نٜىٰهٜىٰمِيَ 4 - أَتَّوْرَتْ دَ أَنَّبَاوَا

نٜىٰهٜىٰمِيَ يَيِ نَصَرَا عَكَنْ مَاسُ غَابَادَ عَيْكِنْ غِنِ

¹ سَعَدَّ سَنْبَلَّتْ يَجِ ثٜىٰوَ مُو يَهُودَاوَا مُنْ ڢَارَ عَيْكِنْ غِنِنْ كَتَنْ‌غَرْ، سَيْ يَيِ ڢُشِے مَيْ ڟَنَنِ، يَيِ مَنَ دَارِيَارْ رٜىٰنِ؞

² سَيْ يَيِ مَغَنَ أَغَبَنْ أَبُواْكَنْسَ دَ ڧُنْ‌غِيَرْ سُواْجُواْجِنْ سَمَرِيَ يَثٜىٰ ‏«‏مٜىٰ وَطَنَّنْ يَهُودَاوَا مَرَسَ ڧَرْڢِے سُكٜىٰيِ؟ سُنَ سُواْ سُمَيْدَ كَتَنْ‌غَرْ بِرْنِنْسُ نٜىٰ؟ سُنَسُواْ سُمِيڧَ هَدَايُ نٜىٰ؟ سُنَ سُواْ سُغَمَ عَيْكِنْ أَ رَانَ طَيَ نٜىٰ؟ ذَاسُ عِيَ سَابُنْتَا دُووَڟُنْ غِنِنْ دَغَ تُلِنْ مَتَتُّنْ دُووَڟُنَّنْ دَ عَكَ ڧُواْنٜىٰنٜىٰ؟»‏

³ تُواْبِيَ مُتُمِنْ أَمُّوانْ وَنْدَ يَكٜىٰ ڟَيٜىٰ دَشِ يَثٜىٰ ‏«‏إِرِنْ كَتَنْ‌غَرْ دَسُكٜىٰ غِنَاوَا، كُواْ كَرٜىٰنْ دَاجِ مَا يَهَوْ ذَيْ رُشٜىٰتَ!‏»‏

⁴ سَيْ نِے نٜىٰهٜىٰمِيَ نَيِ أَدُّعَ نَثٜىٰ، ‏«‏كَجِ يَدَّ سُكٜىٰيِ مَنَ رٜىٰنِ، يَا اللَّهْ نْمُ!‏ بَرِ ذَاغِنْ دَسُكٜىٰيِ مَنَ يَكُواْمَ كَنْسُ؞ سَا عَكْوَاشٜىٰسُ عَكَيْسُ بَوْتَا أَوَتَ ڧَسَا كَمَرْ دُوكِيَرْ دَ عَكَ ڨُوثٜىٰ دَغَ وُرِنْ يَاڧِ؞

⁵ كَدَ كَغَاڢَرْتَا مُسُ لَيْڢِنْدَ سُكَيِ، كُمَ كَدَ كَشَرٜىٰ ذُنُبَنْسُ دَغَ غَبَنْكَ، غَمَا سُنْ ڟُواْكَنٜىٰمُ، مُو دَمُكٜىٰيِنْ عَيْكِنْ غِنِ؞»‏

⁶ سَيْ مُكَثِيغَبَدَ غِنِنْ كَتَنْ‌غَرْ، مُكَ هَرْهَطَتَ دُكَ كٜىٰوَيٜىٰ دَ بِرْنِنْ حَرْ رَبِنْ ڟَيِنْتَ، غَمَا مُتَنٜىٰنْ سُنْيِ عَيْكِ دَ ڨُوذُواْ سُواْسَيْ؞

⁷ عَمَّا دَ سَنْبَلَّتْ دَ تُواْبِيَ دَ لَرَبَاوَا دَ أَمُّواْنَاوَا دَ مُتَنٜىٰنْ بِرْنِنْ أَشْدُوادْ سُكَجِ ثٜىٰوَ عَيْكِنْ ڠَرَنْ كَتَنْ‌غَرْ عُرُوشَلِيمَ يَنَ ثِيغَبَ، كُمَ أَنَ كَمَّلَ غِنِنْ وُرَارٜىٰنْ دَ بَسُ حَطُبَ عَكَتَنْ‌غَرْ، سَيْ سُكَجِ ڢُشِے سُواْسَيْ؞

⁸ سَيْ دُكَنْسُ سُكَ حَطَ بَاكِ ذَاسُذُواْ سُيِ يَاڧِ دَ عُرُوشَلِيمَ، سُكَٰوُاْ ضِكِثِيوَ أَوُرِنْ؞

⁹ عَمَّا مُكَيِ أَدُّعَ غَ اللَّهْ نْمُ، مُكَ كُمَسَا مَاسُ غَادِ سُيِ غَادِ دَرٜىٰ دَ رَانَ سَبُواْدَسُو؞

¹⁰ مُتَنٜىٰنْ يَهُودَ كُوَ سُكَثٜىٰ، ‏«‏ڧَرْڢِنْ مَاسُ طَوْكَرْ كَايَ يَنَ كَاسَوَ، تُلِنْ دُوَڟُو دَ ڧَسَرْ ݣُوشٜىٰوَا دَيَوَ سُكٜىٰ!‏ يَيَ ذَامُ عِيَ غِنَا كَتَنْ‌غَرْ؟»‏

¹¹ أَبُواْكَنْ غَابَنْمُ سُكَثٜىٰ ‏«‏كَاڢِنْ سُسَنْ أَبِنْدَ يَكٜىٰ ڢَرُوَ كُواْ كُمَ سُغَنْمُ، ذَامُ شِغَ ثِكِنْسُ، مُكَكَّشٜىٰسُ، مُڟَيْ دَ عَيْكِنْسُ؞»‏

¹² سَوْ دَيَوَ يَهُودَاوَنْ دَسُكٜىٰ دَ ذَمَ كُسَدَ أَبُواْكَنْ غَابَنْمُ سُنْيِ تَظُوَ سُنَيِنْ مَنَ مَغَنَ ثٜىٰوَ كُواْعِنَ دَ مُكَ جُويَا، أَبُواْكَنْ غَابَنْمُ ذَاسُ ڢَاطُواْ مَنَ؞

¹³ سَبُواْدَ حَكَ نَسَا مُتَنٜىٰ سُيِ شِرِ، نَرَرَّبَسُ بِسَغَ دَنْ‌غِنْسُ أَوُرَارٜىٰنْ دَ بَعَغَمَ غِنِنْ كَتَنْ‌غَرْبَ؞ سُنَ رِڧٜىٰ دَ كَايَنْ يَاڧِنْسُ، تَكُواْبِے دَ مَاشِ دَ بَكَ؞

¹⁴ دَ نَدُوبَ يَدَّ أَبُبُوَنْ سُكٜىٰ، سَيْ نَتَاشِ نَتَارَ مَنْيَنْ مُتَنٜىٰ دَ دَتَّاوَا دَ سَوْرَنْ مُتَنٜىٰ؞ نَثٜىٰ ‏«‏كَدَ كُجِڟُواْرُوانْ أَبُواْكَنْ غَابَنْمُ؞ كُتُنَ عُبَنْ‌غِجِ مَيْغِرْمَ نٜىٰ، مَيْ بَنْ ڟُواْرُواْ كُمَ؞ كُيِ يَاڧِ دُواْمِنْ كُڟَرٜىٰ یَنْعُوَنْكُ دَ یَیَنْكُ مَظَا دَ مَاتَادَ مَاتَنْكُ دَ كُمَ غِدَاجٜىٰنْكُ؞»‏

¹⁵ دَ أَبُواْكَنْ غَابَنْمُ سُكَجِ ثٜىٰوَ مُنْ سَنْ أَبِنْدَ سُكٜىٰ شِرِ، كُمَ اللَّهْ يَا رِغَا يَا رُشٜىٰ شِرِنْسُ، سَيْ دُكَنْمُ مُكَ كُواْمُواْ وُرِنْ غِنَا كَتَنْ‌غَرْ، كُواْوَ غَ عَيْكِنْسَ؞

¹⁶ دَغَ وَنَّنْ رَانَ، رَبِنْ مُتَنٜىٰنَ سُنَيِنْ عَيْكِنْ غِنِنْ كَتَنْ‌غَرْ، رَبِنْ كُمَ سُنَ رِڧٜىٰ دَ كَايَنْ يَاڧِنْسُ، وَتُواْ مَاشِ دَ غَرْكُوَ دَ بَكَ دَ رِيغُنَنْ ڧَرْڢٜىٰ؞ شُوغَبَنِّنْ كُوَ سُكَ رَرَّبَ كَنْسُ سُكَ ڟَيَ عَبَايَنْ دُكَنْ مُتَنٜىٰنْ غِدَنْ يَهُودَ

¹⁷ وَطَنْدَ سُكٜىٰ غِنِنْ كَتَنْ‌غَرْ؞ مَاسُ طَوْكَرْ كَايَنْ غِنِنْ مَا سُنَيِنْ عَيْكِ دَ حَنُّ طَيَ، حَنُّ طَيَ كُمَ يَنَ رِڧٜىٰ دَ كَايَنْ يَاڧِ؞

¹⁸ كُواْوَنٜىٰ مَيْ غِنِ يَنَ رَاتَيٜىٰ دَ تَكُواْبِنْسَ سَعَدَّ يَكٜىٰ غِنِ؞ مُتُمِنْ دَ ذَيْ بُوسَ ڧَهُواْ كُوَ يَنَ كُسَدَنِے؞

¹⁹ سَيْ نَڢَطَا وَدَتَّاوَا دَ شُوغَبَنِّ دَ سَوْرَنْ مُتَنٜىٰ نَثٜىٰ ‏«‏وَنَّنْ بَبَّنْ عَيْكِنٜىٰ، كُمَ أَرَرَّبٜىٰ يَكٜىٰ أَوُرَارٜىٰ دَبَمْ دَبَمْ؞ مُو كُمَ مُنَ أَرَرَّبٜىٰ عَكَنْ عَيْكِنْ كَتَنْ‌غَرْ نٜىٰسَ دَ جُونَ؞

²⁰ أَ دُكْ عِنْدَ كُكَجِ ڧَارَرْ ڧَهُواْ، سَيْ كُتَارُ أَوُرِنْ، اللَّهْ نْمُ ذَيْ يِيَاڧِ دُواْمِنْمُ!‏»‏

²¹ حَكَ كُوَ مُكَثِيغَبَدَ عَيْكِنْ كُواْوَثٜىٰ رَانَ دَغَ وَايٜىٰوَرْ غَرِ حَرْ ڢِتُواْوَرْ تَوْرَرِ دَ دَرٜىٰ، رَبِنْمُ سُنَ عَيْكِ عَكَنْ كَتَنْ‌غَرْ، رَبِنْ كُمَ كُواْوَنٜىٰ يَنَ غَادِ دَ مَاشِ؞

²² أَوَنَّنْ لُواْكَثِ نَڢَطَا وَمُتَنٜىٰ ثٜىٰوَ بَرِ كُواْوَنٜىٰ مُتُمْ دَ مَيْ تَيْمَكُوانْسَ عَيْكِ سُذَوْنَ عَثِكِنْ عُرُوشَلِيمَ دَ دَرٜىٰ، دُواْمِنْ عَيِ غَادِنْ بِرْنِنْ دَ دَرٜىٰ، عَيِ عَيْكِ كُمَ دَ رَانَ؞

²³ سَبُواْدَ حَكَ كُواْ نِے كُواْ یَنْعُوَنَ كُواْ سَمَارِنَ مَاسُ يِمِنِ عَيْكِ كُواْ مَاسُ غَادِنَ بَابُوَنْدَ يَتُوٻٜىٰ رِغَرْسَ، كُواْوَ يَنَ رِڧٜىٰ دَ كَايَنْ يَاڧِنْسَ أَ حَنُّ؞