نٜىٰهٜىٰمِيَ 13 - أَتَّوْرَتْ دَ أَنَّبَاوَاڠَرٜىٰ ڠَرٜىٰ نَڧَرْشٜىٰ دَ نٜىٰهٜىٰمِيَ يَيِ 1 أَ رَانَرْ نَنْ عَكَ كَرَنْتَ دَغَ نَطَطّٜىٰنْ لِتَّڢِنْ كُواْيَرْوَرْ مُوسَٰى عَكُنُّوَنْ مُتَنٜىٰ؞ عَثِكِنْ لِتَّڢِنْ عَكَ تَرَرْ دَ وَتَ دُواْكَرْ دَ تَثٜىٰ كَدَ وَنِ مُتُمِنْ أَمُّوانْ كُواْ مُتُمِنْ مُواْوَبْ يَشِغَ ثِكِنْ تَارُوانْ جَمَعَرْ اللَّهْ؞ 2 غَمَا مُتَنٜىٰنْ أَمُّوانْ دَ نَ مُواْوَبْ بَسُ بَا مُتَنٜىٰنْ إِسْرَٰٓءِيلَ عَبِنْثِ كُواْ ضُوً شَا بَ سَعَدَّ سُكَ ڢِتُواْ دَغَ ڧَسَرْ مَصَرْ؞ أَ مَيْمَكُوانْ حَكَ، سُكَ بَا بَلَعَمْ كُطِ يَلَعَنْتَ مُتَنٜىٰنْ اللَّهْ؞ عَمَّا اللَّهْ نْمُ يَجُويَرْدَ لَعَنَرْ تَذَمَ أَلْبَرْكَ؞ 3 سَعَدَّ مُتَنٜىٰنْ إِسْرَٰٓءِيلَ سُكَجِ كُواْيَرْوَرْ مُوسَٰى، سَيْ سُكَ وَارٜىٰ دُكَنْ مُتَنٜىٰنْ دَ أَصَلِنْسُ بَ نَ إِسْرَٰٓءِيلَ بَ دَغَ ثِكِنْسُ؞ 4 كَاڢِنْ وَنَّنْ لُواْكَثِ أَنْسَا عٜىٰلِيَشِبْ ڢِرِسْتِ يَلُورَ دَ طَكُنَنْ أَجِيَ نَغِدَنْ اللَّهْ نْمُ؞ سَبُواْدَ يَنَدَ دَنْغَنْتَكَ دَ تُواْبِيَ، 5 سَيْ يَبَا تُواْبِيَ بَبَّنْ طَاكِنْ دَ دَا عَكَنْ أَجِيٜىٰ بَايَرْوَ تَهَڟِ دَ تَتُرَارٜىٰ دَ تَكَايَنْ دَ عَكَيِ أَمْڢَانِ دَسُو أَ هَيْكَلِ دَ كُمَ زَكَّ تَهَڟِ دَ تَسَابُوانْ ضُوً إِنَبِے دَ تَمَنْ ظَيْتُنْ دَ عَكَ عُمَرْتَ دُواْمِنْ لَوِيَاوَا دَ مَوَاڧَ دَ مَاسُ غَادِنْ ڧُواْڢُواْڢِنْ هَيْكَلِ دَ كُمَ بَايَرْوَ دُواْمِنْ ڢِرِسْتُواْثِے؞ 6 سَعَدَّ وَنَّنْ يَكٜىٰ ڢَرُوَ، بَانَ نَنْ أَ عُرُوشَلِيمَ، غَمَا أَ شٜىٰكَرَا تَتَلَتِنْ دَ بِيُ تَمُلْكٍ سَرْكِے أَرْتَظٜىٰكْظٜىٰسْ نَ بَابِيلَ، نَتَڢِے وُرِنْسَ دُواْمِنْ إِنْبَاشِ رَهُواْتُواْ؞ بَايَنْ طَنْ لُواْكَثِ، سَيْ نَ ضُواْڧِ إِظْنِنْ سَرْكِے إِنْكُواْمَ عُرُوشَلِيمَ؞ 7 دَنَكُواْمُواْ عُرُوشَلِيمَ، سَيْ نَتَرَرْ دَ مُوغُنْ أَبِنْدَ عٜىٰلِيَشِبْ يَيِ، يَدَّ يَشِرْيَ وَ تُواْبِيَ طَاكِ دَغَ طَكُنَ نَوَجٜىٰنْ ڢِيلِنْ غِدَنْ اللَّهْ؞ 8 سَيْ نَيِ ڢُشِے سُواْسَيْ، نَڢِتَرْدَ دُكَ كَايَنْ تُواْبِيَ نَظُبَرْ أَوَجٜىٰ؞ 9 سَيْ نَبَادَ عُمَرْنِ أَڟَبْتَثٜىٰ طَكُنَنْ بِسَغَ دُواْكَا؞ سَعَنً نَمَيَرْدَ كَايَنْ غِدَنْ اللَّهْ، تَرٜىٰدَ بَايَرْوَ تَهَڟِ دَ تَتُرَارٜىٰ؞ 10 نَكُمَ غَانٜىٰ ثٜىٰوَ مُتَنٜىٰ بَسُ بَادَ رَبُوانْ دَ عَكَ ڟَارَا دُواْمِنْ لَوِيَاوَا بَ؞ سَبُواْدَ حَكَ لَوِيَاوَا دَ مَوَاڧَ وَطَنْدَ سُكٜىٰبِدَ سُجَّدَ سُنْ غُدُ سُنْ كُواْمَ غُواْنَكِنْسُ؞ 11 سَيْ نَڟَاوَتَا وَدَتَّاوَا نَثٜىٰ «دُوانْمٜىٰ عَكَ ڨَلٜىٰ غِدَنْ اللَّهْ حَكَ؟» سَعَنً نَتَتَّارَ لَوِيَاوَا دَ مَوَاڧَ، نَسَا سُكُواْمَ أَوُرَارٜىٰنْ عَيْكِنْسُ؞ 12 سَعَنً دُكَنْ مُتَنٜىٰنْ يَهُودَ سُكَ كَٰوُاْ زَكَّ تَهَڟِ دَ تَسَابُوانْ ضُوً إِنَبِے دَ تَمَنْ ظَيْتُنْ عَثِكِنْ طَكُنَنْ أَجِيَ؞ 13 سَيْنَسَا شٜىٰلٜىٰمِيَ وَنْدَ يَكٜىٰ ڢِرِسْتِ دَ ظَدُواكْ وَنْدَ يَكٜىٰ مَلَمِنْ كُواْيَرْوَرْ مُوسَٰى دَ ڢٜىٰدَيَ وَنْدَ يَكٜىٰ نَظُرِيَرْ لَوِ، سُكُلَ دَ طَكُنَنْ أَجِيَ؞ نَكُمَسَا هَنَنْ طَنْ ظَكُّرْ، جِيكَنْ مَتَّنِيَ، يَذَمَ مَتَيْمَكِنْسُ؞ سَبُواْدَ أَنْسَنِ سُو مَاسُ أَمِنْثِنٜىٰ، سَيْ عَكَبَاسُ حَكِّنْ رَبَ وَیَنْعُوَنْسُ كَايَنْ دَ عَكٜىٰ كَٰوُاْوَ؞ 14 «يَا اللَّهْ نَا، تُنَ دَنِے سَبُواْدَ وَنَّنْ؞ كَدَ كَشَرٜىٰ دَغَ تُنَانِنْكَ أَيُّكَنْ كِرْكِنْدَ نَيِ دُواْمِنْ غِدَنْ اللَّهْ نَا دَ كُمَ دُواْمِنْ حِدِمَرْ دَ عَكٜىٰيِ أَ غِدَنْ؞» 15 عَثِكِنْ ݣُونَكِنَّنْ، نَغَ مُتَنٜىٰ عَيَنْكِنْ يَهُودَ سُنَ مَڟٜىٰ ضُوً إِنَبِے أَ رَانَرْ هُوتُ تَمَكُواْ؞ سُنَ كَٰوُاْ بُهُنَنْ حَڟِ دَ كُمَ ضُوً إِنَبِے دَ یَیَنْ إِنَبِے دَ ٻَوْرٜىٰ دَ كَايَنْ غُواْنَ إِرِ إِرِ سُنَ لُواْدِنْسُ عَكَنْ جَاكُنَنْسُ، سُنَ كَٰوُاْوَ أَ عُرُوشَلِيمَ أَ رَانَرْ هُوتُ تَمَكُواْ؞ سَبُواْدَ حَكَ نَيِ مُسُ ڢَطَ، كَدَ سُسَيَرْ دَ كَايَ أَوَنَّنْ رَانَ؞ 16 وَطَنْسُ مُتَنٜىٰ دَغَ بِرْنِنْ تَيَ دَسُكٜىٰ ظَوْنٜىٰ عَثِكِنْ بِرْنِنْ عُرُوشَلِيمَ، سُكَنْ كَٰوُاْ كِيڢِ دَ كُمَ كَايَ إِرِ إِرِ ثِكِنْ بِرْنِنْ عُرُوشَلِيمَ دُواْمِنْ سُسَيَرْ وَمُتَنٜىٰنْ يَهُودَ أَ رَانَرْ هُوتُ تَمَكُواْ؞ 17 سَيْ نَڟَاوَتَا وَشُوغَبَنِّنْ يَهُودَ نَثٜىٰمُسُ «كُدُوبَ إِرِنْ مُوغُنْ حَلِنْ دَ كُكٜىٰيِ! كُنَ ڧَظَنْتَرْدَ رَانَرْ هُوتُ تَمَكُواْ! 18 بَهَكَ كَاكَنِّنْكُ سُكَيِبَ؟ بَ دُواْمِنْ حَكَنٜىٰ اللَّهْ نْمُ يَكَٰوُاْ دُكَنْ وَنَّنْ ڟَنَنِنْ حُكُنْثِ عَكَنْمُ دَ عَكَنْ بِرْنِنْ بَ؟ دُكْدَهَكَ كُنَ ڧَارَ كَٰوُاْ ڢُشِنْ اللَّهْ عَكَنْ إِسْرَٰٓءِيلَ تَوُرِنْ ڧَظَنْتَرْدَ رَانَرْ هُوتُ تَمَكُواْ!» 19 سَيْ نَبَادَ عُمَرْنِ أَ رُڢٜىٰ ڧُواْڢُواْڢِنْ عُرُوشَلِيمَ أَ ڢَارَوَرْ رَانَرْ هُوتُ تَمَكُواْ، وَتُواْ تُنْ ڢَاطُوَرْ رَانَ كٜىٰنَنْ؞ نَكُمَ عُمَرْتَ ثٜىٰوَ ڧُواْڢُواْڢِنْ سُكَسَنْثٜىٰ عَكُلّٜىٰ، سَيْ رَانَرْ هُوتُ تَمَكُواْ تَوُثٜىٰ؞ نَسَا وَطَنْسُ مَاسُ يِمِنِ حِدِمَ عَڧُواْڢُواْڢِنْ سُتَبَّتَرْ بَعَشِغَ دَ وَنِ كَايَ عَثِكِنْ بِرْنِنْ أَ رَانَرْ هُوتُ تَمَكُواْبَ؞ 20 سَوْ طَيَ كُواْ سَوْ بِيُ یَنْ كَاسُوَ دَ مَاسُ سَيَرْ دَ كَايَ إِرِ إِرِ سُكَ ݣُونَ عَبَايَنْ كَتَنْغَرْ بِرْنِنْ عُرُوشَلِيمَ؞ 21 عَمَّا نَا غَرْغَطٜىٰسُ نَاثٜىٰ «مٜىٰيَسَا كُكَ ݣُونَ عَبَايَنْ كَتَنْغَرْ؟ عِدَنْ كُكَ ڧَارَيِنْ حَكَ ذَنْ كَامَكُ!» دَغَ وَنَّنْ لُواْكَثِ بَسُ ڧَارَ ذُوَا أَ رَانَرْ هُوتُ تَمَكُواْبَ؞ 22 سَيْ نَعُمَرْثِ لَوِيَاوَا سُڟَبْتَثٜىٰ كَنْسُ بِسَغَ دُواْكَا، سُتَڢِے سُيِ غَادِنْ ڧُواْڢُواْڢِنْ دُواْمِنْ سُتَبَّتَرْ أَنْكِيَايٜىٰ رَانَرْ هُوتُ تَمَكُواْ دَ ڟَرْكِے؞ «يَا اللَّهْ نَا، تُنَ دَنِے سَبُواْدَ وَنَّنْ؞ بَرِ كَيِمِنِ جِنْڧَيْ بِسَغَ يَوَنْ ڧَوْنَرْكَ مَرَرْ ثَنْجَاوَا؞» 23 ثِكِنْ ݣُونَكِنَّنْ نَكُمَ غَا يَهُودَاوَا دَيَوَ وَطَنْدَ سُكَ عَوْرِ مَاتَادَغَ ڧَسَرْ أَشْدُوادْ دَ ڧَسَرْ أَمُّوانْ دَ كُمَ ڧَسَرْ مُواْوَبْ؞ 24 رَبِنْ یَیَنْسُ سُنَ يَرٜىٰنْ أَشْدُوادْ كُواْ وَنِ يَرٜىٰ دَبَمْ، حَرْ مَا بَسُيِ مَغَنَ دَ يَرٜىٰنْمُ نَ يَهُودَ بَ؞ 25 سَيْ نَيِ وَمُتَنٜىٰنْ ڢَطَ سُواْسَيْ، نَلَعَنْتَسُ، نَدُوكٜىٰ وَطَنْسُنْسُ، نَثِثِّرٜىٰ غَاشِنْ كَنْسُ؞ سَيْنَسَا سُرَنْڟٜىٰ دَ سُونَنْ اللَّهْ ثٜىٰوَ بَذَاسُ ڧَارَ بَادَ یَیَنْسُ مَتَ غَ یَیَ مَظَا نَوَطَنْدَ بَا يَهُودَاوَا بَ سُعَوْرَ، كُواْ یَیَنْسُ مَظَا كُواْ سُو كَنْسُ سُعَوْرِ یَیَنْ مَاتَا وَطَنْدَ بَا يَهُودَاوَا بَ؞ 26 سَيْ نَڢَطَا مُسُ نَثٜىٰ «بَعَكَنْ إِرِنْ وَطَنَّنْ عَوْرٜىٰ عَوْرٜىٰنْ نٜىٰ سَرْكِے سُلَيْمَٰنُ يَيِ ذُنُوبِبَ؟ عَثِكِنْ دُكَنْ سَرَاكُنَنْ أَلْعُمَّيْ بَابُ سَرْكِے كَمَرْ سَرْكِے سُلَيْمَٰنُ؞ اللَّهْ نْسَ يَڧَوْنَثٜىٰشِ يَكُمَ نَطَشِ سَرْكِے عَكَنْ دُكَنْ مُتَنٜىٰنْ إِسْرَٰٓءِيلَ؞ دُكْدَهَكَ وَطَنَّنْ مَاتَانْ بَڧِنْدَ بَا يَهُودَاوَا بَنٜىٰ سُكَسَا حَرْ شِے مَا يَڢَاطَ ثِكِنْ ذُنُوبِ؞ 27 غَمٜىٰ دَكُو، تَيَيَا مُنْجِ كُكَ عَيْكَتَ وَنَّنْ بَبَّرْ مُغُنْتَا؟ تَيَيَا كُكَ نُونَ رَشِنْ أَمِنْثِ غَ اللَّهْ نْمُ تَوُرِنْ يِنْ عَوْرٜىٰ دَ مَاتَانْ بَاڧِ وَطَنْدَ بَا يَهُودَاوَا بَ؟» 28 طَيَ دَغَ ثِكِنْ یَیَ مَظَا نَ يُواْيِيَدَ، طَنْ عٜىٰلِيَشِبْ، بَبَّنْ ڢِرِسْتِ، يَ عَوْرِ یَرْ سَنْبَلَّتْ، مُتُمِنْ غَرِنْ بٜىٰتْ حُواْرُوانْ؞ سَبُواْدَ حَكَ نَكُواْرٜىٰشِ دَغَ وُرِينَ؞ 29 «يَا اللَّهْ نَا، تُنَ دَسُو سَبُواْدَ سُنْ ڧَظَنْتَرْدَ مَڟَيِنْ ڢِرِسْتِ دَ كُمَ يَرْجٜىٰجٜىٰنِيَرْ عَيْكِنْ ڢِرِسْتِ دَ تَ لَوِيَاوَا؞» 30 تَهَكَ نَڟَبْتَثٜىٰ مُتَنٜىٰنْ دَغَ دُكَنْ أَبُبُوَنْ دَ بَ نَ يَهُودَاوَا بَ؞ نَكَڢَ ڧَٰعِدَرْ عَيْكِنْ ڢِرِسْتُواْثِے دَ لَوِيَاوَا، كُواْوَ يَيِ عَيْكِنْسَ؞ 31 نَكُمَ شِرْيَ يَدَّ ذَاعَ دِنْغَ كَٰوُاْ إِتَاثٜىٰنْ ڧُواْنَاوَرْ هَدَايُ أَدَيْدَيْ لُواْكَثِنْدَ يَكَمَاتَ دَ كُمَ يَدَّ ذَاعَ كَٰوُاْ نُونً ڢَارِ؞ «يَا اللَّهْ نَا، تُنَ كَيِمِنِ أَلْحٜىٰرِ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria