لُكَّ 20 - أَتَّوْرَتْ دَ أَنَّبَاوَا

أَنَ شَكَّرْ إِظْنِنْ عِيسَىٰ

¹ وَتَرَانَ عِيسَىٰ يَشِغَ هَيْكَلِ يَنَ كُواْيَرْوَا، يَنَ كُمَ وَعَظِنْ لَابَرِ مَيْ دَاطِے غَ مُتَنٜىٰ، سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى تَرٜىٰدَ شُوغَبَنِّنْ جَمَعَ سُكَذُواْ

² سُكَثٜىٰمَسَ ‏«‏غَيَ مَنَ إِظْنِنْ دَ كَكٜىٰ دَشِ دَ كَكٜىٰيِنْ وَطَنَّنْ أَبُبُوَ؞ وَيَبَاكَ إِظْنِنْ؟»‏

³ عِيسَىٰ يَأَمْسَ مُسُ يَثٜىٰ ‏«‏نِے مَا ذَنْيِ مُكُ وَتَ تَمْبَيَ؞ كُغَيَ مِنِ،

⁴ إِظْنِنْ دَ يَحْيَى يَيِ بَڢْتِسْمَ دَشِ، اللَّهْ نٜىٰ يَبَاشِ، كُواْ كُوَ مُتُمْ؟»‏

⁵ سَيْ سُكَ تَتَّوْنَ أَ جُونَنْسُ، سُنَ ثٜىٰوَ ‏«‏عِدَنْ مُنْ ثٜىٰ، ‏‹‏دَغَ وُرِنْ اللَّهْ يَا ذُواْ،›‏ ذَيْثٜىٰ، ‏‹‏دُوانْمٜىٰ بَكُ غَسْكَتَ شِيبَ؟›‏

⁶ إِنْكُمَ مُكَثٜىٰ، ‏‹‏دَغَ مُتُمْ نٜىٰ،›‏ يَوَنْ مُتَنٜىٰنَّنْ ذَاسُ جٜىٰجّٜىٰڢٜىٰمُ دَ دُوَڟُو، دُواْمِنْ كُواْوَ يَيَرْدَ ثٜىٰوَ يَحْيَى أَنَّبِنٜىٰ؞»‏

⁷ دُواْمِنْ حَكَ سُكَثٜىٰ مَسَ ‏«‏بَمُسَنْ عِنْدَ يَڢِتُواْبَ؞»‏

⁸ سَيْ عِيسَىٰ يَثٜىٰمُسُ ‏«‏نِے مَا بَذَنْ ڢَطَا مُكُ كُواْ دَ وَنٜىٰ إِظْنِ نَكٜىٰيِنْ وَطَنَّنْ أَبُبُوَبَ؞»‏

مِصَالِ نَمَاسُ كَرْٻَرْ هَيَرْ غُواْنَرْ إِنَبِے

⁹ سَيْ عِيسَىٰ يَغَيَ وَمُتَنٜىٰ وَنَّنْ مِصَالِ يَثٜىٰ ‏«‏أَنْ تَٻَيِنْ وَنِ مُتُمِنْ دَ يَيِ غُواْنَرْ إِنَبِے، سَيْ يَبَادَ هَيَرْتَ غَ وَطَنْسُ مَنُواْمَ، سَعَنً يَتَڢِے وَتَ ڧَسَا، يَكُمَ دَطٜىٰ عَثَنْ؞

¹⁰ دَ لُواْكَثِنْ غِرْبِنْ إِنَبِنْ يَيِ، سَيْ يَعَيْكِ وَنِ بَاوَنْسَ يَجٜىٰ وُرِنْ وَطَنَّنْ دَ سُكَ كَرْٻِ هَيَرْ غُواْنَرْ، يَكَرْٻُواْ مَسَ وَطَنْسُ یَیَنْ إِنَبِے دَغَ غُواْنَرْ؞ عَمَّا یَنْ هَيَرْ سُكَيِ مَسَ دُوكَ، سُكَ سَلَّمٜىٰشِ حَنُّ وُاْڢِ؞

¹¹ سَيْ مُتُمِنَّنْ يَسَاكٜىٰ عَيْكِ وَنِ بَاوَ، عَمَّا وَطَنَّنْ یَنْ هَيَرْ سُكَيِ مَسَ دُوكَ شِيمَا، سُكَ كُمَ وُلَڧَنْتَشِ سُكَ سَلَّمٜىٰشِ حَنُّ وُاْڢِ؞

¹² هَرْوَيَوْ مُتُمِنْ يَعَيْكِ وَنِ بَاوَ نَعُكُ، شِيكُمَ سُكَيِ مَسَ ثِيوُاْ، سُكَجٜىٰڢَشِ وَجٜىٰ؞

¹³ سَعَنً مُتُمِنَّنْ مَيْ غُواْنَرْ إِنَبِنْ يَثٜىٰ، ‏‹‏يَنْذُ مٜىٰ ذَنْيِ؟ ذَنْ عَيْكِ طَانَ وَنْدَ نَكٜىٰ ڧَوْنَ، نَسَنْ لَلَّيْ ذَاسُ بَاشِ غِرْمَ!‏›‏

¹⁴ عَمَّا دَ یَنْ هَيَرْ سُكَ غَنْشِ، سُكَثٜىٰ وَجُونَ، ‏‹‏أَهَ!‏ غَا وَنْدَ ذَيْثِ غَادُوانْ غُواْنَرْ، بَرِ مُكَشٜىٰشِ، دُوانْ غَادُوانْسَ يَذَمَ نَامُ!‏›‏

¹⁵ سَيْ سُكَ وُرْغَشِ عَبَايَنْ كَتَنْ‌غَ، سُكَ كَشٜىٰشِ؞ ‏«‏تُواْ، مٜىٰكُكٜىٰ ڟَمَّنِ مَيْ غُواْنَرْ نَنْ ذَيْ يِدَ یَنْ هَيَرْ نَنْ؟

¹⁶ ذَيْذُواْ يَهَلَّكَ یَنْ هَيَرْ نَنْ، يَبَا وَطَنْسُ هَيَرْ غُواْنَرْ؞»‏ دَمُتَنٜىٰ سُكَجِ حَكَ سُكَثٜىٰ ‏«‏اللَّهْ يَسَوَّڧٜىٰ!‏»‏

¹⁷ عَمَّا عِيسَىٰ يَدُوبٜىٰسُ يَثٜىٰ ‏«‏مٜىٰنٜىٰنٜىٰ نُڢِنْ وَنَّنْ أَيَ عَثِكِنْ رُبُوتَثِّيَرْ مَغَنَرْ اللَّهْ؟ ‏«‏ ‏‹‏دُوڟٜىٰنْ دَ مَاسُ غِنِ سُكَڧِ، شِينٜىٰ يَذَمَ دُوڟٜىٰ مَڢِے أَمْڢَانِ أَغِنِ!‏›‏ »‏

¹⁸ ‏«‏دُكْ وَنْدَ يَڢَاطِ عَكَنْ وَنَّنْ دُوڟٜىٰنْ، ذَيْ هَلَّكَ، كُمَ عِدَنْ دُوڟٜىٰنَّنْ يَڢَاطِ عَكَنْ وَنِ، ذَيْ نِڧَشِ يَذَمَ كَمَرْ غَارِ؞»‏

تَمْبَيَ غَمٜىٰدَ بِيَنْ هَرَاجِ غَ كَيْسَرْ

¹⁹ أَ نَنْ نٜىٰ مَلَمً كُواْيَرْوَرْ مُوسَٰى دَ مَنْيَنْ ڢِرِسْتُواْثِے سُكَسُواْ سُكَامَ عِيسَىٰ، دُواْمِنْ سُنْ غَانٜىٰ ثٜىٰوَ يَيِ وَنَّنْ مِصَالِ عَكَنْسُ نٜىٰ، عَمَّا سُنْجِڟُواْرُوانْ مُتَنٜىٰ؞

²⁰ سَيْ سُكَ نٜىٰمِ حَنْيَ، سُكَبِيَ وَطَنْسُ مُتَنٜىٰ سُيِ كَمَرْ سُو مَاسُ كِرْكِنٜىٰ؞ سُكَ عَيْكٜىٰسُنٜىٰ سُسَاوَ عِيسَىٰ تَرْكُواْ دَ إِرِنْ تَمْبَيُواْيِنْ دَ ذَاسُيِ مَسَ دَ نُڢِنْ سُبَادَشِ غَ إِيكُواْ دَ كُمَ حُكُنْثِنْ مَيْمُلْكِ؞

²¹ وَطَنْدَ عَكَ عَيْكَ كُوَ سُكَ تَمْبَيِ عِيسَىٰ، سُكَثٜىٰ ‏«‏مَلَمْ، مُنْ سَنِ ثٜىٰوَ مَغَنَرْكَ دَ كُواْيَرْوَرْكَ غَسْكِيَانٜىٰ، مُنْ كُمَ سَنِ بَاكَ نُونَ بَمْبَنْثِ، كُمَ كَنَ كُواْيَرْ دَ حَنْيَرْ اللَّهْ ثِكِنْ غَسْكِيَ؞

²² تُواْ، كَنَ غَنِ دَيْدَيْنٜىٰ مُبِيَ وَكَيْسَرْ هَرَاجِ، كُواْ أَعَ؟»‏

²³ عَمَّا عِيسَىٰ يَغَانٜىٰ وَيُوانْسُ، سَيْيَثٜىٰمُسُ

²⁴ ‏«‏نُونَ مِنِ دِنَرِ؞ حُواْتُوانْ وَ دَ سُونَنْ وَنٜىٰنٜىٰ عَكَنْسَ؟»‏ سُكَ أَمْسَ ‏«‏نَكَيْسَرْ نٜىٰ؞»‏

²⁵ سَيْ يَثٜىٰ ‏«‏تُواْ، سَيْ كُبَا كَيْسَرْ أَبِنْدَ يَكٜىٰ نَكَيْسَرْ، كُكُمَبَا اللَّهْ أَبِنْدَ يَكٜىٰ نَ اللَّهْ؞»‏

²⁶ أَ نَنْ كُمَ سُكَ كَاسَ كَامَشِ دَ مَغَنَ أَغَبَنْ مُتَنٜىٰ؞ سَيْ سُكَيِ شِضُ سُنَ مَامَاكِنْ وَنَّنْ أَمْسَرْدَ يَبَاسُ؞

تَمْبَيَ عَكَنْ تَاشِنْ مَتَتُّو

²⁷ سَيْغَا وَطَنْسُ سَدُوكِيَاوَا، وَطَنْدَ سُكٜىٰثٜىٰوَ وَيْ بَابُ تَاشِنْ مَتَتُّو، سُنْ ذُواْ وُرِنْ عِيسَىٰ، سُكَثٜىٰ

²⁸ ‏«‏مَلَمْ، مُوسَٰى يَرُبُوتَ مَنَ وَنَّنْ عُمَرْنِ ثٜىٰوَ ‏‹‏عِدَنْ مُتُمْ يَمُتُ يَبَرْ مَاتَرْسَ بَا یَیَ، يَا كَمَاتَ طَنْعُوَنْسَ يَ عَوْرٜىٰتَ دُواْمِنْ يَسَامُواْ مَسَ یَیَ؞›‏

²⁹ تُواْ، أَنْتَٻَ يِنْ وَطَنْسُ مُتَنٜىٰ سُو بَݣَويْ، دُكْ یَنْعُوَنْ جُونَ؞ بَبَّنْ يَيِ عَوْرٜىٰ يَمُتُ بَا يَرُواْ؞

³⁰ نَبِيُنْ يَ عَوْرِ مَاتَرْ، يَمُتُ بَا يَرُواْ؞

³¹ نَعُكُنْ مَا حَكَ؞ سَيْ يَذَمَ دُكَنْسُ بَݣَويْ طِنْ سُنْ عَوْرِ مَثٜىٰنَّنْ، عَمَّا سَيْ سُكَ مُتُ بَابُ یَیَ؞

³² عَڧَرْشٜىٰ كُمَ، عِتَ مَثٜىٰنْ تَمُتُ؞

³³ تُواْ، عَتَاشِنْ مَتَتُّو، مَاتَرْ وَ ذَاتَ ذَمَ؟ غَمَا دُكْ بَݣَويْ طِنْ سُنْ عَوْرٜىٰتَ؞»‏

³⁴ عِيسَىٰ يَثٜىٰمُسُ ‏«‏أَ زَامَانِنَّنْ مَظَا سُنَ عَوْرٜىٰ، أَنَ كُمَ بَادَ مَاتَا غَ عَوْرٜىٰ؞

³⁵ عَمَّا وَطَنْدَ ذَاسُ ثَنْثَنْثِ تَاشِ دَغَ مَتَتُّو سُكُمَ ذَوْنَ أَظَامَانِ مَيْ ذُوَا بَذَاسُيِ عَوْرٜىٰبَ، بَذَاعَ كُمَ عَوْرَرْ دَسُوبَ؞

³⁶ غَمَا بَايَ يِوُوَ سُسَاكٜىٰ مُتُوَ سَبُواْدَ ذَاسُذَمَ كَمَرْ مَلاَىِٕكُ؞ ذَاسُ كُوَ ذَمَ یَیَنْ اللَّهْ كٜىٰنَنْ سَبُواْدَ سُنْ تَاشِ دَغَ مَتَتُّو؞

³⁷ أَيْ، مُوسَٰى يَكُمَ نُونَ أَڢِيلِ ثٜىٰوَ وَطَنْدَ سُكَ مُتُ ذَاسُ تَاشِ؞ أَ لَابَرِنْ ڧَرَمِنْ إِتَاثٜىٰنْدَ يَثِ وُتَا، يَيِ مَغَنَ عَكَنْ عُبَنْ‌غِجِ ثٜىٰوَ ‏‹‏شِينٜىٰ اللَّهْ نَ إِبْرَٰهِيمْ، اللَّهْ نَ إِسْحَٰڧَ دَ كُمَ اللَّهْ نَ يَعْڧُوبَ›‏؞

³⁸ شِے بَ اللَّهْ نَمَتَتُّو بَنٜىٰ، عَمَّا نَمَاسُ رَيْ؞ وَنَّنْ يَنُونَ ثٜىٰوَ أَغَرٜىٰشِ كُواْوَ مَيْ رَيْنٜىٰ؞»‏

³⁹ سَيْ وَطَنْسُ مَلَمً كُواْيَرْوَرْ مُوسَٰى سُكَيِ مَغَنَ سُكَثٜىٰ ‏«‏مَلَمْ كَا ڢَطَا دَيْدَيْ!‏»‏

⁴⁰ دَغَ نَنْ كُمَ بَسُيِ ڧَرْڢِنْ حَلِ سُڧَارَ تَمْبَيَرْسَ وَنِ أَبُبَ؞

تَمْبَيَ عَكَنْ أَلْمَسِيحُ

⁴¹ عِيسَىٰ يَتَمْبَيٜىٰسُ يَثٜىٰ ‏«‏يَيَ ذَاعَ ثٜىٰ أَلْمَسِيحُ طَنْ دَاوُدَ نٜىٰ؟

⁴² دَاوُدَ دَكَنْسَ يَثٜىٰ أَلِتَّڢِنْ زَبُورَا، ‏«‏ ‏‹‏عُبَنْ‌غِجِ يَثٜىٰ وَ عُبَنْ‌غِجِنَ، ‏«‏ذَوْنَ أَهَنُّنْ دَامَنَ،

⁴³ سَيْ نَسَا أَبُواْكَنْ غَابَنْكَ عَڧَرْڧَشِنْ ڧَڢَاڢُنْكَ؞»‏ ›‏ »‏

⁴⁴ ‏«‏دَاوُدَ يَثٜىٰ دَ أَلْمَسِيحُ ‏‹‏عُبَنْ‌غِجِ؞›‏ تُواْ، يَيَ كُمَ ذَاعَ ثٜىٰ دَشِ طَنْ دَاوُدَ؟»‏

عِيسَىٰ يَتُواْنَ أَسِيرِنْ مَلَمً كُواْيَرْوَرْ مُوسَٰى

⁴⁵ عِيسَىٰ يَغَيَ وَ أَلْمَجِرَنْسَ أَغَبَنْ مُتَنٜىٰ ثٜىٰوَ

⁴⁶ ‏«‏كُيِ حَنْكَلِ دَ مَلَمً كُواْيَرْوَرْ مُوسَٰى، سُو مَاسُسُوانْ سَا مَنْيَنْ رِيغُنَ سُنَ يَٰوُاْ، مَاسُسُواْ أَغَيْشٜىٰسُ عَكَاسُوَ، مَاسُ سُواْ عَبَاسُ وُرَارٜىٰنْ ذَمَ مَاسُ دَرَجَ أَ مَجَمِعُ دَ وُرَارٜىٰنْ ذَمَ مَاسُ ݣَوْ أَوُرِنْ بِكِ؞

⁴⁷ سُونٜىٰ مَاسُثِنْ كَايَنْ مَاتَانْدَ مَذَنْسُ سُكَ مُتُ، سَعَنً سُيِ دُواْغُوَرْ أَدُّعَ دُوانْ أَغَنْسُ؞ أَيْ، سُو ذَاسُشَا حُكُنْثِ مَڢِے ڟَنَنِ؞»‏