مَتِيُ 24 - أَتَّوْرَتْ دَ أَنَّبَاوَاعِيسَىٰ يَيِ مَغَنَ عَكَنْ رُشٜىٰوَرْ هَيْكَلِنْ ﴿ مَرْ 13.1-2 ؛ لُكْ 21.5-6 ﴾ 1 دَ عِيسَىٰ يَڢِتَ دَغَ ثِكِنْ هَيْكَلِ يَنَ تَڢِيَ، سَيْ أَلْمَجِرَنْسَ سُكَ نُونَ مَسَ غِنٜىٰ غِنٜىٰنْ هَيْكَلِنْ؞ 2 سَيْ يَتَمْبَيٜىٰسُ يَثٜىٰ «كُنْغَ دُكَنْ وَطَنَّنْ غِنٜىٰ غِنٜىٰ؟ حَڧِيڧَ إِنَ غَيَ مُكُ، بَ دُوڟٜىٰ كُواْ طَيَ دَ ذَاعَ بَرِ عَكَنْ وَنِ؞ دُكَ ذَاعَ رُشٜىٰسُ؞» ڢَرْكُوانْ وَهَلَ ﴿ مَرْ 13.3-13 ؛ لُكْ 21.7-19 ﴾ 3 عِيسَىٰ يَنَ ظَوْنٜىٰ عَكَنْ تُدُنْ عِتَتُوَنْ ظَيْتُنْ سَيْ أَلْمَجِرَنْسَ سُكَذُواْ وُرِنْسَ سُو كَطَيْ سُكَثٜىٰ «ڢَطَا مَنَ، يَوْشٜىٰ نٜىٰ وَنَّنْ ذَيْ ڢَرُ؟ كُمَ مٜىٰثٜىٰ ثٜىٰ عَلَمَرْ دَاوُاْوَرْكَ دَ كُمَ تَڧَرْشٜىٰنْ زَامَانِ؟» 4 عِيسَىٰ يَأَمْسَمُسُ يَثٜىٰ «كُلُورَ ڢَا، كَدَ كُواْوَ يَرُوطٜىٰكُ؞ 5 غَمَا مُتَنٜىٰ دَيَوَ ذَاسُذُواْ عَثِكِنْ سُونَنَ، ذَاسُثٜىٰ، ‹نِنٜىٰ أَلْمَسِيحُ›، حَرْ سُرُوطِ مُتَنٜىٰ دَيَوَ؞ 6 ذَاكُ كُمَجِ لَابَرِنْ يَاڧٜىٰ يَاڧٜىٰ دَ جِيتَ جِيتَرْسُ؞ كَدَ كُجِڟُواْرُواْ، دُواْمِنْ دُواْلٜىٰنٜىٰ حَكَ يَڢَرُ، عَمَّا ڧَرْشٜىٰنْ بَيْذُواْ بَتُكُنَ؞ 7 أَلْعُمَّ ذَاتَ تَاسَرْ وَ أَلْعُمَّ، مُلْكِ يَتَاسَرْ وَمُلْكِ؞ ذَاعَكُمَيِ يُنْوَ دَ ضَوَرْ ڧَسَا أَوُرَارٜىٰ دَبَمْ دَبَمْ؞ 8 عَمَّا وَنَّنْ دُكَ مَسُواْمِنْ عَذَابَنٜىٰ كَوَيْ؞ 9 «سَعَنً ذَاسُ بَادَكُ غَ عَذَابَ، سُكُمَ كَشٜىٰكُ؞ دُونِيَا دُكْ ذَاتَڧِيكُ سَبُواْدَ سُونَنَ؞ 10 سَعَنً مُتَنٜىٰ دَيَوَ ذَاسُيِ سَنْيِ عَثِكِنْ بَنْغَسْكِيَرْسُ، سُبَاشٜىٰ جُونَ، سُكُمَڧِ جُونَ؞ 11 أَنَّبَاوَنْ ڧَضْيَا كُمَ ذَاسُتَاسُواْ دَيَوَ، سُرُوطِ مُتَنٜىٰ دَيَوَ؞ 12 سَبُواْدَ يَوَنْ مُغُنْتَا، ڧَوْنَرْ دَ يَوَنْثِنْ مُتَنٜىٰ سُكٜىٰيِ وَجُونَ ذَاتَ رَغُ؞ 13 عَمَّا وَنْدَ يَجِمْرٜىٰ حَرْ ذُوَا ڧَرْشٜىٰ، ذَيْ ڟِيرَا؞ 14 كُمَ ذَاعَ بَادَ وَنَّنْ لَابَرِ مَيْ دَاطِے