مَتِيُ 17 - أَتَّوْرَتْ دَ أَنَّبَاوَاسَاكٜىٰوَرْ كَمَنِّنْ عِيسَىٰ ﴿ مَرْ 9.2-13 ؛ لُكْ 9.28-36 ﴾ 1 بَايَنْ ݣُونَ شِدَ سَيْ عِيسَىٰ يَطَوْكِ بِتْرُسْ دَ يَعْڧُوبَ دَ طَنْعُوَنْ يَعْڧُوبَ، وَتُواْ يَحْيَى، يَكَيْسُ كَنْ وَنِ تُدُ مَيْ ڟَوُاْ، عِنْدَ سُكَ كَسَنْثٜىٰ سُو كَطَيْ؞ 2 سَيْ كَمَنِّنْسَ يَثَنْجَ أَغَبَنْسُ، ڢُسْكَرْسَ تَيِ حَصْكٜىٰ كَمَرْ رَانَ، سَيْ رِيغُنَنْدَ يَسَا سُكَيِ ڢَرِ ڢَتْ؞ 3 نَنْ دَنَنْ سَيْ أَنَّبِے مُوسَٰى دَ أَنَّبِے إِلْيَاسُ سُكَ بَيَّنَ أَغَرٜىٰسُ، سُنَ مَغَنَ دَ عِيسَىٰ؞ 4 سَيْ بِتْرُسْ يَثٜىٰ وَ عِيسَىٰ «عُبَنْغِجِ، يَيِݣَوْ دَمُكٜىٰ أَنَنْ وُرِنْ؞ عِدَنْ كَنَ سُواْ ذَنْ كَڢَ بُكُّواْكِ غُدَا عُكُ أَنَنْ، طَيَ دُواْمِنْكَ، طَيَ دُواْمِنْ أَنَّبِے مُوسَٰى، طَيَ كُمَ دُواْمِنْ أَنَّبِے إِلْيَاسُ؞» 5 يَنَ مَغَنَ كٜىٰنَنْ سَيْغَا وَنِ غِرْغِجٜىٰ مَيْ حَصْكٜىٰ يَرُڢٜىٰسُ، عَكَ كُمَ جِ وَتَ مُرْيَ دَغَ ثِكِنْ غِرْغِجٜىٰنْ تَثٜىٰ «وَنَّنْ شِينٜىٰ طَانَ، وَنْدَ نَكٜىٰ ڧَوْنَ، إِنَ جِنْ دَاطِنْسَ ڨُورَيْ؞ كُسَوْرَرٜىٰشِ!» 6 دَ أَلْمَجِرَنْ سُكَجِ حَكَ سَيْ ڟُواْرُواْ يَكَامَسُ سُواْسَيْ، حَرْ سُكَ ڢَاطِ ڧَسَا؞ 7 سَيْ عِيسَىٰ يَذُواْ يَتَٻَسُ يَثٜىٰ «كُتَاشِ، كَدَ كُجِڟُواْرُواْ؞» 8 دَ سُكَ طَغَ كَيْ، بَسُغَ كُواْوَبَ سَيْ عِيسَىٰ شِ كَطَيْ؞ 9 دَ سُكٜىٰ سَوْكُواْوَ دَغَ تُدُنْ، عِيسَىٰ يَجَا مُسُ كُنّٜىٰ يَثٜىٰ «كَدَ كُغَيَ وَكُواْوَ أَبِنْدَ كُكَ غَنِ، سَيْ أَنْتَادَ طَنْ مُتُمْ دَغَ مَتَتُّو؞» 10 أَلْمَجِرَنْ سُكَ تَمْبَيٜىٰشِ سُكَثٜىٰ «تُواْ، دُوانْ مٜىٰ مَلَمً كُواْيَرْوَرْ مُوسَٰى سُكٜىٰثٜىٰوَ دُواْلٜىٰ سَيْ أَنَّبِے إِلْيَاسُ يَڢَارَ ذُوَا؟» 11 يَأَمْسَ يَثٜىٰ «لَلَّيْ إِلْيَاسُ ذَيْذُواْ، ذَيْ كُمَ ڠَرَ كُواْمٜىٰ؞ 12 عَمَّا إِنَ غَيَ مُكُ، إِلْيَاسُ يَا رِغَا يَا ذُواْ، بَسُ كُوَ غَانٜىٰ شِيبَ، حَرْ مَا سُكَيِ مَسَ أَبِنْدَ سُكَغَ دَامَ؞ حَكَكُمَ طَنْ مُتُمْ ذَيْ شَا وُيَ أَهَنُّنْسُ؞» 13 سَيْ أَلْمَجِرَنْ سُكَ غَانٜىٰ ثٜىٰوَ يَنَيِ مُسُ مَغَنَ عَكَنْ يَحْيَى مَيْ بَڢْتِسْمَ نٜىٰ؞ عِيسَىٰ يَا وَرْكَرْ دَ يَرُواْ مَيْ أَلْجَنِ ﴿ مَرْ 9.14-29 ؛ لُكْ 9.37-43 ﴾ 14 دَ سُكَ كَيْ وَجٜىٰنْ تَارُوانْ جَمَعَ، سَيْ وَنِ مُتُمْ يَذُواْ وُرِنْ عِيسَىٰ يَدُرْڧُسَ أَغَبَنْسَ يَثٜىٰ، 15 «عُبَنْغِجِ، كَجِ تَوْسَيِنْ طَانَ، يَنَ ڢَرْڢَاطِيَ، كُمَ يَنَ شَنْ وُيَ سُواْسَيْ؞ سَوْ دَيَوَ يَكَنْ ڢَاطَ ثِكِنْ وُتَادَ كُمَ ثِكِنْ ضُوَ؞ 16 نَاكُوَ كَيْشِ وُرِنْ أَلْمَجِرَنْكَ، عَمَّا بَسُ عِيَ وَرْكَرْ دَشِيبَ؞» 17 سَيْ عِيسَىٰ يَأَمْسَ يَثٜىٰ «كُو مُتَنٜىٰنْ ڟَارَرْ نَنْ، مَرَسَ بَنْغَسْكِيَ كُمَ مَاسُ مُغُنْتَا، حَرْ ذُوَا يَوْشٜىٰ ذَنْ ذَوْنَ تَرٜىٰدَكُو؟ حَرْ يَوْشٜىٰ ذَنْ جِمْرٜىٰ دَكُو؟ كُكَٰوُاْ مِنِ شِ نَنْ؞» 18 سَيْ عِيسَىٰ يَڟَاوَتَاوَ أَلْجَنِنْ، أَلْجَنِنْ كُوَ يَبَرْ يَرُوانْ؞ نَنْ تَكٜىٰ يَرُوانْ يَوَرْكٜىٰ؞ 19 سَيْ أَلْمَجِرَنْ سُكَذُواْ وُرِنْ عِيسَىٰ أَ لُواْكَثِنْ دَ بَا كُواْوَ تَرٜىٰ دَشِ، سُكَثٜىٰ مَسَ «دُوانْمٜىٰ مُو مُكَ كَاسَ ڢِتَرْدَ أَلْجَنِنْ؟» 20 عِيسَىٰ يَثٜىٰ مُسُ «سَبُواْدَ بَنْغَسْكِيَرْكُ ڧَرَمَ ثٜىٰ؞ حَڧِيڧَ إِنَ غَيَ مُكُ، عِدَنْ كُنَدَ بَنْغَسْكِيَرْ دَ تَيِ ڧَنْڧَنْتَ كَمَرْ ڨُويَرْ مَسْتَدْ، ذَاكُ عِيَثٜىٰ وَتُدُنَّنْ يَتَاشِ دَغَ نَنْ ذُوَا ثَنْ، كُمَ ذَيْ تَاشِ؞ بَ كُوَ أَبِنْدَ ذَيْ غَغَرٜىٰكُ؞ 21 أَيْ، إِرِنْ وَنَّنْ بَايَ ڢِتَ سَيْ دَ أَدُّعَ دَ أَظُمِ؞» عِيسَىٰ يَسَاكٜىٰ يِنْ مَغَنَ غَمٜىٰدَ مُتُوَرْسَ ﴿ مَرْ 9.30-32 ؛ لُكْ 9.43-45 ﴾ 22 دَ أَلْمَجِرَنْ سُكَ تَارُ عَيَنْكِنْ غَلِيلِ، سَيْ عِيسَىٰ يَثٜىٰ مُسُ «ذَاعَ بَادَ طَنْ مُتُمْ غَ حَنُّنْ مُتَنٜىٰ، 23 ذَاسُ كُمَ كَشٜىٰشِ؞ أَ رَانَ تَ عُكُ كُمَ ذَاعَ تَاشٜىٰشِ؞» سَيْ أَلْمَجِرَنْ سُكَ دَامُ سُواْسَيْ؞ بِيَنْ هَرَاجِنْ هَيْكَلِ 24 دَ عِيسَىٰ دَ أَلْمَجِرَنْسَ سُكَ إِسَ كَڢَرْنَهُمْ، مَاسُ كَرْٻَرْ هَرَاجِ دُواْمِنْ هَيْكَلِ سُكَ سَامِ بِتْرُسْ سُكَثٜىٰ مَسَ «مَلَمِنْكُ بَايَ بِيَنْ هَرَاجِنْ هَيْكَلِ نٜىٰ؟» 25 يَثٜىٰ «يَنَ بِيَ مَنَ؞» دَ بِتْرُسْ يَدَاوُاْ غِدَا، سَيْ عِيسَىٰ يَڢَارَ يِمَسَ مَغَنَ يَثٜىٰ «مٜىٰكَغَنِ غَمٜىٰدَ وَنَّنْ تَمْبَيَ؟ دَغَ وُرِنْ وَ سَرَاكُنَ سُكٜىٰ كَرْٻَرْ كُطِنْ هَرَاجِ دَغَ وُرِنْ یَیَنْسُ، كُواْ دَغَ وُرِنْ وَطَنْسُ؟» 26 دَ بِتْرُسْ يَأَمْسَ «دَغَ وُرِنْ وَطَنْسُ،» سَيْ عِيسَىٰ يَثٜىٰ «وَتُواْ، یَیَنْسُ بَاسَبِيَ كٜىٰنَنْ؞ 27 دُكْدَهَكَ، دُواْمِنْ كَدَ مُتَنٜىٰنَّنْ سُجِ هَوْشِنْمُ، كَجٜىٰ تٜىٰكُ كَجٜىٰڢَ ڧُوغِيَ، كَبُوطٜىٰ بَاكِنْ كِيڢِنْدَ كَڢَارَ كَمَاوَا، ذَاكَسَامِ أَظُرْڢَرْ دَ ذَيْ إِسَ، سَيْ كَطَوْكِ أَظُرْڢَا طِنْ كَبِيَ هَرَاجِنْكَ دَ نَوَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria