نٜىٰهٜىٰمِيَ 8 - أَتَّوْرَتْ دَ أَنَّبَاوَا

عُزَيْرُ يَكَرَنْتَ وَ مُتَنٜىٰ كُواْيَرْوَرْ مُوسَٰى

¹ أَ رَانَ تَڢَرْكُواْ أَوَتَنْ بَݣَويْ، دُكَنْ مُتَنٜىٰنْ سُكَ تَارُ غَبَاطَيَ أَ عُرُوشَلِيمَ عَثِكِنْ ڢِيلِنْ دَيَكٜىٰ أَغَبَنْ ڧُواْڢَرْ ضُوَ؞ سُكَ ضُواْڧِ عُزَيْرُ مَلَمِنْ كُواْيَرْوَا يَكَٰوُاْ نَطَطّٜىٰنْ لِتَّڢِنْ كُواْيَرْوَرْ مُوسَٰى، وَنْدَ يَهْوٜىٰهْ يَعُمَرْتَ وَمُتَنٜىٰنْ إِسْرَٰٓءِيلَ؞

² أَ رَانَرْ نَنْ سَيْ عُزَيْرُ ڢِرِسْتِ يَكَٰوُاْ نَطَطّٜىٰنْ لِتَّڢِنْ كُواْيَرْوَرْ مُوسَٰى أَغَبَنْ تَارُوانْ جَمَعَ، وَتُواْ مَظَا دَ مَاتَادَ دُكَنْ وَطَنْدَ ذَاسُ عِيَ جِيسُ غَانٜىٰ؞

³ عُزَيْرُ كُوَ يَڟَيَ أَ ڢِيلِنْ دَيَكٜىٰ أَغَبَنْ ڧُواْڢَرْ ضُوَ؞ تُنْدَ سَڢٜىٰ حَرْ ذُوَا ڟَكِيَرْ رَانَ، يَكَرَنْتَ دَغَ لِتَّڢِنْ أَغَبَنْ مَظَا دَ مَاتَادَ دُكَنْ وَطَنْدَ ذَاسُ عِيَجِے سُغَانٜىٰ؞ دُكَنْ مُتَنٜىٰنْ كُوَ سُكَ كَسَ كُنّٜىٰ سُواْسَيْ غَا كَرَاتُنْ لِتَّڢِنْ كُواْيَرْوَرْ مُوسَٰى؞

⁴ عُزَيْرُ مَلَمِنْ كُواْيَرْوَا يَهَوْ يَڟَيَ عَكَنْ وَنِ وُرِے مَيْ ڟَيِ وَنْدَ عَكَيِ دَ كَتَكَيْ، وَنْدَ عَكَ شِرْيَ سَبُواْدَ وَنَّنْ حِدِمَرْ؞ سَيْ وَطَنَّنْ مُتَنٜىٰ سُكَ ڟَيَ أَ حَنُّنْ دَامَنْسَ، مَتِّتِيَ دَ شٜىٰمَ دَ أَنَيَ دَ عُرِيَ دَ هِلْكِيَ دَ مَعَسٜىٰيَ؞ سَيْ كُمَ وَطَنَّنْ مُتَنٜىٰ سُكَ ڟَيَ أَ حَنُّنْ هَغُنْسَ، ڢٜىٰدَيَ دَ مِشَيٜىٰلْ دَ مَلْكِيَ دَ هَشُمْ دَ هَشْبَدَّنَ دَ زَكَرِيَّا دَ مٜىٰشُلَّمْ؞

⁵ عُزَيْرُ يَبُوطٜىٰ نَطَطّٜىٰنْ لِتَّڢِنْ أَعِدُوانْ دُكَنْ جَمَعَرْ، غَمَا عِنْدَ يَڟَيَ يَنَ سَمَ ڢِيٜىٰدَ عِنْدَ جَمَعَرْ سُكٜىٰ؞ سَعَدَّ عُزَيْرُ يَبُوطٜىٰ لِتَّڢِنْ سَيْ دُكَنْ جَمَعَرْ سُكَتَاشِ ڟَيٜىٰ؞

⁶ سَيْ عُزَيْرُ يَيَبِے يَهْوٜىٰهْ، اللَّهْ مَيْغِرْمَ؞ دُكَنْ جَمَعَرْ كُوَ سُكَ أَمْسَ ‏«‏أَمِينْ!‏ أَمِينْ!‏»‏ سُنَ طَغَ حَنُّوَنْسُ سَمَ؞ سُكَ رُسُنَ دَ ڢُسْكُواْكِنْسُ حَرْ ڧَسَا، سُكَيِ وَ يَهْوٜىٰهْ سُجَّدَ؞

⁷ سَيْ لَوِيَاوَا سُكَ ڢَسَّرَ وَ جَمَعَرْ كُواْيَرْوَرْ مُوسَٰى يَايِنْ دَ جَمَعَ سُكٜىٰ أَڟَيٜىٰ؞ وَطَنَّنْ لَوِيَاوَنْ سُونٜىٰ، يٜىٰشُوَ دَ بَنِ دَ شٜىٰرٜىٰبِيَ دَ يَمِنْ دَ عَكُّبْ دَ شَبّٜىٰتَيْ دَ هُواْدِيَ دَ مَعَسٜىٰيَ دَ كٜىٰلِتَ دَ أَظَرِيَ دَ يُواْظَبَدْ دَ هَنَنْ دَ ڢٜىٰلَيَ؞

⁸ سُكَ كَرَنْتَ دَغَ ثِكِنْ لِتَّڢِنْ كُواْيَرْوَرْ اللَّهْ سُنَ بَيَّنَ مَعَنَرْسَ دَلَّ دَلَّ سُنَ ڢَسَّرَ وَمُتَنٜىٰ دُواْمِنْ سُغَانٜىٰ؞

⁹ سَعَدَّ مُتَنٜىٰ سُكٜىٰ جِنْ أَبِنْدَ عَكٜىٰ كَرَنْتَاوَا دَغَ لِتَّڢِنْ كُواْيَرْوَرْ مُوسَٰى، سَيْ سُكَيِ تَكُوكَا؞ سَيْ نٜىٰهٜىٰمِيَ مَيْ مُلْكِ دَ عُزَيْرُ ڢِرِسْتِ وَنْدَ شِے مَلَمِنْ كُواْيَرْوَا نٜىٰ دَ كُمَ لَوِيَاوَنْ دَسُكٜىٰيِ وَجَمَعَرْ ڢَسَّرَ سُكَثٜىٰ وَدُكَنْسُ ‏«‏وَنَّنْ رَانَثٜىٰ دَ عَكَكٜىٰٻٜىٰ دَ ڟَرْكِے غَ يَهْوٜىٰهْ اللَّهْ نْكُ، سَبُواْدَ حَكَ كَدَ كُيِ بَڧِنْ ثِكِ كُواْ كُوكَا؞»‏

¹⁰ سَيْ نٜىٰهٜىٰمِيَ يَثٜىٰ مُسُ ‏«‏كُكُواْمَ غِدَا، كُثِ عَبِنْثِ مَيْݣَوْ، كُشَا كَايَنْ ذَاڧِ؞ كُعَيْكَ وَ وَطَنْدَ بَاسُ دَكُواْمٜىٰ؞ غَمَا وَنَّنْ رَانَ مَيْ ڟَرْكِے ثٜىٰ غَ عُبَنْ‌غِجِنْمُ؞ سَبُواْدَ حَكَ كَدَ كُيِ بَڧِنْ ثِكِ، غَمَا ڢَضٍ ثِكِنْ دَ كُكٜىٰ دَشِ ثِكِنْ يَهْوٜىٰهْ شِينٜىٰ تُوشٜىٰنْ ڧَرْڢِنْكُ؞»‏

¹¹ سَيْ لَوِيَاوَا سُكَبِے ثِكِنْ جَمَعَ سُنَ ݣُونْتَرْ مُسُ دَ ذُوثِيَا سُنَ ثٜىٰوَ ‏«‏كُݣُونْتَرْ دَ حَنْكَلِنْكُ، غَمَا وَنَّنْ رَانَ ثٜىٰ دَ عَكَ كٜىٰٻٜىٰ دَ ڟَرْكِے، كَدَ كُيِ بَڧِنْ ثِكِ؞»‏

¹² سَيْ دُكَنْ مُتَنٜىٰ سُكَ كُواْمَ غِدَاجٜىٰنْسُ سُكَثِ سُكَشَا دَ ڢَضٍ ثِكِ، سُكَ كُمَ رَبَ عَبِنْثِ غَ وَطَنْدَ بَسُ دَكُواْمٜىٰ، سَبُواْدَ سُنْ غَانٜىٰ أَبِنْدَ عَكَ كَرَنْتَ مُسُ؞

بِكٍ بُكُّواْكِ

¹³ أَ رَانَ تَبِيُ غَ وَتَنْ، سَيْ شُوغَبَنِّنْ غِدَنْ كَاكَنِّ سُكَ تَارُ تَرٜىٰدَ ڢِرِسْتُواْثِے دَ لَوِيَاوَا سُكَ تَڢِے وُرِنْ عُزَيْرُ مَلَمِنْ كُواْيَرْوَا دُواْمِنْ سُكُواْيِ كُواْيَرْوَرْ مُوسَٰى؞

¹⁴ سَيْ سُكَ سَامُ أَرُبُوثٜىٰ ثِكِنْ كُواْيَرْوَرْ دَ يَهْوٜىٰهْ يَعُمَرْتَ تَبَاكِنْ مُوسَٰى ثٜىٰوَ مُتَنٜىٰنْ إِسْرَٰٓءِيلَ ذَاسُ كَسَنْثٜىٰ عَثِكِنْ بُكُّواْكِ نَطَنْ لُواْكَثِ أَ لُواْكَثِنْ بِكٍ بُكُّواْكِ أَوَتَنْ بَݣَويْ؞

¹⁵ يَهْوٜىٰهْ كُمَ يَعُمَرْتَ أَڢَطَا وَمُتَنٜىٰ عَيِ مُسُ شٜىٰلَ ثِكِنْ غَرُرُوَنْسُ دَ كُمَ ثِكِنْ عُرُوشَلِيمَ ثٜىٰوَ ‏«‏كُتَڢِے كَنْ تُدَّيْ كُكَٰوُاْ رَسَّنْ إِتَاثٜىٰنْ ظَيْتُنْ دَ نَ إِتَاثٜىٰنْ ظَيْتُنْ نَدَاجِ دَ نَ إِتَاثٜىٰنْ مُرْتِلْ دَ نَ إِتَاثٜىٰنْ دَبِينُواْ دَ كُمَ نَ عِتَتُوَ مَاسُ غَنْيَيٜىٰ دُواْمِنْ كُيِ بُكُّواْكِ بِسَغَ يَدَّ عَكَ رُبُوتَ أَ كُواْيَرْوَرْ مُوسَٰى؞»‏

¹⁶ سَيْ مُتَنٜىٰ سُكَ تَڢِے سُكَ كَٰوُاْ رَسَّنْ عِتَتُوَ سُكَ كُمَ شِرْيَ وَكَنْسُ بُكُّواْكِ عَكَنْ رُڢِنْ غِدَاجٜىٰنْسُ دَ كُمَ ثِكِنْ ڢِيلِنْ غِدَاجٜىٰنْسُ دَ ثِكِنْ ڢِيلِ عَثِكِنْ غِدَنْ اللَّهْ دَ ثِكِنْ ڢِيلِنْ دَيَكٜىٰ غَبَنْ ڧُواْڢَرْ ضُوَ دَ ثِكِنْ ڢِيلِنْ دَيَكٜىٰ غَبَنْ ڧُواْڢَرْ إِڢْرَيِمْ؞

¹⁷ دُكَنْ مُتَنٜىٰ وَطَنْدَ سُكَ كُواْمُواْ دَغَ ڧَسَرْ بَوْتَا سُكَيِ وَكَنْسُ بُكُّواْكِ سُكَ كُمَ ذَوْنَ عَثِكِنْسُ؞ تُنْدَغَ زَامَانِنْ يُواْشُوَ طَنْ نُنْ حَرْ ذُوَا وَنَّنْ رَانَ مُتَنٜىٰنْ إِسْرَٰٓءِيلَ بَسُ تَٻَيِنْ بِكٍ حَكَبَ؞ مُتَنٜىٰنْ كُوَ سُكَيِ ڢَضٍ ثِكِ سُواْسَيْ؞

¹⁸ كُواْوَثٜىٰ رَانَ كُوَ عُزَيْرُ يَكَنْ كَرَنْتَ دَغَ ثِكِنْ نَطَطّٜىٰنْ لِتَّڢِنْ كُواْيَرْوَرْ اللَّهْ، تُنْدَغَ رَانَ تَڢَرْكُواْ تَبِكِ حَرْ ذُوَا رَانَ تَڧَرْشٜىٰ؞ سُكَيِ بِكِنَّنْ حَرْ ݣُونَ بَݣَويْ، أَ رَانَ تَتَݣُوسْ عَكَيِ مُهِمِّنْ تَارُواْ بِسَغَ ڧَٰعِدَ؞