نَمُلْكٍ سَمَ دُواْمِنْ شَيْدَ غَ دُكَنْ أَلْعُمَّيْ، سَعَنً ڧَرْشٜىٰنْ يَذُواْ؞ مُوغُوَرْ وَهَلَ ﴿ مَرْ 13.14-23 ؛ لُكْ 21.20-24 ﴾ 15 «ذَاكُغَ أَبِنْ ڧَظَنْتَا مَيْ كَٰوُاْ هَلَّكَرْوَ، وَنْدَ أَنَّبِے دَانِيٜىٰلْ يَڢَطَا، يَنَ ڟَيٜىٰ أَ وُرِے مَيْ ڟَرْكِے؞ بَرِ مَيْ كَرَاتُ يَغَانٜىٰ؞ 16 تُواْ، سَيْ وَطَنْدَ سُكٜىٰ ثِكِنْ يَنْكِنْ يَهُودِيَ سُغُدُ ذُوَا ثِكِنْ دُوَڟُو؞ 17 وَنْدَ يَكٜىٰ كَنْ رُڢِنْ طَاكِ كَدَ يَسَوْكُواْ وَيْ ذَيْ طَوْكِ أَبِنْدَ يَكٜىٰ ثِكِنْ غِدَا؞ 18 وَنْدَ يَكٜىٰ أَغُواْنَ كُمَ كَدَ يَكُواْمَ وَيْ ذَيْ طَوْكِ مَيَاڢِنْسَ؞ 19 كَيْتُوانْ مَاتَا مَاسُثِكِ دَ مَاسُ غُواْيُواْ أَوَنَّنْ لُواْكَثِ! 20 كُيِ أَدُّعَ كَدَ غُدُنَّنْ يَذُواْ مُكُ أَ لُواْكَثِنْ سَنْيِ كُواْ رَانَرْ هُوتُ تَمَكُواْ؞ 21 غَمَا أَ لُواْكَثِنْ ذَاعَيِ وَتَ عَذَابَ مَيْ ذَاڢِ إِرِنْ وَدَّ بَعَتَٻَيِبَ تُنْ ڢَرْكُوانْ دُونِيَا حَرْ ذُوَا يَنْذُ، بَ كُوَ ذَاعَ سَاكٜىٰيِنْ إِرِنْتَبَ؞ 22 دَبَدُوانْ أَنضَغٜىٰ ݣُونَكِنَّنْبَ دَا بَا طَنْ أَدَمْ وَنْدَ ذَيْ ڟِيرَا؞ عَمَّا سَبُواْدَ وَطَنْدَ عَكَ ذَاٻَا ذَاعَ ضَغٜىٰ ݣُونَكِنْ؞ 23 «أَ لُواْكَثِنَّنْ، كُواْ وَنِ يَثٜىٰمُكُ، ‹دُوبَ، غَا أَلْمَسِيحُ نَنْ!› كُواْ، ‹غَاشِ ثَنْ!› كَدَ كُيَرْدَ؞ 24 غَمَا أَلْمَسِيحً ڧَضْيَا دَ أَنَّبَاوَنْ ڧَضْيَا ذَاسُ ڢِڢِّتُواْ، سُيِ مَنْيَنْ عَلَمُ دَ أَيُّكَنْ بَنْ مَامَاكِ دُواْمِنْ سُرُوطٜىٰ مُتَنٜىٰ، حَرْ دَ وَطَنْدَ عَكَ ذَاٻَا إِنْ ذَيْ يِوُ؞ 25 تُواْ، نَا دَيْ غَيَ مُكُ تُنْدَ وُرِے؞ 26 «دُواْمِنْ حَكَ عِدَنْ عَكَثٜىٰ مُكُ، ‹غَاشِ ثَنْ أَدَاجِ،› كَدَ كُڢِتُواْ؞ عِدَنْ عَكَثٜىٰ مُكُ، ‹يَنَ ثَنْ ثِكِنْ طَاكِ عَٻُواْيٜىٰ،› كَدَ كُيَرْدَ؞ 27 غَمَا كَمَرْ يَدَّ وَلْڧِيَ تَكٜىٰ حَصْكَكَاوَا دَغَ غَبَسْ ذُوَا يَمَّ، حَكَ دَاوُاْوَرْ طَنْ مُتُمْ ذَاتَ كَسَنْثٜىٰ؞ 28 «عِنْدَ غَاوَا تَكٜىٰ، أَيْ، أَنَنْ عُنْغُلَيٜىٰ سُكٜىٰ تَارُوَ؞ دَاوُاْوَرْ طَنْ مُتُمْ ﴿ مَرْ 13.24-27 ؛ لُكْ 21.25-28 ﴾ 29 «نَنْ دَ نَنْ بَايَنْ ݣُونَكِنْ عَذَابَرْ نَنْ، « ‹سَيْ رَانَ ذَاتَ يِدُهُ، وَتَ كُمَ بَذَيْ يِحَصْكٜىٰبَ؞ تَوْرَرِ ذَاسُ ڢَڢَّاطِ دَغَ سَمَ، ذَاعَ كُمَ غِرْغِظَ إِيكُواْكِنْ سَرَرِنْ سَمَ؞› » 30 «سَعَنً نٜىٰ عَلَمَرْ طَنْ مُتُمْ ذَاتَ بَيَّنَ أَسَرَرِنْ سَمَ؞ دُكْ ڧَبِيلُنْ دُونِيَا كُمَ ذَاسُيِ كُوكَا سَبُواْدَ ڟُواْرُواْ؞ ذَاسُغَ طَنْ مُتُمْ يَنَ ذُوَا عَثِكِنْ غِرْغِجٜىٰ دَ إِيكُواْ دَ طَوْكَكَ مَيْ يَوَ؞ 31 ذَيْ كُوَ عَيْكُواْ مَلاَىِٕكُنْسَ سُبُوسَ ڧَهُواْ مَيْ ڧَارَ سُواْسَيْ، سُكُمَ تَتَّارُواْ وَطَنْدَ عَكَ ذَاٻَا دَغَ غَبَسْ دَ يَمَّ دَ كُدُ دَ أَرٜىٰوَ، وَتُواْ دَغَ وَنَّنْ إِيَاكَرْ دُونِيَا ذُوَا وَنْثَنْ؞» كُواْيَرْوَا عَكَنْ إِتَاثٜىٰنْ ٻَوْرٜىٰ ﴿ مَرْ 13.28-31 ؛ لُكْ 21.29-33 ﴾ 32 «كُكُواْيِ وَنِ أَبُ دَغَ إِتَاثٜىٰنْ ٻَوْرٜىٰ؞ عِدَنْ رَسَّنْسَ سُنْ ڢَارَ سَاكٜىٰوَ، سُنَ ڢِتَرْدَ سَابُوانْ غَنْيٜىٰ، كُنْ سَنْ دَامِنَ تَيِ كُسَ كٜىٰنَنْ؞ 33 حَكَكُمَ عِدَنْ كُكَغَ دُكْ أَبُبُوَنَّنْدَ نَغَيَ مُكُ، كُسَنْ ثٜىٰوَ لُواْكَثِ يَيِ كُسَ، يَنَدَبْ دَ بَاكِنْ ڧُواْڢَ؞ 34 حَڧِيڧَ إِنَ غَيَ مُكُ، مُتَنٜىٰنْ زَامَانِنَّنْ بَذَاسُ مُتُبَ، سَيْ دُكْ أَبُبُوَنَّنْ سُنْ ڢَرُ؞ 35 سَمَ دَ دُونِيَا ذَاسُ ڧَارٜىٰ، عَمَّا كَلْمَتَ بَذَاتَ ڧَارٜىٰ بَ كُواْ كَطَنْ؞» بَا وَنْدَ يَسَنْ رَانَرْ ذُوَانْ أَلْمَسِيحُ ﴿ مَرْ 13.32-37 ؛ لُكْ 17.26-30 ، 34-36 ﴾ 36 «عَمَّا بَاوَنْدَ يَسَنْ رَانَرْ كُواْ عَڧَرْڢٜىٰ نَوَنٜىٰ وَنَّنْ ذَيْ ڢَرُ، كُواْ مَلاَىِٕكُنْ دَسُكٜىٰ سَمَ، كُواْ طَنْ، سَيْدَيْ عُبَنْ كَطَيْ؞ 37 كَمَرْ يَدَّ عَكَيِ عَݣُونَكِنْ نُوحُ، حَكَ ذَيْ كَسَنْثٜىٰ أَدَاوُاْوَرْ طَنْ مُتُمْ؞ 38 كَمَرْ أَ لُواْكَثِنَّنْ كَاڢِنْ بَبَّرْ أَمْبَلِيَرْ ضُوً، أَنَثِ، أَنَشَا، مَظَا سُنَ عَوْرٜىٰ، أَنَ بَادَ مَتَ غَ عَوْرٜىٰ، حَرْ ذُوَا رَانَرْ دَ نُوحُ يَشِغَ جِضْغٍ؞ 39 كَاڢِنْ سُسَنْ أَبِنْدَ عَكٜىٰ ثِكِ، بَبَّرْ أَمْبَلِيَرْ ضُوَ تَذُواْ تَݣُوشٜىٰسُ دُكَ؞ حَكَ كُوَ دَاوُاْوَرْ طَنْ مُتُمْ ذَاتَ كَسَنْثٜىٰ؞ 40 أَ لُواْكَثِنَّنْ، مُتُمْ بِيُ ذَاسُ كَسَنْثٜىٰ أَغُواْنَ، ذَاعَ طَوْكِ طَيَ، عَبَرْ طَيَ؞ 41 مَاتَا بِيُ ذَاسُ كَسَنْثٜىٰ سُنَ نِڧَ تَرٜىٰ، ذَاعَ طَوْكِ طَيَ، عَبَرْ طَيَ؞ 42 «دُواْمِنْ حَكَ سَيْ كُذَوْنَ دَ شِرِ، غَمَا بَكُسَنْ رَانَرْ دَ عُبَنْغِجِنْكُ ذَيْ دَاوُاْبَ؞ 43 عَمَّا كُو دَيْ سَنِ دَ مَيْغِدَا ذَيْسَنْ كُواْ أَوَنٜىٰ لُواْكَثِ نٜىٰ ٻَرَوُاْ ذَيْذُواْ دَ دَرٜىٰ دَ بَذَيْ يِبَرْثِبَ، كُمَ بَذَيْ بَرِ أَ شِغَ غِدَنْسَبَ؞ 44 دُواْمِنْ حَكَ كُو مَا سَيْ كُذَوْنَ دَ شِرِ، دُواْمِنْ أَ لُواْكَثِنْ دَ بَكُيِ ڟَمَّنِبَ، شِينٜىٰ طَنْ مُتُمْ ذَيْذُواْ؞» بَاوَ مَيْ أَمِنْثِ كُواْ مَرَرْ أَمِنْثِ ﴿ لُكْ 12.41-48 ﴾ 45 «وَنٜىٰنٜىٰ بَاوَنَّنْ مَيْ أَمِنْثِ، مَيْ حِكِمَ، وَنْدَ مَيْغِدَنْسَ يَسَا شِ يَلُورَ دَ غِدَنْسَ، يَكٜىٰ كُمَبَا سَوْرَنْ بَايِ عَبِنْثِنْسُ عَكَنْ لُواْكَثِ؟ 46 مَيْ أَلْبَرْكَ نٜىٰ بَاوَنْ دَ مَيْغِدَنْسَ ذَيْذُواْ يَسَامٜىٰشِ يَنَ يِنْ عَيْكِنْسَ؞ 47 حَڧِيڧَ إِنَ غَيَ مُكُ، ذَيْسَا وَنَّنْ بَاوَ يَلُورَ مَسَ دَ كَايَنْسَ دُكَ؞ 48 عَمَّا مَيْيِوُوَ بَاوَنْ مُوغُنٜىٰ، ذَيْ كُمَ ثٜىٰ وَكَنْسَ، ‹مَيْغِدَانَ بَذَيْ دَاوُاْ دَ وُرِے بَ،› 49 سَعَنً يَڢَارَ دُوكَنْ أَبُواْكَنْ عَيْكِنْسَ، يَنَثِ، يَنَشَا تَرٜىٰدَ مَاسُ بُغُوَ؞ 50 عِدَنْ يَا يِهَكَ، مَيْغِدَنْسَ ذَيْذُواْ أَ رَانَرْ دَ بَيْيِ ڟَمَّنِ بَ، عَكُمَ لُواْكَثِنْ دَ بَيْسَنِبَ، 51 مَيْغِدَنْ ذَيْ يِمَسَ مُوغُنْ دُوكَ، يَكُمَ حُكُنْتَشِ تَرٜىٰدَ مُنَاڢُكَيْ؞ أَوُرِنَّنْ ذَاعَيِ كُوكَا دَ ثِظُوانْ هَڧُواْرَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria