نٜىٰهٜىٰمِيَ 6 - أَتَّوْرَتْ دَ أَنَّبَاوَا

أَنْ ثِيغَبَ دَ يِنْ غَابَادَ عَيْكِنْ غِنِ

¹ أَنَانً سَيْ سَنْبَلَّتْ دَ تُواْبِيَ دَ غٜىٰشٜىٰمْ بَلَرَبٜىٰ دَ سَوْرَنْ أَبُواْكَنْ غَابَنْمُ سُكَجِ ثٜىٰوَ مُنْ غَمَ غِنِنْ كَتَنْ‌غَرْ كُمَ مُنْ كَمَّلَ غِنِنْ وُرَارٜىٰنْ دَ بَسُ حَطُ بَ، كُواْدَيَكٜىٰ أَ لُواْكَثِنْ بَمُ رِغَا مُنْ سَا ڧُواْڢُواْڢِنْ بَ؞

² سَيْ سَنْبَلَّتْ دَ غٜىٰشٜىٰمْ سُكَ عَيْكَ ذُوَا وُرِينَ سُكَثٜىٰ ‏«‏كَذُواْ مُسَدُ دَكَيْ أَوَنِ ڧَوْيٜىٰ أَ ڢِيلِنْ عُواْنُواْ؞»‏ عَمَّا سُنَ وَيُواْ نٜىٰ دُواْمِنْ سُثُوثٜىٰنِ؞

³ سَيْ نَتُورَ یَنْ عَيْكَ سُڢَطَا مُسُ سُثٜىٰ ‏«‏إِنَ يِنْ مُهِمِّنْ عَيْكِنْ دَ بَذَنْ سَامِ دَامَرْ غَنْ‌غَرَوَبَ؞ دُوانْمٜىٰ ذَنْبَرْ عَيْكِنْ يَڟَيَ دُوانْ إِنْ غَنْ‌غَرَ ذُوَا وُرِنْكُ؟»‏

⁴ سُكَيِ تَعَيْكَ مِنِ دَ وَنَّنْ سَڧُواْ حَرْ سَوْ حُطُ، كُواْوَنٜىٰ لُواْكَثِ كُوَ إِنَبَاسُ أَمْسَ إِرِ طَيَ؞

⁵ سَوْ نَبِيَرْ سَنْبَلَّتْ يَعَيْكَ طَيَ دَغَ ثِكِنْ مَاسُ يِمَسَ حِدِمَ ذُوَا وُرِينَ؞ طَنْ عَيْكَنْ يَنَ رِڧٜىٰ دَ وَسِيڧَ عَبُوطٜىٰ مَيْ سَڧُواْ إِرِ طَيَ؞

⁶ غَا أَبِنْدَ سُكَ رُبُوتَ عَثِكِنْ وَسِيڧَرْ؞ ‏«‏مُنَ سَامُنْ لَابَرِ دَغَ وُرِنْ مُتَنٜىٰنْ دَسُكٜىٰ ذَمَ كٜىٰوَيٜىٰ دَمُو ثٜىٰوَ كَيْ دَ مُتَنٜىٰنْ يَهُودَ كُنَدَ نِيَّرْ يِنْ تَاوَيٜىٰ؞ شِيَسَا كُكٜىٰ غِنِنْ كَتَنْ‌غَرْ؞ غٜىٰشٜىٰمْ كُوَ يَتَبَّتَرْ مَنَ حَكَ يَكٜىٰ؞ بَنْدَ حَكَمَا، بِسَغَ وَنَّنْ لَابَرِ مُنْجِ ثٜىٰوَ كَنَدَ نِيَّ كَنَطَ كَنْكَ سَرْكِنْسُ؞

⁷ حَرْ مَا وَيْ كَشِرْيَ وَطَنْسُ أَنَّبَاوَا سُيِ شٜىٰلَ غَمٜىٰدَ كَيْ أَ عُرُوشَلِيمَ ثٜىٰوَ أَݣَويْ سَرْكِے أَ يَهُودَ؞ لَلَّيْ سَرْكِے أَرْتَظٜىٰكْظٜىٰسْ ذَيْجِے وَنَّنْ لَابَرِ؞ شِيَسَا إِنَبَادَ شَوَرَا مُسَدُ مُيِ مَغَنَ عَكَنْ وَنَّنْ ذَنْثٜىٰنْ؞»‏

⁸ سَيْ نَعَيْكَ مَسَ دَ أَمْسَ نَثٜىٰ ‏«‏أَبِنْ دَ كَكٜىٰ ڢَطِنَّنْ دُكَ بَ غَسْكِيَ بَنٜىٰ؞ كَيْ كَشِرْيَ وَنَّنْ دُكَ أَ ذُوثِيَارْكَ؞»‏

⁹ دُكَنْسُ سُنَ ڧُواْڧَرِ سُبَامُ ڟُواْرُواْ؞ سُنَ ڟَمَّنِ تَوُرِنْ إِرِنْ وَنَّنْ مَغَنَ ذَاسُسَا حَنُّوَنْمُ سُمُتُ، عَيْكِنْ يَڟَيَ؞ سَيْ نَيِ أَدُّعَ نَثٜىٰ ‏«‏يَنْذُ، يَا اللَّهْ، كَڧَرْڢَڢَ حَنُّوَنَ!‏»‏

