لُكَّ 19 - أَتَّوْرَتْ دَ أَنَّبَاوَاعِيسَىٰ يَثٜىٰثِ زَكَّ 1 عِيسَىٰ يَشِغَ يٜىٰرِكُواْ يَنَ وُثٜىٰوَ ثِكِنْ غَرِنْ كٜىٰنَنْ، 2 سَيْغَا وَنِ شُوغَبَنْ مَاسُ كَرْٻَرْ هَرَاجِ، مَيْ سُونَ زَكَّ؞ شِے كُوَ مَيْ أَرْزِڧِ نٜىٰ، 3 يَيِ تَڧُواْڧَرِ يَغَ كُواْوَنٜىٰنٜىٰ عِيسَىٰ نَّنْ، عَمَّا بَيْ عِيَبَ دُواْمِنْ شِے وَنِ طَنْ غَجٜىٰرٜىٰنٜىٰ، كُمَ مُتَنٜىٰ سُنْيِيَوَ؞ 4 سَبُواْدَ حَكَ سَيْ يَيِ غَبَ دَ غُدُ، يَسَامِ وَنِ بَبَّنْ إِتَاثٜىٰ يَهَوْ، دُواْمِنْ يَغَنْشِ، غَمَا عِيسَىٰ ذَيْبِے تَنَنْ نٜىٰ؞ 5 دَ عِيسَىٰ يَكَيْ وُرِنْ، سَيْ يَطَغَ كَنْسَ سَمَ يَثٜىٰ «زَكَّ، يِمَظَا كَسَوْكُواْ! يَوْ ذَنْ سَوْكَ أَغِدَنْكَ؞» 6 زَكَّ يَيِسَوْرِ يَسَوْكَ، يَكَرْٻٜىٰشِ دَ مُرْنَ؞ 7 دَ جَمَعَ سُكَغَ حَكَ، سَيْ دُكْ سُكَ ڢَارَ غُنَغُنِ، سُكَثٜىٰ «أَيْ! غِدَنْ مَيْ ذُنُوبِنٜىٰ يَسَوْكَ!» 8 سَيْ زَكَّ يَتَاشِ أَڟَيٜىٰ يَثٜىٰ وَ عُبَنْغِجِ «كَجِ نَنْ، مَيْغِرْمَ، ذَنْبَادَ رَبِنْ أَرْزِڧِنْ دَ نَكٜىٰ دَشِ وَتَلَكَوَ؞ دُكْ وَنْدَ كُمَ نَتَٻَ ثُوتَرْسَ، ذَنْ بِيَشِ سَوْ حُطُ أَبِنْدَ دَا نَكَرْٻَ؞» 9 سَيْ عِيسَىٰ يَثٜىٰ مَسَ «يَوْ دَيْ، ثٜىٰتُواْ يَا ذُواْ غِدَنَّنْ، تُنْدَ شِے مَا طَنْ إِبْرَٰهِيمْ نٜىٰ؞ 10 غَمَا طَنْ مُتُمْ يَا ذُواْ نٜىٰ مُسَمَّنْ دُواْمِنْ نٜىٰمَنْ أَبِنْدَ يَٻَتَ، يَثٜىٰثٜىٰشِ كُمَ؞» مِصَالِ نَڢَمْ غُواْمَ ﴿ مَتْ 25.14-30 ﴾ 11 تُنْ سُنَ جِنْ وَطَنَّنْ أَبُبُوَ، عِيسَىٰ يَثِيغَبَدَ غَيَ مُسُ وَنِ مِصَالِ، دُواْمِنْ يَيِكُسَدَ عُرُوشَلِيمَ، مُتَنٜىٰ كُمَ سُنَ ڟَمَّنِ مُلْكٍ اللَّهْ ذَيْ بَيَّنَنً دَنَنْ؞ 12 سَيْ يَثٜىٰمُسُ «أَنْتَٻَ يِنْ وَنِ بَبَّنْ مُتُمْ وَنْدَ ذَاشِ وَنِ غَرِ دَنِيسَ دُوانْ أَ نَطَشِ سَرْكِے، يَدَاوُاْ؞ 13 كَاڢِنْ يَتَڢِے، يَكِرَا بَايِنْسَ غُدَا غُواْمَ يَبَا كُواْوَنّٜىٰنْسُ يَوَنْ كُطِنْ دَ لٜىٰبُرَ ذَيْسَامُ ثِكِنْ وَتَا عُكُ، يَكُمَ ثٜىٰمُسُ، ‹كُيِ كَاسُوَنْثِ دَسُو سَيْ نَا دَاوُاْ؞› 14 مُتَنٜىٰنْ غَرِنْسَ كُوَ بَاسَسُوانْسَ؞ سَبُواْدَ حَكَ، سَيْ سُكَ عَيْكَ دَ یَنْ عَيْكَ بَايَنْدَ يَتَڢِے سُثٜىٰ، ‹بَا مَا سُوانْ وَنَّنْ مُتُمْ يَذَمَ سَرْكِنْمُ؞› 15 «أَنَانً بَايَنْدَ عَكَ نَطَ مُتُمِنَّنْ سَرْكِے، يَدَاوُاْ غِدَا؞ دَشِغَرْسَ سَيْ يَعَيْكَ عَكِرَا مَسَ دُكْ بَايِنْسَ، دُواْمِنْ يَسَنْ رِيبَ نَوَ سُكَ سَامُ عَكَنْ كُطِنْدَ يَبَرْ مُسُ؞ 16 نَا ڢَرِ يَذُواْ يَثٜىٰ، ‹مَيْغِرْمَ، نَثِ رِيبَ ڢَمْ غُواْمَ دَغَ ڢَمْ طَيَ دَ كَبَانِ؞› 17 سَيْ مَيْغِدَنْ كُمَ يَثٜىٰ مَسَ، ‹مَادَلَّ، بَاوَنْ كِرْكِ! تُنْدَ كَيِ غَسْكِيَ عَكَنْ ڧَرَمِنْ أَبُ، ذَنْ سَاكَ كَيِمُلْكٍ غَرُرُوَ غُواْمَ؞› 18 بَاوَ نَبِيُ يَذُواْ يَثٜىٰ، ‹مَيْغِرْمَ، نَثِ رِيبَ ڢَمْ بِيَرْ دَغَ ڢَمْ طَيَ دَ كَبَانِ؞› 19 مَيْغِدَنْ يَثٜىٰ وَوَنَّنْ، ‹ذَاكَيِ مُلْكٍ غَرُرُوَ بِيَرْ؞› 20 «وَنِ كُمَ يَذُواْ، يَثٜىٰ، ‹مَيْغِرْمَ، غَا ڢَمْ طَيَنْكَ؞ نَا طَوْرٜىٰشِ أَطَنْ ڟُمَّ، نَٻُواْيٜىٰ؞ 21 غَمَا إِنَ جِنْ ڟُواْرُوانْكَ، دُوانْ كَيْ وَنِ إِرِنْ مُتُمْ نٜىٰ مَيْ وُيَرْ شَعَنِ؞ غَا سُوانْ نَبَنْظَ أَوُرِنْكَ بَا دَامَ، كَكَنْيِ غِرْبِنْ أَبِنْدَ بَكَ شُوكَبَ؞› 22 سَيْ يَثٜىٰمَسَ، ‹كَيْ وَنِ مُوغُنْ بَاوَنٜىٰ! ذَنْيِ مَكَ شَرِيعَ عَكَنْ أَبِنْدَ كَڢَطَا دَ بَاكِنْكَ؞ أَشٜىٰ، كَا سَنْ ثٜىٰوَ نِے مُتُمْ نٜىٰ مَيْ وُيَرْ شَعَنِ، مَيْسُواْ نَبَنْظَ، إِنَ كُمَ غِرْبَرْ أَبِنْدَ بَنْ شُوكَبَ؟ 23 تُواْ، إِنْ كَا سَنْ حَكَ، مٜىٰيَسَا بَكَسَا كُطِنَ عَبَنْكِبَ، دُوانْ إِنْ نَدَاوُاْ إِنْسَامِ رِيبَ عَكَيْ؟› 24 «سَيْ يَثٜىٰ وَ وَطَنْدَ سُكٜىٰ ڟَيٜىٰ أَوَجٜىٰنْ، ‹كَرْٻِ ڢَمْ طَيَنْ دَغَ وُرِنْسَ عَبَا بَاوَنَّنْ مَيْ ڢَمْ غُواْمَ؞› 25 عَمَّا سُكَ أَمْسَ مَسَ سُكَثٜىٰ، ‹مَيْغِرْمَ، أَيْ، يَنَدَ ڢَمْ غُواْمَ كُواْ؞› 26 يَأَمْسَ يَثٜىٰ، ‹إِنَ غَيَ مُكُ، دُكْ وَنْدَ يَكٜىٰدَ أَبُ، ذَاعَ ڧَارَ مَسَ؞ وَنْدَ بَاشِ دَ أَبُ كُوَ، كُواْ طَنْ كَطَنْ دَ يَكٜىٰدَشِ مَا، ذَاعَ كَرْٻَ دَغَ غَرٜىٰشِ؞ 27 وَطَنَّنْ مَاسُ ڧِينَ كُمَ، وَطَنْدَ بَاسَسُواْ إِنْيِ مُلْكِ عَكَنْسُ، كُكَٰوُاْسُ نَنْ عَكَشٜىٰسُ أَغَبَنَ؞› » عِيسَىٰ يَشِغَ عُرُوشَلِيمَ ﴿ مَتْ 21.1-11 ؛ مَرْ 11.1-11 ؛ يَحـ 12.12-19 ﴾ 28 دَ عِيسَىٰ يَڢَطِ حَكَ، سَيْ يَيِغَبَ ذُوَا عُرُوشَلِيمَ؞ 29 دَيَكَيْ كُسَدَ وَطَنْسُ ڧَوْيُكَنْ دَ عَكٜىٰثٜىٰ دَسُو بٜىٰتَڢَجِ دَ بٜىٰتَنِ دَسُكٜىٰ غٜىٰڢٜىٰنْ تُدُنْ عِتَتُوَنْ ظَيْتُنْ، سَيْ يَعَيْكِ أَلْمَجِرَنْسَ غُدَا بِيُ، 30 يَثٜىٰمُسُ «كُشِغَ ڧَوْيٜىٰنَّنْ نَغَبَنْكُ؞ دَ كُنْ كَيْ، ذَاكُغَ وَنِ طَنْ جَاكِنْ دَ بَعَتَٻَ هَوَبَ أَطَوْرٜىٰ؞ كُكُنْثٜىٰشِ كُكَٰوُاْ نَنْ؞ 31 عِدَنْ وَنِ يَثٜىٰ، ‹دُوانْمٜىٰ كُكٜىٰ كُنْثٜىٰ جَاكِنْ؟› كُثٜىٰ مَسَ، ‹مَيْغِرْمَ يَنَ بُڧَاتَرْسَ؞› » 32 وَطَنْدَ عَكَ عَيْكَ سُكَ تَڢِے، سُكَ كُمَ سَامِ كُواْمٜىٰ كَمَرْ دَيْ يَدَّ عِيسَىٰ يَغَيَ مُسُ؞ 33 سُنَ ثِكِنْ كُنْثٜىٰوَ كٜىٰنَنْ، سَيْ مَاسُ جَاكِنْ سُكَثٜىٰ مُسُ «دُوانْمٜىٰ كُكٜىٰ كُنْثٜىٰشِ؟» 34 سُكَثٜىٰ «أَيْ، مَيْغِرْمَ نٜىٰ يَكٜىٰ بُڧَاتَرْسَ؞» 35 سُكَ كَيْشِ وُرِنْ عِيسَىٰ؞ دَسُكَ شِمْڢِطَا رِيغُنَنْسُ عَكَنْ جَاكِنْ، سَيْ سُكَ طَوْكِ عِيسَىٰ سُكَسَاشِ عَكَيْ؞ 36 يَنَ ثِكِنْ تَڢِيَ، سَيْ مُتَنٜىٰ سُكَ دِنْغَ شِمْڢِطَا رِيغُنَنْسُ عَكَنْ حَنْيَ؞ 37 دَيَيِ كُسَدَ عُرُوشَلِيمَ دَيْدَيْ وُرِنْ دَ حَنْيَرْ تَغَنْغَرَ دَغَ كَنْ تُدُنْ عِتَتُوَنْ ظَيْتُنْ، سَيْ تَارُوانْ أَلْمَجِرَنْسَ دَيَوَ سُكَ ڢَارَ غُواْدٜىٰ وَ اللَّهْ، سُنَ يَبُوانْسَ دَ مُرْيَ مَيْ ڧَرْڢِے عَكَنْ أَبُبُوَ مَاسُ بَنْ مَامَاكِنْ دَ سُكَ غَنِ؞ 38 سُنَ ثٜىٰوَ «أَلْبَرْكَ تَا تَبَّتَا غَ سَرْكِے وَنْدَ يَكٜىٰ ذُوَا عَثِكِنْ سُونَنْ عُبَنْغِجِ! سَلَمَ تَا كَسَنْثٜىٰ أَ سَمَ، طَوْكَكَ كُمَ غَ اللَّهْ!» 39 سَيْ وَطَنْسُ ڢَرِسِيَاوَنْ دَسُكٜىٰ ثِكِنْ جَمَعَرْ سُكَثٜىٰمَسَ «مَلَمْ، كَڟَاوَتَا وَ أَلْمَجِرَنْكَ سُيِ شِضُ!» 40 يَأَمْسَ يَثٜىٰ «إِنَ غَيَ مُكُ، كُواْ وَطَنَّنْ سُنْيِ شِضُ، دُوَڟُو مَا دَكَنْسُ ذَاسُ ڢَارَ إِيهُ؞» عِيسَىٰ يَيِ كُوكَا سَبُواْدَ عُرُوشَلِيمَ 41 دَ يَذُواْ كُرْكُسَ، يَغَ بِرْنِنْ عُرُوشَلِيمَ، سَيْ يَيِمَتَ كُوكَا؞ 42 يَثٜىٰ «دَمَا عَثٜىٰ يَوْ كُنْ سَنْ أَبِنْدَ عَكٜىٰ بُڧَاتَ دُواْمِنْ سَامُنْ سَلَمَ! عَمَّا غَاشِ بَذَاكُ عِيَ غَنِبَ؞ 43 لُواْكَثِ يَنَ ذُوَا دَ مَاسُ غَابَادَكُو ذَاسُ غِنَا بَنْغُواْ كٜىٰوَيٜىٰ دَكُو سُيِيَاڧِ دَكُو؞ سُواْجُواْجِ ذَاسُ كٜىٰوَيٜىٰكُ تَكُواْوَنٜىٰ غٜىٰڢٜىٰ؞ 44 ذَاسُيِ كَثَ كَثَ دَكُو، سُكُمَ كَشٜىٰ مُتَنٜىٰنْكُ دُكَ؞ بَا كُواْ دُوڟٜىٰ طَيَ نَغِنٜىٰ غِنٜىٰنْكُ دَ ذَاعَ بَرِ عَكَنْ طَنْعُوَنْسَ؞ وَنَّنْ ذَيْ ڢَرُنٜىٰ سَبُواْدَ بَكُ يَرْدَ ثٜىٰوَ اللَّهْ يَا ذُواْ دُواْمِنْ يَثٜىٰثٜىٰكُبَ؞» عِيسَىٰ يَڟَبْتَثٜىٰ هَيْكَلِ ﴿ مَتْ 21.12-17 ؛ مَرْ 11.15-19 ؛ يَحـ 2.13-22 ﴾ 45 سَيْ عِيسَىٰ يَشِغَ هَيْكَلِ يَڢَارَ كُواْرَرْ مَاسُ سَيَرْ دَ كَايَ، 46 يَنَثٜىٰ مُسُ «أَيْ، أَرُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ ‹غِدَانَ ذَيْ ذَمَ غِدَنْ أَدُّعَ؞› عَمَّا كُنْ مَيْدَشِ وُرِنْ ٻُيَنْ یَنْ ڢَشِ!» 47 كُواْوَثٜىٰ رَانَ يَيِ تَكُواْيَرْوَا أَ هَيْكَلِ؞ عَمَّا مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى دَ شُوغَبَنِّنْ جَمَعَ سُنْ نٜىٰمِ حَنْيَرْ دَ ذَاسُ كَشٜىٰشِ؞ 48 عَمَّا بَسُ سَامِ حَنْيَرْ دَ ذَاسُ كَشٜىٰشِيبَ دُواْمِنْ مَغَنَرْسَ تَطَوْكِ حَنْكَلِنْ كُواْوَ دَيَكٜىٰ أَوُرِنْ، كُمَ بَاسَسُواْ كُواْ كَلْمَ طَيَ تَوُثٜىٰ مُسُ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria