مَلَكَيْ 3 - أَتَّوْرَتْ دَ أَنَّبَاوَا

¹ يَهْوٜىٰهْ مَيْ ضُنْدُنَا يَأَمْسَ يَثٜىٰ ‏«‏غَاشِ، إِنَ غَبْ دَ عَيْكَ مَيْ سَڧُواْنَ دُواْمِنْ يَشِرْيَ مِنِ حَنْيَ، كُمَبَا ظَتُواْ عُبَنْ‌غِجِنْ دَ كُكٜىٰ نٜىٰمَ ذَيْذُواْ هَيْكَلِنْسَ؞ مَيْ سَڧُواْ نَيَرْجٜىٰجٜىٰنِيَ وَنْدَ كُكٜىٰ مَرْمَرِنْسَ، لَلَّيْ يَنَ ذُوَا؞

² عَمَّا وَنٜىٰنٜىٰ ذَيْ عِيَ جِمْرٜىٰوَ رَانَرْ ذُوَانْسَ، كُمَ وَ ذَيْ عِيَ ڟَيَاوَا سَعَدَّ يَبَيَّنَ؟ غَمَا شِے كَمَرْ وُتَا مَيْنَرْكَ ڧَرْڢٜىٰ نٜىٰ، كُمَ كَمَرْ سَبُلُنْ سُواْدَ نٜىٰ؞

³ ذَيْ كُوَ ذَوْنَ يَيِ شَرِيعَ كَمَرْ مَيْ تَثٜىٰ أَظُرْڢَا يَڟَبْتَثٜىٰتَ؞ شِينٜىٰ ذَيْ ڟَبْتَثٜىٰ ذُرِيَرْ لَوِ يَكُمَ تَاثٜىٰسُ كَمَرْ ظِينَارِيَ دَ أَظُرْڢَا، حَرْ سُمِيڧَ هَدَايُنْسُ غَ يَهْوٜىٰهْ ثِكِنْ أَدَلْثِے؞

⁴ سَعَنً هَدَايُنْ يَهُودَ دَ نَ عُرُوشَلِيمَ ذَاسُ ذَمَ أَبِنْ كَرْٻَ غَ يَهْوٜىٰهْ كَمَرْ ݣُونَكِنْ دَا، كُمَ كَمَرْ يَدَّ دَا يَكٜىٰ كَرْٻَ؞

⁵ سَعَنً ذَنْ مَڟُواْ كُسَدَكُو دُواْمِنْ إِنْيِ شَرِيعَ؞ نَنْ دَنَنْ ذَنْبَادَ شَيْدَ نَتَبَّتَرْ دَ لَيْڢِنْ مَاسُ سِحِرِ دَ نَمَاسُ ظِنَ دَ نَمَاسُ يِنْ ضَنْڟُوَارْ ڧَضْيَا دَ نَمَاسُ دَنّٜىٰ حَكِّنْ لٜىٰبُرُواْرِ دَ نَمَاسُ ثُوتَرْ مَاتَانْدَ مَذَنْسُ سُكَ مُتُ دَ نَمَرَايُ دَ نَمَاسُ كُواْرَرْ بَاڧِ، وَتُواْ وَطَنْدَ بَاسَجِنْ ڟُواْرُواْنَبَ؞ نِے يَهْوٜىٰهْ مَيْ ضُنْدُنَا، نَاڢَطَا؞»‏

كِرَا غَ تُوبَ عَكَنْ بَيٜىٰ بَيٜىٰنْ هَيْكَلِ

⁶ ‏«‏نِے يَهْوٜىٰهْ بَانَ ثَنْجَاوَا؞ سَبُواْدَ حَكَ، كُو ذُرِيَرْ يَعْڧُوبَ، بَكُڧَارٜىٰ طُنْ‌غُمْ بَ؞

⁷ تُنْدَغَ زَامَانِنْ كَاكَنِّنْكُ، كُنْ بَرْ بِنْ ڧَٰعِدُواْدِنَ، بَكُ كُوَ كِيَايٜىٰسُبَ؞ كُجُويُواْ غَرٜىٰنِ، نِے كُوَ ذَنْ كُواْمَ غَرٜىٰكُ،»‏ إِنْجِ يَهْوٜىٰهْ مَيْ ضُنْدُنَا؞ ‏«‏عَمَّا كُنْثٜىٰ، ‏‹‏تَيَيَا ذَامُ كُواْمَ؟›‏

⁸ كُواْ أَݣَويْ مُتُمِنْ دَ ذَيْ عِيَيِ وَ اللَّهْ ثُوتَا؟ دُكْدَهَكَ كُو كُنَيِ مَسَ ثُوتَا!‏ عَمَّا كُنْثٜىٰ، ‏‹‏تَيَيَا ذَامُيِ مَكَ ثُوتَا؟›‏ أَوَجٜىٰنْ زَكَّرْكُ تَ أَمْڢَانِنْ غُواْنَ دَ تَدَبُّواْبِے دَ ذَنْثٜىٰنْ بَايَرْوَ تَيَرْدَرْ رَيْ!‏

⁹ لَعَنَنُّنٜىٰ كُو، دُكَنْ أَلْعُمَّرْكُ، غَمَا كُنَيِ مِنِ ثُوتَا!‏

¹⁰ كُكَٰوُاْ ثِكَكُّنْ بَيٜىٰ بَيٜىٰ نَظَكَّ تَأَمْڢَانِنْ غُواْنَ دَ تَدَبُّواْبِے عَثِكِنْ طَكُنَنْ أَجِيَ، دُواْمِنْ أَ سَامِ عَبِنْثِ عَثِكِنْ غِدَانَ؞ كُڠُودَانِ، ذَاكُغَنِ، ذَنْ بُوطٜىٰ تَغُواْغِنْ سَمَ إِنْظُبُواْ مُكُ أَلْبَرْكُ مَاسُيَوَنْ غَسْكٜىٰ،»‏ إِنْجِ يَهْوٜىٰهْ مَيْ ضُنْدُنَا؞

¹¹ ‏«‏ذَنْكُمَ ڟَاوَتَا وَڢَارَ سَبُواْدَكُو، دُواْمِنْ كَدَ سُلَلَتَرْ دَ أَمْڢَانِنْ ڧَسَرْكُ، كُمَ عِتَتُوَنْ إِنَبِنْكُ ذَاسُبَادَ یَیَ ثِكَكّٜىٰ، إِنْجِنِ يَهْوٜىٰهْ مَيْ ضُنْدُنَا؞

¹² سَعَنً دُكَنْ أَلْعُمَّيْ ذَاسُثٜىٰ دَكُو مَاسُ أَلْبَرْكَ، غَمَا ڧَسَرْكُ ذَاتَذَمَ ڧَسَا مَيْ دَاطِنْ ذَمَ؞ نِے يَهْوٜىٰهْ مَيْ ضُنْدُنَا، نَاڢَطَا؞»‏

نَصَرَرْ مَاسُ غَسْكِيَ أَ ظُوثِ أَ رَانَرْ يَهْوٜىٰهْ

¹³ ‏«‏كُنْڢَطَا مُوغَيٜىٰنْ مَغَنْ‌غَنُ عَكَيْنَ،»‏ إِنْجِ يَهْوٜىٰهْ؞ ‏«‏دُكْدَهَكَ كُنْ ثٜىٰ، ‏‹‏تَيَيَا مُنْيِ مَغَنَرْ غَابَادَكَيْ؟›‏

¹⁴ كُو كُكَثٜىٰ، ‏‹‏أَبِنْ بَنْظَنٜىٰ عَبَوْتَوَ اللَّهْ؞ وَثٜىٰ رِبَثٜىٰ ذَامُ سَامُ تَوُرِنْ كِيَايٜىٰ عُمَرْنَنْسَ، كُواْ عَثٜىٰ مُتَڢِے غَبَنْ يَهْوٜىٰهْ مَيْ ضُنْدُنَا مُنَ مَكُواْكِ؟

¹⁵ يَنْذُ، مُنَ غَنِنْ مَاسُ غِرْمَنْ كَيْ سُونٜىٰ مَاسُ أَلْبَرْكَ، حَرْ مَا مَاسُ عَيْكَتَ مُغُنْتَا بَوَيْ ثِيغَبَ كَوَيْ سُكٜىٰيِبَ، عَمَّا سُكَنْ جَرَّبْثِ اللَّهْ حَرْ سُݣُونَ لَاڢِيَ؞›‏ »‏

¹⁶ سَيْ كُمَ وَطَنْدَ سُكٜىٰ ڟُواْرُوانْ يَهْوٜىٰهْ سُكَيِ مَغَنَ دَ جُونَ، يَهْوٜىٰهْ كُوَ يَكَسَ كُنّٜىٰ يَلُورَ؞ أَغَبَنْسَ كُوَ عَكَ رُبُوتَ لِتَّڢِنْ تُنَاوَا دَ وَطَنْدَ سُكٜىٰ ڟُواْرُوانْ يَهْوٜىٰهْ، سُنَ كُمَيِنْ تُنَانِنْ سُونَنْسَ؞

¹⁷ ‏«‏سُو ذَاسُ ذَمَ نَوَ،»‏ إِنْجِ يَهْوٜىٰهْ مَيْ ضُنْدُنَا؞ ‏«‏ذَاسُ ذَمَ مُتَنٜىٰنَ مَڢِے دَرَجَ أَ رَانَرْدَ نَشِرْيَ، ذَنْكُوَجِ تَوْسَيِنْسُ كَمَرْ يَدَّ مُتُمْ يَكَنْجِ تَوْسَيِنْ طَنْسَ مَيْيِ مَسَ بِيَيَّ؞

¹⁸ سَعَنً ذَاكُ سَاكٜىٰ غَنِنْ بَمْبَنْثِ ڟَكَانِنْ مَيْ أَدَلْثِے دَ مُوغُ، كُمَ ڟَكَانِنْ وَنْدَ يَكٜىٰ بَوْتَاوَ اللَّهْ دَ وَنْدَ بَايَبَوْتَا مَسَ؞»‏