مِيكَ 3 - أَتَّوْرَتْ دَ أَنَّبَاوَا

مِيكَ يَڟَاوَتَا وَشُوغَبَنِّنْ إِسْرَٰٓءِيلَ

¹ كُكَسَ كُنّٜىٰ، يَا كُو شُوغَبَنِّنْ ذُرِيَرْ يَعْڧُوبَ، كُو مَاسُ مُلْكٍ غِدَنْ إِسْرَٰٓءِيلَ!‏ أَشٜىٰ، بَيْ كَمَاتَ كُسَنْ شَرِيعَرْ غَسْكِيَ بَ؟

² كُو دَ كُكٜىٰ ڧِنْ أَبُ مَيْݣَوْ، كُنَ ڧَوْنَرْ مُغُنْتَا؞ رَشِنْ يِنْ شَرِيعَرْ غَسْكِيَ كَمَرْ كُنَ ڢٜىٰطٜىٰ ڢَتَرْ مُتَنٜىٰنَ نٜىٰ، كَمَرْ كُنَ ڢِظْغٜىٰ نَامَنْ جِكِنْسُ دَغَ ڧَسُسُوَنْسُ نٜىٰ؞

³ كَمَرْ كُنَ ثِنْ نَامَنْ مُتَنٜىٰنَ، كُنَ ڢٜىٰطٜىٰ ڢَتَرْسُ دَغَ جِكِنْسُ نٜىٰ؞ كَمَرْ كُنَ كَكَّرْيَ ڧَسُسُوَنْسُ، كُنَ يَيَّنْكَاسُ كَمَرْ نَامَنْ دَ ذَاعَ سَا ثِكِنْ تُكُنْيَرْ دَڢُوَ نٜىٰ؞

⁴ ذَاكُيِ كُوكَا غَ يَهْوٜىٰهْ، عَمَّا بَذَيْ أَمْسَ مُكُبَ؞ ذَيْ ٻُواْيٜىٰ ڢُسْكَرْسَ دَغَ غَرٜىٰكُ أَ لُواْكَثِنْ، سَبُواْدَ كُنْ عَيْكَتَ مُغُنْتَا؞

⁵ غَا أَبِنْدَ يَهْوٜىٰهْ يَڢَطَا غَمٜىٰدَ أَنَّبَاوَنْ دَ سُكَسَا مُتَنٜىٰنَ سُكَ كَوْثٜىٰ دَغَ حَنْيَ، مَاسُ تَادَ مُرْيَ سُنَ ثٜىٰوَ ‏«‏سَلَمَ»‏ سَعَدَّ عَكَبَاسُ عَبِنْثِ؞ عَمَّا سُنَ ثٜىٰوَ ‏«‏يَاڧِ»‏ غَ وَنْدَ بَيْ بَاسُ كُواْمٜىٰبَ؞

⁶ ‏«‏سَبُواْدَ حَكَ، كُو أَنَّبَاوَا، كُواْمٜىٰ ذَيْ ذَمَ مُكُ دَرٜىٰ، بَابُ سَوْرَنْ رُعُيَ، دُهُ نٜىٰ أَغَرٜىٰكُ، بَابُ سَوْرَنْ غَنِ؞ رَانَ ذَاتَ ڢَاطِ عَكَنْكُ، كُو أَنَّبَاوَنَّنْ، يِنِ ذَيْ ذَمَ مُكُ دُهُ بَڧِ ڧِرِنْ؞

⁷ كُو مَاسُ غَنِ، ذَاكُشَا كُنْيَا، مَاسُ دُوبَا، ذَاكُشَا ڧَسْڧَنْثِ؞ دُكَنْكُ ذَاكُ رُڢٜىٰ بَاكِنْكُ، غَمَا بَابُ أَمْسَ دَغَ وُرِنْ اللَّهْ؞»‏

⁸ عَمَّا نِے إِنَ ثِكٜىٰدَ إِيكُواْ دَ رُوحٌ يَهْوٜىٰهْ؞ إِنَ ثِكٜىٰ دَ ڧَرْڢِنْ حَلِ دُواْمِنْ يِنْ شَرِيعَرْ غَسْكِيَ، بَابُ ڟُواْرُواْ، ذَنْ سَنَرْوَ يَعْڧُوبَ أَيُّكَنْسَ نَسَاٻُواْ، غَ إِسْرَٰٓءِيلَ كُمَ ذُنُبَنْسَ؞

⁹ جِوَنَّنْ، يَا كُو شُوغَبَنِّنْ ذُرِيَرْ يَعْڧُوبَ، دَ مَاسُ مُلْكٍ غِدَنْ إِسْرَٰٓءِيلَ، كُو دَ كُكٜىٰ ڧِنْ شَرِيعَرْ غَسْكِيَ، كُكَ جُجُّويٜىٰ دُكَنْ غَسْكِيَ!‏

¹⁰ كُكَيِ كَشٜىٰ كَشٜىٰ دَ سَاثٜىٰسَاثٜىٰ دُواْمِنْ سَامُنْ كُطِنْ غِنَا سِهِيُواْنَ، كُكَ غِنَا عُرُوشَلِيمَ دَ مُغُنْتَا!‏

¹¹ شُوغَبَنِّنْتَ سُنَ يَنْكٜىٰ شَرِيعَ تَثِنْ حَنْثِ؞ ڢِرِسْتُواْثِنْتَ سُنَ كُواْيَرْوَا دُواْمِنْ نٜىٰمَنْ رِيبَ، أَنَّبَاوَنْتَ سُنَ أَنَّبْثِ دُواْمِنْ نٜىٰمَنْ كُطِ؞ دُكْدَهَكَ سُنَ ڟَمَّنِ يَهْوٜىٰهْ يَنَ تَرٜىٰدَسُو، سُنَ ثٜىٰوَ ‏«‏أَيْ، يَهْوٜىٰهْ يَنَ ڟَكِيَرْمُ، بَ مَسِيڢَرْ دَ ذَاتَ ڢَاطُواْ عَكَنْمُ!‏»‏

¹² سَبُواْدَكُو، ذَاعَ نُواْمٜىٰ سِهِيُواْنَ كَمَرْ غُواْنَ، عُرُوشَلِيمَ ذَاتَ ذَمَ تُلِنْ كُڢَيْ، تُدُ عِنْدَ هَيْكَلِنْ يَكٜىٰ ذَيْ ذَمَ كُرْمِ؞