مَتِيُ 20 - أَتَّوْرَتْ دَ أَنَّبَاوَا

مَعَيْكَتَ أَ غُواْنَرْ إِنَبِے

¹ ‏«‏مُلْكٍ سَمَ كَمَرْ وَنِ مَيْغِدَا نٜىٰ وَنْدَ يَڢِتَ دَ سَسَّڢٜىٰ دُواْمِنْ يَيِ هَيَرْ وَطَنْدَ ذَاسُيِ مَسَ عَيْكِ أَغُواْنَرْسَ تَ عِتَتُوَنْ إِنَبِے؞

² دَ سُكَ شِرْيَ عَكَنْ كُطِنْ دَ عَكٜىٰ بِيَنْ لٜىٰبُرَ عَيِنِ، سَيْ يَعَيْكٜىٰسُ غُواْنَرْسَ؞

³ وَجٜىٰنْ ڧَرْڢٜىٰ تَرَ كُمَ دَ يَڢِتَ، سَيْ يَغَ وَطَنْسُ سُنَ ذَمَنْ بَنْظَ كَوَيْ عَبَاكِنْ كَاسُوَ،

⁴ سَيْيَثٜىٰ مُسُ، ‏‹‏كُو مَا كُجٜىٰ غُواْنَتَ، ذَنْبِيَكُ أَبِنْدَ يَكَمَاتَ؞›‏ سَيْ سُكَ تَڢِے؞

⁵ دَ يَسَاكٜىٰ ڢِتَ دَ رَانَ دَ كُمَ وَجٜىٰنْ ڧَرْڢٜىٰ عُكُ، يَطَوْكِ مَاسُ عَيْكِ؞

⁶ حَرْ يَنْذُ وَجٜىٰنْ ڧَرْڢٜىٰ بِيَرْ يَسَاكٜىٰ ڢِتَ يَغَ وَطَنْسُ سُنَ ڟَيٜىٰ بَاسَيِنْ كُواْمٜىٰ، سَيْيَثٜىٰمُسُ، ‏‹‏دُوانْمٜىٰ كُكٜىٰ ذَمَنْ بَنْظَ دُكْ يِنِ؟›‏

⁷ ‏«‏سُكَثٜىٰ مَسَ، ‏‹‏غَمَا بَاوَنْدَ يَبَامُ عَيْكِنْيِ؞›‏ ‏«‏سَيْ يَثٜىٰ مُسُ، ‏‹‏كُو مَا كُجٜىٰ غُواْنَتَ؞›‏

⁸ ‏«‏دَ يَمَّ تَيِ، سَيْ مَيْ غُواْنَرْ يَثٜىٰ وَمَيْ تَيْمَكُوانْسَ لُورَ دَ عَيْكِنْ غُواْنَرْ، ‏‹‏كَكِرَا مَعَيْكَتَنْ كَبِيَسُ، كَڢَارَ دَغَ نَڧَرْشٜىٰ ذُوَا نَڢَرْكُواْ؞›‏

⁹ وَطَنْدَ سُكَجٜىٰ وَجٜىٰنْ ڧَرْڢٜىٰ بِيَرْ سُكَذُواْ، كُواْوَنّٜىٰنْسُ يَكَرْٻِ أَبِنْدَ يَكَمَاتَ عَبِيَشِ عَيِنِ؞

¹⁰ تُواْ، وَطَنْدَ سُكَ ڢَارَ ذُوَا سُنْيِ ڟَمَّنِ ذَاعَ بِيَسُ ڢِيٜىٰدَ سَوْرَنْ، عَمَّا سُو مَا كُواْوَنّٜىٰنْسُ يَكَرْٻِ أَبِنْدَ يَكَمَاتَ عَبِيَشِ عَيِنِ؞

¹¹ دَ سُكَ كَرْٻَ، سُكَيِ وَمَيْغِدَنْ غُنَغُنِ،

¹² سُنَ ثٜىٰوَ ‏‹‏وَطَنْدَ سُكَذُواْ دَغَ ڧَرْشٜىٰ، عَيْكِنْ أَوَ طَيَ كَوَيْ سُكَيِ، كَمَيْدَسُو دَيْدَيْ دَمُو، مُو دَ مُكَيِنِ مُنَ عَيْكِ، غَا شَنْ رَانَ؞›‏

¹³ ‏«‏سَيْ يَأَمْسَا وَ طَيَ دَغَ ثِكِنْسُ يَثٜىٰ، ‏‹‏أَبُواْكِينَ، أَيْ، بَنْثُوثٜىٰكَبَ؞ بَمُشِرْيَ عَكَنْ ثٜىٰوَ ذَنْ بِيَاكَ أَبِنْدَ عَكَنْبِيَ عَيِنِبَ؟

¹⁴ كَكَرْٻِ أَبِنْدَ يَكٜىٰ نَاكَ كَتَڢِے؞ نِے نَغَ دَامَ إِنْبِيَ وَطَنْدَ سُكَذُواْ دَغَ بَايَ دَيْدَيْ دَ أَبِنْدَ نَبِيَاكَ؞

¹⁵ بَانِ دَ إِيكُواْ إِنْيِ أَبِنْدَ نَغَ دَامَ دَ أَبِنْدَ يَكٜىٰ نَوَ؟ كُواْ كَنَ جِنْ كِيشِنٜىٰ سَبُواْدَ إِنَدَ أَلْحٜىٰرِ عَيَلْوَثٜىٰ؟›‏

¹⁶ ‏«‏حَكَ نَڧَرْشٜىٰ ذَاسُ ذَمَ نَڢَرْكُواْ، نَڢَرْكُواْ كُمَ ذَاسُ ذَمَ نَڧَرْشٜىٰ؞»‏

عِيسَىٰ يَسَاكٜىٰ يِنْمَغَنَ غَمٜىٰدَ مُتُوَرْسَ

¹⁷ دَ عِيسَىٰ دَ أَلْمَجِرَنْسَ سُنَ هَوْرَاوَا ذُوَا عُرُوشَلِيمَ، سَيْ عِيسَىٰ يَجَاسُ غٜىٰڢٜىٰنْ حَنْيَ يَثٜىٰ مُسُ،

¹⁸ ‏«‏غَاشِ، ذَامُجٜىٰ عُرُوشَلِيمَ؞ ذَاعَبَادَ طَنْ مُتُمْ أَ حَنُّنْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى، ذَاسُ كُمَ يَنْكٜىٰ مَسَ حُكُنْثِنْ كِسَا؞

¹⁹ سَعَنً سُبَادَشِ غَ وَطَنْدَ بَا يَهُودَاوَا بَ، سُيِ مَسَ بَعَ، سُيِ مَسَ بُلَلَ، سُكُمَ غِثِّيٜىٰشِ، أَ رَانَ تَ عُكُ كُمَ ذَاعَ تَاشٜىٰشِ؞»‏

ضُواْڧُوانْ مَامَرْ يَعْڧُوبَ دَ يَحْيَى

²⁰ سَعَنً سَيْ مَامَرْ یَیَنْ ظَبَدِ تَذُواْ وُرِنْ عِيسَىٰ دَ یَیَنْتَ، تَدُرْڧُسَ أَغَبَنْسَ تَاضُواْڧٜىٰشِ وَنِ أَبُ؞

²¹ سَيْ يَثٜىٰ مَتَ ‏«‏مٜىٰ كِكٜىٰسُواْ؟»‏ تَاثٜىٰ مَسَ ‏«‏كَسَا وَطَنَّنْ یَیَنَ بِيُ سُذَوْنَ، طَيَ أَدَمَنْكَ، طَيَ أَ هَغُنْكَ، عَثِكِنْ مُلْكِنْكَ؞»‏

²² عَمَّا عِيسَىٰ، يَثٜىٰ وَیَیَنْ ‏«‏بَكُسَنْ أَبِنْدَ كُكٜىٰ ضُواْڧُواْبَ، ذَاكُ عِيَشَا عَݣُوڢْ نَوَهَلَرْ دَ ذَنْشَا؟»‏ سُكَثٜىٰ مَسَ ‏«‏ذَامُ عِيَ؞»‏

²³ يَثٜىٰ مُسُ ‏«‏لَلَّيْ ذَاكُشَا عَݣُوڢْ نَوَ، عَمَّا ذَمَ أَدَمَنَ كُواْ هَغُنَ بَنِے نَكٜىٰ دَ إِيكُوانْ بَايَرْوَبَ؞ عُبَانَ نَسَمَ يَشِرْيَ مَڟَيِنَّنْ دُوانْ وَطَنْدَ يَذَاٻَا؞»‏

²⁴ دَ سَوْرَنْ أَلْمَجِرَنْ غُواْمَ سُكَجِ حَكَ، سَيْ سُكَجِ هَوْشِنْ یَنْعُوَنَّنْ غُدَا بِيُ؞

²⁵ عَمَّا عِيسَىٰ يَكِرَاسُ دُكَ يَثٜىٰ ‏«‏كُنْ سَنْ يَدَّ سَرَاكُنَنْ وَطَنْدَ بَا يَهُودَاوَا بَ سُكَنْ نُونَ إِيكُواْ عَكَنْ مُتَنٜىٰنْسُ، مَنْيَنْسُ مَا سُنَ نُونَاوَ مُتَنٜىٰنْسُ إِيكُواْ؞

²⁶ بَذَيْ ذَمَ حَكَ عَثِكِنْكُبَ؞ أَ مَيْمَكُوانْ حَكَ دُكْ وَنْدَ يَكٜىٰسُواْ يَذَمَ بَبَّ عَثِكِنْكُ دُواْلٜىٰنٜىٰ يَذَمَ مَيْيِ وَسَوْرَنْ حِدِمَ؞

²⁷ كُمَ وَنْدَ يَكٜىٰسُواْ يَذَمَ شُوغَبَا عَثِكِنْكُ، دُواْلٜىٰنٜىٰ يَذَمَ بَاوَنْكُ؞

²⁸ حَكَكُمَ طَنْ مُتُمْ بَيْذُواْ دُواْمِنْ عَبَوْتَا مَسَبَ، سَيْدَيْ دُواْمِنْ يَيِ بَوْتَا، يَكُمَ بَادَ رَنْسَ دُواْمِنْ ثٜىٰتُوانْ مُتَنٜىٰ دَيَوَ؞»‏

مَكَڢِ بِيُ سُنْ سَامِ غَنِنْ غَرِ

²⁹ دَ عِيسَىٰ دَ أَلْمَجِرَنْسَ ذَاسُبَرْ يٜىٰرِكُواْ، مُتَنٜىٰ دَيَوَ سُكَبِيشِ؞

³⁰ سَيْغَا وَطَنْسُ مَكَڢِ بِيُ سُنَ ظَوْنٜىٰ أَغٜىٰڢٜىٰنْ حَنْيَ؞ دَ سُكَجِ عِيسَىٰ يَنَ وُثٜىٰوَ سَيْ سُكَ طَغَ مُرْيَ سُكَثٜىٰ ‏«‏مَيْغِرْمَ، طَنْ دَاوُدَ!‏ كَجِ تَوْسَيِنْمُ!‏»‏

³¹ مُتَنٜىٰ سُكَيِ مُسُ ڢَطَ سُيِ شِضُ؞ سَيْ سُكَڧَارَ طَغَ مُرْيَ سُكَثٜىٰ ‏«‏مَيْغِرْمَ، طَنْ دَاوُدَ!‏ كَيِ مَنَ جِنْڧَيْ!‏»‏

³² سَيْ عِيسَىٰ يَڟَيَ يَثٜىٰمُسُ ‏«‏مٜىٰ كُكٜىٰسُواْ إِنْيِ مُكُ؟»‏

³³ سُكَثٜىٰ مَسَ ‏«‏مَيْغِرْمَ، بَرِ مُسَامِ غَنِنْ غَرِ؞»‏

³⁴ سَبُواْدَ تَوْسَيِ، سَيْ عِيسَىٰ يَتَٻَ عِدَنُونْسُ؞ نَنْ دَنَنْ كُوَ سُكَ ڢَارَ غَنِ، سُكَبِيشِ؞