لُكَّ 4 - أَتَّوْرَتْ دَ أَنَّبَاوَاشَيْطَنْ يَا ڠُودَ عِيسَىٰ ﴿ مَتْ 4.1-11 ؛ مَرْ 1.12-13 ﴾ 1 عِيسَىٰ يَدَاوُاْ دَغَ كُواْغِنْ يُواْدَنْ ثِكٜىٰ دَ رُوحُ مَيْ ڟَرْكِے؞ رُوحُ كُوَ يَ إِظَشِ ذُوَا ثِكِنْ دَاجِ، 2 عِنْدَ شَيْطَنْ يَڠُودَاشِ حَرْ ݣُونَ أَرْبَعِنْ؞ عَڧَرْشٜىٰنْ وَنَّنْ لُواْكَثِ، سَيْ يُنْوَ تَكَامَشِ، دُوانْ بَيْ ثِكُواْمٜىٰبَ؞ 3 سَيْ شَيْطَنْ يَثٜىٰمَسَ «عِدَنْ كَيْ طَنْ اللَّهْ نٜىٰ، كَاعُمَرْثِ وَنَّنْ دُوڟٜىٰ يَذَمَ غُرَاسَ؞» 4 عِيسَىٰ يَأَمْسَ مَسَ يَثٜىٰ «أَرُبُوثٜىٰ يَكٜىٰ عَثِكِنْ مَغَنَرْ اللَّهْ ثٜىٰوَ « ‹بَ دَ عَبِنْثِ كَطَيْ مُتُمْ ذَيْ رَايُبَ؞› » 5 دَغَ نَنْ، شَيْطَنْ يَكَيْ شِ وَنِ وُرِے مَيْ ڟَيِ سُواْسَيْ، يَنُونَ مَسَ دُكَنْ مُلْكُواْكِنْ دُونِيَا عَثِكِنْ طَنْ لُواْكَثِ؞ 6 شَيْطَنْ يَثٜىٰ مَسَ «ذَنْ بَاكَ إِيكُواْ عَكَنْ دُكَنْ وَطَنَّنْ دَ دُكْ طَوْكَكَرْسُ، غَمَا دُكَنْ وَطَنَّنْ أَنْبَانِسُ؞ كُمَ ذَنْعِيَ بَايَرْ وَدُكْ وَنْدَ نَكٜىٰسُواْ إِنْبَاشِ؞ 7 دُكَنْ وَنَّنْ ذَيْ ذَمَ نَاكَ عِدَنْ دَيْ كَيِ مِنِ سُجَّدَ؞» 8 عِيسَىٰ يَثٜىٰ مَسَ «أَ رُبُوثٜىٰ يَكٜىٰثٜىٰوَ « ‹كَيِ وَ عُبَنْغِجِ اللَّهْ نْكَ سُجَّدَ، كُمَ شِے كَطَيْ ذَاكَ بَوْتَا مَسَ!› » 9 سَيْ شَيْطَنْ يَطَوْكٜىٰشِ ذُوَا عُرُوشَلِيمَ، يَكَيْ شِ ثَنْ بِسَ هَيْكَلِ، يَثٜىٰ مَسَ «عِدَنْ كَيْ طَنْ اللَّهْ نٜىٰ، كَيِ ڟَلّٜىٰ دَغَ نَنْ كَڢَاطَ ڧَسَا؞ 10 غَمَا أَرُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ « ‹ذَيْبَادَ عُمَرْنِ غَ مَلاَىِٕكُنْسَ غَمٜىٰدَكَيْ سُڟَرٜىٰكَ؞ 11 ذَاسُ كُمَ تَرٜىٰكَ دَ حَنُّوَنْسُ دُواْمِنْ كَدَ كَبُغَ ڧَڢَرْكَ أَدُوڟٜىٰ؞› » 12 عَمَّا عِيسَىٰ يَثٜىٰ مَسَ «أَ رُبُوثٜىٰ يَكٜىٰ كُمَ ثٜىٰوَ « ‹كَدَ كَڠُودَ عُبَنْغِجِ اللَّهْ نْكَ؞› » 13 دَ شَيْطَنْ يَغَمَ ڠُودَ عِيسَىٰ عَتَكُواْوَنٜىٰ غٜىٰڢٜىٰ، سَيْ يَبَرْشِ نَطَنْ لُواْكَثِ؞ عِيسَىٰ يَڢَارَ حِدِمَرْسَ أَ غَلِيلِ ﴿ مَتْ 4.12-17 ؛ مَرْ 1.14-15 ﴾ 14 سَيْ عِيسَىٰ يَكُواْمَ غَلِيلِ، إِيكُوانْ رُوحُ مَيْ ڟَرْكِے كُمَ يَنَ تَرٜىٰ دَشِ؞ لَابَرِنْسَ يَكَيْ كُواْعِنَ عَكٜىٰوَيٜىٰنْ؞ 15 يَيِ تَكُواْيَرْوَا أَ مَجَمِعُنْسُ، كُواْوَ يَنَ تَيَبُوانْسَ؞ أَنْ ڧِ عِيسَىٰ أَ نَظَرٜىٰتْ ﴿ مَتْ 13.53-58 ؛ مَرْ 6.1-6 ﴾ 16 دَغَ نَنْ سَيْ عِيسَىٰ يَذُواْ نَظَرٜىٰتْ، عِنْدَ يَيِ غِرْمَ؞ يَشِغَ مَجَمِعَ أَ رَانَرْ هُوتُ تَمَكُواْ كَمَرْ يَدَّ يَسَابَا؞ يَتَاشِ ذَيْ يِكَرَاتُ كٜىٰنَنْ، 17 سَيْ عَكَ مِيڧَ مَسَ لِتَّڢِنْ أَنَّبِے عِشَايَ؞ يَكُنْثٜىٰ لِتَّڢِنْ يَنٜىٰمِ يَكُمَ سَامِ وُرِنْ دَ عَكَ رُبُوتَ ثٜىٰوَ 18 «رُوحٌ عُبَنْغِجِ يَنَ عَكَيْنَ، دُواْمِنْ يَكٜىٰٻٜىٰنِ إِنْ كَٰوُاْ وَمَتَلَوْتَ لَابَرِ مَيْ دَاطِے؞ يَعَيْكٜىٰنِ إِنْيِ شٜىٰلَ ثٜىٰوَ وَطَنْدَ سُكٜىٰ أَطَوْرٜىٰ ذَاعَ سَكٜىٰسُ، مَكَڢِ ذَاسُ سَامِ غَنِنْ غَرِ، وَطَنْدَ عَكَ دَنّٜىٰ ذَاسُ سَامِ یَنْثِ؞ 19 إِنْ كُمَيِ شٜىٰلَرْ وَكُواْوَ ثٜىٰوَ لُواْكَثِ يَيِ دَ عُبَنْغِجِ ذَيْثٜىٰثِ مُتَنٜىٰنْسَ؞» 20 دَ يَغَمَ كَرَاتُنْ، سَيْ يَنَطٜىٰ لِتَّڢِنْ يَبَا مَيْ لُورَ دَ مَجَمِعَرْ يَذَوْنَ؞ دُكَنْ مُتَنٜىٰنْ دَسُكٜىٰ أَ مَجَمِعَرْ، سُكَ ظُبَ مَسَ عِدُواْ، 21 سَيْيَثٜىٰ مُسُ «وَنَّنْ رُبُوتَثِّيَرْ مَغَنَرْ اللَّهْ تَثِكَ عَكُنّٜىٰنْكُ عَيَوْ؞» 22 دُكَنْسُ دَسُكٜىٰ وُرِنْ سُكَجِ دَاطِنْسَ سُنَ تَمَامَاكِنْ كَلْمُواْمِ مَاسُ ݣَوْ دَسُكٜىٰ ڢِتُواْوَ دَغَ بَاكِنْسَ، سُنَ تَتَمْبَيَ، سُنَ ثٜىٰوَ «أَنْيَ، وَنَّنْ بَطَنْ يُوسُڢَ بَنٜىٰ؟» 23 عِيسَىٰ يَثٜىٰ مُسُ «نَا سَنِ ذَاكُ غَيَ مِنِ كَرِنْ مَغَنَرْ نَنْ، ‹لِكِتَ، كَوَرْكَرْ دَكَنْكَ؞› ذَاكُ كُمَ ثٜىٰمِنِ، ‹كَيِ أَبُبُوَنْ دَ مُكَجِ كَيِ أَ كَڢَرْنَهُمْ أَنَنْ غَرِنْكَ مَنَ؞› » 24 يَسَاكٜىٰ ثٜىٰمُسُ «حَڧِيڧَ، إِنَ غَيَ مُكُ، بَا أَنَّبِنْدَ عَكَنْ يَرْدَ دَشِ أَغَرِنْسَ»؞ 25 «عَمَّا غَسْكِيَ إِنَ غَيَ مُكُ، أَ زَامَانِنْ أَنَّبِے إِلْيَاسُ، أَݣَويْ مَاتَنْدَ مَذَنْسُ سُكَ مُتُ دَيَوَ عَ إِسْرَٰٓءِيلَ، سَعَدَّ ضُوً سَمَ يَڧِ ذُوَا حَرْ شٜىٰكَرَا عُكُ دَ وَتَا شِدَ، عَكَ كُمَيِ مُوغُوَرْ يُنْوَ كُواْعِنَ عَڧَسَرْ؞ 26 عَمَّا بَعَ عَيْكُواْ دَ أَنَّبِے إِلْيَاسُ ذُوَا وُرِنْ كُواْ طَيَ دَغَ ثِكِنْسُبَ؞ أَيْ، ذُوَا وُرِنْ وَتَ مَثٜىٰنْ دَ مِجِنْتَ يَمُتُ أَ ظَرٜىٰڢَتْ دَيَكٜىٰ عَيَنْكِنْ سِدُوانْ نٜىٰ عَكَ عَيْكٜىٰشِ؞ 27 أَ لُواْكَثِنْ أَنَّبِے أَلْيَسَعَ كُمَ أَݣَويْ كُتَرٜىٰ وَتُواْ، مَاسُ ثُوتَرْ ڢَتَرْ جِكِے دَيَوَ عَ إِسْرَٰٓءِيلَ، عَمَّا بَعَڟَبْتَثٜىٰ كُواْ طَيَ دَغَ ثِكِنْسُبَ، سَيْ نَعَمَنْ مُتُمِنْ ڧَسَرْ سُورِيَ نٜىٰ كَطَيْ عَكَ وَرْكَرْ؞» 28 دَمُتَنٜىٰنْ دَسُكٜىٰ ثِكِنْ مَجَمِعَ سُكَجِ وَنَّنْ مَغَنَ، سَيْ هَوْشِ يَكَامَسُ دُكَ؞ 29 سُكَتَاشِ سُكَ ڢِتَرْدَ عِيسَىٰ بَايَنْ غَرِ، حَرْ سُكَ كَيْشِ كَنْ تُدُنْ دَ عَكَغِنَ غَرِنْسُ عَكَيْ؞ سُنْ سُواْ سُتُورَشِ يَڢَاطِ دَغَ كَنْ تُدُنْ، 30 عَمَّا سَيْ يَبِے تَثِكِنْسُ يَيِ تَڢِيَرْسَ؞ مَيْ ڧَظَمِنْ رُوحُ ﴿ مَرْ 1.21-28 ﴾ 31 سَيْ يَتَڢِے كَڢَرْنَهُمْ، وَنِ غَرِ عَثِكِنْ غَلِيلِ؞ أَ نَنْ يَشِغَ مَجَمِعَ أَ رَانَرْ هُوتُ تَمَكُواْ يَنَ كُواْيَرْ دَسُو؞ 32 سُكَيِ تَمَامَاكِنْ كُواْيَرْوَرْسَ، دُواْمِنْ مَغَنَرْسَ تَنَدَ إِيكُواْ؞ 33 عَثِكِنْ مَجَمِعَرْ، أَݣَويْ وَنِ مُتُمْ مَيْ ڧَظَامِنْ رُوحُ؞ سَيْ يَتَادَ مُرْيَ دَ ڧَرْڢِے يَثٜىٰ، 34 «وَيُّواْ! إِنَا ضُوَنْكَ دَمُو، عِيسَىٰ مُتُمِنْ نَظَرٜىٰتْ؟ كُواْ كَظُواْنٜىٰ كَهَلَكَامُ؟ نَسَنْ وَنٜىٰنٜىٰ كَيْ، كَيْنٜىٰ مَيْ ڟَرْكِنَّنْ نَ اللَّهْ!» 35 عِيسَىٰ يَڟَاوَتَاوَ أَلْجَنِنْ يَثٜىٰ «كَيِ شِضُ، كَڢِتَ دَغَ جِكِنْ مُتُمِنَّنْ!» سَيْ أَلْجَنِنْ يَطَغَ مُتُمِنْ، يَبُغَشِ عَڧَسَا أَغَبَنْسُ، سَعَنً يَڢِتَ، يَبَرْ مُتُمِنْ بَا وَنِ ثِيوُاْ؞ 36 سَيْ دُكَنْ مُتَنٜىٰ سُكَ كَامَ بَاكِ كَوَيْ، سُنَ ثٜىٰ وَجُونَنْسُ «وَنٜىٰ إِرِنْ أَبُنٜىٰ حَكَ؟ دَ ڧَرْڢِے دَ إِيكُواْ وَنَّنْ مُتُمْ يَعُمَرْثِ ڧَظَامَنْ رُوحُواْحِ حَرْ سُنْ ڢِتَ!» 37 وَنَّنْ أَبِنْدَ عِيسَىٰ يَيِ، يَسَا أَنْبَظَ لَابَرِنْسَ كُواْعِنَ عَڧَسَرْ؞ عِيسَىٰ يَوَرْكَرْ دَ مُتَنٜىٰ دَيَوَ ﴿ مَتْ 8.14-17 ؛ مَرْ 1.29-34 ﴾ 38 عِيسَىٰ يَڢِتَ دَغَ مَجَمِعَرْ، يَتَڢِے غِدَنْ سِيمَنْ؞ مَامَرْ مَاتَرْ سِيمَنْ كُمَ بَاتَدَ لَاڢِيَ، ظَظْذَاٻِ يَدَامٜىٰتَ سُواْسَيْ؞ سُكَ ضُواْڧِ عِيسَىٰ يَوَرْكَرْدَ عِتَ؞ 39 يَجٜىٰ يَڟَيَ كُسَدَ غَدُوانْتَ يَعُمَرْثِ ظَظْذَاٻِنْ يَبَرْتَ؞ نَنْ تَكٜىٰ ظَظْذَاٻِنْ يَبَرْتَ، تَكُمَ تَاشِ، تَيِمُسُ حِدِمَ؞ 40 دَ رَانَ تَڢَاطِ، كُواْوَ دَ يَكٜىٰدَ أَبُواْكِ مَيْ رَشِنْ لَاڢِيَ دَ كُواْوَنٜىٰ إِرِنْ ثِيوُاْ، سُكَ كَٰوُاْسُ وُرِنْ عِيسَىٰ؞ شِ كُمَ يَتَٻَ كُواْوَنّٜىٰنْسُ دَ حَنُّ يَوَرْكَرْ دَسُو دُكَ؞ 41 أَلْجَنُ كُمَ سُكَ ڢِتَ دَغَ جِكِنْ مُتَنٜىٰ دَيَوَ سُنَ إِيهُ سُنَ ثٜىٰوَ «كَيْ طَنْ اللَّهْ نٜىٰ!» عَمَّا عِيسَىٰ يَڟَاوَتَا مُسُ، يَهَنَاسُ مَغَنَ، سَبُواْدَ سُنْ سَنْ ثٜىٰوَ شِينٜىٰ أَلْمَسِيحُ؞ عِيسَىٰ يَيِ وَعَظِ أَمَجَمِعُ ﴿ مَرْ 1.35-39 ﴾ 42 دَ غَرِ يَوَايٜىٰ سَيْ عِيسَىٰ يَبَرْ غَرِنْ يَجٜىٰ عِنْدَ بَا كُواْوَ؞ مُتَنٜىٰ سُكَيِ تَنٜىٰمَنْسَ، حَرْ سُكَ سَامٜىٰشِ؞ سُكَيِ ڧُواْڧَرِ سُهَنَشِ ذُوَا وَنِ وُرِے كُمَ، 43 عَمَّا يَثٜىٰ مُسُ «يَا كَمَاتَ إِنْ كَيْ لَابَرِ مَيْ دَاطِے نَمُلْكٍ اللَّهْ غَ وَطَنْسُ غَرُرُوَ، غَمَا سَبُواْدَ وَنَّنْ دَلِيلِنْ نٜىٰ عَكَ عَيْكُواْ نِے؞» 44 سَيْ يَيِتَيِنْ وَعَظِ أَ مَجَمِعُنْ يَنْكِنْ يَهُودِيَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria