مِيكَ 2 - أَتَّوْرَتْ دَ أَنَّبَاوَا

ڧَرْشٜىٰنْ مَاسُ دَنّٜىٰ مَرَسَ ڧَرْڢِے

¹ كَيْتُوانْ مَاسُ شِرْيَ مُغُنْتَا، مَاسُ ڧُلّٜىٰ ڧُلّٜىٰنْ مُغُنْتَا عَكَنْ غَدَجٜىٰنْسُ!‏ دَ غَرِ يَوَايٜىٰ، سُكَنْ ڢِتَ سُأَيْكَتَ مُغُنْتَارْ، دُواْمِنْ إِيكُوانْ عَيْكَتَاوَا يَنَ حَنُّنْسُ؞

² سُكَنْيِ كِيشِنْ غُواْنَكِ، سُڨُوثٜىٰ؞ سُكَنْيِ كِيشِنْ غِدَاجٜىٰ، سُڨُوثٜىٰ؞ سُكَنْ دَنّٜىٰ مُتُمْ، سُڨُوثٜىٰ غِدَنْسَ دَ غَادُوانْسَ؞

³ سَبُواْدَ حَكَ، إِنْجِ يَهْوٜىٰهْ، ‏«‏غَاشِ، إِنَ شِرْيَ مَسِيڢَ غَ وَنَّنْ عِيَلِ، وَدَّ بَذَاكُ عِيَ ڢِتَرْدَ كَنْكُ دَغَ ثِكِيبَ؞ بَذَاكُيِ تَڢِيَ دَ تَاڧَمَ بَ، غَمَا ذَيْ ذَمَ مُوغُنْ لُواْكَثِنٜىٰ؞

⁴ أَ رَانَرْ نَنْ ذَاعَ طَغَ وَاڧَرْ ڟُواْكَنَ عَكَنْكُ، ذَاعَيِ كُوكَا نَبَڧِنْ ثِكِ مَيْ ذَاڢِ عَثٜىٰ، ‏«‏ ‏‹‏تَامُ تَا ڧَارٜىٰ!‏ يَهْوٜىٰهْ يَا ثَنْجَ رَبُوانْ مُتَنٜىٰنَ، يَكَوَرْ دَشِ دَغَ غَرٜىٰنِ!‏ يَرَرَّبَ غُواْنَكِنْمُ غَ وَطَنْدَ سُكَثِمُ دَ يَاڧِ؞›‏ »‏

⁵ دُواْمِنْ حَكَ، أَ لُواْكَثِنْ دَ ذَاعَ مَيَرْدَ ڧَسَا، بَذَاكُ سَامِ رَبُوانْكُ عَثِكِنْ تَارُوانْ جَمَعَرْ يَهْوٜىٰهْ بَ؞

⁶ مُتَنٜىٰنْ سُكَيِ مِنِ وَعَظِ سُكَثٜىٰ، ‏«‏كَدَ كَيِ وَعَظِ!‏ كَدَيْنَ يِنْ وَعَظِ عَكَنْ أَبُبُوَنَّنْ، بَابُ أَبِنْ كُنْيَرْ دَ ذَيْسَامٜىٰمُ!‏»‏

⁷ دَيْدَيْ نٜىٰ أَ ڢَطِ حَكَ، يَا ذُرِيَرْ يَعْڧُوبَ؟ حَڧُرِنْ يَهْوٜىٰهْ يَا كَاسَ نٜىٰ؟ كُواْ شِينٜىٰ يَيِ وَطَنَّنْ أَبُبُوَ؟ مَغَنَرْ يَهْوٜىٰهْ بَاتَدَ أَمْڢَانِ غَ مَيْ تَڢِيَ دَيْدَيْ عَثِكِنْتَ كٜىٰنَنْ؟

⁸ يَهْوٜىٰهْ يَأَمْسَ يَثٜىٰ، ‏«‏عَمَّا كُكَنْيِ دَ مُتَنٜىٰنَ كَمَرْ سُو أَبُواْكَنْ غَابَنٜىٰ؞ كُكَنْ تُوٻٜىٰ رِيغُنَنْ مَاسُ وُثٜىٰوَ ثِكِنْ سَلَمَ، مَاسُ وُثٜىٰوَ بَ دَ تُنَانِنْ يَاڧِبَ؞

⁹ كُكَنْ كُواْرِ مَاتَانْ مُتَنٜىٰنَ دَغَ غِدَاجٜىٰنْسُ مَاسُ ݣَوْ؞ كُكَنْ كَوَرْدَ أَلْبَرْكَتَ دَغَ وُرِنْ یَیَنْسُ حَرْ أَبَدَا؞

¹⁰ تَاشِ كُتَڢِے، غَمَا نَنْ بَوُرِنْ هُوتُ بَنٜىٰ؞ سَبُواْدَ ڧَظَنْتَرْكُ، مُوغُوَرْ هَلَّكَ ذَاتَ ڢَاطُواْ مُكُ؞

¹¹ عِدَنْ مُتُمْ يَا تَاشِ يَنَ تَمَغَنَرْ ڧَضْيَا يَنَ ثٜىٰوَ ‏‹‏ذَنْيِ مُكُ وَعَظِ غَمٜىٰدَ ضُوً إِنَبِے دَ أَبِنْ كَٰوُاْ بُغُوَ عَيَلْوَثٜىٰ؞›‏ إِرِنْ مَيْ وَعَظِنَّنْ نٜىٰ مُتَنٜىٰ سُكٜىٰسُواْ!‏»‏

أَلْڧَوَرِنْ سَا ذُوثِيَا

¹² ‏«‏حَڧِيڧَ ذَنْ تَتَّرَاكُ يَا ذُرِيَرْ يَعْڧُوبَ، ذَنْ تَتَّارَ ضَغُواْوَرْ جَمَعَرْ إِسْرَٰٓءِيلَ؞ ذَنْ حَطَكُ تَرٜىٰ كَمَرْ غَرْكٜىٰنْ تُمَكِ، كَمَرْ غَرْكٜىٰنْ تُمَكِ أَوُرِنْ كِيوُاْ، ذَاكُ ذَمَ بَبَّنْ تَارُوانْ جَمَعَ وَدَّ ذَاعَ جِ سُورُوتُنْسُ؞»‏

¹³ شِ وَنْدَ ذَيْ هُودَ كَتَنْ‌غَ، ذَيْ يِمُسُ جَغُواْرَ سُٻَرْكٜىٰ تَوُرِنْ، يَذَمَ مُسُ ڧُواْڢَ سُڢِتَ؞ سَرْكِنْسُ ذَيْ شَا غَبَنْسُ، يَهْوٜىٰهْ دَ كَنْسَ ذَيْ جَغُواْرَنْثٜىٰسُ؞