لُكَّ 23 - أَتَّوْرَتْ دَ أَنَّبَاوَاأَنْ كَيْ عِيسَىٰ غَبَنْ بِلَتُسْ ﴿ مَتْ 27.1-2 ، 11-14 ؛ مَرْ 15.1-5 ؛ يَحـ 18.28-38 ﴾ 1 سَيْ دُكَنْ تَارُوانْ مَجَلِسَ سُكَتَاشِ سُكَكَيْ عِيسَىٰ غَبَنْ بِلَتُسْ؞ 2 سَيْ سُكَ ڢَارَ زَرْغِنْسَ سُنَ ثٜىٰوَ «مُنْ سَامِ وَنَّنْ يَنَ رِكِتَرْدَ مُتَنٜىٰنْمُ، يَنَ ثٜىٰمُسُ وَيْ كَدَ سُبِيَ وَكَيْسَرْ هَرَاجِ؞ يَنَ كُمَ ثٜىٰوَ وَيْ شِينٜىٰ أَلْمَسِيحُ سَرْكِے؞» 3 سَيْ بِلَتُسْ يَتَمْبَيٜىٰشِ يَثٜىٰ «كَيْنٜىٰ سَرْكِنْ يَهُودَاوَا؟» عِيسَىٰ يَثٜىٰ «كَا ڢَطِ حَكَ؞» 4 سَيْ بِلَتُسْ يَثٜىٰ وَمَنْيَنْ ڢِرِسْتُواْثِے دَ جَمَعَ «نِے كَمْ، بَنْ سَامِ مُتُمِنَّنْ دَ وَنِ لَيْڢِے بَ؞» 5 سَيْ سُكَ ڢَارَ مَاڟَ مَسَ لَمْبَ سُنَ ثٜىٰوَ «دَ كُواْيَرْوَرْسَ نٜىٰ يَكٜىٰ تَادَ حَنْكَلِنْ مُتَنٜىٰ أَدُكَنْ يَنْكِنْ يَهُودِيَ؞ يَڢَارَ تُنْدَغَ غَلِيلِ، يَنْذُ كُمَ حَرْ نَنْ وُرِنْ؞» أَنْ كَيْ عِيسَىٰ وُرِنْ هِرُدُسْ 6 دَ بِلَتُسْ يَجِ حَكَ، سَيْ يَيِ تَمْبَيَ يَثٜىٰ «شِ مُتُمِنْ غَلِيلِ نٜىٰ؟» 7 دَ يَجِ ثٜىٰوَ عِيسَىٰ يَڢِتُواْ دَغَ سَاشٜىٰنْدَ هِرُدُسْ يَكٜىٰ مُلْكِ نٜىٰ، سَيْ يَعَيْكَ دَ عِيسَىٰ ذُوَا وُرِنْ هِرُدُسْ، غَمَا أَ لُواْكَثِنْ هِرُدُسْ مَا يَنَ عُرُوشَلِيمَ؞ 8 هِرُدُسْ يَيِمُرْنَ سُواْسَيْ دَ غَنِنْ عِيسَىٰ، غَمَا تُنْدَا مَا يَنَ مَرْمَرِ يَغَنْشِ، غَمَا يَا رِغَا يَاجِ لَابَرِنْسَ يَنَ كُمَ ڢَتَ يَغَ وَنِ أَبِنْ مَامَاكِنْدَ عِيسَىٰ ذَيْ يِ؞ 9 سَيْ هِرُدُسْ يَيِمَسَ تَمْبَيُواْيِ مَاسُيَوَ، عَمَّا عِيسَىٰ بَيْثٜىٰ كُواْمٜىٰبَ؞ 10 سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَذُواْ غَبَ سُكَ كَٰوُاْ زَرْغِ مَاسُ ڧَرْڢِے عَكَنْ عِيسَىٰ؞ 11 هِرُدُسْ دَ سُواْجُواْجِنْسَ سُكَيِمَسَ رٜىٰنِنْ وَيُواْ، سُكَيِمَسَ بَعَ، سَعَنً سُكَسَا مَسَ بَبَّرْ رِغَا، سُكَ مَيْدَشِ وُرِنْ بِلَتُسْ؞ 12 أَ رَانَرْ نَنْ نٜىٰ هِرُدُسْ دَ بِلَتُسْ سُكَ ذَمَ أَبُواْكَنْ جُونَ، دُوانْ تُنْدَا بَاسَسُواْ سُغَ جُونَ؞ أَنْ يَنْكٜىٰ وَ عِيسَىٰ حُكُنْثِنْ مُتُوَ ﴿ مَتْ 27.15-26 ؛ مَرْ 15.6-15 ؛ يَحـ 18.39—19.16 ﴾ 13 بِلَتُسْ يَتَارَ مَنْيَنْ ڢِرِسْتُواْثِے دَ شُوغَبَنِّنْ جَمَعَ دَ مُتَنٜىٰ دُكَ، 14 يَثٜىٰمُسُ «كُنْ كَٰوُاْ مِنِ وَنَّنْ مُتُمْ، وَيْ يَنَ رِكِتَرْدَ مُتَنٜىٰ؞ يَنْذُ نَبِنْثِكٜىٰشِ أَغَبَنْكُ، بَنْ سَامٜىٰشِ دَ وَنِ لَيْڢِنْدَ كُكَ كَٰوُاْ عَكَنْسَبَ؞ 15 حَكَ مَا هِرُدُسْ؞ شِيَسَا يَدَاوُاْ دَشِ نَنْ وُرِنْمُ؞ بَا أَبِنْدَ مُتُمِنَّنْ يَيِ دَ يَ إِسَ عَكَشٜىٰشِ؞ 16 سَبُواْدَ حَكَ ذَنْيِ مَسَ بُلَلَ إِنْ سَكٜىٰشِ؞» 17 عَكُواْوَنٜىٰ بِكٍ ڧٜىٰتَرٜىٰوَ كُوَ بِلَتُسْ يَكَنْ سَكِ مُتُمْ طَيَ دَغَ كُرْكُكُ، وَنْدَ مُتَنٜىٰ سُكَ ضُواْڧَا؞ 18 عَمَّا دُكْ سُكَيِ إِيهُ غَبَاطَيَ سُكَثٜىٰ «عَيِ غَبَ دَشِ، أَ سَكِ مَنَ بَرَبَّسْ!» 19 دَا مَا أَنْسَاشِ بَرَبَّسْ عَكُرْكُكُ سَبُواْدَ لَيْڢِنْ تَاشِنْ حَنْكَلِنْدَ يَجَٰوُاْ أَغَرِنْ، حَرْ عَكَ كَشٜىٰ مُتُمْ؞ 20 سَيْ بِلَتُسْ يَسَاكٜىٰيِ مُسُ مَغَنَ، غَمَا يَنَ سُواْ يَسَكِ عِيسَىٰ؞ 21 عَمَّا سَيْ إِيهُ سُكٜىٰ تَيِ، سُنَ ثٜىٰوَ «أَغِثِّيٜىٰشِ! أَغِثِّيٜىٰشِ!» 22 بِلَتُسْ يَسَاكٜىٰ ثٜىٰمُسُ سَوْ نَعُكُ «دُوانْمٜىٰ؟ وَنٜىٰ لَيْڢِے نٜىٰ مُتُمِنَّنْ يَيِ؟ نِے دَيْ بَنْ سَامٜىٰشِ دَ وَنِ لَيْڢِنْدَ يَ إِسَ عَكَشٜىٰشِيبَ؞ ذَنْسَا عَيِ مَسَ بُلَلَ، أَ سَكٜىٰشِ؞» 23 عَمَّا سُكَ ڟَيَ دَمْ! سُنَ مَاڟَ مَسَ لَمْبَ، ثٜىٰوَ سَيْ أَنْكَشٜىٰشِ؞ عَڧَرْشٜىٰ دَيْ سُكَثِ نَصَرَا؞ 24 بِلَتُسْ كُوَ يَيَنْكٜىٰ شَرِيعَرْ دَسُكٜىٰسُواْ؞ 25 يَسَكِ مُتُمِنْ دَ سُكَثٜىٰ أَ سَكٜىٰ وَتُواْ، وَنَّنْ دَ عَكَجٜىٰڢَ عَكُرْكُكُ عَكَنْ لَيْڢِنْ تَادَ حَنْكَلِ دَ كُمَ كِسَنْكَيْ؞ عَمَّا بِلَتُسْ يَبَادَ عِيسَىٰ غَرٜىٰسُ سُيِمَسَ أَبِنْدَ سُكٜىٰسُواْ؞ أَنْ غِثِّيٜىٰ عِيسَىٰ ﴿ مَتْ 27.32-44 ؛ مَرْ 15.21-32 ؛ يَحـ 19.17-27 ﴾ 26 دَ سُواْجُواْجِ سُنَ تَڢِيَ دَ عِيسَىٰ، سَيْ سُكَ سَدُ دَ وَنِنْدَ عَكٜىٰثٜىٰ دَشِ سِيمَنْ، مُتُمِنْ سَيِرِنْ، يَنَ ذُوَا دَغَ ڧَوْيٜىٰ؞ سُكَ ثَڢْكٜىٰشِ، سُكَسَا مَسَ غِثِّيٜىٰ يَطَوْكَ يَبِے عِيسَىٰ عَبَايَ؞ 27 مُتَنٜىٰ دَيَوَ سُواْسَيْ سُكَيِ تَبِنْسَ، عَثِكِنْسُ كُوَ حَرْ دَ وَطَنْسُ مَاتَنْدَ سُكٜىٰ كُوكَا سُنَ إِيهُ دُواْمِنْسَ؞ 28 عَمَّا عِيسَىٰ يَجُويَ وُرِنْسُ يَثٜىٰ «مَاتَنْ عُرُوشَلِيمَ! كَدَ كُيِ كُوكَا سَبُواْدَنِ، كُيِكُوكَا دُواْمِنْ كَنْكُ دَ یَیَنْكُ؞ 29 غَمَا لُواْكَثِ يَنَ ذُوَا دَ مُتَنٜىٰ ذَاسُثٜىٰ، ‹أَبِنْ ڢَضٍ ثِكِنٜىٰ غَ مَاتَنْدَ بَسُتَٻَ حَيْڢُوَبَ، وَطَنْدَ بَاسَ حَيْڢُوَ، وَطَنْدَ كُمَ بَسُغُواْيِ يَارَابَ؞› 30 أَوَنَّنْ لُواْكَثِنٜىٰ، « ‹مُتَنٜىٰ ذَاسُثٜىٰ وَدُوَڟُو «كُڢَاطُواْ عَكَنْمُ!» ذَاسُ كُمَثٜىٰ وَتُدَّيْ «كُرُڢٜىٰمُ!» › » 31 «عِدَنْ ڢَا سُنَيِنْ إِرِنْ وَطَنَّنْ غَ طَنْيٜىٰنْ إِتَاثٜىٰ، يَيَ كٜىٰنَنْ ذَيْ ذَمَ إِنْ يَبُوشٜىٰ؟» 32 عَكَكُمَ كَيْ وَطَنْسُ مُتُمْ بِيُ مَاسُ لَيْڢِے دُوانْ عَكَشٜىٰسُ تَرٜىٰدَ عِيسَىٰ؞ 33 دَسُكَ كَيْ وُرِنْ دَ عَكٜىٰثٜىٰ دَشِ «ڧُواْڧُوانْ كَيْ»، سُكَ غِثِّيٜىٰشِ أَوُرِنْ تَرٜىٰدَ مَاسُ لَيْڢِنَّنْ، طَيَ أَدَمَنْسَ، طَيَ كُمَ أَ هَغُنْسَ؞ 34 سَيْ عِيسَىٰ يَثٜىٰ «عُبَا، بَرِ كَغَاڢَرْتَا مُسُ، غَمَا بَسُ سَنْ أَبِنْدَ سُكٜىٰيِبَ؞» سُكَ رَرَّبَ وَجُونَ رِيغُنَنْسَ تَوُرِنْ جٜىٰڢَ ڧُرِعَ؞ 35 مُتَنٜىٰ سُكَ ڟَيَ سُنَ كَلُّواْ؞ شُوغَبَنِّنْ كُمَ سُكَيِمَسَ بَعَ، سُنَ ثٜىٰوَ «يَثٜىٰثِ وَطَنْسُ، تُواْ، يَثٜىٰثِ كَنْسَ مَنَ، إِنْ شِينٜىٰ أَلْمَسِيحُنْ دَ اللَّهْ يَذَاٻَا!» 36 سُواْجُواْجِنْ مَا سُكَيِمَسَ بَعَ تَوُرِنْ ذُوَا وُرِنْسَ سُنَ مِيڧَ مَسَ ضُوً ڟَامِ دَغَ یَیَنْ إِنَبِے؞ 37 سُنَ كُمَ ثٜىٰوَ «إِنْ كَيْنٜىٰ سَرْكِنْ يَهُودَاوَا، تُواْ، ثٜىٰثِ كَنْكَ مَنَ!» 38 سَمَ دَشِ كُمَ عَكَيِ وَنِ رُبُوتُو ثٜىٰوَ «وَنَّنْ شِينٜىٰ سَرْكِنْ يَهُودَاوَا؞» 39 طَيَ دَغَ ثِكِنْ مَاسُ لَيْڢِنْدَ عَكَ غِثِّيٜىٰ يَيِمَسَ مَغَنَرْ رٜىٰنِ، يَثٜىٰ «شِنْ، إِنْثٜىٰ كَيْ طِنَّنْ نٜىٰ أَلْمَسِيحُ؟ تُواْ، كَثٜىٰثِ كَنْكَ، كَكُمَ ثٜىٰثٜىٰمُ مَنَ!» 40 عَمَّا طَيَنْ يَڟَاوَتَا وَوَنْثَنْ يَثٜىٰ «بَاكَ مَا ڟُواْرُوانْ اللَّهْ؟ كَيْ دَكَا سَامِ حُكُنْثِ دَيْدَيْ دَشِ؟ 41 مُو كَمْ دَيْدَيْ عَكَيِ مَنَ، دُواْمِنْ مُنَ سَامُنْ لَادَنْ أَبِنْدَ مُكَيِنٜىٰ؞ عَمَّا شِے ڢَا، وَنٜىٰ لَيْڢِے يَيِ؟» 42 يَكُمَثٜىٰ «يَا عِيسَىٰ، كَتُنَ دَنِے سَعَدَّ كَشِغَ مُلْكِنْكَ!» 43 عِيسَىٰ يَثٜىٰ مَسَ «حَڧِيڧَ إِنَ غَيَ مَكَ، يَوْ طِنَّنْ ذَاكَ ذَوْنَ تَرٜىٰدَنِ أَ ڢِرْدَوْسِ؞» مُتُوَرْ عِيسَىٰ ﴿ مَتْ 27.45-56 ؛ مَرْ 15.33-41 ؛ يَحـ 19.28-30 ﴾ 44 وَجٜىٰنْ ڟَكَرْ رَانَ، دُهُ يَرُڢٜىٰ دُكَنْ ڧَسَرْ حَرْ ذُوَا ڧَرْڢٜىٰ عُكُ نَيَمَّ؞ 45 رَانَ تَدَيْنَ حَصْكٜىٰ؞ لَبُلٜىٰنْ دَيَكٜىٰ ثِكِنْ هَيْكَلِ كُمَ يَيَاغٜىٰ كَشِ بِيُ؞ 46 سَيْ عِيسَىٰ يَطَغَ مُرْيَ دَ ڧَرْڢِے يَثٜىٰ «عُبَا! عَثِكِنْ حَنُّوَنْكَ نَكٜىٰ بَادَ رُوحُنَ؞» دَ يَڢَطِ حَكَ، سَيْ يَجَا نُمْڢَشِنْسَ نَڧَرْشٜىٰ يَمُتُ؞ 47 دَ سُواْجَنْ رُواْمَ وَنْدَ يَكٜىٰ وُرِنْ يَغَ أَبِنْدَ يَڢَرُ، سَيْ يَيَبِے اللَّهْ يَنَ ثٜىٰوَ «لَلَّيْ، وَنَّنْ مُتُمْ مَرَرْ لَيْڢِے نٜىٰ!» 48 دَ مُتَنٜىٰنْ دَ سُكَ تَارُ أَنَنْ دُوانْ شَنْ كَلُّواْ سُكَغَ أَبِنْدَ يَڢَرُ، سَيْ دُكَنْسُ سُكَ كُواْمَ غِدَا سُنَ بُغُنْ ڧِرْجِنْسُ ثِكِنْ بَڧِنْ ثِكِ؞ 49 دُكْ مُتَنٜىٰنْ دَ سُكَ سَنْ عِيسَىٰ دَ كُمَ مَاتَنْدَ سُكَبِيُواْ شِ تُنْدَغَ يَنْكِنْ غَلِيلِ، سُكَ ڟَيَ دَنِيسَ سُنَ كَلُّواْ؞ بِنّٜىٰوَرْ عِيسَىٰ ﴿ مَتْ 27.57-61 ؛ مَرْ 15.42-47 ؛ يَحـ 19.38-42 ﴾ 50-51 أَݣَويْ وَنِ مُتُمْ مَيْ سُونَ يُوسُڢَ، وَنْدَ شِے دَغَ وَنِ غَرِنْ أَرِمَتِيَ عَثِكِنْ يَنْكِنْ يَهُودَ؞ شِے وَنِ مُتُمِنْ كِرْكِنٜىٰ، مَيْ أَدَلْثِے كُمَ؞ يَنَ مَرْمَرِنْ مُلْكٍ اللَّهْ يَذُواْ؞ شِے كُمَ طَيَنٜىٰ دَغَ ثِكِنْ یَنْ مَجَلِسَ نَ يَهُودَاوَا، عَمَّا بَيْ يَرْدَدَسُو عَكَنْ أَبِنْدَ سُكَ شِرْيَ سُكَ كُمَيِبَ؞ 52 سَيْ يَجٜىٰ وُرِنْ بِلَتُسْ دُواْمِنْ يَضُواْڧَا عَبَاشِ جِكِنْ عِيسَىٰ؞ 53 سَيْ يَسَوْكُواْ دَ جِكِنْ، يَنَنَّطٜىٰشِ عَثِكِنْ يَدِنْ لِيلِنْ، يَسَاشِ أَوَنِ كَبَرِنْدَ عَكَحَڧَ أَجِكِنْ دُوڟٜىٰ، وَنْدَ بَعَتَٻَسَا كُواْوَ عَثِكِيبَ؞ 54 رَانَرْ شِرِ ثٜىٰ كُوَ، يَضَغٜىٰ كَطَنْ أَ شِغَ رَانَرْ هُوتُ تَمَكُواْ؞ 55 مَاتَنْدَ سُكَبِے عِيسَىٰ دَغَ غَلِيلِ سُكَ تَڢِے تَرٜىٰدَ يُوسُڢَ دُواْمِنْ سُغَ عِنْدَ كَبَرِنْ يَكٜىٰ دَكُمَ يَدَّ عَكَسَا جِكِنْ عِيسَىٰ؞ 56 سَعَنً سُكَ كُواْمَ غِدَا، سُكَ شِرْيَ تُرَارٜىٰ دَ مَنْ شَڢَاوَا؞ رَانَرْ هُوتُ تَمَكُواْ كُوَ، سُكَ هُوتَ كَمَرْ يَدَّ كُواْيَرْوَرْ مُوسَٰى تَعُمَرْتَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria