مَرْكُسْ 11 - أَتَّوْرَتْ دَ أَنَّبَاوَاعِيسَىٰ يَشِغَ عُرُوشَلِيمَ ﴿ مَتْ 21.1-11 ؛ لُكْ 19.28-40 ؛ يَحـ 12.12-19 ﴾ 1 دَ سُكَذُواْ كُسَدَ عُرُوشَلِيمَ، وَتُواْ أَ بٜىٰتَڢَجِ دَ بٜىٰتَنِ، وَجٜىٰنْ تُدُنْ عِتَتُوَنْ ظَيْتُنْ، سَيْ عِيسَىٰ يَعَيْكِ أَلْمَجِرَنْسَ بِيُ، 2 يَثٜىٰ مُسُ «كُجٜىٰ ڧَوْيٜىٰنْ ثَنْ نَغَبَنْكُ؞ دَ شِغَرْكُ ذَاكُ غَ وَنِ طَنْ جَاكِ أَطَوْرٜىٰ، وَنْدَ بَعَتَٻَ هَوَبَ؞ كُكُنْثٜىٰشِ كُكَٰوُاْ؞ 3 عِدَنْ وَنِ يَتَمْبَيٜىٰكُ، ‹دُوانْمٜىٰ كُكٜىٰ حَكَ؟› سَيْ كُثٜىٰ مَسَ، ‹عُبَنْغِجِ نٜىٰ يَكٜىٰ بُڧَاتَرْسَ، ذَيْ كُمَ مَيْدَشِ نَنْ دَنَنْ؞› » 4 سَيْ سُكَ تَڢِے، سُكَغَ طَنْ جَاكِنْ أَطَوْرٜىٰ عَڧُواْڢَرْ غِدَا عَبَاكِنْ حَنْيَ؞ سُنَ كُنْثٜىٰوَ كٜىٰنَنْ، 5 سَيْ وَطَنْدَ سُكٜىٰ ڟَيٜىٰ أَوُرِنْ سُكَثٜىٰ مُسُ «يَيَ؟ دُوانْمٜىٰ كُكٜىٰ كُنْثٜىٰ جَاكِنَّنْ؟» 6 سُكَ بَادَ أَمْسَ دَيْدَيْ يَدَّ عِيسَىٰ يَڢَطَا مُسُ، سَيْ مُتَنٜىٰنْ سُكَ بَرْسُ سُتَڢِے دَ جَاكِنْ؞ 7 دَ سُكَ كَٰوُاْ وَ عِيسَىٰ جَاكِنْ، سُكَ شِمْڢِطَا مَسَ رِيغُنَنْسُ، سَيْ عِيسَىٰ يَهَوْ يَذَوْنَ؞ 8 سَيْ مُتَنٜىٰ دَيَوَ سُكَ شِمْڢِطَا رِيغُنَنْسُ عَكَنْ حَنْيَ، وَطَنْسُ كُمَ سُكَ بَظَ رَسَّنْ عِتَتُوَنْ دَ سُكَ سَارٜىٰ دَغَ غُواْنَكِ؞ 9 وَطَنْدَ سُكٜىٰ غَبَنْسَ دَ وَطَنْدَ سُكٜىٰ بَايَنْسَ سُكَيِ تَ إِيهُ سُنَ ثٜىٰوَ «هُواْسَنَّ! أَلْبَرْكَ تَا تَبَّتَا غَ مَيْ ذُوَا عَثِكِنْ سُونَنْ عُبَنْغِجِ! 10 أَلْبَرْكَ تَا تَبَّتَا غَ مُلْكِنَّنْ مَيْ ذُوَا نَبَابَنْمُ دَاوُدَ؞ هُواْسَنَّ غَ مَڢِے طَوْكَكَ!» 11 دَ عِيسَىٰ يَشِغَ عُرُوشَلِيمَ، يَتَڢِے هَيْكَلِ يَشِغَ يَدُدُّوبَ دُكَنْ كُواْمٜىٰ؞ دَيَكٜىٰ رَانَ تَڢَاطِ كُواْ، سَيْ يَڢِتَ يَكُواْمَ بٜىٰتَنِ تَرٜىٰدَ أَلْمَجِرَنْسَ؞ عِيسَىٰ يَلَعَنْتَ إِتَاثٜىٰنْ ٻَوْرٜىٰ ﴿ مَتْ 21.18-19 ﴾ 12 وَشٜىٰغَرِ دَ سُكَتَاشِ دَغَ بٜىٰتَنِ، سَيْ عِيسَىٰ يَجِ يُنْوَ؞ 13 دَ يَهَنْغِ وَنِ إِتَاثٜىٰنْ ٻَوْرٜىٰ مَيْ غَنْيٜىٰ، سَيْ يَجٜىٰ يَغَ كُواْ ذَيْسَامِ یَیَ؞ عَمَّا دَ يَكَيْ وُرِنْ، بَيْ غَ كُواْمٜىٰبَ سَيْ غَنْيٜىٰ كَوَيْ، دُوانْ بَ لُواْكَثِنْ یَیَنْ ٻَوْرٜىٰ بَنٜىٰ؞ 14 سَيْ يَثٜىٰ وَٻَوْرٜىٰنْ «كَدَ كُواْوَ يَڧَارَ ثِنْ یَیَنْكَ حَرْ أَبَدَا!» أَلْمَجِرَنْسَ كُوَ سُكَجِ أَبِنْدَ يَڢَطَا؞ عِيسَىٰ يَڟَبْتَثٜىٰ هَيْكَلِ ﴿ مَتْ 21.12-17 ؛ لُكْ 19.45-48 ؛ يَحـ 2.13-22 ﴾ 15 دَ شِغَرْسُ عُرُوشَلِيمَ، عِيسَىٰ يَشِغَ هَيْكَلِ يَڢَارَ كُواْرَرْ مَاسُ سَيَ دَ سَيَرْوَ دَغَ ثِكِ؞ يَكُمَ تُتُّرٜىٰ تٜىٰبُرَنْ مَاسُ ثَنْجِنْ كُطِ دَ كُجٜىٰرُنْ مَاسُ سَيَرْ دَ تَتَّبَرُ؞ 16 يَكُمَ حَنَ كُواْوَ يَطَوْكِ وَنِ أَبُ يَوُثٜىٰ تَڢِيلِنْ هَيْكَلِنْ؞ 17 سَيْ يَكُواْيَاوَ مُتَنٜىٰ يَثٜىٰ «أَ رُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ « ‹ذَاعَثٜىٰدَ غِدَانَ غِدَنْ أَدُّعَ نَدُكَنْ أَلْعُمَّيْ؞› غَاشِ كُنْ مَيْدَشِ ‹وُرِنْ ٻُيَنْ یَنْ ڢَشِ؞› » 18 مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَجِ وَنَّنْ مَغَنَ، سُكَ ڢَارَ نٜىٰمَنْ حَنْيَرْ دَ ذَاسُ كَشٜىٰشِ، غَمَا سُنَ جِنْ ڟُواْرُوانْسَ، دُواْمِنْ دُكَنْ تَارُوانْ سُنَ مَامَاكِنْ كُواْيَرْوَرْسَ؞ 19 دَ يَمَّ كُوَ، عِيسَىٰ دَ أَلْمَجِرَنْسَ سُكَ ڢِتَ دَغَ ثِكِنْ بِرْنِنْ؞ ٻَوْرٜىٰنْ دَ عِيسَىٰ يَلَعَنْتَ يَبُوشٜىٰ ﴿ مَتْ 21.20-22 ﴾ 20 دَ سَڢٜىٰ سُنَ وُثٜىٰوَ سَيْ سُكَغَ إِتَاثٜىٰنْ ٻَوْرٜىٰنَّنْ يَبُوشٜىٰ تُنْدَغَ سَيْوَرْسَ؞ 21 بِتْرُسْ يَتُنَ، سَيْيَثٜىٰ وَ عِيسَىٰ «مَلَمْ، دُوبَ! ٻَوْرٜىٰنَّنْ دَ كَلَعَنْتَ يَبُوشٜىٰ!» 22 عِيسَىٰ يَأَمْسَ يَثٜىٰ «كُغَسْكَتَادَ اللَّهْ! 23 حَڧِيڧَ إِنَ غَيَ مُكُ، عِدَنْ مُتُمْ يَغَسْكَتَادَ اللَّهْ، ذَيْ عِيَ ڢَطَا وَبَبَّنْ تُدُنَّنْ يَتَاشِ يَجٜىٰڢَ كَنْسَ ثِكِنْ تٜىٰكُ؞ إِنْ بَيْيِ شَكَّ أَ ذُوثِيَارْسَ عَكَنْ أَبِنْدَ يَڢَطَا بَ، ذَاعَيِ مَسَ؞ 24 دُواْمِنْ حَكَ إِنَ دَيْ غَيَ مُكُ، كُواْمٜىٰ كُكَ ضُواْڧَا دَ أَدُّعَ، كُغَسْكَتَا ثٜىٰوَ كُنْ رِغَا كُنْ سَامُ، ذَيْ كُوَ ذَمَ نَاكُ؞ 25 كُمَ عَكُواْوَنٜىٰ لُواْكَثِنْ دَ كُكٜىٰ ڟَيَاوَا كُنَ أَدُّعَ، إِنْ أَݣَويْ وَنْدَ كُكٜىٰ جِنْ هَوْشِنْسَ، كُيَاڢٜىٰمَسَ، دُواْمِنْ عُبَنْكُ وَنْدَ يَكٜىٰ ثِكِنْ سَمَ شِے مَا يَيَاڢٜىٰ مُكُ لَيْڢُواْڢِنْكُ؞ 26 عَمَّا إِنْ بَكُ يَاڢٜىٰبَ، حَكَ عُبَنْكُ وَنْدَ يَكٜىٰ ثِكِنْ سَمَ مَا بَذَيْ يَاڢٜىٰمُكُ لَيْڢُواْڢِنْكُبَ؞» أَنَ شَكَّرْ إِظْنِنْ عِيسَىٰ ﴿ مَتْ 21.23-27 ؛ لُكْ 20.1-8 ﴾ 27 سُكَ سَاكٜىٰ شِغَ عُرُوشَلِيمَ؞ عِيسَىٰ يَنَ ذَاغَاوَ كٜىٰنَنْ ثِكِنْ هَيْكَلِنْ، سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى دَ شُوغَبَنِّنْ جَمَعَ سُكَذُواْ وُرِنْسَ؞ 28 سُكَثٜىٰ مَسَ «دَ وَنٜىٰ إِظْنِ كَكٜىٰيِنْ وَطَنَّنْ أَبُبُوَ؟ كُمَ وَيَبَاكَ إِظْنِنْ يِنْ وَنَّنْ؟» 29 عِيسَىٰ يَأَمْسَ يَثٜىٰ «ذَنْيِ مُكُ وَتَ تَمْبَيَ؞ كُبَانِ أَمْسَ، نِے كُوَ ذَنْ غَيَ مُكُ كُواْ دَ وَنٜىٰ إِظْنِ نَكٜىٰيِنْ أَبُبُوَنَّنْ؞ 30 كُڢَطَا مِنِ، إِظْنِنْ دَ يَحْيَى يَيِ بَڢْتِسْمَ دَشِ، اللَّهْ نٜىٰ يَبَاشِ، كُواْ كُوَ مُتُمْ؟» 31 سَيْ سُكَ ڢَارَ غَرْدَمَ أَڟَكَانِنْسُ، سُكَثٜىٰ «عِدَنْ مُكَثٜىٰ، ‹دَغَ وُرِنْ اللَّهْ نٜىٰ،› ذَيْثٜىٰ مَنَ، ‹تُواْ، دُوانْمٜىٰ بَكُ غَسْكَتَ شِيبَ؟› 32 عَمَّا ذَامُ عِيَ ثٜىٰوَ دَغَ وُرِنْ مُتُمْ نٜىٰ كُوَ؟» سُنَ جِنْ ڟُواْرُوانْ أَبِنْدَ مُتَنٜىٰ ذَاسُيِ مُسُ، دُواْمِنْ دُكَنْ مُتَنٜىٰ سُنْ طَوْكَ ثٜىٰوَ يَحْيَى أَنَّبِنٜىٰ؞ 33 سَيْ سُكَ أَمْسَ وَ عِيسَىٰ سُكَثٜىٰ «بَمُسَنِبَ؞» عِيسَىٰ يَثٜىٰ مُسُ «نِے مَا، بَذَنْ ڢَطَا مُكُ كُواْ دَ وَنٜىٰ إِظْنِ نَكٜىٰيِنْ أَبُبُوَنَّنْبَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria