مَرْكُسْ 15 - أَتَّوْرَتْ دَ أَنَّبَاوَاأَنْ كَيْ عِيسَىٰ أَغَبَنْ ڠُومْنَ بِلَتُسْ ﴿ مَتْ 27.1-2 ، 11-14 ؛ لُكْ 23.1-5 ؛ يَحـ 18.28-38 ﴾ 1 دَ سَسَّڢٜىٰ مَنْيَنْ ڢِرِسْتُواْثِے دَ شُوغَبَنِّ دَ مَلَمً كُواْيَرْوَرْ مُوسَٰى دَ دُكَنْ سَوْرَنْ یَنْ مَجَلِسَ سُكَيِ شَوَرَا؞ سَيْ سُكَ طَوْرٜىٰ عِيسَىٰ، سُكَ تَڢِے دَشِ، غَبَنْ بِلَتُسْ؞ 2 بِلَتُسْ كُوَ يَتَمْبَيٜىٰشِ يَثٜىٰ «كَيْ نٜىٰ سَرْكِنْ يَهُودَاوَا؟» عِيسَىٰ يَأَمْسَ مَسَ يَثٜىٰ «كَيْ نٜىٰ كَڢَطِ حَكَ؞» 3 سَيْ مَنْيَنْ ڢِرِسْتُواْثِے سُكَيِ تَظَرْغِنْسَ عَكَنْ أَبُبُوَ دَيَوَ؞ 4 سَيْ بِلَتُسْ يَسَاكٜىٰ تَمْبَيَرْسَ يَثٜىٰ «غَاشِ ڢَا، أَنَ زَرْغِنْكَ عَكَنْ أَبُبُوَ دَيَوَ، بَذَاكَ بَادَ أَمْسَبَ؟» 5 عَمَّا حَرْ يَنْذُ، عِيسَىٰ بَيْ ڧَارَيِنْ وَتَ مَغَنَ بَ، حَرْ أَبِنْ يَدَامِ بِلَتُسْ؞ أَنْ يَنْكٜىٰوَ عِيسَىٰ حُكُنْثِنْ مُتُوَ ﴿ مَتْ 27.15-26 ؛ لُكْ 23.13-25 ؛ يَحـ 18.39—19.16 ﴾ 6 أَبِنْ دَ سَرْكِے يَسَابَايِ أَلُواْكَثِنْ بِكٍ شِينٜىٰ، يَكَنْ سَكَرْ مُسُ طَنْ كُرْكُكُ طَيَ وَنْدَ مُتَنٜىٰنْ سُكَ ضُواْڧَا؞ 7 تُواْ، أَݣَويْ وَنِ مَيْ سُونَ بَرَبَّسْ وَنْدَ يَكٜىٰ أَطَوْرٜىٰ عَكُرْكُكُ، تَرٜىٰدَ یَنْ تَاوَيٜىٰ دَسُكَ كَشٜىٰ مُتُمْ أَ لُواْكَثِنْ دَ عَكَيِ تَاوَيٜىٰ؞ 8 سَيْ تَارُوانْ جَمَعَ سُكَذُواْ سُكَ ڢَارَ ضُواْڧُوانْ بِلَتُسْ يَيِ مُسُ أَبِنْدَ يَسَابَا يِ؞ 9 بِلَتُسْ يَأَمْسَ مُسُ يَثٜىٰ «كُنَ سُواْ إِنْ سَكَرْ مُكُ سَرْكِنْ يَهُودَاوَا؟» 10 غَمَا يَغَانٜىٰ ثٜىٰوَ سَبُواْدَ كِيشِنٜىٰ يَسَا مَنْيَنْ ڢِرِسْتُواْثِے سُكَ بَادَ عِيسَىٰ أَ حَنُّنْسَ؞ 11 عَمَّا مَنْيَنْ ڢِرِسْتُواْثِے سُكَ ذُغَ جَمَعَ سُثٜىٰ يَسَكِ بَرَبَّسْ أَمَيْمَكُوانْ عِيسَىٰ؞ 12 سَيْ بِلَتُسْ يَتَمْبَيٜىٰسُ يَثٜىٰ «تُواْ، مٜىٰ ذَنْيِ دَ وَنْدَ كُكٜىٰثٜىٰ دَشِ سَرْكِنْ يَهُودَاوَا؟» 13 سُكَتَادَ مُرْيَ سُكَثٜىٰ «أَغِثِّيٜىٰشِ!» 14 بِلَتُسْ كُوَ يَثٜىٰ مُسُ «دُوانْمٜىٰ؟ وَنٜىٰ لَيْڢِے نٜىٰ يَيِ؟» سَيْ سُكَڧَارَ تَادَ مُرْيَ سُنَ ثٜىٰوَ «أَغِثِّيٜىٰشِ!» 15 دَيَكٜىٰ بِلَتُسْ يَنَ سُواْ يَڢَرَنْتَ وَ جَمَعَ ذُوثِيَا، سَيْ يَسَكَرْ مُسُ بَرَبَّسْ؞ بَايَنْدَ يَسَا عَكَيِ وَ عِيسَىٰ بُلَلَ، سَيْ يَبَادَشِ دُواْمِنْ أَغِثِّيٜىٰشِ؞ سُواْجُواْجِ سُنْيِ وَ عِيسَىٰ بَعَ ﴿ مَتْ 27.27-31 ؛ يَحـ 19.2-3 ﴾ 16 سُواْجُواْجِنْ سُكَ تَڢِے دَ عِيسَىٰ أَ ذَوْرٜىٰنْ بَرْكِ، وَتُواْ ڢَادَرْ ڠُومْنَ وَنْدَ عَكٜىٰثٜىٰ دَشِ «ڢِرٜىٰتُواْرِيُمْ»؞ سُكَ تَارَ دُكَنْ سَوْرَنْ سُواْجُواْجِنْ؞ 17 سُكَسَا مَسَ وَتَ رِغَا إِرِنْ تَسَرَاكُنَ مَيْ كَلَرْ جَرْ غَرُورَا، سُكَ كُمَيِ وَتَ هُولَرْ مُلْكِ تَڧَيَ، سُكَسَا مَسَ عَكَيْ؞ 18 سَيْ سُكَ ڢَارَ يِمَسَ غَيْسُوَا سُنَ ثٜىٰوَ «رَنْكَيَدَطٜىٰ، سَرْكِنْ يَهُودَاوَا!» 19 سُكَ كُمَيِ تَبُغُنْسَ عَكَيْ دَ سَنْدَا، سُنَ تُواْتُّواْڢَ مَسَ مِيَوْ؞ سَعَنً سُكَ دُرْڧُسَ وَيْ سُنَيِ مَسَ بَنْ غِرْمَ؞ 20 دَ سُكَ غَمَ يِمَسَ بَعَ حَكَ، سَيْ سُكَ ثِرٜىٰ مَسَ رِغَرْ مُلْكِ، سُكَسَا مَسَ نَاسَ رِيغُنَ؞ سَعَنً سُكَ كَيْشِ وَجٜىٰ دُواْمِنْ أَغِثِّيٜىٰشِ؞ أَنْ غِثِّيٜىٰ عِيسَىٰ ﴿ مَتْ 27.32-44 ؛ لُكْ 23.26-43 ؛ يَحـ 19.17-27 ﴾ 21 سُنَ ثِكِنْ تَڢِيَ، سَيْغَا وَنِ مُتُمْ يَنَ وُثٜىٰوَ مَيْ سُونَ سِيمَنْ، مُتُمِنْ سَيِرِنْ، بَابَنْ إِسْكَنْدَرِ دَ رُڢُسْ، يَنَ ذُوَا دَغَ ڧَوْيٜىٰ، سُكَسَاشِ دُواْلٜىٰ يَطَوْكِ غِثِّيٜىٰنْ عِيسَىٰ؞ 22 سُكَ كَيْ عِيسَىٰ وَنِ وُرِے مَيْ سُونَ غُوالْغُواْتَ، وَتُواْ وُرِنْ ڧُواْڧُوانْ كَيْ؞ 23 أَوُرِنْ سُكَ مِيڧَ مَسَ ضُوً إِنَبِے غَوْرَايٜىٰ دَ مُرْ، عَمَّا يَڧِشَا؞ 24 سَيْ سُكَ غِثِّيٜىٰشِ؞ سُكَ كُمَ رَرَّبَ رِيغُنَنْسَ أَڟَكَانِنْسُ، سُكَيِ ڧُرِعَ عَكَنْسُ دُواْمِنْ سُغَ أَبِنْدَ كُواْوَ ذَيْسَامُ؞ 25 دَ ڧَرْڢٜىٰ تَرَ نَسَڢٜىٰ نٜىٰ سُكَ غِثِّيٜىٰشِ؞ 26 أَغُنْغُمٜىٰنْ إِتَاثٜىٰنْ كُوَ أَنْرُبُوتَ سَنَرْوَرْ زَرْغِنْ دَ عَكَيِ مَسَ ثٜىٰوَ «سَرْكِنْ يَهُودَاوَا؞» 27 سُكَ كُمَ غِثِّيٜىٰ یَنْ ڢَشِ بِيُ تَرٜىٰدَشِ، طَيَ أَ حَنُّنْ دَامَنْسَ، طَيَ كُمَ أَ حَنُّنْ هَغُنْسَ؞ 28 وَنَّنْ شِينٜىٰ ثِكَرْ أَنَّبْثِنْدَ يَثٜىٰ «أَنْ لِسَّڢْتَاشِ عَثِكِنْ مَاسُ لَيْڢِے؞» 29 مُتَنٜىٰنْ دَسُكٜىٰ وُثٜىٰوَ سُكَ يِتَيِنْ مَغَنْغَنُنْ رٜىٰنِ، سُنَ كَطَ كَيْ، سُنَ ثٜىٰوَ «أَهَڢْ! كَيْ دَ ذَاكَ رُشٜىٰ هَيْكَلِ، ذَاكَ كُمَ غِنَاشِ ثِكِنْ ݣُونَ عُكُ، 30 تُواْ، كَثٜىٰثِ كَنْكَ كَسَوْكُواْ مَنَ!» 31 حَكَكُمَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَ يِتَيِ مَسَ بَعَ أَڟَكَانِنْسُ سُنَ ثٜىٰوَ «يَثٜىٰثِ وَطَنْسُ، عَمَّا بَيْ عِيَ ثٜىٰتُوانْ كَنْسَبَ! 32 بَرِ وَنَّنْ أَلْمَسِيحُ، وَيْ سَرْكِنْ إِسْرَٰٓءِيلَ، يَسَوْكُواْ يَنْذُ دَغَ غِثِّيٜىٰنَّنْ، دُوانْ مُغَنِ مُبَادَ غَسْكِيَ!» یَنْ ڢَشِنْ دَ عَكَ غِثِّيٜىٰ تَرٜىٰ دَشِيمَا سُكَيِ مَسَ بَڧَرْ مَغَنَ؞ مُتُوَرْ عِيسَىٰ ﴿ مَتْ 27.45-56 ؛ لُكْ 23.44-49 ؛ يَحـ 19.28-30 ﴾ 33 دَ ڟَكَرْ رَانَ، سَيْ دُهُ يَرُڢٜىٰ دُكَنْ ڧَسَرْ، حَرْ ذُوَا ڧَرْڢٜىٰ عُكُ نَيَمَّ؞ 34 سَعَنً دَ ڧَرْڢٜىٰ عُكُ، عِيسَىٰ يَطَغَ مُرْيَ دَ ڧَرْڢِے يَثٜىٰ، «عٜىٰلُواْإِ، عٜىٰلُواْإِ، لَمَ سَبَكْتَنِ؟» وَتُواْ «يَا اللَّهْ نَا، يَا اللَّهْ نَا، دُوانْمٜىٰ كَيَاشٜىٰنِ؟» 35 دَ وَطَنْدَ سُكٜىٰ ڟَيٜىٰ أَوُرِنْ سُكَجِ حَكَ، سُكَثٜىٰ «غَاشِ، يَنَ كِرَنْ أَنَّبِے إِلْيَاسُ؞» 36 سَيْ طَيَنْسُ يَغُدُ، يَجِڧَ سُواْسُواْ دَ ضُوً ڟَامِ دَغَ یَیَنْ إِنَبِے، يَسُواْكَ أَ سَنْدَا يَمِيڧَوَ عِيسَىٰ دُواْمِنْ يَشَا، يَثٜىٰ «كُڟَيَ دَيْ! بَرِ مُغَنِ كُواْ أَنَّبِے إِلْيَاسُ ذَيْذُواْ يَسَوْكُواْ دَشِ؞» 37 سَيْ عِيسَىٰ يَطَغَ مُرْيَ دَ ڧَرْڢِے، سَعَنً يَجَا نُمْڢَشِنْسَ نَڧَرْشٜىٰ سَيْ يَمُتُ؞ 38 سَيْ لَبُلٜىٰنْ دَيَكٜىٰ ثِكِنْ هَيْكَلِ يَيَاغٜىٰ كَشِ بِيُ تُنْدَغَ سَمَ حَرْ ڧَسَا؞ 39 لُواْكَثِنْ دَ سُواْجَ وَنْدَ يَكٜىٰ ڟَيٜىٰ أَغَبَنْ عِيسَىٰ يَغَ يَدَّ يَمُتُ، سَيْيَثٜىٰ «بَاشَكَّ، وَنَّنْ مُتُمْ طَنْ اللَّهْ نٜىٰ!» 40 وَطَنْسُ مَاتَا كُمَ سُكَ ڟَيَ ثَنْ دَ نٜىٰسَ سُنَ كَلُّواْ؞ ثِكِنْسُ كُوَ أَݣَويْ مَرْيَمُ دَغَ مَغَدَلَ دَ مَرْيَمُ مَامَرْ يَعْڧُوبَ ڧَرَمِ دَ يُوسُڢَ دَ كُمَ سَلُواْمِ؞ 41 تُنْدَغَ غَلِيلِ نٜىٰ وَطَنَّنْ مَاتَا سُكَبِيُواْ شِ سُنَيِ مَسَ حِدِمَ؞ وَطَنْسُ مَاتَا كُمَ دَيَوَ وَطَنْدَ سُكَذُواْ تَرٜىٰ دَشِ أَ عُرُوشَلِيمَ سُنَ وُرِنْ مَا؞ بِنّٜىٰوَرْ عِيسَىٰ ﴿ مَتْ 27.57-61 ؛ لُكْ 23.50-56 ؛ يَحـ 19.38-42 ﴾ 42 دَ يَمَّ تَيِ، أَنَ شِرِ غَمَا غُواْبٜىٰ رَانَرْ هُوتُ تَمَكُواْ ثٜىٰ؞ 43 سَيْ وَنِ مُتُمْ مَيْ سُونَ يُوسُڢَ دَغَ أَرِمَتِيَ يَذُواْ؞ شِ طَنْ مَجَلِسَ نٜىٰ، مَيْ مُتُنْثِ كُوَ، وَنْدَ يَكٜىٰ مَرْمَرِنْ مُلْكٍ اللَّهْ يَذُواْ؞ يَيِ ڧَرْڢِنْ حَلِ يَتَڢِے وُرِنْ بِلَتُسْ، يَضُواْڧَا عَبَاشِ جِكِنْ عِيسَىٰ؞ 44 بِلَتُسْ يَيِ مَامَاكِ دَ يَجِ ثٜىٰوَ عِيسَىٰ يَارِغَا يَمُتُ؞ سَيْ يَكِرَا سُواْجَ طِنْ يَتَمْبَيٜىٰشِ كُواْ غَسْكِيَ نٜىٰ عِيسَىٰ يَارِغَا يَمُتُ؞ 45 دَ يَتَبَّتَرْ دَغَ بَاكِنْ سُواْجَنَّنْ، سَيْ يَبَا يُوسُڢَ جِكِنْ؞ 46 يُوسُڢَ كُوَ يَسَيُواْ يَدِنْ لِيلِنْ، يَسَوْكُواْ دَ جِكِنْ عِيسَىٰ، يَنَنَّطٜىٰ شِ عَيَدِنْ لِيلِنْ، يَسَا شِ عَكَبَرِنْ دَ عَكَ حَڧَ أَجِكِنْ دُوڟٜىٰ؞ سَعَنً يَغَنْغَرُواْ دَ وَنِ دُوڟٜىٰ يَرُڢٜىٰ بَاكِنْ كَبَرِنْ؞ 47 مَرْيَمُ دَغَ مَغَدَلَ دَ مَرْيَمُ مَامَرْ يُوسُڢَ سُنَ كَلُّواْ، سُكَغَ عِنْدَ عَكَ ݣُونْتَرْدَ جِكِنْ عِيسَىٰ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria