مَتِيُ 3 - أَتَّوْرَتْ دَ أَنَّبَاوَا

وَعَظِنْ يَحْيَى مَيْ بَڢْتِسْمَ

¹ عَݣُونَكِنْنَنْ يَحْيَى مَيْ بَڢْتِسْمَ يَڢِتُواْ يَنَ وَعَظِ عَثِكِنْ دَاجِنْ يَنْكِنْ يَهُودِيَ،

² يَنَ ثٜىٰوَ ‏«‏كُتُوبَ، غَمَا مُلْكٍ سَمَ يَا كُسَ!‏»‏

³ وَنَّنْ شِينٜىٰ وَنْدَ أَنَّبِے عِشَايَ يَيِ مَغَنَرْسَ، يَثٜىٰ، ‏«‏مُرْيَرْ مَيْ كِرَا أَدَاجِ تَنَ ثٜىٰوَ ‏‹‏كُشِرْيَ وَ عُبَنْ‌غِجِ حَنْيَ، كُڠَرَ هَنْيُواْيِنْسَ!‏›‏ »‏

⁴ رِغَرْ دَ يَحْيَى يَسَا كُوَ أَنْيِتَ دَ غَاشِنْ رَاڧُمِنٜىٰ؞ يَنَ كُوَ طَوْرٜىٰ دَ طَمَرَ تَڢَتَ؞ عَبِنْثِنْسَ كُوَ ڢَارِ نٜىٰ دَ ضُوً ظُمَ؞

⁵ سَيْ مُتَنٜىٰنْ عُرُوشَلِيمَ دَ نَيَنْكِنْ يَهُودِيَ دُكَ دَ نَدُكَنْ ڧَسَاشٜىٰنْ يَنْكِنْ كُواْغِنْ يُواْدَنْ، سُكَيِ تَظُوَ وُرِنْسَ،

⁶ سُنَ ڢَطِنْ ذُنُبَنْسُ، يَنَيِ مُسُ بَڢْتِسْمَ أَ كُواْغِنْ يُواْدَنْ؞

⁷ عَمَّا دَ يَحْيَى يَغَ ڢَرِسِيَاوَا دَ سَدُوكِيَاوَا دَيَوَ سُنَ ذُوَا دُواْمِنْ عَيِمُسُ بَڢْتِسْمَ، سَيْيَثٜىٰ مُسُ، ‏«‏كُو ڧُنْ‌غِيَرْ مُوغَيٜىٰنْ مَثِيظَيْ!‏ وَ يَغَرْغَطٜىٰكُ كُغُجٜىٰ وَحُكُنْثِنَّنْ نَ اللَّهْ مَيْ ذُوَا؟

⁸ كُحَيْڢَرْ دَ رَايُوَا مَيْݣَوْ وَدَّ ذَاتَ نُونَ ثٜىٰوَ كُنْ تُوبَ، كَمَرْ إِتَاثٜىٰنْ دَ يَحَيْڢِ یَیَ مَاسُ ݣَوْ؞

⁹ كَدَ كُوَ كُيِ تَاڧَمَ أَ رَنْكُ ثٜىٰوَ ‏‹‏إِبْرَٰهِيمْ نٜىٰ بَابَنْمُ›‏، غَمَا إِنَ ڢَطَا مُكُ اللَّهْ يَنَدَ إِيكُوانْيِ وَ إِبْرَٰهِيمْ یَیَ دَ دُووَڟُنَّنْ؞

¹⁰ أَنْ رِغَا أَنْسَا بَاكِنْ غَاتَرِ أَغِنْدِنْ إِتَاثٜىٰ؞ دُكْ إِتَاثٜىٰنْ دَ بَيْ بَادَ یَیَ مَاسُ ݣَوْبَ، سَيْ أَ سَارٜىٰشِ أَ جٜىٰڢَ أَوُتَا؞»‏

¹¹ نِے دَيْ دَ ضُوَ نَكٜىٰيِ مُكُ بَڢْتِسْمَ، دُواْمِنْ أَ نُونَ كُنْ تُوبَ، عَمَّا وَنْدَ يَڢِينِ غِرْمَ ذَيْذُواْ عَبَايَنَ، وَنْدَ كُواْ تَاكَلْمَنْسَ مَا بَنْ إِسَ إِنْ رِڧٜىٰبَ؞ شِينٜىٰ ذَيْ يِمُكُ بَڢْتِسْمَ دَ رُوحُ مَيْ ڟَرْكِے دَ وُتَا كُمَ؞

¹² يَنَ رِڧٜىٰ دَ مَتَنْكَطِنْسَ، ذَيْ تَنْكَطٜىٰ حَڟِنْسَ، كُمَ يَتَتَّارَ أَلْكَمَرْسَ يَسَا ثِكِنْ ضُمْبُنْسَ، عَمَّا ذَيْ ڧُواْنَ دُوسَرْ أَوُتَرْ دَ بَعَ عِيَ كَشٜىٰوَ؞

أَنْيِ وَ عِيسَىٰ بَڢْتِسْمَ

¹³ أَ لُواْكَثِنَّنْ نٜىٰ عِيسَىٰ يَذُواْ دَغَ غَلِيلِ، يَجٜىٰ كُواْغِنْ يُواْدَنْ وُرِنْ يَحْيَى دُواْمِنْ عَيِمَسَ بَڢْتِسْمَ؞

¹⁴ يَحْيَى يَا سُواْ يَهَنَشِ، يَثٜىٰ ‏«‏نِے دَ نَكٜىٰ بُڧَاتَ كَيِ مِنِ بَڢْتِسْمَ، يَيَ ذَاكَ ذُواْ وُرِينَ؟»‏

¹⁵ عَمَّا عِيسَىٰ يَأَمْسَ مَسَ يَثٜىٰ، ‏«‏بَرِ يَذَمَ حَكَ يَنْذُ، دُواْمِنْ حَكَنٜىٰ يَيِݣَوْ مُثِكَ دُكَنْ أَدَلْثِنْ دَ اللَّهْ يَكٜىٰسُواْ؞»‏ سَعَنً يَحْيَى يَيَرْدَ مَسَ؞

¹⁶ دَ عَكَيِ وَ عِيسَىٰ بَڢْتِسْمَ، يَا ڢِتُواْ دَغَ ضُوً كٜىٰنَنْ، سَيْ نَنْ دَنَنْ سَمَ تَبُوطٜىٰ، يَغَ رُوحٌ اللَّهْ يَنَ سَوْكُواْوَ عَكَمَنِّنْ كُرْثِيَ، حَرْ يَسَوْكَ عَكَنْسَ؞

¹⁷ سَيْ عَكَجِ وَتَ مُرْيَ دَغَ سَمَ تَثٜىٰ ‏«‏وَنَّنْ شِينٜىٰ طَانَ دَ نَكٜىٰ ڧَوْنَ، وَنْدَ نَكٜىٰجِنْ دَاطِنْسَ ڨُورَيْ؞»‏