لُكَّ 5 - أَتَّوْرَتْ دَ أَنَّبَاوَاعِيسَىٰ يَكِرَا أَلْمَجِرَنْسَ نَڢَرْكُواْ ﴿ مَتْ 4.18-22 ؛ مَرْ 1.16-20 ﴾ 1 وَتَرَانَ عِيسَىٰ يَنَ ڟَيٜىٰ أَغٜىٰڢٜىٰنْ تٜىٰكُنْ جَنِيسَرَتْ؞ مُتَنٜىٰ سُكَيِ تَمَڟَاوَا كُسَدَشِ دُواْمِنْ سُجِ كَلْمَرْ اللَّهْ؞ 2 عِيسَىٰ يَغَ جِضَاغٜىٰ بِيُ عَ أَجِيٜىٰ عَبَاكِنْ تٜىٰكُنْ؞ مَاسُ كَامُنْ كِيڢِنْ كُوَ سُنْ ڢِتَ سُنَ وَنْكٜىٰ رَاغَرْسُ تَكَامُنْ كِيڢِ؞ 3 سَيْ عِيسَىٰ يَشِغَ طَيَ دَغَ ثِكِنْ جِضَاغٜىٰنْ، وَنْدَ يَكٜىٰ نَ بِتْرُسْ، يَكُمَ ضُواْڧٜىٰشِ يَتُورَ جِضْغٍ ذُوَا ثِكِنْ ضُوَ كَطَنْ؞ سَيْ يَذَوْنَ عَثِكِ يَنَ كُواْيَ وَمُتَنٜىٰ؞ 4 دَ يَغَمَ مَغَنَ، سَيْيَثٜىٰ وَ بِتْرُسْ «كَڧَارَ تُورَ جِضْغٍ ذُوَا عِنْدَ أَݣَويْ ظُرْڢِ، كُسَكِ رَاغَرْ كَامُنْ كِيڢِنْكُ، كُجَٰوُاْ كِيڢِ؞» 5 بِتْرُسْ يَثٜىٰ مَسَ «يَا مَيْغِرْمَ، أَيْ، تُنْدَدَرٜىٰ مُنَ أَنَنْ مُنَ ڢَامَ بَمُ كَامَ كُواْمٜىٰبَ، عَمَّا إِنْكَثٜىٰ حَكَ، تُواْ، ذَنْيِ؞» 6 دَ سُكَسَا رَاغَرْ كَامُنْ كِيڢِنْ، سَيْ سُكَ كَامَ كِيڢِ دَيَوَ حَرْ رَاغَرْ كَامُنْ كِيڢِنْ تَڢَارَ ڟِنْڟِنْكٜىٰوَ؞ 7 غَنِنْ حَكَ، سَيْ سُكَ كِرَا أَبُواْكَنْسُ نَطَيَنْ جِضْغٍ سُذُواْ سُتَيْمَكٜىٰسُ؞ سُكَذُواْ سُكَ ثِثِّكَ جِضَاغٜىٰنْ بِيُ دَ كِيڢِ، حَرْ جِضَاغٜىٰنْ سُكَ كُسَ نُڟٜىٰوَ سَبُواْدَ نَوْيِ؞ 8 دَ بِتْرُسْ يَغَ أَبِنْدَ يَڢَرُ، سَيْ يَدُرْڧُسَ أَغَبَنْ عِيسَىٰ يَثٜىٰ «رَبُ دَنِے، يَا عُبَنْغِجِ! غَمَا نِے مَيْ ذُنُوبِنٜىٰ!» 9 غَمَا شِے دَ وَطَنْدَ سُكٜىٰ تَرٜىٰ دَشِ دُكَ، مَامَاكِ يَكَامَسُ سُواْسَيْ سَبُواْدَ يَوَنْ كِيڢِنَّنْ دَ سُكَ كَامَ، 10 حَكَمَا يَعْڧُوبَ دَ يَحْيَى، یَیَنْ ظَبَدِ، أَبُواْكَنْ عَيْكِنْ بِتْرُسْ؞ سَيْ عِيسَىٰ يَثٜىٰ وَ بِتْرُسْ «كَدَ كَجِڟُواْرُواْ دَغَ يَنْذُ مُتَنٜىٰنٜىٰ ذَاكَ دِنْغَ كَمُواْوَ، بَكِيڢِبَ؞» 11 سَيْ سُكَ جَٰوُاْ جِضَاغٜىٰنْسُ ذُوَا غٜىٰڢٜىٰنْ تٜىٰكُنْ، سُكَ بَرْ كُواْمٜىٰ دَكُواْمٜىٰ سُكَبِے عِيسَىٰ؞ عِيسَىٰ يَڟَبْتَثٜىٰ مَيْ ثُوتَرْ ڢَتَرْ جِكِے ﴿ مَتْ 8.1-4 ؛ مَرْ 1.40-45 ﴾ 12 وَتَرَانَ عِيسَىٰ يَنَ أَوَنِ غَرِ، سَيْغَا وَنِ مُتُمِنْ دَ ثُوتَرْ ڢَتَرْ جِكِے تَثِ ڧَرْڢِنْسَ يَذُواْ؞ دَ غَنِنْ عِيسَىٰ، سَيْ يَدُرْڧُسَ، يَضُواْڧٜىٰشِ، يَنَ ثٜىٰوَ «يَا مَيْغِرْمَ، عِدَنْ كَا يَرْدَ، كَنَ عِيَ كَڟَبْتَثٜىٰنِ إِنْ ذَمَ مَرَرْ ڧَظَنْتَا!» 13 عِيسَىٰ يَمِيڧَ حَنُّنْسَ يَتَٻَشِ، يَنَ ثٜىٰوَ «نَيَرْدَ، نَڟَبْتَثٜىٰكَ، كَا ذَمَ مَرَرْ ڧَظَنْتَا!» نَنْ دَنَنْ، سَيْ ثُوتَرْ ڢَتَرْ جِكِنْسَ تَبَرْ شِ؞ 14 سَيْ عِيسَىٰ يَعُمَرْثٜىٰشِ يَثٜىٰ «كَدَ كَغَيَوَ كُواْوَ، عَمَّا كَجٜىٰ كَنُونَ كَنْكَ أَوُرِنْ ڢِرِسْتِ، كَكُمَيِ هَدَايَ كَمَرْ يَدَّ مُوسَٰى يَثٜىٰ عَيِ دُوانْ ڟَبْتَثٜىٰوَ؞ كَيِ حَكَ دُوانْ كَتَبَّتَرْ وَجَمَعَ ثٜىٰوَ أَنْڟَبْتَثٜىٰكَ؞» 15 عَمَّا دُكْدَهَكَ سَيْ غَبَ غَبَ لَابَرِنْ عِيسَىٰ يَكٜىٰ تَيِ، مُتَنٜىٰ دَيَوَ سُكَ دِنْغَ ذُوَا دُواْمِنْ سُجِيشِ، سُنَ نٜىٰمَنْ وَرْكٜىٰوَ دَغَ دُكَنْ ثُوتُتُّكَنْسُ؞ 16 عَمَّا عِيسَىٰ يَكَنْ تَڢِے وَنِ وُرِنْ دَ بَابُ كُواْوَ دُواْمِنْ يِنْ أَدُّعَ؞ عِيسَىٰ يَوَرْكَرْ دَ شَنْيَيّٜىٰ ﴿ مَتْ 9.1-8 ؛ مَرْ 2.1-12 ﴾ 17 وَتَرَانَ عِيسَىٰ يَنَ كُواْيَرْوَا سَيْ وَطَنْسُ ڢَرِسِيَاوَا دَ مَلَمً كُواْيَرْوَرْ مُوسَٰى وَطَنْدَ سُكَذُواْ دَغَ كُواْوَنٜىٰ ڧَوْيٜىٰ دَيَكٜىٰ عَيَنْكِنْ غَلِيلِ دَ نَ يَهُودِيَ دَ كُمَ دَغَ بِرْنِنْ عُرُوشَلِيمَ، سُنَ ظَوْنٜىٰ أَوُرِنْ؞ إِيكُوانْ عُبَنْغِجِ كُوَ يَنَ تَرٜىٰ دَشِ دُواْمِنْ يَوَرْكَرْدَ مَاسُثِيوُاْ؞ 18 أَنَانً سَيْغَا وَطَنْسُ مُتَنٜىٰ سُنْ كَٰوُاْ وَنِ شَنْيَيّٜىٰ ݣُونْثٜىٰ عَكَنْ تَبَرْمَ؞ سُنَ ڧُواْڧَرِ سُكَيْشِ ثِكِنْ غِدَا دُواْمِنْ سُݣُونْتَرْ دَشِ أَغَبَنْ عِيسَىٰ، 19 عَمَّا بَسُ سَامِ حَنْيَبَ سَبُواْدَ يَوَنْ مُتَنٜىٰ؞ دَسُكَغَ بَابُ دَامَ، سَيْ سُكَ هَوْ كَنْ رُڢِنْ طَاكِنْ، سُكَ ٻَلّٜىٰ رُڢِنْ سُكَ سَوْكَرْ دَشِ دُكْ دَ تَبَرْمَرْ دَيَكٜىٰ ݣُونْثٜىٰ عَكَيْ، سُكَ أَجِيٜىٰشِ أَڟَكِيَرْ مُتَنٜىٰ أَغَبَنْ عِيسَىٰ 20 دَ عِيسَىٰ يَغَ بَنْغَسْكِيَرْسُ، سَيْيَثٜىٰ وَمُتُمِنْ دَيَكٜىٰ ݣُونْثٜىٰ «أَنْ غَاڢَرْتَا مَكَ ذُنُبَنْكَ، أَبُواْكِينَ؞» 21 مَلَمً كُواْيَرْوَرْ مُوسَٰى تَرٜىٰدَ ڢَرِسِيَاوَا سُكَ ڢَارَثٜىٰ وَجُونَنْسُ «وَنٜىٰنٜىٰ وَنَّنْ دَ يَكٜىٰيِنْ مَغَنَرْ صَاٻُواْ وَ اللَّهْ حَكَ! اللَّهْ نٜىٰ كَطَيْ يَكٜىٰدَ إِيكُواْ يَغَاڢَرْتَ ذُنُبَيْ!» 22 دَ عِيسَىٰ يَغَانٜىٰ أَبِنْدَ سُكٜىٰ تُنَانِ، سَيْيَثٜىٰ مُسُ «دُوانْمٜىٰ كُكٜىٰ وَنَّنْ تُنَانِ؟ 23 وَنّٜىٰ يَڢِ سَوْڧِ، عَثٜىٰ، ‹أَنْغَاڢَرْتَا مَكَ ذُنُبَنْكَ،› كُواْ كُوَ عَثٜىٰ، ‹تَاشِ، كَيِ تَڢِيَ›؟ 24 عَمَّا إِنَ سُواْ كُسَنِ ثٜىٰوَ طَنْ مُتُمْ يَنَدَ إِيكُواْ يَغَاڢَرْتَ ذُنُبَيْ عَدُونِيَا؞» سَيْ يَثٜىٰوَ شَنْيَيّٜىٰنْ «نَثٜىٰمَكَ، تَاشِ، كَطَوْكِ تَبَرْمَرْكَ كَتَڢِے غِدَا!» 25 نَنْ دَنَنْ مُتُمِنَّنْ يَتَاشِ أَعِدُوانْ كُواْوَ، يَطَوْكِ تَبَرْمَرْدَ دَا يَكٜىٰ ݣُونْثٜىٰ عَكَيْ، يَتَڢِے غِدَا، يَنَ يَبُوانْ اللَّهْ؞ 26 دُكَنْسُ سُكَ كَامَ بَاكِ سُنَ مَامَاكِ! ثِكٜىٰدَ ڟُواْرُواْ، سُكَ يَبِے اللَّهْ، سُنَ ثٜىٰوَ «يَوْ مُنْ غَ أَبِنْ مَامَاكِ!» عِيسَىٰ يَكِرَا لَوِ ﴿ مَتْ 9.9-13 ؛ مَرْ 2.13-17 ﴾ 27 بَايَنْ حَكَ، عِيسَىٰ يَڢِتَ، يَغَ وَنِ مَيْ كَرْٻَرْ هَرَاجِ مَيْ سُونَ لَوِ، يَنَ ظَوْنٜىٰ أَوُرِنْ كَرْٻَرْ هَرَاجِ؞ سَيْ عِيسَىٰ يَثٜىٰ مَسَ «بِينِ!» 28 سَيْ لَوِ، يَبَرْ كُواْمٜىٰ دَكُواْمٜىٰ، يَتَاشِ يَبِيشِ؞ 29 سَيْ لَوِ يَشِرْيَ بَبَّنْ بِكِ أَغِدَنْسَ، يَكُمَ غَيَّثِ عِيسَىٰ؞ مَاسُ كَرْٻَرْ هَرَاجِ دَيَوَ تَرٜىٰدَ وَطَنْسُ مُتَنٜىٰ سُنَانَنْ سُنَ ثِنْ عَبِنْثِ تَرٜىٰدَسُو؞ 30 عَمَّا ڢَرِسِيَاوَا دَ مَلَمً كُواْيَرْوَرْ مُوسَٰى سُكَ ڢَارَ غُنَغُنِ، سُنَ ثٜىٰوَ أَلْمَجِرَنْ عِيسَىٰ «دُوانْمٜىٰ كُكٜىٰثِ، كُكٜىٰ كُمَ شَا تَرٜىٰدَ مَاسُ كَرْٻَرْ هَرَاجِ دَ مَاسُ ذُنُوبِ؟» 31 عِيسَىٰ يَأَمْسَ مُسُ يَثٜىٰ «مَاسُ لَاڢِيَرْ جِكِے بَاسَ بُڧَاتَرْ لِكِتَ، سَيْدَيْ مَرَسَ لَاڢِيَ؞ 32 بَنْ ذُواْ دُوانْ إِنْكِرَا مَاسُ أَدَلْثِبَ، سَيْدَيْ دُوانْ مَاسُ ذُنُوبِ سُتُوبَ، سُكُمَ ثَنْجَ رَايُوَرْسُ؞» تَمْبَيَ عَكَنْ يِنْ أَظُمِ ﴿ مَتْ 9.14-17 ؛ مَرْ 2.18-22 ﴾ 33 وَطَنْسُ سُكَثٜىٰ وَ عِيسَىٰ «أَلْمَجِرَنْ يَحْيَى سُكَنْيِ أَظُمِ عَكَيْ عَكَيْ سُكَنْ كُمَيِ أَدُّعَ، حَكَمَا نَ ڢَرِسِيَاوَا، عَمَّا نَاكَ سَيْثِ دَ شَا سُكٜىٰيِ كُلُّمْ؞» 34 سَيْ عِيسَىٰ يَأَمْسَ مُسُ يَثٜىٰ «كُنَ ڟَمَّنِ ذَاكُ عِيَ حَنَ أَبُواْكَنْ أَنْغُواْ عَبِنْثِ، إِنْ سُنَ تَرٜىٰدَ أَنْغُوانْ؟ 35 لُواْكَثِ يَنَ ذُوَا دَ ذَاعَ طَوْكِ أَنْغُوانْ عَبَرْسُ؞ تُواْ، أَلُواْكَثِنْ نٜىٰ ذَاسُيِ أَظُمِ؞» 36 سَيْ عِيسَىٰ يَبَاسُ وَنِ مِصَالِ يَثٜىٰ «بَاوَنْدَ ذَيْ يَاغٜىٰ ڨَلّٜىٰ دَغَ سَابُوَرْ رِغَا يَايِ وَڟُواْهُوَرْ رِغَا ڢَاثِ دَشِ؞ عِدَنْ يَا يِهَكَ، سَيْ يَذَمَ يَنَطٜىٰ سَابُوَرْ رِغَرْسَ، كُمَ ڢَاثِنْ بَذَيْ يِوَڟُواْهُوَرْ رِغَرْ ݣَوْبَ؞ 37 كُمَ بَاوَنْدَ ذَيْ ظُبَ سَابُوانْ ضُوً إِنَبِے عَثِكِنْ ڟُواْڢَڢِّنْ سَلْكُنَ؞ عِدَنْ يَا يِهَكَ، سَيْ سَابُوانْ ضُوً إِنَبِے يَڢَرْڢَشٜىٰ سَلْكُنَنْ ضُوً إِنَبِنْ يَظُبٜىٰ سَلْكُنَ كُمَ سُلَلَثٜىٰ؞ 38 سَابُوانْ ضُوً إِنَبِے دَيْ سَيْ أَ ظُبَ شِ عَثِكِنْ سَابَبِّنْ سَلْكُنَ! 39 بَاوَنْدَ ذَيْسُواْ شَنْ سَابُوانْ ضُوً إِنَبِے بَايَنْدَ يَشَا ڟُواْهُوانْ؞ أَيْ، يَكَنْثٜىٰ ڟُواْهُوانْ يَڢِ دَاطِے!» |
Hausa Common Language Ajami Bible © The Bible Society of Nigeria, 2020
Bible Society of Nigeria