نَهُمْ 3 - أَتَّوْرَتْ دَ أَنَّبَاوَا

نِنٜىٰبَ ذَاتَ ذَمَ كُڢَيْ

¹ كَيْتُوانْكِ!‏ يَا بِرْنِ مَيْ ظُبْدَ جِنِ، وَنْدَ يَثِكَ دَ ڧَضْيَا دَيَوَ، دَ كَايَنْدَ عَكَ ڨُوثٜىٰ؞

² جِ!‏ غَا ڧَارَرْ بُلَلَ دَ ڧَارَرْ ڧَڢَاڢُنْ كٜىٰكٜىٰ، دَ ڧَارَرْ غُدُنْ دُواْكِ دَ غِرْغِظَرْ كٜىٰكُنَنْ دُواْكِ!‏

³ دُوبَ!‏ مَاسُ هَوَنْ دُواْكِ سُنَ كَنْ يَاڧِ، تَكُبَ سُنَ وَلْڧِيَ كُمَ مَاسُ سُنَ ڨَلِّ، غَا طُمْبُنْ مُتَنٜىٰنْ دَ عَكَ كَكَّشٜىٰ؞ غَا تُلِنْ غَوَوَّكِ، غَوَوَّكِ سُنْ وُثٜىٰ ڧِرْغٜىٰ، مُتَنٜىٰ سُنَ تَتُنْتُٻٜىٰ عَكَنْ غَوَوَّكِنْ؞

⁴ دُكَنْ وَنَّنْ يَڢَرُنٜىٰ سَبُواْدَ يَوَنْ لَلَثِ نَكَارُوَرْ نَنْ نِنٜىٰبَ، ݣَكْݣَوَرْ كَارُوَرْ نَنْ مَيْ ذَاڧِنْ بَاكِ، عُوَرْ سِحِرِثٜىٰ عِتَ، وَدَّ تَرُوطِ أَلْعُمَّيْ تَوُرِنْ لَلَثِنْتَ، ڧَبِيلُ كُمَ تَوُرِنْ سِحِرِنْتَ؞

⁵ يَهْوٜىٰهْ مَيْ ضُنْدُنَا يَثٜىٰ، ‏«‏غَاشِ، إِنَغَابَادَكٜىٰ، يَا نِنٜىٰبَ، ذَنْ طَغَ سِكٜىٰتْ نَرُڢٜىٰ أَسِيرِنْكِ إِنْ رُڢٜىٰ عِدُوانْكِ دَشِ؞ ذَنْ نُونَاوَ أَلْعُمَّيْ ڟِرَيْثِنْكِ، ذَاكِ ذَمَ أَبِنْ كُنْيَا غَ مُلْكُواْكِنْ دُونِيَا؞

⁶ ذَنْ وَاڟَا مِكِ أَبِنْ ڧَظَنْتَا، إِنْيِ مِكِ وُلَڧَنْثِ، إِنْ مَيْشٜىٰكِ أَبِنْ رٜىٰنِ؞

⁷ دُكْ وَطَنْدَ سُكَ دُوبٜىٰكِ ذَاسُجَا بَايَ سُثٜىٰ، ‏‹‏أَبِنْ مَامَاكِ!‏ نِنٜىٰبَ تَذَمَ كُڢَيْ، وَ ذَيْ يِكُوكَا دُواْمِنْتَ؟ عَ إِنَا نٜىٰ ذَنْ نٜىٰمُواْ مِكِ مَاسُ تَعَظِيَّ؟›‏

⁸ ‏«‏نِنٜىٰبَ، كٜىٰ كِنْڢِے بِرْنِنْ تٜىٰبٜىٰسْ، وَدَّ تَكٜىٰ عَبَاكِنْ كُواْغِنْ نِلُ نٜىٰ؟ عِتَمَا ضُوَنٜىٰ يَكٜىٰوَيٜىٰتَ، تٜىٰكُنٜىٰ وُرِنْ ٻُيَنْتَ، ضُوَنٜىٰ كَتَنْ‌غَرْتَ؞

⁹ إِتِيُواْڢِيَ دَ مَصَرْ نٜىٰ ڧَرْڢِنْتَ، ڧَرْڢِنْتَ كُوَ بَابُ إِيَاكَ؞ ڢُتْ دَ لِبِيَ سُونٜىٰ مَاسُ تَيْمَكُوانْتَ؞

¹⁰ دُكْ دَ ڧَرْڢِنْتَ أَنْ كَيْتَ بَوْتَا أَنْتَڢِے دَ عِتَ ذُوَا بَڧُوَرْ ڧَسَا؞ أَنْ ڢَرْڢَشٜىٰ كَوُنَنْ یَنْ يَارَنْتَ، عَكَنْ كُواْوَنٜىٰ ݣُونَ تَتِيتِ؞ أَنْ رَرَّبَ دَتَّاوَنْتَ تَوُرِنْ جٜىٰڢَ ڧُرِعَ، أَنْطَوْرَ دُكَنْ مَنْيَنْ مُتَنٜىٰنْتَ دَ سَرْڧَ؞

¹¹ كٜىٰ نِنٜىٰبَ ذَاكِ بُغُ تِلِسْ كِشَا وَهَلَ سُواْسَيْ؞ ذَاكِ نٜىٰمِ وُرِنْ ٻُيَ كِكُٻُتَ دَغَ أَبُواْكَنْ غَابَنْكِ؞

¹² وُرَرٜىٰنْ كَتَنْ‌غَرْكِ بَاسُ دَ ڧَرْڢِے، ذَاعَ ثِنْيٜىٰسُ كَمَرْ یَیَنْ إِتَاثٜىٰنْ ٻَوْرٜىٰ وَطَنْدَ سُكَ نُونَ؞ سَعَدَّ عَكَ غِرْغِظَ إِتَاثٜىٰنْ، سَيْ یَیَنْ سُڢَاطُواْ عَبَاكِنْ مَيْثِ؞

¹³ دُوبِے سُواْجُواْجِنْكِ، كَمَرْ مَاتَا نٜىٰ عَثِكِنْ ڟَكِيَرْكِ؞ ڧُواْڢُواْڢِنْ ڧَسَرْكِے عَبُوطٜىٰ سُكٜىٰ غَ أَبُواْكَنْ غَابَنْكِ؞ وُتَا تَثِنْيٜىٰ سَنْدُنَنْ ڧُلّٜىٰ ڧُواْڢَرْكِ؞

¹⁴ طٜىٰبُواْ ضُوَ غَمَا ذَاعَ كٜىٰوَيٜىٰكِ، سَامِ إِسَشّٜىٰنْ ضُوَ كَاڢِنْ يَاڧِنْ يَڢَارَ؞ كِڧَارَ ڧَرْڢِنْ كَتَنْ‌غَرْكِ!‏ كِتَڢِے ݣُورِ كِݣُوٻَ لَاكَ، كِطَوْكِ أَبِنْ يَنْكَ بُلُواكْ!‏

¹⁵ دُكْ دَ شِرْيٜىٰ شِرْيٜىٰنَّنْ، وُتَا ذَاتَ ثِنْيٜىٰكِ!‏ تَكُواْبِے كُمَ ذَيْ كَوَرْ دَكٜىٰ، ذَيْثِنْيٜىٰكِ كَمَرْ ڢَارَ؞ ‏«‏كِنْ ڧَارَ يَوَنْكِ كَمَرْ ڢَارِ، كِنْيِيَوَ كَمَرْ ڧُدَنْ ظُمَ!‏

¹⁶ كِنْ ڧَارَ يَوَنْ یَنْ كَاسُوَنْثِنْكِ ڢِيٜىٰدَ يَوَنْ تَوْرَرُوانْ سَمَ؞ سُو كَمَرْ ڢَارِنٜىٰ وَطَنْدَ سُكَنْ بُوطٜىٰ ڢِكَڢِكَيْ سُتَاشِ؞

¹⁷ مَاسُ غَادِنْكِ كَمَرْ ڧُدَنْ ظُمَ مَاسُ وُثٜىٰوَ سُكٜىٰ، دَتَّاوَنْكِ كَمَرْ ڢَارِنٜىٰ، سُنَ ظَوْنٜىٰ عَكَنْ ثِيَوَ أَ لُواْكَثِنْ سَنْيِ؞ دَ ذَاڢِنْ رَانَ يَڢِتَ، سَيْ سُتَاشِ، بَاوَنْدَ يَسَنْ عِنْدَ سُكَ تَڢِے؞

¹⁸ ‏«‏يَا سَرْكِنْ أَسُّرِيَ، مَكِيَايِنْ مُتَنٜىٰنْكَ سُنَ بَرْثِ، دَتَّاوَنْكَ سُنَ بَرْثِ؞ سَوْرَنْ مُتَنٜىٰنْكَ سُنَ أَوَرْوَڟٜىٰ كَمَرْ تُمَكِ عَكَنْ تُدَّيْ، بَاسُ دَ مَكِيَايِنْ دَ ذَيْ تَتَّرَاسُ؞

¹⁹ بَا أَبِنْدَ ذَيْ وَرْكَرْدَ رَوْنِنْكَ، غَمَا رَوْنِنْكَ مَيْ جَٰوُاْ مُتُوَانٜىٰ؞ دُكْ وَنْدَ يَجِ لَابَرِنْكَ ذَيْ تَڢَ حَنُّ يَثٜىٰ، ‏‹‏يَوَّ!‏›‏ غَمَا أَݣَويْ وَنْدَ بَيْ شَا عَذَابَ دَغَ حَنُّنْكَبَ؟»‏