لُكَّ 24 - أَتَّوْرَتْ دَ أَنَّبَاوَاتَاشِنْ عِيسَىٰ دَغَ مَتَتُّو ﴿ مَتْ 28.1-10 ؛ مَرْ 16.1-8 ؛ يَحـ 20.1-10 ﴾ 1 دَ سَسَّڢٜىٰ رَانَرْ ڢَرْكُواْ تَمَكُواْ، مَاتَنْ سُكَجٜىٰ كَبَرِنْ دَ كَايَنْ ڧَنْشِنْ دَ سُكَ شِرْيَ؞ 2 سَيْ سُكَ سَامِ أَنْرِغَا أَنْتُرٜىٰ دُوڟٜىٰنْ دَغَ بَاكِنْ كَبَرِنْ؞ 3 سُكَ شِغَ ثِكِ، عَمَّا بَسُغَ جِكِنْ عُبَنْغِجِ عِيسَىٰ بَ؞ 4 تُنْ سُنَ ثِكِنْ دَامُوَ عَكَنْ وَنَّنْ، سَيْغَا وَطَنْسُ مُتُمْ بِيُ ڟَيٜىٰ كُسَدَسُو، سُنَ سَنْيٜىٰدَ ڢَرَرٜىٰنْ رِيغُنَ مَاسُ حَصْكٜىٰ سُواْسَيْ؞ 5 ثِكٜىٰدَ ڟُواْرُواْ، مَاتَانْ سُكَ سُنْكُيَرْدَ كَنْسُ عَڧَسَا؞ مُتَنٜىٰنْ سُكَثٜىٰمُسُ «دُوانْمٜىٰ كُكٜىٰ نٜىٰمَنْ مَيْ رَيْ ثِكِنْ وَطَنْدَ سُكَ مُتُ؟ 6 بَايَ نَنْ، يَتَاشِ؞ كُتُنَ دَ أَبِنْدَ يَغَيَ مُكُ تُنْ يَنَ غَلِيلِ؞ 7 يَثٜىٰ، ‹لَلَّيْ نٜىٰ عَبَادَ طَنْ مُتُمْ أَهَنُّنْ مُتَنٜىٰ مَاسُ ذُنُوبِ، أَغِثِّيٜىٰشِ، أَ رَانَ تَ عُكُ كُمَ يَتَاشِ؞› » 8 سَيْ مَتَنْ سُكَ تُنَ دَ مَغَنَرْسَ؞ 9 دَسُكَ دَاوُاْ دَغَ كَبَرِنْ، سَيْ سُكَ ڢَطَا وَشَا طَيَنَّنْ دَ سَوْرَنْ مُتَنٜىٰ دُكَنْ وَطَنَّنْ أَبُبُوَ؞ 10 مَاتَنْ دَ سُكَ غَيَ وَمَنْظَنِّنْ وَطَنَّنْ أَبُبُوَ كُوَ سُونٜىٰ مَرْيَمُ دَغَ مَغَدَلَ دَ يُواْوَنَ دَ مَرْيَمُ مَامَرْ يَعْڧُوبَ دَ وَطَنْسُ مَاتَنْ دَسُكٜىٰ تَرٜىٰدَسُو؞ 11 عَمَّا مَنْذَنِّےنْ سُكَ طَوْكِ مَغَنَرْ مَاتَنَّنْ وَنِ ذَنْثٜىٰنْ بَنْظَنٜىٰ كَوَيْ، دُواْمِنْ حَكَ بَسُ غَسْكَتَبَ؞ 12 عَمَّا بِتْرُسْ يَتَاشِ وُڢْ! يَجٜىٰ وُرِنْ كَبَرِنْ دَغُدُ؞ يَسُنْكُيَ، يَلٜىٰڧَ ثِكِ، يَغَ يَدِنْ لِيلِنْ عَ أَجِيٜىٰ أَغٜىٰڢٜىٰ طَيَ؞ سَيْ يَكُواْمَ غِدَا يَنَ مَامَاكِنْ أَبِنْدَ يَڢَرُ؞ أَهَنْيَرْ إِمَوُسْ ﴿ مَرْ 16.12-13 ﴾ 13 أَوَنَّنْ رَانَرْ كُمَ بِيُ دَغَ ثِكِنْ مَاسُبِنْ عِيسَىٰ سُنَ تَڢِيَ ذَاسُجٜىٰ وَنِ ڧَوْيٜىٰنْدَ عَكٜىٰثٜىٰ دَشِ إِمَوُسْ، وَنْدَ نِيسَنْسَ دَغَ عُرُوشَلِيمَ يَكَيْ مِصَالِنْ كِلُواْمِتَ غُواْمَشَا طَيَ؞ 14 سُنَ تَطِ دَ جُونَ عَكَنْ دُكَنْ أَبُبُوَنْ دَ سُكَ ڢَرُ؞ 15 سُنَ ثِكِنْ تَطِ سُنَ تَتَّوْنَ كٜىٰنَنْ، سَيْ عِيسَىٰ دَ كَنْسَ يَجَا كُسَ يَنَ تَڢِيَ دَسُو؞ 16 عَمَّا أَنْرُڢٜىٰ مُسُ عِدَنُونْسُ، حَرْ بَسُغَانٜىٰ شِيبَ؞ 17 سَيْ يَثٜىٰمُسُ «وَنٜىٰ تَطِ كُكٜىٰيِ حَكَ دَ جُونَ كُنَ تَڢِيَ؟» سَيْ سُكَ ڟَيَ ثِكْ، ڢُسْكُواْكِنْسُ عَٻَثٜىٰ؞ 18 طَيَ دَغَ ثِكِنْسُ، مَيْ سُونَ كِلِيُواْبَسْ، يَأَمْسَ مَسَ يَثٜىٰ «أَشٜىٰ، كَيْ كَطَيْنٜىٰ بَڧُواْ أَ عُرُوشَلِيمَ دَ بَكَسَنْ أَبُبُوَنْ دَ سُكَ ڢَرُ عَكْوَانَ ݣُونَنَّنْبَ؟» 19 سَيْ يَثٜىٰ مُسُ «وَطَنّٜىٰ أَبُبُوَ؟» سُكَثٜىٰ مَسَ «أَبُبُوَنْدَ سُكَ ڢَرُ دَ عِيسَىٰ بَنَظَرٜىٰتْ؞ شِے كُوَ أَنَّبِنٜىٰ مَيْ إِيكُواْ ثِكِنْ أَيُّكَ دَ مَغَنَ أَغَبَنْ اللَّهْ دَ دُكَنْ مُتَنٜىٰ، 20 وَنْدَ كُمَ مَنْيَنْ ڢِرِسْتُواْثِے دَ شُوغَبَنِّنْمُ سُكَ بَادَشِ عَيِ مَسَ حُكُنْثِنْ مُتُوَ، سُكَ كُوَ غِثِّيٜىٰشِ؞ 21 دَا مُنَسَا ذُوثِيَا ثٜىٰوَ شِينٜىٰ ذَيْ ڢَنْشِ إِسْرَٰٓءِيلَ! غَاشِ، يَوْ ݣُونَ عُكُ كٜىٰنَنْ تُنْدَ وَنَّنْ أَبِنْ يَڢَرُ؞ 22 بَنْدَ حَكَمَا وَطَنْسُ مَاتَا عَثِكِنْمُ سُنْبَامُ مَامَاكِ؞ غَمَا سُنْجٜىٰ كَبَرِنْ دَ سَسَّڢٜىٰ، 23 عَمَّا بَسُسَامِ جِكِنْسَبَ؞ سَيْ سُكَ دَاوُاْ سُكَثٜىٰ أَنْيِمُسُ رُعُيَ، سُنْغَ مَلاَىِٕكُ وَطَنْدَ سُكَثٜىٰ يَنَدَ رَيْ؞ 24 وَطَنْسُ عَثِكِنْمُ مَا سُكَجٜىٰ كَبَرِنْ سُكَ كُمَ سَامِ أَبِنَّنْ كَمَرْ دَيْ يَدَّ مَاتَنْ سُكَ ڢَطَا، عَمَّا شِے طِنْ بَسُ غَنْشِيبَ؞» 25 سَيْ عِيسَىٰ يَثٜىٰمُسُ «حَبَ، كُو مَرَسَ تُنَانِ، بَاكُ دَ سَوْرِنْ غَسْكَتَاوَا غَمٜىٰدَ أَبِنْدَ أَنَّبَاوَا سُكَ ڢَطَا! 26 أَشٜىٰ، بَدُواْلٜىٰنٜىٰ أَلْمَسِيحُ يَشَا وَطَنَّنْ وَهَلُواْلِبَ، يَكُمَ شِغَ طَوْكَكَرْسَ؟» 27 سَيْ يَبَيَّنَ مُسُ دُكْ أَبِنْدَ رُبُوتَثِّيَرْ مَغَنَرْ اللَّهْ سُنْ ڢَطَا عَكَنْسَ دَغَ كُواْيَرْوَرْ مُوسَٰى حَرْ ذُوَا لِتَّتَّڢَنْ أَنَّبَاوَا دُكَ؞ 28 دَ سُكَيِ كُسَدَ ڧَوْيٜىٰنْدَ ذَاسُ، سَيْ عِيسَىٰ يَيِ كَمَرْ ذَيْ وُثٜىٰ، 29 عَمَّا سُكَ مَاڟَ مَسَ سُكَثٜىٰ «ذَوْنَ دَمُو، أَيْ، يَمَّ تَيِ، غَا رَانَ دُكْ تَڢَاطِ؞» سَيْ يَبِيسُ يَسَوْكَ أَوُرِنْسُ؞ 30 دَ سُكَ ذَوْنَ ذَاسُثِ عَبِنْثِ، سَيْ يَطَوْكِ غُرَاسَ يَيِ غُواْدِيَ، يَكَكَّرْيَ يَبَاسُ؞ 31 نَنْ دَ نَنْ سَيْ عِدَنُونْسُ سُكَ بُوطٜىٰ، سُكَ كُمَ غَانٜىٰشِ؞ عَمَّا سَيْ يَٻَثٜىٰمُسُ؞ 32 سُكَثٜىٰ وَجُونَ «أَشٜىٰ، ذُوثِيَارْمُ بَتَڧُونَبَ لُواْكَثِنْ دَيَكٜىٰ مَغَنَ دَمُو أَهَنْيَ، يَنَ بَيَّنَ مَنَ رُبُوتَثِّيَرْ مَغَنَرْ اللَّهْ؟» 33 سُكَتَاشِ نَنْ دَنَنْ سُكَ كُواْمَ عُرُوشَلِيمَ؞ سُكَ سَامِ شَا طَيَنْ تَرٜىٰدَ وَطَنْسُ مُتَنٜىٰ، 34 سُنَ ثٜىٰوَ «أَيْ، عُبَنْغِجِ يَتَاشِ دَغَسْكٜىٰ! حَرْ مَا يَبَيَّنَ غَ بِتْرُسْ!» 35 سَعَنً سُو بِيُنْ كُمَ سُكَ بَادَ لَابَرِنْ أَبِنْدَ يَڢَرُ أَ حَنْيَ دَ كُمَ يَدَّ سُكَ غَانٜىٰشِ سَعَدَّ يَكٜىٰ كَكَّرْيَ غُرَاسَ؞ عَيْكِنْ دَ عِيسَىٰ يَبَا أَلْمَجِرَنْسَ ﴿ مَتْ 28.16-20 ؛ مَرْ 16.14-18 ؛ يَحـ 20.19-23 ؛ أَيُّكَنْ 1.6-8 ﴾ 36 تُنْ سُنَ مَغَنَ غَمٜىٰدَ وَنَّنْ، سَيْ كَوَيْ غَ عِيسَىٰ دَكَنْسَ أَڟَيٜىٰ أَڟَكِيَرْسُ، يَثٜىٰمُسُ «سَلَمَ أَغَرٜىٰكُ!» 37 ڟُواْرُواْ يَكَامَسُ سُنَ ضَوَرْ جِكِے، سُنَ ڟَمَّنِ ڢَتَلْوَثٜىٰ سُكٜىٰ غَنِ؞ 38 سَيْ يَثٜىٰ مُسُ «دُوانْمٜىٰ كُكَجِڟُواْرُواْ حَكَ، كُكٜىٰ كُمَ شَكَّ أَ ذُوثِيَارْكُ؟ 39 كُدُوبَ حَنُّوَنَ دَ ڧَڢَاڢُنَ كُغَنِ، أَيْ، نِنٜىٰ دَكَيْنَ؞ كُتَٻَنِ، كُجِ، دُوانْ ڢَتَلْوَ بَاتَدَ نَامَ دَ ڧَشِ، يَدَّ كُكٜىٰ غَنِ نَكٜىٰ دَسُو؞» 40 دَ يَڢَطِ حَكَ، سَيْ يَنُونَ مُسُ حَنُّوَنْسَ دَ ڧَڢَاڢُنْسَ؞ 41 تُنْ سُنَدَ سَوْرَنْ شَكَّ سَبُواْدَ يَوَنْ ڢَضٍ ثِكِ دَ مَامَاكِ، سَيْيَثٜىٰمُسُ «كُنَدَ عَبِنْثِ أَنَنْ كُوَ؟» 42 سُكَبَاشِ ڟُواْكَرْ غَسَشّٜىٰنْ كِيڢِ؞ 43 يَكَرْٻَ يَثِ، سُو كُمَ سُنَ كَلُّوانْسَ؞ 44 سَيْ يَثٜىٰمُسُ «وَطَنَّنْ سُونٜىٰ أَبُبُوَنْدَ نَيِ مَغَنَ عَكَيْ تُنْ إِنَ تَرٜىٰدَكُو ثٜىٰوَ دُواْلٜىٰنٜىٰ عَثِكَ دُكْ أَبِنْدَ عَكَ رُبُوتَ عَكَيْنَ عَثِكِنْ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا دَ كُمَ زَبُورَا؞» 45 سَيْ يَبُوطٜىٰ حَنْكَلِنْسُ سُكَ غَانٜىٰ دَ رُبُوتَثِّيَرْ مَغَنَرْ اللَّهْ، 46 يَكُمَ ثٜىٰمُسُ «حَكَ عَكَ رُبُوتَ ثٜىٰوَ دُواْلٜىٰنٜىٰ أَلْمَسِيحُ يَشَا وُيَ، أَ رَانَ تَ عُكُ كُمَ يَتَاشِ دَغَ مَتَتُّو؞ 47 كُمَ أَ سُونَنْسَ ذَاعَيِ وَدُكَنْ أَلْعُمَّنْ دُونِيَا وَعَظِنْ تُوبَ دَ يَاڢٜىٰوَرْ ذُنُبَيْ؞ ذَاعَكُوَ ڢَارَ دَغَ عُرُوشَلِيمَ؞ 48 كُونٜىٰ شَيْدُنْ وَطَنَّنْ أَبُبُوَ؞ 49 غَاشِ، نِے ذَنْ عَيْكُواْ مُكُ دَ أَبِنْدَ عُبَانَ يَيِ أَلْڧَوَرِ؞ عَمَّا كُجِرَا عَبِرْنِ تُكُنَ، سَيْ أَنْبَاكُ إِيكُواْ دَغَ سَمَ؞» أَنْ طَوْكٜىٰ عِيسَىٰ ذُوَا سَمَ ﴿ مَرْ 16.19-20 ؛ أَيُّكَنْ 1.9-11 ﴾ 50 سَيْ يَڢِتَرْ دَسُو ذُوَا بَايَنْ بِرْنِ، سُكَ كَيْ حَرْ بٜىٰتَنِ؞ أَوُرِنْ يَطَغَ حَنُّوَنْسَ يَسَا مُسُ أَلْبَرْكَ؞ 51 يَنَ ثِكِنْ سَا مُسُ أَلْبَرْكَ كٜىٰنَنْ، سَيْ يَرَبُ دَسُو، عَكَ كُمَ طَوْكٜىٰشِ ذُوَا سَمَ؞ 52 سُو كُوَ سُكَيِ مَسَ سُجَّدَ، سُكَ كُواْمَ عُرُوشَلِيمَ ثِكٜىٰ دَ ڢَضٍ ثِكِ سُواْسَيْ؞ 53 كُواْ يَوْشٜىٰ كُمَ سُنَ ثِكِنْ هَيْكَلِ سُنَ يَبُوانْ اللَّهْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria