مَتِيُ 2 - أَتَّوْرَتْ دَ أَنَّبَاوَا

زِيَارَرْ مَاسُ عِلِمِ دَغَ غَبَسْ

¹ أَنَانً سَعَدَّ عَكَ حَيْڢِ عِيسَىٰ أَغَرِنْ بَيْتَلَحْمِ تَيَنْكِنْ يَهُودِيَ أَ زَامَانِنْ سَرْكِے هِرُدُسْ، سَيْ وَطَنْسُ مَاسُ عِلِمٍ غَانٜىٰ تَوْرَرِ دَغَ غَبَسْ سُكَذُواْ عُرُوشَلِيمَ؞ سَيْ سُكَيِ تَمْبَيَ سُكَثٜىٰ،

² ‏«‏إِنَا سَابُوانْ سَرْكِنْ يَهُودَاوَا دَ عَكَ حَيْڢَ؟ دُواْمِنْ مُنْ غَ تَوْرَرُوانْسَ أَغَبَسْ، كُمَ مُنْ ذُواْ نٜىٰ مُيِ مَسَ سُجَّدَ؞»‏

³ دَ سَرْكِے هِرُدُسْ يَجِ حَكَ، سَيْ حَنْكَلِنْسَ يَتَاشِ، حَكَكُمَ دُكَنْ مُتَنٜىٰنْ عُرُوشَلِيمَ؞

⁴ سَيْ يَتَارَ دُكَنْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى، يَتَمْبَيٜىٰسُ عِنْدَ ذَاعَ حَيْڢِ أَلْمَسِيحُ؞

⁵ سُكَثٜىٰ مَسَ ‏«‏أَغَرِنْ بَيْتَلَحْمِ نٜىٰ، تَيَنْكِنْ يَهُودِيَ، غَمَا حَكَ أَنَّبِنْ يَرُبُوتَ ثٜىٰوَ

⁶ ‏«‏ ‏‹‏كٜىٰ مَا بَيْتَلَحْمِ تَيَنْكِنْ يَهُودَ، كٜىٰ بَ ڧَرَمَ بَثٜىٰ عَثِكِنْ مَاسُ مُلْكٍ يَهُودَ؞ غَمَا دَغَ ثِكِنْكِ وَنِ مَيْ مُلْكِ ذَيْڢِتُواْ، وَنْدَ ذَيْ ذَمَ مَكِيَايِنْ جَمَعَتَ إِسْرَٰٓءِيلَ؞›‏ »‏

⁷ سَيْ هِرُدُسْ يَكِرَا مَاسُ عِلِمِنَّنْ عَٻُواْيٜىٰ دُواْمِنْ يَسَنْ دَيْدَيْ لُواْكَثِنْ دَ سُكَغَ تَوْرَرُوانْ؞

⁸ سَيْ يَعَيْكٜىٰسُ ذُوَا بَيْتَلَحْمِ يَثٜىٰ، ‏«‏كُجٜىٰ كُبِنْثِكَ مِنِ غَمٜىٰدَ طَنْ يَرُواْنَّنْ أَ حَنْكَلِ؞ عِدَنْ كُنْ سَامٜىٰشِ، سَيْ كُذُواْ كُڢَطَا مِنِ دُواْمِنْ نِے مَا إِنْجٜىٰ إِنْيِ مَسَ سُجَّدَ؞»‏

⁹ سُو كُوَ دَ سُكَ غَمَ جِنْ مَغَنَرْ سَرْكِے، سَيْ سُكَيِ تَڢِيَرْسُ؞ تَوْرَرُوانْ دَ سُكَ غَنِ أَغَبَسْ كُوَ يَنَ غَبَنْسُ سُنَ بِنْسَ حَرْ يَذُواْ يَڟَيَ بِسَ عِنْدَ طَنْ يَرُوانْ يَكٜىٰ؞

¹⁰ دَ سُكَغَ تَوْرَرُوانْ سَيْ سُكَ ثِكَ دَ مُرْنَ سُواْسَيْ؞

¹¹ دَ سُكَ شِغَ غِدَنْ كُوَ سَيْ سُكَغَ طَنْ يَرُوانْ دَ مَامَرْسَ مَرْيَمُ، سُكَ دُرْڧُسَ أَغَبَنْسَ، سُكَيِ مَسَ سُجَّدَ؞ سَعَنً سُكَ كُنْثٜىٰ كَايَنْسُ سُكَ بَاشِ ݣَوْتَرْ ظِينَارِيَ دَ تُرَارٜىٰنْ لُبَّنْ دَ مُرْ؞

¹² سُكَ كُواْمَ ڧَسَرْسُ تَوَتَ حَنْيَ دَبَمْ، غَمَا اللَّهْ يَا جَا مُسُ كُنّٜىٰ أَمَڢَرْكِ كَدَ سُكُواْمَ وُرِنْ هِرُدُسْ؞

يُوسُڢَ دَ مَرْيَمُ سُنْ غُدُ ذُوَا مَصَرْ

¹³ بَايَنْدَ سُكَ تَڢِے سَيْ وَنِ مَلاَىِٕكَنْ عُبَنْ‌غِجِ يَبَيَّنَ وَ يُوسُڢَ أَمَڢَرْكِ، يَثٜىٰ، ‏«‏تَاشِ، كَطَوْكِ طَنْ يَرُواْنَّنْ دَ مَامَرْسَ كُغُدُ ذُوَا ڧَسَرْ مَصَرْ؞ كُذَوْنَ عَثَنْ سَيْ نَڢَطَا مُكُ كُدَاوُاْ، غَمَا هِرُدُسْ ذَيْ نٜىٰمِ طَنْ يَرُوانْ دُواْمِنْ يَكَشٜىٰشِ؞»‏

¹⁴ يُوسُڢَ كُوَ يَتَاشِ يَطَوْكِ طَنْ يَرُوانْ دَ مَامَرْسَ دَ دَدَّرٜىٰ، يَتَڢِے ڧَسَرْ مَصَرْ،

¹⁵ يَذَوْنَ عَثَنْ حَرْ سَيْ دَ هِرُدُسْ يَمُتُ؞ وَنَّنْ كُوَ يَا ڢَرُ دُواْمِنْ عَثِكَ أَبِنْدَ عُبَنْ‌غِجِ يَڢَطَا نٜىٰ تَبَاكِنْ أَنَّبِنْ ثٜىٰوَ ‏«‏دَغَ مَصَرْ نَا كِرَوُاْ طَانَ؞»‏

أَنْ كَشٜىٰ یَنْ يَارَا عَيَنْكِنْ يَهُودَ

¹⁶ دَ هِرُدُسْ يَغَانٜىٰ ثٜىٰوَ مَاسُ عِلِمِنَّنْ سُنْيِ مَسَ وَيُواْ نٜىٰ، سَيْ يَيِ ڢُشِے سُواْسَيْ؞ يَعَيْكَ عَكَكَّشٜىٰ دُكَنْ یَنْ يَارَا مَظَا وَطَنْدَ سُكٜىٰ ثِكِنْ بَيْتَلَحْمِ دَ كٜىٰوَيٜىٰنْتَ دَغَ مَاسُ شٜىٰكَرَا بِيُ ذُوَا ڧَسَا، ڠُورْڠُودُوانْ لُواْكَثِنْ دَ مَاسُ عِلِمِنَّنْ سُكَ ڢَطَا مَسَ غَمٜىٰدَ يَرُوانْ؞

¹⁷ أَ لُواْكَثِنْ نٜىٰ عَكَ ثِكَ أَبِنْدَ عَكَ ڢَطَا تَبَاكِنْ أَنَّبِے إِرْمِيَ ثٜىٰوَ

¹⁸ ‏«‏أَنْ جِ مُرْيَ أَ رَمَ، مُرْيَرْ بَڧِنْ ثِكِ دَ تَكُوكَا مَيْ ذَاڢِ، رَحِيلَةُ ثٜىٰ تَكٜىٰ كُكَ دُواْمِنْ یَیَنْتَ، تَڧِے كَرْٻَرْ تَعَظِيَّ دُواْمِنْ یَیَنْتَ بَاسَ نَنْ؞»‏

دَاوُاْوَ دَغَ مَصَرْ ذُوَا نَظَرٜىٰتْ

¹⁹ بَايَنْ مُتُوَرْ هِرُدُسْ، سَيْ مَلاَىِٕكَنْ عُبَنْ‌غِجِ يَبَيَّنَاوَ يُوسُڢَ عَثِكِنْ مَڢَرْكِ أَ مَصَرْ، يَثٜىٰ،

²⁰ ‏«‏تَاشِ كَطَوْكِ طَنْ يَرُواْنَّنْ دَ مَامَرْسَ كَكُواْمَ ڧَسَرْ إِسْرَٰٓءِيلَ، غَمَا مَاسُ نٜىٰمَ سُكَشٜىٰ يَرُوانْ سُنْ مُتُ؞»‏

²¹ سَيْ يَتَاشِ يَطَوْكِ طَنْ يَرُوانْ دَ مَامَرْسَ يَتَڢِے ڧَسَرْ إِسْرَٰٓءِيلَ؞

²² عَمَّا دَ يَجِ طَنْ هِرُدُسْ، وَتُواْ أَرْكِلَيُسْ يَا ثِغَادُوانْ بَابَنْسَ، يَنَ مُلْكٍ يَنْكِنْ يَهُودِيَ، سَيْ يَجِڟُواْرُواْ يَتَڢِے ثَنْ؞ عَمَّا دَ عَكَ جَا مَسَ كُنّٜىٰ أَمَڢَرْكِ، سَيْ يَرَڟٜىٰ ذُوَا يَنْكِنْ غَلِيلِ؞

²³ يَجٜىٰ يَذَوْنَ أَوَنِ غَرِنْ دَ عَكٜىٰثٜىٰ دَشِ نَظَرٜىٰتْ، دُواْمِنْ عَثِكَ أَبِنْدَ عَكَ ڢَطَا تَبَاكِنْ أَنَّبَاوَا ثٜىٰوَ ‏«‏ذَاعَثٜىٰ دَشِ بَنَظَرٜىٰتْ؞»‏