ يَدَّ مَيْ رٜىٰنُواْ تَكَنْ طَوْكِ طَنْ جَرِرِ عَڧِرْجِنْتَ، حَرْ ذُوَا ڧَسَرْ دَكَيْ كَا ضَنْڟٜىٰ وَكَاكَنِّنْسُ ثٜىٰوَ ذَاكَ بَاسُ؟

¹³ أَعِنَا نٜىٰ ذَنْسَامِ نَامَنْ دَ ذَيْ عِيَ ثِيَرْدَ دُكَنْ جَمَعَرْ نَنْ؟ غَاشِ سُنَ تَيِ مِنِ كُوكَا ثٜىٰوَ ‏‹‏بَامُ نَامَ مُثِ!‏›‏

¹⁴ نِے كَطَيْ بَذَنْ عِيَ طَوْكَرْ نَوْيِنْ دُكَنْ جَمَعَرْ نَنْبَ، نَوْيِنْسُ يَڢِ ڧَرْڢِينَ؞

¹⁵ إِنْ دَيْ حَكَنٜىٰ ذَاكَيِ دَنِے، عِدَنْ كُمَ نَا سَامِ ڢَضٍ جِنِ أَغَرٜىٰكَ، إِنَ ضُواْڧُوانْكَ كَكَشٜىٰنِ كَوَيْ، كَرَبَنِ دَ وَنَّنْ وَهَلَ؞»‏

أَمْسَرْ يَهْوٜىٰهْ

¹⁶ سَيْ يَهْوٜىٰهْ يَثٜىٰ وَ مُوسَٰى ‏«‏كَتَتَّارُواْ مِنِ مُتَنٜىٰ سَبَعِنْ دَغَ ثِكِنْ دَتَّاوَنْ إِسْرَٰٓءِيلَ، وَطَنْدَ كَيْ كَا سَنِ ثٜىٰوَ سُونٜىٰ شُوغَبَنِّنْ جَمَعَ، وَطَنْدَ كُمَ عَكٜىٰ غِرْمَمَسُ؞ كَسَا سُذُواْ وُرِينَ عَتٜىٰنْتِنْ سَدُوَ، سُڟَيَ أَوُرِنْ تَرٜىٰدَكَيْ؞

¹⁷ نِے كُوَ ذَنْ سَوْكَ إِنْيِ مَغَنَ دَكَيْ أَوُرِنْ؞ دَغَ إِيكُوانْ رُوحُنْدَ نَبَاكَ، ذَنْبَاسُ؞ تَهَكَ ذَاسُ تَيْمَكٜىٰكَ دَ طَوْكَرْ نَوْيِنْ جَمَعَ، دُواْمِنْ كَدَ كَطَوْكِ نَوْيِنْ كَيْ كَطَيْ؞

¹⁸ ‏«‏ڢَطَا وَمُتَنٜىٰنْ ثٜىٰوَ سُكٜىٰٻٜىٰ كَنْسُ دَ ڟَرْكِے دُواْمِنْ غُواْبٜىٰ، ذَاسُ كُوَثِ نَامَ؞ يَهْوٜىٰهْ ذَيْبَاسُ نَامَ، تُنْدَ سُكَيِ غُنَغُنِ، يَكُمَ جِيسُ دَ سُكَثٜىٰ، ‏‹‏دَمَا مُسَامِ نَامَ مُثِ!‏ حَڧِيڧَ يَڢِ مَنَ ݣَوْ عَڧَسَرْ مَصَرْ!‏›‏ سَبُواْدَ حَكَ ذَاسُثِ نَامَ؞

¹⁹ ذَاسُثِ شِ بَ ݣُونَ طَيَ، كُواْ بِيُ، كُواْ بِيَرْ، كُواْ غُواْمَ، كُواْ عَشِرِنْ كَوَيْبَ؞

²⁰ عَمَّا ذَاسُدِنْ‌غَ ثِنْ نَامَ حَرْ وَتَا طَيَ، حَرْ سَيْ يَڢِتَ مُسُ أَهَنْثِ، حَرْ مَا سَيْ سُنْڧِے غَنِنْسَ؞ وَنَّنْ ذَيْ ڢَرُ حَكَ، غَمَا سُنْڧِے يَهْوٜىٰهْ وَنْدَ يَكٜىٰ عَثِكِنْسُ، سُنَ كُمَيِتَيِنْ كُوكَا أَغَبَنْسَ ثٜىٰوَ ‏‹‏مٜىٰيَسَا مُكَ بَرْ مَصَرْ؟›‏ »‏

²¹ عَمَّا مُوسَٰى يَثٜىٰوَ يَهْوٜىٰهْ ‏«‏غَاشِ، مُتَنٜىٰنْ دَسُكٜىٰ تَرٜىٰدَنِ سُنْ كَيْ دُبُو طَرِے شِدَ؞ كَيْ كُمَ كَثٜىٰ ذَاكَبَاسُ إِسَشّٜىٰنْ نَامَ حَرْ نَوَتَا طَيَ!‏

²² كُواْ دَمَا أَنْيَنْكَ دُكَنْ غَرْكٜىٰنْ شَانُو دَ نَتُمَكِ دَ نَأَوَكِ، ذَيْ إِشٜىٰسُنٜىٰ؟ كُواْ دَ أَنْتَتَّارَ كِيڢِنْ دَسُكٜىٰ عَتٜىٰكُ، ذَيْ إِشٜىٰسُنٜىٰ؟»‏

²³ سَيْ يَهْوٜىٰهْ يَأَمْسَ يَثٜىٰ وَ مُوسَٰى ‏«‏كُواْ إِيكُوانْ حَنُّنْ يَهْوٜىٰهْ يَكَاسَ نٜىٰ؟ يَنْذُ ذَاكَ غَنِ كُواْ مَغَنَاتَ ذَاتَ ثِكَ كُواْ بَابُ!‏»‏

أَنْ بَادَتَّاوَا رُوحُ

²⁴ سَيْ مُوسَٰى يَڢِتَ يَغَيَوَ مُتَنٜىٰنْ أَبِنْدَ يَهْوٜىٰهْ يَڢَطَا؞ يَكُمَ تَتَّارَ دَتَّاوَا سَبَعِنْ، يَسَاسُ سُڟَيَ كٜىٰوَيٜىٰ دَ تٜىٰنْتِنْ؞

²⁵ سَعَنً يَهْوٜىٰهْ يَسَوْكُواْ عَثِكِنْ ڧُنْشِنْ غِرْغِجٜىٰ يَيِ مَغَنَ دَشِ؞ دَغَ إِيكُوانْ رُوحٌ دَ يَبَا مُوسَٰى، يَهْوٜىٰهْ يَبَادَتَّاوَا سَبَعِنْ طِنَّنْ؞ بَايَنْدَ إِيكُوانْ رُوحٌ يَسَوْكُواْ عَكَنْسُ، سَيْ سُكَ ڢَارَ يِنْ أَنَّبْثِ، عَمَّا بَايَنْ وَنَّنْ بَسُ ڧَارَيِبَ؞

²⁶ أَݣَويْ وَطَنْسُ دَتَّاوَا غُدَا بِيُ وَطَنْدَ بَسُ تَڢِے غَبَنْ تٜىٰنْتِنْ تَرٜىٰدَ سَوْرَنْ دَتَّاوَنْ بَ، سُونَيٜىٰنْسُ كُوَ عٜىٰلْدَدْ دَ مٜىٰدَدْ نٜىٰ؞ سُنَ ثِكِنْ وَطَنْدَ عَكَ لِسَّڢْتَا، عَمَّا سُنَ ثِكِنْ ذَنْ‌غُواْ تُكُنَ أَ لُواْكَثِنْ دَ رُوحُ يَسَوْكَ، سَيْ سُو مَا سُكَيِ أَنَّبْثِ دَ إِيهُ دَ ضَوَ عَثِكِنْ ذَنْ‌غُوانْ؞

²⁷ سَيْ وَنِ طَنْ سَوْرَيِ يَشٜىٰڧَ أَغُجٜىٰ يَڢَطَا وَ مُوسَٰى أَبِنْدَ عٜىٰلْدَدْ دَ مٜىٰدَدْ سُكٜىٰيِ؞

²⁸ يُواْشُوَ طَنْ نُنْ، وَنْدَ شِے مَتَيْمَكِنْ مُوسَٰى تُنْ يَنَ سَوْرَيِ، يَثٜىٰ وَ مُوسَٰى ‏«‏رَنْكَيَدَطٜىٰ، مُوسَٰى، كَهَنَاسُ!‏»‏

²⁹ عَمَّا مُوسَٰى يَأَمْسَ مَسَ يَثٜىٰ ‏«‏كَنَ دَامُوَ دَ مَڟَيِنَ نٜىٰ؟ أَيْ دَسُواْ شِينٜىٰ سَامُ دَ يَهْوٜىٰهْ يَسَا رُوحُنْسَ عَكَنْ دُكَنْ مُتَنٜىٰنْسَ!‏»‏

³⁰ بَايَنْ حَكَ سَيْ مُوسَٰى دَ دَتَّاوَا سَبَعِنْ طِنْ سُكَ كُواْمَ ثِكِنْ ذَنْ‌غُواْ؞

يَهْوٜىٰهْ يَعَيْكُواْ دَ كَجِنْ دَاجِ

³¹ سَيْ يَهْوٜىٰهْ يَسَا وَتَ إِسْكَ تَكَٰوُاْ كَجِنْ دَاجِ دَغَ تٜىٰكُ؞ كَجِنْ دَاجِنْ سُكَ ڢَڢَّاطِ عَثِكِنْ ذَنْ‌غُواْ دَ كُواْعِنَ كٜىٰوَيٜىٰ دَ ذَنْ‌غُوانْ؞ دَغَ كُواْوَنٜىٰ غٜىٰڢٜىٰ نَظَنْ‌غُوانْ، ذَاعَ عِيَ غَنِنْسُ حَرْ نِيسَنْ تَڢِيَرْ يِنِ غُدَا؞ ڟَيِنْ تَاشِنْسُ دَغَ ڧَسَا مِصَالِنْ ڧَڢَا عُكُ؞

³² سَيْ مُتَنٜىٰ سُكَ ڢِتَ سُكَيِ تَكَكَّامَسُ دُكَنْ رَانَ دَ دُكَنْ دَرٜىٰ دَ دُكَنْ وَشٜىٰغَرِ؞ بَاوَنْدَ يَتَارَ كَجِنْ دَاجِنْ دَ سُكَ كَاسَ ݣُونْدُواْ غُواْمَ؞ سُكَ شَنْيَسُ عَڧَسَا كُواْعِنَ أَ ذَنْ‌غُوانْ دُواْمِنْ سُبُوشٜىٰ؞

³³ عَمَّا سُنَ ثِكِنْ ثِنْ نَامَنْ تُكُنَ، سَيْ ڢُشِنْ يَهْوٜىٰهْ يَكُنَّ عَكَنْ مُتَنٜىٰنْ، سَيْ يَبُغٜىٰسُ دَ بَلَعِ مَيْ ڟَنَنِ؞

³⁴ سَبُواْدَ حَكَنٜىٰ عَكَ كِرَا سُونَنْ وُرِنْ كِبِرُواتْ هَتَّعَوَا، وَتُواْ ‏«‏كَبَرِنْ مَاسُ ݣُوطَيِ»‏؞

³⁵ دَغَ كِبِرُواتْ هَتَّعَوَا سَيْ مُتَنٜىٰنْ سُكَيِ تَڢِيَ ذُوَا هَظٜىٰرُواتْ، عِنْدَ سُكَيِ ذَنْ‌غُوانْسُ؞