¹⁰ وَتَرَانَ نَظِيَرْثِ شٜىٰمَيَ طَنْ دٜىٰلَيَ، وَتُواْ جِيكَنْ مٜىٰهٜىٰتَبٜىٰلْ، أَغِدَنْسَ؞ شٜىٰمَيَ كُوَ بَيْ عِيَ ڢِتَ دَغَ غِدَنْسَبَ؞ يَثٜىٰ مِنِ ‏«‏بَرِ مُتَڢِے مُٻُيَ أَ غِدَنْ اللَّهْ، ثِكِنْ وُرِے مَيْ ڟَرْكِے أَ هَيْكَلِ، مُكُمَ كُلّٜىٰ ڧُواْڢُواْڢِنْ، دُواْمِنْ سُنَ ذُوَا سُكَشٜىٰكَ؞ لَلَّيْ سُنَ ذُوَا سُكَشٜىٰكَ دَ دَرٜىٰ؞»‏

¹¹ سَيْ نَأَمْسَ نَثٜىٰ ‏«‏نِے إِرِنْ مُتُمِنْ دَ ذَيْ غُدُنٜىٰ؟ بَنْدَ حَكَمَا، وَنٜىٰ مُتُمْ نٜىٰ كَمَرْ نِے ذَيْ شِغَ هَيْكَلِ حَرْ يَرَايُ؟ نِے، بَذَنْيِ حَكَبَ؞»‏

¹² سَعَدَّ نَيِ تُنَانِ، سَيْ نَغَانٜىٰ ثٜىٰوَ اللَّهْ بَيْيِ مَغَنَ دَ شٜىٰمَيَ بَ، عَمَّا تُواْبِيَ دَ سَنْبَلَّتْ نٜىٰ سُكَبِيَ شِ دُواْمِنْ يَيِ مِنِ وَنَّنْ أَنَّبْثِ؞

¹³ سُنْ بِيَ شِينٜىٰ دُواْمِنْ يَبَا نِے ڟُواْرُواْ إِنْيِ ذُنُوبِ تَوُرِنْ يِنْ أَبِنْدَ سُكَ ڢَطَا؞ تَهَكَ ذَاسُ ٻَاتَ مِنِ سُونَ دُواْمِنْ سُسَامِ أَبِنْ زَرْغِنَ؞

¹⁴ سَيْ نَيِ أَدُّعَ نَثٜىٰ ‏«‏يَا اللَّهْ نَا، كَتُنَ دَ مُوغُنْ أَبِنْدَ تُواْبِيَ دَ سَنْبَلَّتْ سُكَيِ مَنَ؞ كَكُمَ تُنَ دَ أَنَّبِيَ نُواْوَدِيَ دَ دُكَنْ سَوْرَنْ أَنَّبَاوَا وَطَنْدَ سُكَيِ ڧُواْڧَرِ سُبَانِ ڟُواْرُواْ؞»‏

أَنْ غَمَا عَيْكِنْ كَتَنْ‌غَ

¹⁵ عَثِكِنْ ݣُونَ حَمْسِنْ دَ بِيُ عَكَ غَمَ عَيْكِنْ كَتَنْ‌غَرْ أَ رَانَ تَعَشِرِنْ دَ بِيَرْ غَ وَتَنْ عٜىٰلُلْ؞

¹⁶ سَعَدَّ دُكَنْ أَبُواْكَنْ غَابَنْمُ سُكَجِ وَنَّنْ تَرٜىٰدَ دُكَنْ مُتَنٜىٰنْ دَسُكٜىٰ ذَمَ كٜىٰوَيٜىٰ دَمُو، سَيْ سُكَجِڟُواْرُواْ، سَيْ جِكِنْسُ يَمُتُ؞ غَمَا سُنْ غَانٜىٰ ثٜىٰوَ وَنَّنْ عَيْكِ دَ تَيْمَكُوانْ اللَّهْ نْمُ نٜىٰ مُكَيِشِ؞

¹⁷ عَثِكِنْ ݣُونَكِنَّنْ دَتَّاوَنْ يَهُودَ سُكَيِ تَرُبُوتَ وَسِيڧُ ذُوَاغَ تُواْبِيَ، شِيكُمَ يَنَ رُبُوتَ مُسُ؞

¹⁸ غَمَا مُتَنٜىٰ دَيَوَ عَثِكِنْ يَهُودَ سُنْ ضَنْڟٜىٰ وَ تُواْبِيَ ذَاسُ غُواْيِ بَايَنْسَ، دُواْمِنْ يَعَوْرِ یَرْ شٜىٰكَنِيَ طَنْ أَرَ مُتُمِنْ يَهُودَ؞ بَنْ دَ وَنَّنْ مَا، يٜىٰهُواْهَنَنْ طَنْ تُواْبِيَ يَعَوْرِ یَرْ مٜىٰشُلَّمْ طَنْ بٜىٰرٜىٰكِيَ؞

¹⁹ مُتَنٜىٰنْ سُكَيِ تَمَغَنَ عَكَنْ أَيُّكَ مَاسُ ݣَوْ نَ تُواْبِيَ أَغَبَنَ، كُمَ سُكَنْ مَيَرْ مَسَ دُكَنْ أَبِنْدَ نَڢَطَا؞ شِے كُوَ يَيِ تَعَيْكَ مِنِ دَ وَسِيڧُ دُواْمِنْ يَبَانِ ڟُواْرُواْ؞