مَتِيُ 14 - أَتَّوْرَتْ دَ أَنَّبَاوَا

مُتُوَرْ يَحْيَى مَيْ بَڢْتِسْمَ

¹ أَ لُواْكَثِنَّنْ، سَرْكِے هِرُدُسْ أَنْتِڢَسْ يَجِ لَابَرِنْ عِيسَىٰ؞

² سَيْ يَثٜىٰ وَمَاسُ يِمَسَ عَيْكِ ‏«‏أَيْ وَنَّنْ يَحْيَى مَيْ بَڢْتِسْمَ نٜىٰ؞ أَنْ تَاشٜىٰشِ دَغَ مَتَتُّو، شِے يَسَا يَكٜىٰدَ إِيكُوانْ يِنْ وَطَنَّنْ أَيُّكَنْ بَنْ مَامَاكِ؞»‏

³ غَمَا دَا مَا هِرُدُسْ يَا كَامَ يَحْيَى يَا طَوْرٜىٰ شِ، يَا سَا شِ عَكُرْكُكُ سَبُواْدَ هِرُدِيَ، مَاتَرْ طَنْعُوَنْسَ ڢِلِبُسْ؞

⁴ غَمَا دَا مَا يَحْيَى يَيِ تَغَيَ وَ هِرُدُسْ ثٜىٰوَ بِسَغَ دُواْكَا، بَيْ كَمَاتَ يَ عَوْرِ هِرُدِيَ بَ؞

⁵ كُواْدَيَكٜىٰ هِرُدُسْ يَنَ سُواْ يَكَشٜىٰ يَحْيَى، عَمَّا يَنَ جِنْ ڟُواْرُوانْ مُتَنٜىٰ، غَمَا سُنْ طَوْكَ يَحْيَى أَنَّبِنٜىٰ؞

⁶ عَمَّا دَ رَانَرْ دَ عَكَ حَيْڢِ هِرُدُسْ تَسَاكٜىٰ ذُوَا، سَيْ یَرْ هِرُدِيَ تَيِ ضَوَ أَغَبَنْ بَڧِنْ دَ سُكَذُواْ بِكٍ؞ تَا سَا هِرُدُسْ يَجِ دَاطِے سُواْسَيْ

⁷ حَرْ مَا يَيِ مَتَ أَلْڧَوَرِ تَرٜىٰدَ ضَنْڟُوَا ثٜىٰوَ ذَيْبَاتَ دُكْ أَبِنْدَ تَضُواْڧَا؞

⁸ مَامَرْتَ كُوَ تَبَاتَ شَوَرَا غَمٜىٰدَ أَبِنْدَ ذَاتَثٜىٰ، سَيْ تَثٜىٰ ‏«‏عَبَا نِے كَنْ يَحْيَى مَيْ بَڢْتِسْمَ يَنْذُ عَثِكِنْ ݣُونُواْ؞»‏

⁹ سَرْكِے كُوَ يَا دَامُ، عَمَّا سَبُواْدَ ضَنْڟُوَارْ دَ يَيِ أَغَبَنْ بَاڧِنْ، سَيْ يَيِ عُمَرْنِ عَبَاتَ؞

¹⁰ يَعَيْكَ ذُوَا كُرْكُكُ عَكَ ثِرٜىٰ كَنْ يَحْيَى؞

¹¹ عَكَ كُوَ كَٰوُاْ كَنْ عَثِكِنْ ݣُونُواْ، عَكَبَا يَارِنْيَرْ، سَيْ تَكَيْ وَمَامَرْتَ؞

¹² سَيْ أَلْمَجِرَنْ يَحْيَى سُكَذُواْ، سُكَ طَوْكِ غَاوَرْسَ سُكَ بِنّٜىٰ؞ سَيْ سُكَجٜىٰ سُكَ غَيَ وَ عِيسَىٰ؞

عِيسَىٰ يَثِيَرْ دَ مُتُمْ دُبُو بِيَرْ

¹³ دَ عِيسَىٰ يَجِ حَكَ، سَيْ يَتَاشِ يَشِغَ جِضْغٍ ضُوَ يَهَيٜىٰ ذُوَا وَنِ وُرِے عِنْدَ بَا كُواْوَ دُواْمِنْ يَكَسَنْثٜىٰ شِ كَطَيْ؞ عَمَّا دَ تَارُوانْ مُتَنٜىٰنْ سُكَجِ حَكَ، سَيْ سُكَ ڢِتُواْ دَغَ غَرُرُوَ سُكَبِيشِ دَ ڧَڢَا؞

¹⁴ دَ يَڢِتَ دَغَ جِضْغٍ كُوَ، يَغَ مُتَنٜىٰ سُنْ تَارُ دَيَوَ؞ سَيْ يَجِ تَوْسَيِنْسُ، يَكُمَ وَرْكَرْدَ مَرَسَ لَاڢِيَ عَثِكِنْسُ؞

¹⁵ دَ يَمَّ تَيِ، سَيْ أَلْمَجِرَنْسَ سُكَذُواْ وُرِنْسَ سُكَثٜىٰ ‏«‏وُرِنَّنْ ڢَا بَا كُواْوَ، غَاشِ كُمَ يَمَّ تَيِ؞ كَسَلَّمِ مُتَنٜىٰنَّنْ دُواْمِنْ سُجٜىٰ ڧَوْيُكَ سُسَيَ وَكَنْسُ عَبِنْثِ؞»‏

¹⁶ عِيسَىٰ يَثٜىٰمُسُ ‏«‏بَلَلَّيْ سُتَڢِبَ، كُبَاسُ وَنِ أَبُ سُثِ؞»‏

¹⁷ سُكَ أَمْسَ سُكَثٜىٰ ‏«‏بَامُ دَكُواْمٜىٰ أَنَنْ سَيْ غُرَاسَ غُدَا بِيَرْ دَ كِيڢِ غُدَا بِيُ؞»‏

¹⁸ سَيْ يَثٜىٰ ‏«‏كُكَٰوُاْ مِنِ؞»‏

¹⁹ سَيْ يَعُمَرْثِ مُتَنٜىٰنْ سُذَوْنَ عَكَنْ ثِيَوَ؞ يَطَوْكِ غُرَاسَرْنَنْ غُدَا بِيَرْ دَ كِيڢِنْ بِيُ، سَيْ يَطَغَ كَنْسَ سَمَ، يَيِ غُواْدِيَ غَ اللَّهْ؞ سَيْ يَرَرَّبَ غُرَاسَرْ يَبَا أَلْمَجِرَنْسَ، أَلْمَجِرَنْ كُمَ سُكَ بَا جَمَعَ؞

²⁰ دُكَنْسُ سُكَثِ سُكَ ڧُواْشِ؞ سُكَ تَتَّارَ دُكْ أَبِنْدَ يَضَغٜىٰ، حَرْ يَا ثِكَ ݣُونْدُنَ غُواْمَشَا بِيُ؞

²¹ مُتَنٜىٰنْ دَ سُكَثِ كُوَ سُنْ كَيْ مَظَا دُبُو بِيَرْ، بَنْدَ مَاتَادَ يَارَا؞

عِيسَىٰ يَيِ تَڢِيَ عَكَنْ ضُوَ

²² سُنَ غَمَاوَا كٜىٰنَنْ، سَيْ عِيسَىٰ يَسَا أَلْمَجِرَنْسَ سُشِغَ جِضْغٍ ضُوَ دُواْمِنْ سُكُواْمَ ثَنْ غٜىٰڢٜىٰنْ؞ شِے كُوَ يَڟَيَ أَوُرِنْ دُواْمِنْ يَسَلَّمِ تَارُوانْ؞

²³ بَايَنْدَ يَسَلَّمِ تَارُوانْ، سَيْ يَهَوْ كَنْ تُدُ شِے كَطَيْ دُواْمِنْ يَيِ أَدُّعَ؞ حَرْ يَمَّ تَيِ سُواْسَيْ يَنَ ثَنْ شِے كَطَيْ؞

²⁴ أَوَنَّنْ لُواْكَثِ كُوَ جِضْغٍ يَنَ ڟَكِيَرْ تٜىٰكُ، رَاڧُمَنْ ضُوَ سُنَ بُغَشِ، كُمَ إِسْكَ تَنَ غَابَادَسُو؞

²⁵ وَجٜىٰنْ ڧَرْڢٜىٰ عُكُ نَدَرٜىٰ سَيْغَا عِيسَىٰ يَنَ تَاكَاوَ عَكَنْ تٜىٰكُ ذُوَا وُرِنْ أَلْمَجِرَنْسَ؞

²⁶ عَمَّا دَ أَلْمَجِرَنْ سُكَ غَنْ شِ يَنَ تَڢِيَ عَكَنْ تٜىٰكُ، سَيْ سُكَجِڟُواْرُواْ، سُكَثٜىٰ ‏«‏ڢَتَلْوَ ثٜىٰ!‏»‏ سُكَيِ إِيهُ سَبُواْدَ ڟُواْرُواْ؞

²⁷ نَنْ دَ نَنْ سَيْ عِيسَىٰ يَيِ مُسُ مَغَنَ يَثٜىٰ ‏«‏كَدَ كُدَامُ!‏ نِنٜىٰ، كَدَ كُجِڟُواْرُواْ!‏»‏

²⁸ سَيْ بِتْرُسْ يَأَمْسَ مَسَ يَثٜىٰ ‏«‏عُبَنْ‌غِجِ، عِدَنْ كَيْنٜىٰ، كَسَا إِنْ ذُواْ وُرِنْكَ عَكَنْ ضُوً؞»‏

²⁹ عِيسَىٰ يَثٜىٰ ‏«‏ذُواْ مَنَ؞»‏ سَعَنً بِتْرُسْ يَڢِتَ دَغَ جِضْغٍ، يَڢَارَ تَڢِيَ عَكَنْ ضُوَ ذَيْجٜىٰ وُرِنْ عِيسَىٰ؞

³⁰ عَمَّا دَ يَغَ إِسْكَرْ تَيِ ڧَرْڢِے، سَيْ يَجِڟُواْرُواْ يَڢَارَ نُڟٜىٰوَ؞ سَيْ يَيِ إِيهُ، يَثٜىٰ ‏«‏عُبَنْ‌غِجِ، كَثٜىٰثٜىٰنِ!‏»‏

³¹ نَنْ دَ نَنْ سَيْ عِيسَىٰ يَمِيڧَ حَنُّنْسَ يَكَمُواْشِ، يَثٜىٰ مَسَ ‏«‏كَيْ مَيْ ڧَرَمَرْ بَنْ‌غَسْكِيَ، دُوانْمٜىٰ كَيِ شَكَّ؟»‏

³² دَ سُكَ شِغَ جِضْغٍ سَيْ إِسْكَرْ تَدَيْنَ هُورَاوَ؞

³³ وَطَنْدَ سُكٜىٰ ثِكِنْ جِضْغٍ سُكَيِ وَ عِيسَىٰ سُجَّدَ، سُنَ ثٜىٰوَ ‏«‏غَسْكِيَ، كَيْ طَنْ اللَّهْ نٜىٰ؞»‏

عِيسَىٰ يَوَرْكَرْ دَ مَرَسَ لَاڢِيَ أَ جَنِيسَرَتْ

³⁴ دَ سُكَ ڧٜىٰتَرٜىٰ تٜىٰكُنْ، سُكَ سَوْكَ عَيَنْكِنْ جَنِيسَرَتْ؞

³⁵ مُتَنٜىٰنْ غَرِنْ كُوَ سُكَ غَانٜىٰ، أَشٜىٰ، عِيسَىٰ نٜىٰ، سَيْ سُكَ عَيْكَ أَڢَطَا وَكُواْوَ دَيَكٜىٰ أَوَنَّنْ سَاشٜىٰنْ ڧَسَرْ، سُكَ كَٰوُاْ مَسَ دُكَنْ مَرَسَ لَاڢِيَ؞

³⁶ سُكَ ضُواْڧٜىٰشِ سُتَٻَ كُواْ دَ بَاكِنْ رِغَرْسَ؞ دُكَنْ وَطَنْدَ سُكَتَٻَ كُوَ سُكَوَرْكٜىٰ؞