ڧِدَايَ 10 - أَتَّوْرَتْ دَ أَنَّبَاوَاكَكَكِنْ أَظُرْڢَا دُواْمِنْ عَيِ كِرَا 1 يَهْوٜىٰهْ يَيِ مَغَنَ دَ مُوسَٰى ثٜىٰوَ 2 «كَڧٜىٰرَ كَكَكِ بِيُ نَأَظُرْڢَا؞ ذَاعَيِ أَمْڢَانِ دَسُو دُواْمِنْ عَكِرَا تَارُوانْ جَمَعَ، كُواْ كُمَ عَيِ شٜىٰلَرْ تَاشِ دَغَ ذَنْغُواْ؞ 3 سَعَدَّ عَكَ بُوسَ وَطَنَّنْ كَكَكِ بِيُ غَبَاطَيَ، جَمَعَ غَبَاطَيَ ذَاسُ تَتَّارُ أَغَبَنْكَ عَڧُواْڢَرْ شِغَ تٜىٰنْتِنْ سَدُوَ؞ 4 عَمَّا سَعَدَّ عَكَ بُوسَ كَكَكِ غُدَا طَيَ، شُوغَبَنِّ نٜىٰ، وَتُواْ شُوغَبَنِّنْ كُواْوَنٜىٰ دَنْغِنْ إِسْرَٰٓءِيلَ، ذَاسُ تَتَّارُ أَغَبَنْكَ؞ 5 سَعَدَّ عَكَ بُوسَ كَكَكِ إِرِنَّبَادَ عُواْدَ، ظُرِيُواْيِنْ دَ سُكَ كَڢَ تٜىٰنْتُنَنْسُ عَتَغَبَسْ ذَاسُتَاشِ سُكَامَ حَنْيَ؞ 6 سَعَدَّ عَكَ سَاكٜىٰ بُوسَ كَكَكِ إِرِنَّبَادَ عُواْدَ، ظُرِيُواْيِنْ دَ سُكَ كَڢَ تٜىٰنْتُنَنْسُ عَتَكُدُ ذَاسُتَاشِ سُكَامَ حَنْيَ؞ دُكْ سَعَدَّ ذَاسُ تَاشِ سُكَامَ حَنْيَ، ذَاعَ بُوسَ كَكَكِ إِرِنَّبَادَ عُواْدَ؞ 7 عَمَّا عِدَنْ ذَاعَ كِرَا تَارُوانْ جَمَعَ سُتَتَّارُ، ذَاعَ بُوسَ كَكَكِ، عَمَّا بَ إِرِنَّبَادَ عُواْدَبَ؞ 8 یَیَ مَظَا نَ هَٰرُونَ، وَتُواْ ڢِرِسْتُواْثِے، سُونٜىٰ ذَاسُبُوسَ كَكَكِ؞ وَنَّنْ ڧَٰعِدَ ثٜىٰ تَدِنْدِنْدِنْ حَرْ إِيَاكَرْ ڟَارَرَّكِنْكُ؞ 9 «سَعَدَّ كُكَ شِغَ ڧَسَرْكُ، كُكَ كُمَ ڢِتَ دُواْمِنْ يَاڧِ دَ أَبُواْكَنْ غَابَنْكُ وَطَنْدَ سُكٜىٰيِ مُكُ دَنِّيَ، سَيْ عَبُوسَ كَكَكِ إِرِنَّبَادَ عُواْدَ، دُواْمِنْ يَهْوٜىٰهْ اللَّهْ نْكُ يَتُنَ دَكُو يَكُمَ ثٜىٰثٜىٰكُ دَغَ أَبُواْكَنْ غَابَنْكُ؞ 10 ذَاعَكُمَ بُوسَ كَكَكِ أَ رَانَكُنْكُ نَمُرْنَ دَ بُكُكُوَنْ دَ عَكَ ڟَارَا مُكُ دَ كُمَ بِكِنْكُ نَسَابُوانْ وَتَ؞ ذَاعَبُوسَ كَكَكِ أَ لُواْكَثِنْ دَ عَكٜىٰمِيڧَ هَدَايُنْكُ نَڧُواْنَاوَا دَ هَدَايُنْكُ نَڠَرَنْ زُمُنْثِ؞ وَنَّنْ بُوسَ ذَيْسَا يَهْوٜىٰهْ اللَّهْ نْكُ يَتُنَ دَكُو سَبُواْدَ يَرْجٜىٰجٜىٰنِيَرْسَ؞ نِنٜىٰ يَهْوٜىٰهْ اللَّهْ نْكُ؞» ڧَٰعِدَرْ تَاشِ دَغَ ذَنْغُواْ 11 أَ رَانَ تَعَشِرِنْ غَ وَتَ نَبِيُ أَ شٜىٰكَرَا تَبِيُ بَايَنْدَ مُتَنٜىٰنْ إِسْرَٰٓءِيلَ سُكَ ڢِتَ دَغَ ڧَسَرْ مَصَرْ، سَيْ ڧُنْشِنْ غِرْغِجٜىٰنْ يَتَاشِ دَغَ بِسَ تٜىٰنْتِنْ شَيْدَرْ يَرْجٜىٰجٜىٰنِيَ؞ 12 سَعَنً إِسْرَٰٓءِيلَاوَا سُكَتَاشِ بِيدَبِے دَغَ ذَنْغُوانْسُ أَ دَاجِنْ سِنَيْ؞ سُكَيِ تَبِنْ ڧُنْشِنْ غِرْغِجٜىٰنْ حَرْ سَيْ يَڟَيَ أَ دَاجِنْ ڢَرَنْ؞ 13 وَنَّنْ شِينٜىٰ تَاشِنْسُ نَڢَرْكُواْ عَڧُنْغِيَ ڧُنْغِيَ بِسَغَ يَدَّ يَهْوٜىٰهْ يَعُمَرْثِ مُوسَٰى؞ 14 تُتَرْ ذُرِيَرْ يَهُودَ ثٜىٰ تَوُثٜىٰ غَبَ تَكَامَ حَنْيَ، مُتَنٜىٰنْ يَهُودَ كُمَ سُكَ ڢِتَ ڧُنْغِيَ ڧُنْغِيَ؞ نَشُوانْ طَنْ أَمِّنَدَبْ شِينٜىٰ شُوغَبَنْسُ؞ 15 نٜىٰتَنٜىٰلْ طَنْ ذُوَارْ، شِينٜىٰ شُوغَبَنْ ذُرِيَرْ إِسَّكَرْ؞ 16 عٜىٰلِيَبْ طَنْ هٜىٰلُوانْ، شِينٜىٰ شُوغَبَنْ ذُرِيَرْ ظٜىٰبُلُنْ؞ 17 سَعَنً عَكَ كُنْثٜىٰ تٜىٰنْتِنْ، سَيْ دَنْغُواْغِنْ غٜىٰرْشُوانْ دَ مٜىٰرَرِ، وَطَنْدَ سُكٜىٰ طَوْكَرْ تٜىٰنْتِنْ، سُكَتَاشِ سُكَ كَامَ حَنْيَ؞ 18 بِيٜىٰدَسُو، تُوتَرْ ذُرِيَرْ رَعُبَيْنُ تَوُثٜىٰ غَبَ تَكَامَ حَنْيَ، مُتَنٜىٰنْ رَعُبَيْنُ كُمَ سُكَ ڢِتَ ڧُنْغِيَ ڧُنْغِيَ؞ عٜىٰلِظُرْ طَنْ شٜىٰدٜىٰيُرْ شِينٜىٰ شُوغَبَنْسُ؞ 19 شٜىٰلُمِيٜىٰلْ طَنْ ظُرِشَدَّيْ، شِينٜىٰ شُوغَبَنْ ذُرِيَرْ سِمٜىٰيُوانْ؞ 20 عٜىٰلِيَسَڢْ طَنْ رٜىٰيُوٜىٰلْ، شِينٜىٰ شُوغَبَنْ ذُرِيَرْ غَدْ؞ 21 بِيٜىٰدَسُو دَنْغِنْ كُواْهَتْ نَظُرِيَرْ لَوِ، وَطَنْدَ سُكٜىٰ طَوْكَرْ أَبُبُوَنْ دَ عَكَ كٜىٰٻٜىٰ دَ ڟَرْكِے، سُكَتَاشِ سُكَ كَامَ حَنْيَ؞ كَاڢِنْ سُكَيْ سَابُوانْ ذَنْغُواْ، أَنْرِغَا أَنْكَڢَ تٜىٰنْتِنْ أَوُرِنْ؞ 22 بِيٜىٰدَسُو، تُوتَرْ ذُرِيَرْ إِڢْرَيِمْ تَوُثٜىٰ غَبَ تَكَامَ حَنْيَ، مُتَنٜىٰنْ إِڢْرَيِمْ كُمَ سُكَ ڢِتَ ڧُنْغِيَ ڧُنْغِيَ؞ عٜىٰلِشَمَ طَنْ أَمِّهُدْ، شِينٜىٰ شُوغَبَنْسُ؞ 23 غَمَلِيٜىٰلْ طَنْ ڢٜىٰدَظُرْ، شِينٜىٰ شُوغَبَنْ ذُرِيَرْ مَنَسّٜىٰ؞ 24 أَبِدَنْ طَنْ غِدٜىٰيُواْنِ، شِينٜىٰ شُوغَبَنْ ذُرِيَرْ بِلِيَامِنُ؞ 25 عَڧَرْشٜىٰ، سَيْ تُوتَرْ ذُرِيَرْ دَنْ تَوُثٜىٰ غَبَ تَكَامَ حَنْيَ، مُتَنٜىٰنْ دَنْ كُمَ سُكَ ڢِتَ ڧُنْغِيَ ڧُنْغِيَ، سُنَ رُڢٜىٰ بَايَنْ دُكَنْ سَوْرَنْ ظُرِيُواْيِ؞ أَهِيٜىٰظٜىٰرْ طَنْ أَمِّشَدَّيْ، شِينٜىٰ شُوغَبَنْسُ؞ 26 ڢَغِيٜىٰلْ طَنْ عُواْكِرَنْ، شِينٜىٰ شُوغَبَنْ ذُرِيَرْ أَشٜىٰرْ؞ 27 أَهِرَ طَنْ عٜىٰنَنْ، شِينٜىٰ شُوغَبَنْ ذُرِيَرْ نَڢْتَلِ؞ 28 وَنَّنْ عِتَثٜىٰ ڧَٰعِدَرْ تَاشِنْ إِسْرَٰٓءِيلَاوَا، ڧُنْغِيَ ڧُنْغِيَ، لُواْكَثِنْ دَ سُكَتَاشِ دَغَ ذَنْغُواْ سُكَ كَامَ حَنْيَ؞ 29 سَيْ مُوسَٰى يَيِ مَغَنَ دَ هُواْبَبْ طَنْ يِتْرُواْ مُتُمِنْ مَدْيَنَ، بَابَنْ مَاتَرْ مُوسَٰى، يَثٜىٰ «يَنْذُ ڢَا، مُنَ شِرِنْ تَاشِ دَغَ نَنْ مُكَامَ حَنْيَ ذُوَا وُرِنْ دَ يَهْوٜىٰهْ يَيِ مَنَ أَلْڧَوَرِ ثٜىٰوَ ذَيْبَامُ؞ كَذُواْ مُتَڢِے تَرٜىٰ، ذَامُيِ مَكَ أَلْحٜىٰرِ غَمَا يَهْوٜىٰهْ يَيِ أَلْڧَوَرِ ثٜىٰوَ ذَيْ يِوَ إِسْرَٰٓءِيلَ أَلْحٜىٰرِ؞» 30 عَمَّا هُواْبَبْ يَأَمْسَ يَثٜىٰ «أَعَ، نِے ذَنْ كُواْمَ ڧَسَرْ حَيْڢُوَتَ دَ مُتَنٜىٰنَ؞» 31 سَيْ مُوسَٰى يَثٜىٰ «إِنَ ضُواْڧُوانْكَ، كَدَ كَبَرْمُ، غَمَا كَيْ كَا سَنْ وُرِنْ دَ ذَامُ كَڢَ ذَنْغُوانْمُ أَدَاجِ، ذَاكَ كُمَ ذَمَ جَغُواْرَنْمُ؞ 32 بَنْدَ حَكَمَا، عِدَنْ كَابِيمُ مُكَ تَڢِے تَرٜىٰ، كُواْوَنٜىٰ إِرِنْ أَلْحٜىٰرِنْ دَ يَهْوٜىٰهْ ذَيْ يِمَنَ، حَكَمَا ذَامُيِ مَكَ؞» إِسْرَٰٓءِيلَاوَا سُكَ تَاشِ دَغَ دَاجِنْ سِنَيْ 33 سَيْ إِسْرَٰٓءِيلَاوَا سُكَتَاشِ دَغَ بَبَّنْ تُدُنْ يَهْوٜىٰهْ، وَتُواْ سِنَيْ، سُكَيِ تَڢِيَ ݣُونَ عُكُ؞ يَايِنْ دَسُكٜىٰ تَڢِيَ عَݣُوتِنْ يَرْجٜىٰجٜىٰنِيَ نَ يَهْوٜىٰهْ يَنَ جَنْ غَبَنْسُ دُواْمِنْ يَنٜىٰمَ مُسُ وُرِنْ دَ ذَاسُ هُوتَ؞ 34 أَ دُكْ لُواْكَثِنْ دَ سُكَتَاشِ دَغَ ذَنْغُواْ دَ رَانَ، ڧُنْشِنْ غِرْغِجٜىٰنْ يَهْوٜىٰهْ كُوَ يَنَ بِسَنْسُ؞ 35 دُكْ لُواْكَثِنْ دَ عَݣُوتِنْ يَرْجٜىٰجٜىٰنِيَ يَتَاشِ يَكَامَ حَنْيَ، سَيْ مُوسَٰى يَثٜىٰ، «يَهْوٜىٰهْ، بَرِ كَتَاشِ! بَرِ كَوَاڟَرْدَ أَبُواْكَنْ غَابَنْكَ، بَرِ مَاسُ ڧِنْكَ سُغُدُ دَغَ غَرٜىٰكَ!» 36 دُكْ لُواْكَثِنْ دَ عَݣُوتِنْ يَرْجٜىٰجٜىٰنِيَرْ يَڟَيَ أَوُرِنْ هُوتُ، سَيْ مُوسَٰى يَثٜىٰ، «يَا يَهْوٜىٰهْ، بَرِ كَدَاوُاْ، وُرِنْ دُبُنْ دُبَّيْ نَ إِسْرَٰٓءِيلَ!» |
Hausa Common Language Ajami Bible © The Bible Society of Nigeria, 2020
Bible Society of Nigeria