مِيكَ 5 - أَتَّوْرَتْ دَ أَنَّبَاوَا

¹ يَنْذُ، كِتَتَّارَ سُواْجُواْجِنْكِ غَمَا أَنْكٜىٰوَيٜىٰكِ دَ يَاڧِ، دَ سَنْدَا عَكَ بُغِ سَرْكِنْ إِسْرَٰٓءِيلَ، عَكَ بُغٜىٰشِ عَكُمَتُ؞

اللَّهْ يَيِ أَلْڧَوَرِنْ مَيْ مُلْكِ دَغَ بَيْتَلَحْمِ

² إِنْجِ يَهْوٜىٰهْ، ‏«‏عَمَّا كٜىٰ غَرِنْ بَيْتَلَحْمِ نَ عٜىٰڢْرَتَ، كٜىٰ یَرْ ڧَرَمَثٜىٰ عَثِكِنْ ذُرِيَرْ يَهُودَ، عَمَّا دَغَ ثِكِنْكِ وَنِ ذَيْڢِتُواْ دُواْمِنَ وَنْدَ ذَيْ يِمُلْكٍ إِسْرَٰٓءِيلَ وَنْدَ أَصَلِنْسَ دَغَ زَامَانِنْ دَا نٜىٰ، دَغَ ݣُونَكِنْ دَا يَكٜىٰ؞»‏

³ سَبُواْدَ حَكَ يَهْوٜىٰهْ ذَيْ يَاشٜىٰ مُتَنٜىٰنْسَ، حَرْ سَيْ عِتَ وَدَّ تَكٜىٰ جِنْ ذَاڢِنْ حَيْڢُوَ تَحَيْڢُ؞ سَعَنً نٜىٰ سَوْرَنْ یَنْعُوَنْسَ ذَاسُ كُواْمَ وُرِنْ مُتَنٜىٰنْ إِسْرَٰٓءِيلَ؞

⁴ كَمَرْ مَكِيَايِ، ذَيْ لُورَ دَ مُتَنٜىٰنْسَ دَ ڧَرْڢِنْدَ يَڢِتُواْ دَغَ وُرِنْ يَهْوٜىٰهْ، عَثِكِنْ طَوْكَكَرْ سُونَنْ يَهْوٜىٰهْ اللَّهْ نْسَ؞ مُتَنٜىٰنْسَ ذَاسُ ذَوْنَ لَاڢِيَ، غَمَا إِيكُوانْ سُونَنْسَ، ذَاعَ سَنْ دَشِ كُواْعِنَ عَدُونِيَا،

⁵ غَمَا شِے مَيْ سَلَمَنٜىٰ؞ سَعَدَّ أَسُّرِيَاوَا ذَاسُ كَٰوُاْ مَنَ يَاڧِ، سُهُودَ كَتَنْ‌غَرْ بِرْنِنْمُ، ذَامُسَا مَكِيَايَ بَݣَويْ دَ شُوغَبَنِّ تَݣُوسْ سُيِ غَابَادَسُو؞

ثٜىٰتُواْ دَ حُكُنْثِ

⁶ دَ تَكُواْبِے، شُوغَبَنِّنَّنْ ذَاسُيِ مُلْكٍ ڧَسَرْ أَسُّرِيَ، ڧَسَرْ نِمْرُوادْ كُمَ دَ بَاكِنْ تَكُواْبِے؞ تَهَكَ مَيْ مُلْكٍ ذَيْ كُٻُتَرْ دَمُو دَغَ حَنُّنْ أَسُّرِيَاوَا، سَعَدَّ سُكَ كَٰوُاْ وَ ڧَسَرْمُ يَاڧِ، كُواْ سُشِغَ بَاكِنْ إِيَاكَرْ ڧَسَرْمُ؞

ضَغُواْوَرْ جَمَعَ ذَاسُ ذَوْنَ لَاڢِيَ

⁷ ضَغُواْوَرْ ذُرِيَرْ يَعْڧُوبَ وَدَّ تَكٜىٰ أَڟَكِيَرْ ڧَبِيلُ مَيْ يَوَ، ذَاتَ كَسَنْثٜىٰ كَمَرْ رَٻَ مَيْ سَابُنْتَاوَا دَغَ وُرِنْ يَهْوٜىٰهْ، كَمَرْ يَيَّڢِنْ ضُوً سَمَ عَكَنْ ثِيَوَ، وَطَنْدَ بَسُ دُواْغَضَ غَ مُتَنٜىٰ كُواْ سُسَا رَيْ غَ یَنْ أَدَمْ بَ؞

⁸ ضَغُواْوَرْ ذُرِيَرْ يَعْڧُوبَ، وَدَّ تَكٜىٰ ذَمَ عَثِكِنْ أَلْعُمَّيْ، وَدَّ تَكٜىٰ أَڟَكِيَرْ ڧَبِيلُ دَيَوَ، ذَاتَ كَسَنْثٜىٰ كَمَرْ ذَاكِ أَڟَكِيَرْ نَمُواْمِنْ دَاجِ عَكُرْمِ، كَمَرْ ذَاكِ مَيْ ڧَرْڢِے أَڟَكِيَرْ غَرْكٜىٰنْ تُمَكِ، وَنْدَ إِنْ يَيِ ڟَلّٜىٰ يَڢَاطَ عَكَنْسُ، ذَيْ يَيَّاغٜىٰسُ، كُمَبَا مَيْ عِيَ كُٻُتَرْ دَسُو؞

⁹ تَهَكَ حَنُّنْ ضَغُواْوَرْ ذُرِيَرْ يَعْڧُوبَ ذَيْثِ نَصَرَا عَكَنْ أَبُواْكَنْ غَابَنْسَ، مَاسُ غَابَادَسُو دُكَ، ذَاعَ كَوَرْ دَسُو؞

¹⁰ ‏«‏إِنْجِنِ يَهْوٜىٰهْ، أَ رَانَرْ نَنْ، ذَنْ كَوَرْدَ دَوَكِنْكُ، إِنْ هَلَّكَرْ دَ كٜىٰكُنَنْ دُواْكِنْكُ؞

¹¹ ذَنْ كَوَرْدَ بِرَنٜىٰنْ ڧَسَرْكُ إِنْ رُرُّشٜىٰ وُرَارٜىٰنْ ٻُيَنْكُ؞

¹² ذَنْ كَوَرْدَ بُواْكَيٜىٰ دَغَ ڧَسَرْكُ، بَذَاكُ ڧَارَ سَامُنْ مَاسُ دُوبَابَ؞

¹³ ذَنْ كَوَرْدَ صِڢُّواْڢِنْ غُمَكَنْكُ دَ دُووَڟُنْ سُجَّدَرْ دَسُكٜىٰ ثِكِنْكُ؞ بَذَاكُ ڧَارَ دُرْڧُسَاوَ عَيْكِنْ حَنُّوَنْكُبَ؞

¹⁴ ذَنْ تُمْٻُكٜىٰ غُمَكَنْكُ نَ أَشٜىٰرَ دَغَ ثِكِنْكُ، إِنْ هَلَّكَرْ دَ غَرُرُوَنْكُ؞

¹⁵ دَ ذَاڢِنْ ڢُشِے ذَنْيِ رَامُوَا عَكَنْ أَلْعُمَّنْ دَ بَسُيِ بِيَيَّبَ؞»‏