مَتِيُ 25 - أَتَّوْرَتْ دَ أَنَّبَاوَا

مِصَالِ نَیَنْ مَتَ غُواْمَ

¹ ‏«‏سَعَنً ذَاعَ ݣُوتَنْتَا مُلْكٍ سَمَ دَ یَنْ مَاتَا غُواْمَ وَطَنْدَ سُكَ طَوْكِ ڢِتِلُنْسُ سُكَ تَڢِے سُكَرْٻِ أَنْ‌غُواْ؞

² بِيَرْ دَغَ ثِكِنْسُ وَوَيٜىٰ نٜىٰ، بِيَرْ كُمَ مَاسُ حِكِمَ نٜىٰ؞

³ لُواْكَثِنْ دَ وَوَيٜىٰنَّنْ سُكَ طَوْكِ ڢِتِلُنْسُ بَسُ رِڧٜىٰ مَيْ دُواْمِنْ ڧَارِبَ؞

⁴ مَاسُ حِكِمَرْ نَنْ كُوَ سُنْ رِڧٜىٰ ݣُولَبَ مَاسُ مَيْ تَرٜىٰدَ ڢِتِلُنْسُ؞

⁵ أَنْ‌غُوانْ كُوَ بَيْذُواْ دَ وُرِيبَ، سَيْ دُكَنْسُ سُكَيِ تَجِنْ بَرْثِ حَرْ بَرْثِ يَݣُوشٜىٰسُ؞

⁶ ‏«‏ثَنْ دَ دَرٜىٰ سُواْسَيْ، سَيْ عَكَجِ كِرَا أَنَثٜىٰوَ ‏‹‏غَا أَنْ‌غُواْ!‏ كُڢِتُواْ كُكَرْٻٜىٰشِ؞›‏

⁷ سَيْ یَنْ مَاتَنَّنْ غُواْمَ سُكَتَاشِ سُكَ ڠَغْڠَرَ ڢِتِلُنْسُ؞

⁸ سَيْ وَوَيٜىٰنَّنْ سُكَثٜىٰ وَ مَاسُ حِكِمَرْ نَنْ، ‏‹‏كُطَنْ بَامُ مَنْكُ كَطَنْ مَنَ؞ ڢِتِلُنْمُ سُنَ مُتُوَ؞›‏

⁹ عَمَّا مَاسُ حِكِمَرْ سُكَثٜىٰ مُسُ، ‏‹‏أَعَ، بَذَيْ إِشٜىٰمُ دَكُوبَ؞ غَارَ كُجٜىٰ وُرِنْ مَاسُ سَيَرْوَ كُسَيُواْ نَاكُ؞›‏

¹⁰ دَ سُكَ تَڢِے دُواْمِنْ سُسَيُواْ مَنْ، كَاڢِنْ سُدَاوُاْ سَيْ أَنْ‌غُوانْ يَ إِسُواْ؞ وَطَنْدَ سُكٜىٰ أَشِرْيٜىٰ كُوَ سُكَ شِغَ وُرِنْ بِكِ دَشِ، عَكَ كُمَ رُڢٜىٰ ڧُواْڢَ؞

¹¹ ‏«‏دَغَ بَايَ سَيْ سَوْرَنْ یَنْ مَاتَانْ سُكَذُواْ، سُكَثٜىٰ، ‏‹‏مَيْغِرْمَ، مَيْغِرْمَ، كَبُوطٜىٰ مَنَ!‏›‏

¹² عَمَّا أَنْ‌غُوانْ يَأَمْسَ مُسُ يَثٜىٰ، ‏‹‏حَڧِيڧَ إِنَ غَيَ مُكُ، بَنْسَنْكُبَ؞›‏

¹³ ‏«‏دُواْمِنْ حَكَ سَيْ كُذَوْنَ دَ شِرِ، غَمَا بَكُسَنْ رَانَرْ، كُواْ عَڧَرْڢٜىٰ نَوَنٜىٰبَ؞»‏

كُواْيَرْوَا عَكَنْ رِڧُوانْ أَمَانَ

¹⁴ ‏«‏مُلْكٍ اللَّهْ ذَيْ ذَمَ كَمَرْ مُتُمْ نٜىٰ وَنْدَ ذَيْ يِتَڢِيَ، سَيْ يَكِرَا بَايِنْسَ، يَدَنْڧَ دُوكِيَرْسَ أَ حَنُّنْسُ؞

¹⁵ يَبَا طَيَ ظِينَارِيَ دُبُو بِيَرْ، طَيَ كُمَ ظِينَارِيَ دُبُو بِيُ، يَبَا وَنِ كُمَ ظِينَارِيَ دُبُو طَيَ، كُواْوَ دَيْدَيْ دَ ڧَرْڢِنْسَ؞ سَعَنً يَتَڢِے؞

¹⁶ وَنْدَ يَكَرْٻِ ظِينَارِيَ دُبُو بِيَرْ طِنَّنْ، نَنْ دَنَنْ يَجٜىٰ يَيِ كَاسُوَنْثِ دَ كُطِنْ، حَرْ يَيِ رِيبَرْ دُبُو بِيَرْ؞

¹⁷ حَكَ مَا وَنْدَ يَكَرْٻِ ظِينَارِيَ دُبُو بِيُ طِنَّنْ، يَيِ رِيبَرْ دُبُو بِيُ؞

¹⁸ عَمَّا وَنْدَ يَكَرْٻِ ظِينَارِيَ دُبُو طِنَّنْ يَجٜىٰ يَتُواْنَ رَامِ يَٻُواْيٜىٰ كُطِنْ مَيْغِدَنْسَ؞

¹⁹ ‏«‏دَ عَكَ دَطٜىٰ، سَيْ مَيْغِدَنْ بَايِنَّنْ يَدَاوُاْ دُواْمِنْ يَدَيْدَيْتَ لِسَّڢِنْ أَبِنْدَ سُكَيِ دَ كُطِنْ؞

²⁰ سَيْ وَنْدَ يَكَرْٻِ ظِينَارِيَ دُبُو بِيَرْ طِنْ يَذُواْ غَبَ يَكَٰوُاْ وَطَنْسُ ظِينَارِيَ دُبُو بِيَرْ يَثٜىٰ، ‏‹‏مَيْغِدَا، كَبَانِ ظِينَارِيَ دُبُو بِيَرْ؞ غَاشِ كُمَ نَيِ رِيبَرْ دُبُو بِيَرْ؞›‏

²¹ سَيْ مَيْغِدَنْسَ يَثٜىٰ مَسَ، ‏‹‏مَادَلَّ، بَاوَنْ كِرْكِ، مَيْ أَمِنْثِ!‏ كَيِ أَمِنْثِ عَكَنْ ڧَرَمِنْ أَبُ؞ ذَنْبَاكَ عَيْكِنْدَ يَڢِ وَنَّنْ؞ كَذُواْ كَيِ مُرْنَ تَرٜىٰدَنِ؞›‏

²² ‏«‏سَيْ وَنْدَ يَكَرْٻِ ظِينَارِيَ دُبُو بِيُنَّنْ كُمَ يَذُواْ غَبَ، يَثٜىٰ، ‏‹‏مَيْغِدَا، كَبَانِ ظِينَارِيَ دُبُو بِيُ؞ غَاشِ كُمَ نَيِ رِيبَرْ دُبُو بِيُ؞›‏

²³ سَيْ مَيْغِدَنْسَ يَثٜىٰ مَسَ، ‏‹‏مَادَلَّ، بَاوَنْ كِرْكِ مَيْ أَمِنْثِ!‏ كَيِ أَمِنْثِ عَكَنْ ڧَرَمِنْ أَبُ؞ ذَنْبَاكَ عَيْكِنْدَ يَڢِ وَنَّنْ؞ كَذُواْ كَيِ مُرْنَ تَرٜىٰدَنِ؞›‏

²⁴ ‏«‏سَعَنً وَنْدَ يَكَرْٻِ ظِينَارِيَ دُبُو طَيَ شِے مَا يَذُواْ غَبَ يَثٜىٰ، ‏‹‏مَيْغِدَا، نَسَنِ كَيْ كَنَدَ وُيَرْ شَعَنِ، كَنَ غِرْبِے أَ عِنْدَ بَكَيِ شُوكَبَ؞ كَيْ كُمَ مَيْ سُوانْ نَبَنْظَ نٜىٰ؞

²⁵ شِے يَسَا نَجِڟُواْرُواْ نَجٜىٰ نَتُواْنَ رَامِ نَٻُواْيٜىٰ ظِينَارِيَرْكَ؞ كَرْٻِ أَبِنْكَ؞›‏

²⁶ ‏«‏سَيْ مَيْغِدَنْسَ يَأَمْسَ مَسَ يَثٜىٰ، ‏‹‏كَيْ مُوغُنْ بَاوَ مَيْ ڧِوِيَ!‏ أَشٜىٰ، كَا سَنِ إِنَ غِرْبِے عِنْدَ بَنْ شُوكَبَ، نَكَنْ كُمَ تَتَّارَ دَغَ عِنْدَ بَنْ بَظَ إِرِبَ؞

²⁷ أَيْ دَ كَسَا مِنِ كُطِنَ عَبَنْكِ، سَعَدَّ نَدَاوُاْ كُمَ إِنْكَرْٻِ أَبِنَ حَرْ دَ رِيبَ!‏

²⁸ دُواْمِنْ حَكَ سَيْ كُكَرْٻِ ظِينَارِيَ دُبُو طَيَنَّنْ دَغَ وُرِنْسَ كُبَا مَيْ دُبُو غُواْمَنَّنْ؞

²⁹ غَمَا دُكْ وَنْدَ يَكٜىٰدَ أَبُ، ذَاعَ ڧَارَ مَسَ، حَرْ يَسَامُ دَيَوَ؞ وَنْدَ بَاشِ دَ أَبُ كُوَ، كُواْ طَنْ كَطَنْ طِنْ دَ يَكٜىٰدَشِيمَا، ذَاعَ كَرْٻَ دَغَ غَرٜىٰشِ؞

³⁰ كُكُمَ جٜىٰڢَ بَنْظَنْ بَاوَنَّنْ عَبَڧِنْ دُهُ؞ نَنْ ذَاعَيِ كُوكَا دَ ثِظُوانْ هَڧُواْرَ؞›‏ »‏

شَرِيعَ تَڧَرْشٜىٰ

³¹ ‏«‏لُواْكَثِنْ دَ طَنْ مُتُمْ ذَيْذُواْ ثِكِنْ طَوْكَكَرْسَ تَرٜىٰدَ مَلاَىِٕكُ دُكَ، سَعَنً نٜىٰ ذَيْ ذَوْنَ أَ مَطَوْكَكِنْ كُجٜىٰرَرْ مُلْكِنْسَ؞

³² ذَاعَ تَارَ دُكْ مُتَنٜىٰنْ دُونِيَا أَغَبَنْسَ، ذَيْ رَرَّبَسُ دَبَمْ دَبَمْ، كَمَرْ يَدَّ مَكِيَايِ يَكٜىٰ رَبَ تُمَكِ دَ أَوَكِ؞

³³ ذَيْسَا تُمَكِ أَ حَنُّنْ دَامَنْسَ، أَوَكِ كُوَ أَ هَغُنْسَ؞

³⁴ سَعَنً نٜىٰ سَرْكِے ذَيْثٜىٰ وَ وَطَنْدَ سُكٜىٰ دَامَنْسَ، ‏‹‏كُذُواْ، كُو دَ عُبَانَ يَيِ مُكُ أَلْبَرْكَ!‏ كُكَرْٻِ مُلْكٍ دَ اللَّهْ يَشِرْيَ مُكُ تُنْ ڢَرْكُوانْ دُونِيَا؞

³⁵ غَمَا سَعَدَّ نَكٜىٰ جِنْ يُنْوَ كُنْ بَا نِے عَبِنْثِ؞ دَنَكٜىٰجِنْ ڧِشِنْ ضُوَ، كُنْ بَانِ ضُوَ نَشَا؞ إِنَ بَڧُواْ، كُكَ كَرْٻٜىٰنِ؞

³⁶ بَانِ دَ رِغَا، كُكَ بَانِ رِغَا؞ بَانِ دَ لَاڢِيَ، كُكَ لُورَ دَنِے؞ إِنَ كُرْكُكُ، كُكَ ظِيَرْثٜىٰنِ؞›‏

³⁷ ‏«‏سَعَنً نٜىٰ مَاسُ أَدَلْثِے ذَاسُ أَمْسَ مَسَ سُثٜىٰ، ‏‹‏عُبَنْ‌غِجِ، يَوْشٜىٰنٜىٰ مُكَ غَنْكَ كَنَ جِنْ يُنْوَ مُكَ بَاكَ عَبِنْثِ؟ كُواْ كُوَ كَنَ جِنْ ڧِشِنْ ضُوَ مُكَ بَاكَ ضُوَ كَشَا؟

³⁸ كُمَ يَوْشٜىٰ نٜىٰ مُكَ غَنْكَ بَڧُواْ مُكَ كَرْٻٜىٰكَ؟ كُواْ كُوَ بَاكَ دَ رِغَا مُكَ بَاكَ رِغَا؟

³⁹ كُمَ يَوْشٜىٰ نٜىٰ مُكَغَ بَاكَ دَ لَاڢِيَ كُواْ كَنَ كُرْكُكُ مُكَ ظِيَرْثٜىٰكَ؟›‏

⁴⁰ سَرْكِنْ ذَيْ أَمْسَ مُسُ يَثٜىٰ، ‏‹‏حَڧِيڧَ إِنَ غَيَ مُكُ، تُنْدَيَكٜىٰ كُنْيِ وَطَيَ دَغَ ثِكِنْ وَطَنَّنْ یَنْعُوَنَ مَڢِے ڧَنْڧَنْتَ، أَيْ، كُنْيِ مِنِ كٜىٰنَنْ؞›‏

⁴¹ ‏«‏سَعَنً ذَيْثٜىٰ وَنَهَغُنْسَ، ‏‹‏كُرَبُ دَنِے، كُو لَعَنَنُّ، كُشِغَ وُتَرْ دَ بَذَاتَ تَٻَ مُتُوَبَ حَرْ أَبَدَا، وَدَّ عَكَ شِرْيَ وَ شَيْطَنْ دَ مَلاَىِٕكُنْسَ؞

⁴² غَمَا سَعَدَّ نَكٜىٰ جِنْ يُنْوَ، بَكُ بَانِ عَبِنْثِبَ؞ إِنَ جِنْ ڧِشِنْ ضُوَ، بَكُ بَانِ ضُوَ نَشَا بَ؞

⁴³ إِنَ بَڧُواْ، بَكُ كَرْٻٜىٰنِبَ؞ بَانِ دَ رِغَا، بَكُ بَانِ رِغَا بَ؞ نَيِ رَشِنْ لَاڢِيَ، كُمَ إِنَ كُرْكُكُ بَكُ ظِيَرْثٜىٰنِبَ؞›‏

⁴⁴ ‏«‏سَعَنً سُو مَا ذَاسُ أَمْسَ سُثٜىٰ، ‏‹‏عُبَنْ‌غِجِ، يَوْشٜىٰ مُكَ غَنْكَ كَنَ جِنْ يُنْوَ، كُواْ ڧِشِنْ ضُوَ، كُواْ كَنَ بَڧُنْثِ، كُواْ بَاكَ دَ رِغَا، كُواْ كَنَ رَشِنْ لَاڢِيَ، كُواْ كَنَ كُرْكُكُ، بَمُ كُلَ دَكَيْ بَ؟›‏

⁴⁵ سَعَنً ذَيْ أَمْسَ مُسُ يَثٜىٰ، ‏‹‏حَڧِيڧَ إِنَ غَيَ مُكُ، تُنْدَيَكٜىٰ بَكُيِ وَطَيَ دَغَ ثِكِنْ وَطَنَّنْ مَڢِے ڧَنْڧَنْتَبَ، أَيْ، بَكُيِ مِنِبَ كٜىٰنَنْ؞›‏

⁴⁶ وَطَنَّنْ ذَاسُ شِغَ عَذَابَ مَرَرْ ڧَارٜىٰوَ، مَاسُ أَدَلْثِے كُوَ سُشِغَ رَيْ نَهَرْ أَبَدَا؞»‏