مِيكَ 6 - أَتَّوْرَتْ دَ أَنَّبَاوَا

ڧَارَرْ يَهْوٜىٰهْ عَكَنْ إِسْرَٰٓءِيلَ

¹ إِسْرَٰٓءِيلَ، كُجِ أَبِنْدَ يَهْوٜىٰهْ يَغَيَ مِنِ؞ ‏«‏تَاشِ كَبَيَّنَ ڧَارَتَ عَكَنْ إِسْرَٰٓءِيلَ أَغَبَنْ مَنْيَنْ تُدَّيْ، بَرِ تُدَّيْ سُجِ مُرْيَرْكَ؞»‏

² يَا كُو مَنْيَنْ تُدَّيْ، كُجِ إِرِنْ ڧَارَرْ دَ يَهْوٜىٰهْ يَكٜىٰيِ، يَا كُو تُوشٜىٰنْ دُونِيَا، كُسَوْرَرَ!‏ غَمَا يَهْوٜىٰهْ يَنَدَ ڧَارَ عَكَنْ مُتَنٜىٰنْسَ، يَنَ زَرْغِنْ إِسْرَٰٓءِيلَ؞

³ ‏«‏يَا جَمَعَتَ، مٜىٰنَيِ مُكُ؟ تَيَيَا نَغَجِيَرْ دَكُو؟ كُ أَمْسَ مِنِ!‏

⁴ بَنِينٜىٰ نَا ڢِتَرْدَكُو دَغَ ڧَسَرْ مَصَرْ بَ؟ بَنِينٜىٰ نَا ڢَنْشٜىٰكُ دَغَ غِدَنْ بَوْتَبَ؟ بَنِينٜىٰ نَا عَيْكِ مُوسَٰى دَ هَٰرُونَ دَ مَرْيَمُ سُجَغُواْرَنْثٜىٰكُبَ؟

⁵ يَا جَمَعَتَ، كُتُنَ دَ أَبِنْدَ سَرْكِے بَلَكْ نَ مُواْوَبْ يَشِرْيَ يَيِ مُكُ؞ كُتُنَ دَ أَبِنْدَ بَلَعَمْ طَنْ بٜىٰيُوارْ يَأَمْسَ مَسَ؞ كُتُنَ دَ أَبِنْدَ يَڢَرُ عَكَنْ حَنْيَ دَغَ شِتِّمْ ذُوَا غِلْغَلْ، دُواْمِنْ كُسَنْ أَيُّكَنْ ثٜىٰتُوانْ يَهْوٜىٰهْ؞»‏

أَبِنْ دَ يَهْوٜىٰهْ يَكٜىٰ بُڧَاتَ

⁶ ‏«‏دَمٜىٰ ذَنْذُواْ غَبَنْ يَهْوٜىٰهْ إِنْيِ سُجَّدَ أَغَبَنْ اللَّهْ نَسَمَ؟ كُواْ إِنْ ذُواْ غَبَنْسَ دَ هَدَايَرْ ڧُواْنَاوَا تَطَنْ سَانِيَ مَيْ شٜىٰكَرَا طَيَنٜىٰ؟

⁷ كُواْ رَغُنَ دُبَّيْنٜىٰ ذَاسُ غَمْشِ يَهْوٜىٰهْ؟ كُواْ كُواْغُنَ دُبُنْ دُبَّيْ نَمَنْ ظَيْتُنّٜىٰ؟ كُواْ إِنْ بَادَ طَنْ ڢَارِنَ دُواْمِنْ هَدَايَرْ لَيْڢُواْڢِنَ نَسَاٻُواْ؟ كُواْ إِنْ بَادَ یَیَنَ دُواْمِنْ ذُنُبَيْنَ؟»‏

⁸ أَعَ، يَا كَيْ طَنْ أَدَمْ، يَهْوٜىٰهْ يَارِغَيَا نُونَ مَكَ أَبِنْدَ يَكٜىٰ مَيْݣَوْ؞ يَڢَطَا مَكَ أَبِنْدَ يَكٜىٰ نٜىٰمَ دَغَ غَرٜىٰكَ؞ أَبِنْ دَيَكٜىٰ نٜىٰمَ، شِينٜىٰ كَيِ أَدَلْثِے، كَڧَوْنَثِ يِنْ جِنْڧَيْ، كَيِ تَڢِيَرْكَ دَ اللَّهْ نْكَ ثِكِنْ سَوْڧِنْ كَيْ؞

⁹ كُكَسَ كُنّٜىٰ!‏ يَهْوٜىٰهْ يَنَ كِرَا غَ مُتَنٜىٰنْ بِرْنِنْ عُرُوشَلِيمَ؞ حِكِمَ ثٜىٰ ڨُورَيْ أَجِڟُواْرُوانْ سُونَنْ يَهْوٜىٰهْ؞ كُكَسَ كُنّٜىٰ!‏ يَهْوٜىٰهْ يَسَا مُكُ لُواْكَثِنْ هَلَّكَ؞

¹⁰ ‏«‏كُواْ ذَنْ مَنْتَادَ أَرْزِڧِنْ دَ عَكَ سَامُ تَهَنْيَرْ مُغُنْتَا أَغِدَنْ مُوغُ؟ كُواْ ذَنْ مَنْتَادَ مُودُنْ أَوُاْ وَنْدَ عَكَ بُبُّغَ غِنْدِنْسَ؟

¹¹ كُواْ بَذَنْ حُكُنْتَ مُتُمْ مَيْ مُودُنْ أَوُاْ نَڧَضْيَا، دَ بُهُنَنْ أَوُاْ نَثُوتَابَ؟

¹² مَاسُ أَرْزِڧِنْ بِرْنِنْكُ، ثُوتَا سُكٜىٰتَيِ وَتَلَكَاوَا؞ مَذَوْنَنْ ڧَسَرْكُ كُمَ سَيْ ڧَضْيَا سُكٜىٰ تَيِ؞

¹³ دُواْمِنْ حَكَ ذَنْ بُغٜىٰكُ دَ ثِيوُاْ، إِنْ مَيْدَكُو كُڢَيْ سَبُواْدَ ذُنُبَنْكُ؞

¹⁴ ذَاكُثِ، عَمَّا بَذَاكُ ڧُواْشِبَ، ثِكِنْكُ دَيْ ذَيْ كَسَنْثٜىٰ دَ ذَاڢِنْ يُنْوَ؞ ذَاكُ تَارَ، عَمَّا بَذَاكُ أَجِيٜىٰ كُواْمٜىٰبَ، طَنْ أَبِنْدَ كُكَ أَجِيٜىٰ كُمَ، عَثِكِنْ يَاڧِ ذَنْ لَلَتَرْ دَشِ؞

¹⁵ ذَاكُيِ شُوكَ، عَمَّا بَذَاكُيِ غِرْبِبَ؞ ذَاكُ مَڟٜىٰ یَیَنْ ظَيْتُنْ، عَمَّا بَذَاكُيِ أَمْڢَانِ دَ مَنْسَبَ؞ ذَاكُ مَڟٜىٰ یَیَنْ إِنَبِے، عَمَّا بَذَاكُ شَا ضُوً بَ؞

¹⁶ غَمَا كُنْ كِيَايٜىٰ مُوغَيٜىٰنْ ڧَٰعِدُواْدِنْ عُوامْرِ، دَ دُكَنْ أَيُّكَنْ غِدَنْ أَهَبْ، كُكَيِ تَڢِيَ عَثِكِنْ مُوغَيٜىٰنْ شَوَرَرْسُ؞ دُواْمِنْ حَكَ ذَنْ مَيْدَكُو كُڢَيْ، كُذَمَ أَبِنْ جَنْ ڟَكِ؞ تَهَكَ، كُو مُتَنٜىٰنَ، كُواْعِنَ ذَاكُ شَا رٜىٰنِ؞»‏