مَرْكُسْ 4 - أَتَّوْرَتْ دَ أَنَّبَاوَامِصَالِ نَمَيْ شُوكَ ﴿ مَتْ 13.1-9 ؛ لُكْ 8.4-8 ﴾ 1 عِيسَىٰ يَكُمَ ڢَارَ كُواْيَرْوَا عَبَاكِنْ تٜىٰكُنْ غَلِيلِ؞ تَرُوانْ مُتَنٜىٰ دَيَوَ سُواْسَيْ سُكَ تَارُ كٜىٰوَيٜىٰ دَشِ، حَرْ سَيْ دَ يَشِغَ جِضْغٍ ضُوَ يَذَوْنَ عَثِكِنْسَ عَكَنْ تٜىٰكُنْ؞ تَرُوانْ مُتَنٜىٰنْ كُوَ سُنَ عَبَاكِنْ تٜىٰكُنْ عَكَنْ تُدُ؞ 2 سَيْ يَكُواْيَ مُسُ أَبُبُوَ دَيَوَ تَوُرِنْ مِصَلَيْ؞ يَثٜىٰ مُسُ، 3 «كُكَسَ كُنّٜىٰ! وَنِ مَنُواْمِ يَا تَڢِے غُواْنَرْسَ دُواْمِنْ يَيِ شُوكَ؞ 4 يَنَ ثِكِنْ يَاڢَ إِرِنْ كٜىٰنَنْ، سَيْ وَطَنْسُ إِرِ سُكَ ڢَاطِ عَكَنْ حَنْيَ، سَيْ ڟُنْڟَيٜىٰ سُكَذُواْ سُكَ ثِنْيٜىٰسُ؞ 5 وَطَنْسُ إِرِ كُمَ سُكَ ڢَاطِ أَوُرِے مَيْ دُوَڟُو عِنْدَ بَ ڧَسَا سُواْسَيْ؞ سَيْ سُكَ ڟِرُواْ دَ سَوْرِ سَبُواْدَ ڧَسَرْ وُرِنْ بَاتَدَ ظُرْڢِ؞ 6 دَ رَانَ تَيِ ذَاڢِ، سَيْ تَڧُواْنٜىٰسُ حَرْ سُكَ بُوشٜىٰ، دُوانْ بَاسُدَ سَيْوَ سُواْسَيْ؞ 7 وَطَنْسُ كُمَ سُكَ ڢَاطِ عَثِكِنْ ڧَيَ، سَيْ ڧَيَرْ تَتَاشِ تَشَا ڧَرْڢِنْسُ حَرْ بَسُيِ ڟَابَبَ؞ 8 وَطَنْسُ كُوَ سُكَ ڢَاطِ عَڧَسَا مَيْݣَوْ؞ سُكَ ڟِيرَا سُكَيِ غِرْمَ، سُكَيِكَيْ، وَطَنْسُ ڟَابَ تَلَاتِنْ تَلَاتِنْ، وَطَنْسُ سِتِّنْ سِتِّنْ، وَطَنْسُ حَرْ مَا طَرِے طَرِے؞» 9 سَعَنً يَثٜىٰ «دُكْ مَيْكُنّٜىٰنْجِ، بَرِ يَجِ؞» مَنُڢَرْ مِصَالِ نَمَيْ شُوكَ ﴿ مَتْ 13.10-17 ؛ لُكْ 8.9-10 ﴾ 10 لُواْكَثِنْ دَ عِيسَىٰ يَكٜىٰ ظَوْنٜىٰ شِ كَطَيْ، سَيْ أَلْمَجِرَنْسَ شَا بِيُ دَ وَطَنْسُ مَاسُبِنْسَ سُكَ ضُواْڧٜىٰشِ يَغَيَ مُسُ أَبِنْدَ مِصَالِنَّنْ يَكٜىٰ نُڢِ؞ 11 سَيْ يَثٜىٰمُسُ، «كُو كَمْ، أَنْيَرْدَ مُكُ كُسَنْ أَسِيرِنْ مُلْكٍ اللَّهْ؞ عَمَّا وَطَنْدَ بَاسَ ثِكِنْكُ، كُواْمٜىٰ سَيْ ثِكِنْ مِصَلَيْ؞ 12 شِيَسَا، « ‹ذَاسُيِ تَدُوبَاوَ، عَمَّا بَذَاسُ تَٻَ غَنِبَ، سُيِ تَجِ كُمَ، عَمَّا بَذَاسُ غَانٜىٰبَ؞ دُواْمِنْ كَدَ سُغَانٜىٰ، سُتُوبَ عَكُمَ يَاڢٜىٰمُسُ؞› » عِيسَىٰ يَبَادَ بَيَانِنْ مِصَالِ نَمَيْ شُوكَ ﴿ مَتْ 13.18-23 ؛ لُكْ 8.11-15 ﴾ 13 سَيْ عِيسَىٰ يَثٜىٰ مُسُ «أَشٜىٰ، بَكُغَانٜىٰ مِصَالِنَّنْبَ؟ تُواْ، يَيَ ذَاكُغَانٜىٰ سَوْرَنْ؟ 14 مَيْيَاڢَ إِرِنَّنْ ڢَا كَلْمَرْ اللَّهْ يَكٜىٰ يَڢَاوَا؞ 15 إِرِنْدَ يَڢَاطِ أَ حَنْيَ، شِينٜىٰ ݣُوتَنْثِنْ مُتَنٜىٰنْ دَ سُكَجِ كَلْمَرْ اللَّهْ؞ عَمَّا دَظَرَرْ سُكَجِ، نَنْ دَنَنْ سَيْ شَيْطَنْ يَذُواْ يَطَوْكِ كَلْمَرْ دَ عَكَشُوكَ أَ ذُوثِيَارْسُ؞ 16 حَكَكُمَ إِرِنْدَ يَڢَاطِ أَوُرِنْ دَ يَكٜىٰدَ دُوَڟُو، شِينٜىٰ ݣُوتَنْثِنْ وَطَنْدَ دَظَرَرْ سُكَجِ كَلْمَرْ سَيْ سُكَ كَرْٻَ دَ ڢَضٍ ثِكِ؞ 17 عَمَّا تُنْدَ بَاسُدَ تُوشٜىٰ، بَسُ دَطٜىٰ سُواْسَيْبَ؞ سَعَدَّ عَذَابَ كُواْ ڟَنَنِ يَتَاشِ سَبُواْدَ وَنَّنْ كَلْمَرْ اللَّهْ، نَنْ دَنَنْ سَيْ سُجَا دَ بَايَ؞ 18 إِرِنْدَ يَڢَاطِ أَوُرِنْ دَ يَكٜىٰدَ ڧَيَ، شِينٜىٰ ݣُوتَنْثِنْ مُتَنٜىٰنْ دَ سُكَجِ كَلْمَرْ، 19 عَمَّا دَامُوَرْ دُونِيَا دَ سُوانْ أَرْزِڧِ دَ كُمَ ݣُوطَيِنْ وَطَنْسُ أَبُبُوَ، سُكَ شِغَ سُكَ حَنَ كَلْمَرْ غِرْمَ، حَرْ تَذَمَ بَاتَ دَ أَمْڢَانِ؞ 20 إِرِنْدَ يَڢَاطِ أَوُرِنْ دَ يَكٜىٰدَ ݣَوْ كُوَ، شِينٜىٰ ݣُوتَنْثِنْ وَطَنْدَ سُكَجِ كَلْمَرْ اللَّهْ، سُكَ كَرْٻَ، سُكَ كُمَيِ أَمْڢَانِ دَ عِتَ، حَرْ سُكَيِ رِيبَ وَطَنْسُ تَلَاتِنْ تَلَاتِنْ، وَطَنْسُ سِتِّنْ سِتِّنْ، وَطَنْسُ مَا حَرْ طَرِے طَرِے؞» مِصَالِ عَكَنْ ڢِتِلَ ﴿ لُكْ 8.16-18 ﴾ 21 عِيسَىٰ يَثِيغَبَدَ ثٜىٰوَ «كُواْ كُكَنْ كَٰوُاْ ڢِتِلَ كُرُڢٜىٰتَ دَ ݣُونُواْ نٜىٰ؟ كُواْ كُمَ كُكَنْ أَجِيٜىٰتَ عَڧَرْڧَشِنْ غَدُواْ نٜىٰ؟ بَكُكَنْ أَجِيٜىٰ ڢِتِلَ أَ سَنْدَا مَيْ رِڧٜىٰ ڢِتِلُبَ؟ 22 بَا أَبِنْدَ يَكٜىٰ عَٻُواْيٜىٰ يَنْذُ، وَنْدَ بَذَاعَ بَيَّنَبَ؞ بَ أَبِنْدَ يَكٜىٰ أَسِيرِ كُمَ وَنْدَ بَذَاعَ تُواْنٜىٰشِيبَ؞ 23 دُكْ مَيْ كُنّٜىٰنْجِ، بَرِ يَجِ؞» 24 يَكُمَثٜىٰ مُسُ «كُجِ دَݣَوْ ڢَا! دَ مُودُنْدَ كَأَوْنَ دَشِ ذَاعَ عَوْنَ مَكَ، حَرْ مَا عَڧَارَ؞ 25 دُكْ وَنْدَ يَكٜىٰدَ أَبُ، ذَاعَ ڧَارَ مَسَ، وَنْدَ بَاشِ دَ أَبُ كُمَ، كُواْ طَنْ أَبِنْدَ يَكٜىٰدَشِيمَا ذَاعَ كَرْٻَ دَغَ غَرٜىٰشِ؞» مِصَالِ نَ إِرِنْ دَ يَڟِرُواْ 26 عِيسَىٰ يَكُمَ ثٜىٰ «غَا يَدَّ مُلْكٍ اللَّهْ يَكٜىٰ؞ يَنَنً كَمَرْ يَدَّ وَنْدَ يَيَاڢَ إِرِ أَغُواْنَرْسَ؞ 27 عَكْوَانَ عَتَاشِ حَرْ إِرِنْ يَڟِيرَا يَيِ غِرْمَ، مُتُمِنْ بَيْ مَا سَنْ يَدَّ عَكَيِبَ؞ 28 ڧَسَا تَنَ بَادَ أَمْڢَانِ دَ كَنْتَ دَ ڢَرْكُواْ تَكَنْ ڢِتَرْدَ كَرَ، سَعَنً كَيْ، سَيْ كُمَ كَنْ يَڢِتَرْدَ ڨُويَ؞ 29 سَعَدَّ أَمْڢَانِ يَنُونَ، سَيْ يَسَا لَوْجٜىٰ يَيَنْكَ، دُواْمِنْ لُواْكَثِنْ غِرْبِے يَاذُواْ؞» مِصَالِ نَڨُويَرْ مَسْتَدْ ﴿ مَتْ 13.31-32 ، 34 ؛ لُكْ 13.18-19 ﴾ 30 عِيسَىٰ يَكُمَثٜىٰ «دَ مٜىٰ ذَامُ ݣُوتَنْتَا مُلْكٍ اللَّهْ؟ كُواْ كُوَ دَ وَنٜىٰ مِصَالِنٜىٰ ذَامُ نُونَ يَدَّ يَكٜىٰ؟ 