مَرْكُسْ 2 - أَتَّوْرَتْ دَ أَنَّبَاوَا

عِيسَىٰ يَوَرْكَرْ دَ شَنْيَيّٜىٰ

¹ بَايَنْ یَنْ ݣُونَكِے، عِيسَىٰ يَسَاكٜىٰ كُواْمَ وَ كَڢَرْنَهُمْ، سَيْ مُتَنٜىٰ سُكَجِ لَابَرِ يَنَ غِدَا؞

² مُتَنٜىٰ دَيَوَ سُكَ تَارُ، حَرْ بَا سَوْرَنْ وُرِے، كُواْ عَبَاكِنْ ڧُواْڢَ مَا؞ عِيسَىٰ يَنَ ڢَطَا مُسُ كَلْمُواْمِنْ اللَّهْ؞

³ سَيْغَا مُتُمْ حُطُ سُكَذُواْ، سُنَ كُوَ طَوْكٜىٰ دَ وَنِ شَنْيَيّٜىٰ؞

⁴ دَ سُكَ كَاسَ شِغَرْ دَشِ ذُوَا وُرِنْ عِيسَىٰ سَبُواْدَ يَوَنْ مُتَنٜىٰ، سَيْ سُكَ بُوطٜىٰ رُڢِنْ غِدَنْ دَيْدَيْ عِنْدَ عِيسَىٰ يَكٜىٰ؞ دَ سُكَ هُودَ رُڢِنْ، سَيْ سُكَ سَوْكَرْ دَ مُتُمِنْ، دُكْ دَ تَبَرْمَرْسَ؞

⁵ دَ عِيسَىٰ يَغَ بَنْ‌غَسْكِيَرْسُ سَيْيَثٜىٰ وَشَنْيَيّٜىٰنْ ‏«‏طَانَ، أَنْ‌غَاڢَرْتَا مَكَ ذُنُبَنْكَ؞»‏

⁶ تُواْ، وَطَنْسُ مَلَمً كُواْيَرْوَرْ مُوسَٰى سُنَ ظَوْنٜىٰ أَوُرِنْ، سُنَ تَتُنَانِ عَثِكِنْ ذُوثِيَارْسُ،

⁷ سُنَ ثٜىٰوَ ‏«‏دُوانْمٜىٰ مُتُمِنَّنْ يَكٜىٰ مَغَنَ حَكَ؟ أَيْ، يَنَ وَ اللَّهْ صَاٻُواْ نٜىٰ!‏ وَ يَكٜىٰدَ إِيكُوانْ غَاڢَرْتَا ذُنُوبِ إِنْ بَ اللَّهْ كَطَيْبَ؟»‏

⁸ نَنْ دَ نَنْ عِيسَىٰ يَغَانٜىٰ أَبِنْدَ سُكٜىٰ تُنَانِ أَ ذُوثِيَارْسُ، سَيْيَثٜىٰ مُسُ ‏«‏مٜىٰيَسَا كُكٜىٰيِنْ إِرِنْ وَطَنَّنْ تُنَانِ؟

⁹ وَنّٜىٰ يَڢِ سَوْڧِ، عَثٜىٰ وَمَيْ ثِيوُاْنَّنْ، ‏‹‏أَنْ غَاڢَرْتَا مَكَ ذُنُبَنْكَ،›‏ كُواْ كُوَ عَثٜىٰ، ‏‹‏تَاشِ كَطَوْكِ تَبَرْمَرْكَ كَيِ تَڢِيَ؟›‏

¹⁰ عَمَّا إِنَ سُواْكُسَنِ ثٜىٰوَ طَنْ مُتُمْ يَنَدَ إِيكُواْ يَغَاڢَرْتَ ذُنُبَيْ عَدُونِيَا؞»‏ سَيْ يَثٜىٰوَ شَنْيَيّٜىٰنْ،

¹¹ ‏«‏نَثٜىٰمَكَ، تَاشِ، كَطَوْكِ تَبَرْمَرْكَ كَتَڢِے غِدَا؞»‏

¹² نَنْ دَ نَنْ يَتَاشِ، يَطَوْكِ تَبَرْمَرْسَ، يَڢِتَ؞ دُكَنْ مُتَنٜىٰ كُمَ سُنَ كَلُّوانْسَ، سُنَ مَامَاكِ، سُنَ طَوْكَكَ اللَّهْ سُنَ ثٜىٰوَ ‏«‏بَمُتَٻَ غَنِنْ وَنِ أَبُ كَمَرْ حَكَبَ؞»‏

عِيسَىٰ يَكِرَا لَوِ

¹³ عِيسَىٰ يَسَاكٜىٰ ڢِتَ يَجٜىٰ بَاكِنْ تٜىٰكُنْ غَلِيلِ؞ مُتَنٜىٰ دَيَوَ سُكَ تَارُ كٜىٰوَيٜىٰ دَشِ، يَكُوَ كُواْيَ مُسُ؞

¹⁴ يَنَ وُثٜىٰوَ سَيْ يَغَ لَوِ طَنْ هَلْڢَ يَنَ ظَوْنٜىٰ أَوُرِنْ كَرْٻَرْ هَرَاجِ؞ سَيْ عِيسَىٰ يَثٜىٰ مَسَ ‏«‏بِينِ؞»‏ سَيْ يَتَاشِ يَبِے شِ؞

¹⁵ وَتَرَانَ، عِيسَىٰ يَنَثِنْ عَبِنْثِ أَغِدَنْ لَوِ؞ وَطَنْسُ مَاسُ كَرْٻَرْ هَرَاجِ دَ وَطَنْسُ مَاسُ ذُنُوبِ دَيَوَ سُنَثِ تَرٜىٰ دَشِ دَ أَلْمَجِرَنْسَ، غَمَا مُتَنٜىٰ دَيَوَ دَغَ ثِكِنْسُ نٜىٰ سُكَبِيشِ؞

¹⁶ وَطَنْسُ مَلَمً كُواْيَرْوَرْ مُوسَٰى وَطَنْدَ سُو ڢَرِسِيَاوَا نٜىٰ، سُكَغَ يَنَ ثِنْ عَبِنْثِ تَرٜىٰدَ مَاسُ ذُنُوبِنَّنْ دَ مَاسُ كَرْٻَرْ هَرَاجِ؞ سَيْ سُكَ تَمْبَيِ أَلْمَجِرَنْسَ سُكَثٜىٰ ‏«‏مٜىٰيَسَا يَكٜىٰثِ تَرٜىٰدَ مَاسُ كَرْٻَرْ هَرَاجِ دَ مَاسُ ذُنُوبِ؟»‏

¹⁷ دَجِنْ حَكَ، عِيسَىٰ يَثٜىٰمُسُ ‏«‏مَاسُ لَاڢِيَ بَاسَ بُڧَاتَرْ لِكِتَ، سَيْدَيْ مَرَسَ لَاڢِيَ؞ بَنْ ذُواْ دُوانْ إِنْكِرَا مَاسُ أَدَلْثِبَ، سَيْدَيْ مَاسُ ذُنُوبِ؞»‏

تَمْبَيَ عَكَنْ يِنْ أَظُمِ

¹⁸ تُواْ، أَلْمَجِرَنْ يَحْيَى مَيْ بَڢْتِسْمَ دَ نَ ڢَرِسِيَاوَا سُنَيِنْ أَظُمِ، سَيْ وَطَنْسُ مُتَنٜىٰ سُكَذُواْ سُكَ تَمْبَيِ عِيسَىٰ سُكَثٜىٰ ‏«‏مٜىٰيَسَا أَلْمَجِرَنْ يَحْيَى دَ نَ ڢَرِسِيَاوَا سُكَنْيِ أَظُمِ، عَمَّا نَاكَ بَاسَ يِ؟»‏

¹⁹ سَيْ عِيسَىٰ يَأَمْسَ مُسُ يَثٜىٰ ‏«‏أَبُواْكَنْ أَنْ‌غُواْ سُكَنْيِ أَظُمِ أَ لُواْكَثِنْ دَ أَنْ‌غُواْ يَكٜىٰ تَرٜىٰدَ سُونٜىٰ؟ أَيْ، سَعَدَّ أَنْ‌غُواْ يَكٜىٰ تَرٜىٰدَسُو بَذَاسُيِ أَظُمِبَ؞

²⁰ لُواْكَثِ يَنَ ذُوَا دَ ذَاعَ طَوْكِ أَنْ‌غُوانْ عَبَرْسُ؞ تُواْ، أَ لُواْكَثِنّٜىٰ ذَاسُيِ أَظُمِ؞

²¹ ‏«‏بَا مَيْ ڢَاثِنْ ڟُواْهُوَرْ رِغَا دَ سَابُوانْ يَدِ؞ عِدَنْ كُوَ يَيِ، سَيْ سَابُوانْ يَدِنْ يَنَطٜىٰ ڟُواْهُوَرْ رِغَرْ، حَرْ يَاغٜىٰوَرْ تَڢِے تَدَا مُونِ؞

²² كُمَ بَاوَنْدَ ذَيْظُبَا سَابُوانْ ضُوً إِنَبِے عَثِكِنْ ڟُواْڢَڢِّنْ سَلْكُنَ؞ عِدَنْ يَا يِهَكَ، سَيْ ضُوً إِنَبِنْ يَڢَرْڢَشٜىٰ سَلْكُنَنْ، عَكُمَيِ هَسَرَرْ سَلْكُنَنْ دُكْ دَ ضُوً إِنَبِنْ؞ أَيْ، سَابُوانْ ضُوً إِنَبِے، سَيْ سَابَبِّنْ سَلْكُنَ؞»‏

تَمْبَيَ عَكَنْ كِيَايٜىٰ رَانَرْ هُوتُ

²³ أَنَانً أَ رَانَرْ هُوتُ تَمَكُواْ عِيسَىٰ دَ أَلْمَجِرَنْسَ سُنَ وُثٜىٰوَ تَغُواْنَكِنْ حَڟِنْ أَلْكَمَ؞ سُنَ ثِكِنْ تَڢِيَ سَيْ أَلْمَجِرَنْسَ سُكَ ڢَارَ كَرْيَ وَطَنْسُ كَنْ أَلْكَمَ؞

²⁴ سَيْ ڢَرِسِيَاوَا سُكَثٜىٰ مَسَ ‏«‏دُوبَ أَبِنْدَ أَلْمَجِرَنْكَ سُكٜىٰيِ؞ دُوانْمٜىٰ سُكٜىٰيِنْ أَبِنْدَ كُواْيَرْوَرْ مُوسَٰى تَهَنَيِ أَ رَانَرْ هُوتُ تَمَكُواْ؟»‏

²⁵ عِيسَىٰ يَأَمْسَ يَثٜىٰ ‏«‏أَشٜىٰ، بَكُ تَٻَ كَرَنْتَ أَبِنْدَ دَاوُدَ يَيِبَ، أَ لُواْكَثِنْ دَ يُنْوَ تَدَمٜىٰشِ كُمَ يَنَ ثِكِنْ رَشِ، شِ دَ أَبُواْكَنْ تَڢِيَرْسَ؟

²⁶ أَ زَامَانِنْ دَ أَبِيَتَرْ يَكٜىٰ بَبَّنْ ڢِرِسْتِنٜىٰ، دَاوُدَ يَشِغَ وُرِنْ سُجَّدَ، يَثِ غُرَاسَرْ دَ عَكَ كٜىٰٻٜىٰ، وَنْدَ بَيْ كَمَاتَ كُواْوَ يَثِبَ، سَيْدَيْ ڢِرِسْتُواْثِے كَطَيْ؞ حَرْ مَا يَبَا أَبُواْكَنْ تَڢِيَرْسَ!‏»‏

²⁷ سَيْ عِيسَىٰ يَثٜىٰ مُسُ ‏«‏أَيْ، أَنْيِ رَانَرْ هُوتُ تَمَكُواْ دُواْمِنْ مُتُمْ نٜىٰ، بَعَيِ مُتُمْ دُواْمِنْ رَانَرْ هُوتُ بَ؞

²⁸ أَيْ، طَنْ مُتُمْ عُبَنْ‌غِجِ نٜىٰ حَرْ مَا دَ نَرَانَرْ هُوتُ تَمَكُواْ؞»‏