مَتِيُ 22 - أَتَّوْرَتْ دَ أَنَّبَاوَا

مِصَالِ نَبِكٍ عَوْرٜىٰ

¹ سَيْ عِيسَىٰ يَسَاكٜىٰيِ مُسُ مَغَنَ دَ مِصَالِ يَثٜىٰ،

² ‏«‏ذَاعَ عِيَ ݣُوتَنْتَا مُلْكٍ سَمَ دَ وَنِ سَرْكِنْ دَ يَيِ وَطَنْسَ بِكٍ عَوْرٜىٰ؞

³ يَعَيْكِ بَايِنْسَ سُكِرَا مُتَنٜىٰنْ دَ عَكَ غَيَّثٜىٰسُ بِكٍ، عَمَّا مُتَنٜىٰنْ دَ عَكَ غَيَّتُواْ بَسُ ذُوابَ؞

⁴ يَسَاكٜىٰ عَيْكٜىٰنْ وَطَنْسُ بَايِنْ يَثٜىٰ، ‏‹‏كُڢَطَا وَمُتَنٜىٰنْ دَ عَكَ غَيَّتَ ثٜىٰوَ ‏«‏غَاشِ نَشِرْيَ عَبِنْثِ، أَنْيَنْكَ شَانُو مَاسُ ڧِبَ دَ عَكَ ثِيَرْ دَسُو مُسَمَّنْ؞ دُكْ أَنْ‌غَمَ شِرْيَ كُواْمٜىٰ؞ كُذُواْ بِكٍ مَنَ!‏»‏ ›‏

⁵ عَمَّا بَسُ كُلَبَ؞ سُكَ تَڢِے أَبِنْسُ، وَنِ يَتَڢِے غُواْنَرْسَ، وَنِ يَتَڢِے كَاسُوَنْثِنْسَ،

⁶ وَطَنْسُ كُمَ سُكَ كَامَ بَايِنْ سُكَيِ مُسُ دُوكَ، حَرْ سُكَ كَشٜىٰسُ؞

⁷ سَرْكِنْ كُوَ يَيِ ڢُشِے سُواْسَيْ؞ يَعَيْكَ سُواْجُواْجِنْسَ سُكَ كَكَّشٜىٰ مَاسُ كِسَنْ كَنَّنْ، حَرْ سُكَ ڧُواْنٜىٰ غَرِنْسُ تَسْ؞

⁸ سَعَنً يَثٜىٰ وَبَايِنْسَ، ‏‹‏أَنْ‌غَمَ شِرِنْ بِكٍ، عَمَّا وَطَنْدَ عَكَ غَيَّتَ بَسُ ثَنْثَنْتَبَ؞

⁹ سَبُواْدَ حَكَ كُبِے تِيتِ تِيتِ كُثٜىٰ وَدُكْ وَطَنْدَ كُكَ سَامُ سُذُواْ بِكٍ؞›‏

¹⁰ بَايِنَّنْ كُوَ سُكَبِے تِيتِ تِيتِ سُكَ تَتَّارُواْ دُكْ وَطَنْدَ سُكَ سَامُ، نَكِرْكِ دَ وَطَنْدَ بَ نَكِرْكِبَ، حَرْ وُرِنْ بِكٍ يَا ثِكَ دَ بَاڧِ؞

¹¹ ‏«‏عَمَّا دَ سَرْكِنْ يَشِغُواْ دُواْمِنْ يَغَ بَڧِنْ، سَيْ يَغَ وَنِ مُتُمْ بَيْ سَا رِغَرْ بِكِبَ؞

¹² سَيْ يَثٜىٰ وَمُتُمِنْ، ‏‹‏أَبُواْكِ، يَيَ عَكَيِ كَشِغُواْ نَنْ بَاتَرٜىٰدَ كَسَا رِغَرْ بِكِبَ؟›‏ عَمَّا مُتُمِنْ يَرَسَ أَبِنْدَ ذَيْ ڢَطَا؞

¹³ سَيْ سَرْكِنْ يَثٜىٰ وَمَاسُ يِمَسَ حِدِمَ، ‏‹‏كُطَوْرٜىٰ حَنُّوَنْسَ دَ ڧَڢَاڢُنْسَ، كُجٜىٰڢَ شِ ثِكِنْ مُوغُنْ دُهُ، عِنْدَ ذَاعَيِ كُوكَا دَ ثِظُوانْ هَڧُواْرَ؞›‏

¹⁴ ‏«‏أَيْ، أَنْكِرَا مُتَنٜىٰ دَيَوَ، عَمَّا كَطَنْ نٜىٰ عَكَ ذَاٻَا؞»‏

تَمْبَيَ غَمٜىٰدَ بِيَنْ هَرَاجِ غَ كَيْسَرْ

¹⁵ أَنَانً سَيْ ڢَرِسِيَاوَا سُكَجٜىٰ سُكَيِ شَوَرَا يَدَّ ذَاسُيِ مَسَ تَرْكُواْ ثِكِنْ أَبِنْدَ ذَيْ ڢَطَا؞

¹⁶ سَيْ سُكَ عَيْكُواْ دَ أَلْمَجِرَنْسُ تَرٜىٰدَ وَطَنْسُ مُتَنٜىٰنْ هِرُدُسْ سُكَثٜىٰ ‏«‏مَلَمْ، مُنْ سَنِ كَيْ مَيْ غَسْكِيَانٜىٰ، كَنَ كُمَ كُواْيَرْ دَ حَنْيَرْ اللَّهْ ثِكِنْ غَسْكِيَ، دُواْمِنْ مُتَنٜىٰ دُكْ طَيَ نٜىٰ أَغَرٜىٰكَ، غَمَا بَاكَ نُونَ بَمْبَنْثِ ڟَكَانِنْ مُتَنٜىٰ؞

¹⁷ تُواْ، كَغَيَ مَنَ، كَنَ غَنِ دَيْدَيْنٜىٰ مُبِيَ وَ كَيْسَرْ بَبَّنْ سَرْكِنْ رُواْمَ هَرَاجِ، كُواْ أَعَ؟»‏

¹⁸ عَمَّا سَبُواْدَ عِيسَىٰ يَغَانٜىٰ ڧِيَيَّرْ ذُوثِيَارْسُ سَيْيَثٜىٰ ‏«‏دُوانْمٜىٰ كُكٜىٰ ڠُودَانِ، كُو مُنَاڢُكَيْ؟

¹⁹ كُنُونَ مِنِ كُطِنْ دَ عَكٜىٰ بِيَنْ هَرَاجِنْ دَشِ؞»‏ سَيْ سُكَ كَٰوُاْ مَسَ دِنَرِ؞

²⁰ سَيْ يَثٜىٰ مُسُ ‏«‏حُواْتُواْنَّنْ دَ سُونَنَّنْ نَوَنٜىٰنٜىٰ؟»‏

²¹ سُكَ أَمْسَ سُكَثٜىٰ ‏«‏نَ كَيْسَرْ نٜىٰ؞»‏ سَيْ عِيسَىٰ يَثٜىٰ مُسُ ‏«‏تُواْ، سَيْ كُبَا كَيْسَرْ أَبِنْدَ يَكٜىٰ نَ كَيْسَرْ، كُكُمَبَا اللَّهْ أَبِنْدَ يَكٜىٰ نَ اللَّهْ؞»‏

²² دَ سُكَجِ حَكَ، سَيْ سُكَ كَامَ بَاكِ سُنَ مَامَاكِ، سُكَ بَرْشِ، سُكَ تَڢِے؞

تَمْبَيَ عَكَنْ تَاشِنْ مَتَتُّو

²³ أَ رَانَرْ نَنْ كُوَ، وَطَنْسُ سَدُوكِيَاوَا سُكَذُواْ وُرِنْ عِيسَىٰ؞ سُونٜىٰ سُكٜىٰثٜىٰوَ وَيْ بَابُ تَاشِنْ مَتَتُّو؞ سُكَ تَمْبَيٜىٰشِ،

²⁴ سُكَثٜىٰ ‏«‏مَلَمْ، مُوسَٰى يَثٜىٰ، ‏‹‏عِدَنْ مُتُمْ يَمُتُ بَاشِ دَ طَا، سَيْ طَنْعُوَنْسَ يَ عَوْرِ مَاتَرْ دُواْمِنْ يَحَيْڢَ وَطَنْعُوَنْسَ یَیَ؞›‏

²⁵ تُواْ، أَݣَويْ وَطَنْسُ یَنْعُوَ غُدَا بَݣَويْ عَثِكِنْمُ؞ نَڢَرْكُوانْ يَيِ عَوْرٜىٰ، يَمُتُ بَيْ حَيْڢُبَ، يَبَرْ وَطَنْعُوَنْسَ مَاتَرْسَ؞

²⁶ حَكَ يَڢَرُ دَ نَبِيُنْ دَ نَعُكُنْ، حَرْ يَكَيْ كَنْ نَبَݣَويْ طِنْ؞

²⁷ دَغَ ڧَرْشٜىٰ، سَيْ مَاتَرْ تَمُتُ؞

²⁸ تُواْ، عَتَاشِنْ مَتَتُّو، مَاتَرْ وَ ذَاتَ ذَمَ عَثِكِنْسُ؟ غَمَا دُكَنْسُ سُنْ عَوْرٜىٰتَ؞»‏

²⁹ عِيسَىٰ يَأَمْسَ مُسُ يَثٜىٰ ‏«‏تُنَانِنْكُ بَ دَيْدَيْ بَنٜىٰ، غَمَا بَكُسَنْ رُبُوتَثِّيَرْ مَغَنَرْ اللَّهْ بَ، كُمَ بَكُسَنْ إِيكُوانْ اللَّهْ بَ؞

³⁰ أَيْ، عَتَاشِنْ مَتَتُّو، مَظَا بَذَاسُيِ عَوْرٜىٰبَ، مَتَ كُمَ بَذَاعَ بَادَسُو غَ عَوْرٜىٰبَ، سَيْدَيْ ذَاسُ ذَمَ كَمَرْ مَلاَىِٕكُنْ اللَّهْ؞

³¹ كُمَ غَمٜىٰدَ تَاشِنْ مَتَتُّو، بَكُ كَرَنْتَ أَبِنْدَ اللَّهْ يَڢَطَا مُكُبَ؟ أَنْرُبُوتَ ثٜىٰوَ

³² ‏‹‏نِنٜىٰ اللَّهْ نَ إِبْرَٰهِيمْ، اللَّهْ نَ إِسْحَٰڧَ دَ كُمَ اللَّهْ نَ يَعْڧُوبَ؞›‏ شِ اللَّهْ نَمَاسُ رَيْ نٜىٰ، بَنَمَتَتُّوبَ؞»‏

³³ دَ مُتَنٜىٰ سُكَجِ حَكَ، سَيْ سُكَيِ مَامَاكِنْ كُواْيَرْوَرْسَ؞

دُواْكَا مَڢِے غِرْمَ

³⁴ دَ ڢَرِسِيَاوَا سُكَجِ يَڧُرٜىٰ سَدُوكِيَاوَا، سَيْ سُكَ تَارُ؞

³⁵ وَنِ مَلَمِنْ كُواْيَرْوَرْ مُوسَٰى عَثِكِنْسُ يَيِ وَ عِيسَىٰ تَمْبَيَ دُواْمِنْ يَڠُودَاشِ؞

³⁶ يَثٜىٰ ‏«‏مَلَمْ، وَثٜىٰ دُواْكَاثٜىٰ تَڢِے غِرْمَ عَثِكِنْ دُواْكُواْكِ؟»‏

³⁷ عِيسَىٰ يَأَمْسَ مَسَ يَثٜىٰ ‏«‏ ‏‹‏كَڧَوْنَثِ عُبَنْ‌غِجِ اللَّهْ نْكَ دَ دُكَنْ ذُوثِيَارْكَ دَ دُكَنْ رَنْكَ دَ دُكَنْ حَنْكَلِنْكَ؞›‏

³⁸ وَنَّنْ عِتَثٜىٰ دُواْكَا تَڢَرْكُواْ، كُمَ مَڢِے غِرْمَ؞

³⁹ تَبِيُنْ مَا كَمَرْ تَڢَرْكُوانْ تَكٜىٰ، ‏‹‏كَڧَوْنَثِ مَڨُوبْثِنْكَ كَمَرْ يَدَّ كَكٜىٰ ڧَوْنَرْ كَنْكَ؞›‏

⁴⁰ دُكَنْ كُواْيَرْوَرْ مُوسَٰى دَ تَأَنَّبَوَ سُنْ رَاتَيَ عَكَنْ وَطَنَّنْ دُواْكُواْكِ بِيُ؞»‏

تَمْبَيَ عَكَنْ أَلْمَسِيحُ

⁴¹ دَ ڢَرِسِيَاوَا سُكَ تَارُ وُرِے طَيَ، سَيْ عِيسَىٰ يَتَمْبَيٜىٰسُ

⁴² يَثٜىٰ ‏«‏مٜىٰنٜىٰنٜىٰ تُنَانِنْكُ غَمٜىٰدَ أَلْمَسِيحُ؟ طَنْ وَنٜىٰنٜىٰ شِ؟»‏ سَيْ سُكَثٜىٰ مَسَ ‏«‏طَنْ دَاوُدَ نٜىٰ؞»‏

⁴³ سَيْ عِيسَىٰ يَثٜىٰ مُسُ ‏«‏تُواْ، يَيَ دَاوُدَ تَ إِيكُوانْ رُوحُ يَكٜىٰثٜىٰ دَشِ ‏‹‏عُبَنْ‌غِجِ›‏؟ غَمَا دَاوُدَ يَثٜىٰ،

⁴⁴ ‏«‏ ‏‹‏عُبَنْ‌غِجِ يَثٜىٰ وَ عُبَنْ‌غِجِنَ، ‏«‏ذَوْنَ نَنْ أَ حَنُّنْ دَامَنَ سَيْ نَسَا أَبُواْكَنْ غَابَنْكَ عَڧَرْڧَشِنْ ڧَڢَاڢُنْكَ؞»‏ ›‏

⁴⁵ ‏«‏عِدَنْ دَاوُدَ يَنَثٜىٰ دَ أَلْمَسِيحُ ‏‹‏عُبَنْ‌غِجِ›‏، تُواْ، يَيَ أَلْمَسِيحُ يَذَمَ طَنْسَ؟»‏

⁴⁶ بَاوَنْدَ يَ عِيَ بَاشِ أَمْسَ؞ دَغَ رَانَرْ نَنْ كُوَ بَاوَنْدَ يَيِ ڧَرْڢِنْ حَلِنْ يَسَاكٜىٰيِ مَسَ تَمْبَيَ؞