31 يَنَ كَمَ دَ ڨُويَ إِرِنَّمَسْتَدْ وَدَّ إِرِنْتَ تَڢِے ڧَنْڧَنْتَ أَدُكَنْ إِرِنْ دَ عَكٜىٰ شُوكَاوَ عَڧَسَا؞ 32 دُكْدَهَكَ، إِنْ أَنْشُوكَتَ، تَكَنْيِ غِرْمَ تَڢِے دُكْ سَوْرَنْ كَايَنْ لَمْبُو، تَكَنْيِ مَنْيَنْ رَسَّ، حَرْ ڟُنْڟَيٜىٰ سُإِيَ سَوْكَ عَ إِنُوَرْتَ؞» 33 دَ إِرِنْ وَطَنَّنْ مِصَلَيْ دَيَوَ عِيسَىٰ يَڢَطَا مُسُ كَلْمَرْ اللَّهْ دَيْدَيْ إِيَاكَرْ غَانٜىٰوَرْسُ؞ 34 بَيْڢَطَا مُسُ كُواْمٜىٰبَ، سَيْ تَرٜىٰدَ مِصَالِ؞ عَمَّا لُواْكَثِنْدَ يَكٜىٰ تَرٜىٰدَ أَلْمَجِرَنْسَ سُو كَطَيْ، يَكَنْ ڢَطَا مُسُ كُواْمٜىٰ دَكُواْمٜىٰ أَ ڢِيلِ؞ عِيسَىٰ يَڟَاوَتَا وَبَبَّنْ هَدَرِ ﴿ مَتْ 8.23-27 ؛ لُكْ 8.22-25 ﴾ 35 أَ رَانَرْ نَنْ دَ رَانَ تَكُسَنْ ڢَاطُوَ، عِيسَىٰ يَثٜىٰ وَ أَلْمَجِرَنْسَ «مُهَيٜىٰ ذُوَا وَنْثَنْ غٜىٰڢٜىٰنْ تٜىٰكُنْ؞» 36 سُكَ بَرْ تَارُوانْ مُتَنٜىٰ، سُكَ تَڢِے دَشِ يَدَّ يَكٜىٰ عَثِكِنْ جِضْغٍ دَيَكٜىٰ ظَوْنٜىٰ عَثِكِ؞ أَݣَويْ وَطَنْسُ جِضَاغٜىٰ كُمَ تَرٜىٰدَسُو؞ 37 سَيْ بَبَّنْ هَدَرِ مَيْ إِسْكَ يَتَاسُواْ، حَرْ يَنَ تَادَ ضُوً تٜىٰكُنْ سَمَ يَنَ بُبُّغَ جِضْغٍ؞ ضُوَ كُوَ يَنَ شِغَ ثِكِنْ جِضْغٍ حَرْ جِضْغٍ يَكُسَنْ ثِكَ دَ ضُوَ؞ 38 عِيسَىٰ كُوَ يَنَ ثَنْ بَايَنْ جِضْغٍ يَنَ بَرْثِ كَنْسَ أَ مَتَاشِ؞ أَلْمَجِرَنْسَ سُكَ تَاشٜىٰشِ، سُكَثٜىٰ «مَلَمْ، ذَامُ هَلَّكَ، بَكَ دَامُبَ كُواْ؟» 39 سَيْ عِيسَىٰ يَڢَرْكَ، يَڟَاوَتَاوَ إِسْكَرْ، يَكُمَ ثٜىٰ وَ ضُوً تٜىٰكُنْ «نَڟُ! كَيِ شِضُ!» سَيْ إِسْكَرْ تَدَيْنَ، وُرِے دُكْ يَيِ ڟِتْ؞ 40 يَثٜىٰ وَ أَلْمَجِرَنْسَ «مٜىٰيَسَا كُكَجِڟُواْرُواْ حَكَ؟ حَرْ يَنْذُ بَاكُ دَ بَنْغَسْكِيَ نٜىٰ؟» 41 سَيْ سُكَجِڟُواْرُواْ سُواْسَيْ، سُكَثٜىٰ وَجُونَ «وَنٜىٰنٜىٰ وَنَّنْ؟ حَرْ إِسْكَ دَ ضُوً تٜىٰكُ مَا سُنَيِ مَسَ بِيَيَّ!» |
Hausa Common Language Ajami Bible © The Bible Society of Nigeria, 2020
Bible Society of Nigeria