لُكَّ 15 - أَتَّوْرَتْ دَ أَنَّبَاوَا

مِصَالِ نَتُنْكِيَرْدَ تَٻَثٜىٰ

¹ وَتَرَانَ مَاسُ كَرْٻَرْ هَرَاجِ دَ مَاسُ ذُنُوبِ سُكَذُواْ دُواْمِنْ سُجِ كُواْيَرْوَرْ عِيسَىٰ؞

² سَيْ ڢَرِسِيَاوَا دَ مَلَمً كُواْيَرْوَرْ مُوسَٰى سُكَ ڢَارَ غُنَغُنِ سُنَ ثٜىٰوَ ‏«‏حَبَ!‏ وَنَّنْ مُتُمْ يَمَيْدَ كَنْسَ أَبُواْكِنْ مَاسُ ذُنُوبِ، حَرْ مَا يَنَثِنْ عَبِنْثِ دَسُو؞»‏

³ سَيْ عِيسَىٰ يَبَاسُ وَنَّنْ مِصَالِ؞

⁴ ‏«‏عَثٜىٰ طَيَنْكُ يَنَدَ تُمَكِ طَرِے، سَيْ طَيَنْسُ تَٻَثٜىٰ، أَيْ، ذَيْ بَرْ ثَسَعِنْ دَتَرَنْ أَ عِنْدَ سُكٜىٰ كِيوُاْ، يَجٜىٰ نٜىٰمَنْ وَنَّنْ دَتَٻَثٜىٰ؞

⁵ عِدَنْ يَا سَامٜىٰتَ، ذَيْ يِمُرْنَ، يَطَوْكٜىٰتَ عَكَڢَطَ

⁶ يَكَيْتَ غِدَا؞ سَعَنً يَكِرَا أَبُواْكَنْسَ دَ كُمَ وَطَنْدَ سُكٜىٰ ذَمَ تَرٜىٰدَشِ يَثٜىٰمُسُ، ‏‹‏كُتَايَنِ مُرْنَ غَمَا نَا سَامِ وَنَّنْ تُنْكِيَرْ دَتَٻَثٜىٰ!‏›‏

⁷ إِنَ دَيْ غَيَ مُكُ، حَكَ ذَاعَيِ مُرْنَ سُواْسَيْ أَ سَمَ عَكَنْ مَيْ ذُنُوبِ غُدَا طَيَ وَنْدَ يَتُوبَ، ڢِيٜىٰدَ مَاسُ أَدَلْثِے ثَسَعِنْ دَتَرَ، وَطَنْدَ بَاسَ بُڧَاتَرْ تُوبَ؞

مِصَالِ عَكَنْ كُطِنْدَ يَٻَثٜىٰ

⁸ ‏«‏عَثٜىٰ، مَثٜىٰ تَنَدَ كُطِنْ أَظُرْڢَا غُدَا غُواْمَ، طَيَ يَٻَتَ، أَيْ، ذَاتَ كُنَّ ڢِتِلَ تَشَارٜىٰ غِدَنْ، تَيِتَنٜىٰمَنْسَ سَيْ تَسَامٜىٰشِ؞

⁹ عِدَنْ تَسَامٜىٰشِ، سَيْ تَتَارَ أَبُواْكَنْتَ دَ وَطَنْدَ سُكٜىٰ ذَمَ تَرٜىٰدَ عِتَ، تَثٜىٰمُسُ، ‏‹‏كُتَايَنِ مُرْنَ، دُوانْ نَسَامِ كُطِنَّنْ دَيَٻَثٜىٰ؞›‏

¹⁰ إِنَ غَيَ مُكُ، حَكَ ذَيْ ذَمَ أَبِنْ مُرْنَ غَ مَلاَىِٕكُنْ اللَّهْ إِنْ مَيْ ذُنُوبِ غُدَا يَتُوبَ؞»‏

مِصَالِ عَكَنْ بَابَ مَيْ ڧَوْنَ

¹¹ سَيْ عِيسَىٰ يَثٜىٰ ‏«‏أَنْتَٻَ يِنْ وَنِ مُتُمْ وَنْدَ يَكٜىٰدَ يَارَا مَظَا بِيُ؞

¹² ڧَرَمِنْ طَا عَثِكِنْسُ يَثٜىٰ وَبَابَنْسُ، ‏‹‏بَابَ، نِے عَبَانِ يَنْذُ أَبِنْدَ عَكَ شِرْيَ ذَاعَ بَانِ بَايَنْ كَمُتُ؞›‏ سَيْ بَابَنْ يَرَبَ مُسُ دُوكِيَرْسَ؞

¹³ بَايَنْ یَنْ ݣُونَكِے، سَيْ طَنْ يَتَتَّارَ كَايَنْسَ دُكْ، يَتَاشِ يَبَرْ غِدَا؞ يَجٜىٰ وَنِ غَرِ مَيْ نِيسَ؞ عَثَنْ نٜىٰ يَجٜىٰ يَيِ بَنْظَ دَ كُطِنْ ثِكِنْ إِسْكَنْثِ؞

¹⁴ بَايَنْدَ يَثِنْيٜىٰ دُكْ أَبِنْدَ يَكٜىٰدَشِ، سَيْ مُوغُوَرْ يُنْوَ تَشِغَ وَنَّنْ غَرِنْ، شِيكُوَ يَشِغَ ثِكِنْ رَشِ؞

¹⁵ سَيْ يَجٜىٰ يَنٜىٰمِ عَيْكِ أَوُرِنْ وَنِ مُتُمِنْ ڧَسَرْ، سَيْ مُتُمِنْ يَتُورَشِ يَيِ كِيوُانْ أَلَدُنْسَ؞

¹⁶ يَنٜىٰمِ دُوسَرْ دَ أَلَدُنْ سُكٜىٰثِ دُواْمِنْ يَثِ، عَمَّا بَاوَنْدَ يَبَاشِ؞

¹⁷ عَڧَرْشٜىٰ سَيْ يَدَاوُاْ ثِكِ حَنْكَلِنْسَ، سَيْيَثٜىٰ، ‏‹‏كَيْ!‏ غَا مَعَيْكَتَنْ بَابَنَ دُكْ سُنَ بَنْظَ دَ عَبِنْثِ، عَثٜىٰ غَانِ ذَنْ مُتُ دَ يُنْوَ!‏

¹⁸ ذَنْ تَاشِ إِنْكُواْمَ وُرِنْ بَابَنَ إِنْثٜىٰ ‏«‏بَابَ، نَايِ وَ اللَّهْ لَيْڢِے، نَا كُمَيِ مَكَ؞

¹⁹ بَنْمَا إِسَ عَڧَارَ كِرَنَ طَنْكَبَ؞ كَسَانِ إِنْذَمَ كَمَرْ طَيَ دَغَ ثِكِنْ مَعَيْكَتَنْكَ؞»‏ ›‏

²⁰ سَيْ يَتَاشِ يَكَامَ حَنْيَ ذَيْ كُواْمَ وُرِنْ بَابَنْسَ؞ ‏«‏تُنْ يَنَ دَغَ نٜىٰسَ، سَيْ بَابَنْسَ يَغَانٜىٰشِ؞ تَوْسَيِ يَكَامَ بَابَنْ، يَتَاشِ دَغُدُ، يَجٜىٰ يَضُنْ‌غُمِ طَنْسَ، يَيِتَيِنْ مَسَ سُمْبَ؞

²¹ سَيْ طَنْ يَثٜىٰ، ‏‹‏بَابَ، نَيِ وَ اللَّهْ لَيْڢِے نَكُمَيِ مَكَ؞ بَنْ إِسَ عَڧَارَ كِرَنَ طَنْكَ بَ؞›‏

²² ‏«‏عَمَّا بَابَنْ يَكِرَا بَايِنْسَ، يَثٜىٰ، ‏‹‏مَظَا!‏ كُكَٰوُاْ رِغَا مَڢِے ݣَوْ كُسَا مَسَ؞ كُسَا مَسَ ذُواْبٜىٰ دَ تَاكَلْمَ،

²³ عَكُمَ كَٰوُاْ سَانِيَرْ نَنْ مَيْ ڧِبَ عَيَنْكَ، مُثِ، مُيِ مُرْنَ؞

²⁴ دُواْمِنْ طَنَّنْ نَوَ، دَا يَا مُتُ عَمَّا يَنْذُ يَدَاوُاْ؞ دَا يَٻَثٜىٰ، عَمَّا يَنْذُ أَنْسَامٜىٰشِ؞›‏ سَيْ سُكَيِ مُرْنَ سُواْسَيْ؞

²⁵ ‏«‏تُواْ، أَوَنَّنْ لُواْكَثِ دَيْ بَبَّنْ طَنْسَ وَنْدَ يَجٜىٰ غُواْنَ يَنَ دَاوُاْوَ؞ دَيَيِ كُسَدَ غِدَا، سَيْ يَجِ أَنَبُغَ غَنْ‌غَ، أَنَرَوَ؞

²⁶ سَيْ يَكِرَا وَنِ بَاوَنْ غِدَنْ، يَتَمْبَيٜىٰشِ أَبِنْدَ يَكٜىٰ ڢَرُوَ؞

²⁷ ‏«‏بَاوَنْ يَثٜىٰ، ‏‹‏أَيْ، ڧَنٜىٰنْكَنٜىٰ يَدَاوُاْ، شِينٜىٰ بَابَنْكَ يَسَا عَكَ يَنْكَ سَانِيَ مَيْ ڧِبَرْ نَنْ سَبُواْدَ طَنْعُوَنْكَ يَدَاوُاْ غِدَا لَاڢِيَ ڧَلَوْ؞›‏

²⁸ ‏«‏عَمَّا طَنْعُوَنْسَ يَيِ ڢُشِے سُواْسَيْ، يَڧِ يَشِغَ غِدَا؞ بَابَنْسُ كُوَ يَڢِتُواْ يَبَاشِ حَڧُرِ، يَضُواْڧٜىٰشِ يَشِغَ ثِكِ؞

²⁹ عَمَّا يَأَمْسَ وَبَابَنْسَ يَثٜىٰ، ‏‹‏دُوبَ، دُكْ وَطَنَّنْ شٜىٰكَرُ، إِنَيِمَكَ عَيْكِ كَمَرْ بَاوَ، بَنْ تَٻَ ڧِنْيِنْ أَبِنْدَ كَثٜىٰ إِنْيِبَ؞ دُكْدَهَكَ، بَكَتَٻَ بَانِ كُواْ یَرْ عَكُيَ إِنْكِرَا أَبُواْكَيْنَ مُثِ دَسُوبَ!‏

³⁰ عَمَّا دَ طَنَّنْ نَاكَ يَدَاوُاْ، وَنْدَ يَجٜىٰ يَثِنْيٜىٰ دُوكِيَرْكَ عَكَنْ كَارُوَيْ، كَا يَنْكَ مَسَ سَانِيَرْ نَنْ مَيْ ڧِبَ؞›‏

³¹ سَيْ بَابَنْ يَثٜىٰ مَسَ، ‏‹‏طَانَ، كُلُّمْ كَنَنَنْ تَرٜىٰدَنِ، دُكْ أَبِنْدَ نَكٜىٰدَشِ، أَيْ، نَاكَنٜىٰ؞

³² يَا كَمَاتَ مُيِ مُرْنَ دَ ڢَضٍ ثِكِ، دُواْمِنْ طَنْعُوَنْكَ نَنْ دَا يَا مُتُ، عَمَّا يَنْذُ يَا دَاوُاْ، دَا يَٻَثٜىٰ، عَمَّا يَنْذُ أَنْسَامٜىٰشِ؞›‏ »‏