لُكَّ 11 - أَتَّوْرَتْ دَ أَنَّبَاوَا

كُواْيَرْوَرْ عِيسَىٰ عَكَنْ أَدُّعَ

¹ وَتَرَانَ عِيسَىٰ يَنَ أَدُّعَ أَوَنِ وُرِے؞ دَ يَغَمَ، سَيْ طَيَ دَغَ ثِكِنْ أَلْمَجِرَنْسَ يَثٜىٰ مَسَ ‏«‏عُبَنْ‌غِجِ، كَكُواْيَ مَنَ يَدَّ ذَامُيِ أَدُّعَ، كَمَرْ يَدَّ يَحْيَى يَكُواْيَ وَ أَلْمَجِرَنْسَ مَنَ؞»‏

² عِيسَىٰ يَثٜىٰ مُسُ ‏«‏إِنْ ذَاكُيِ أَدُّعَ، كُثٜىٰ، ‏«‏ ‏‹‏يَا عُبَا، عَكِيَايٜىٰ سُونَنْكَ دَ ڟَرْكِے، مُلْكِنْكَ يَذُواْ؞

³ كَبَامُ عَبِنْثِ نَيَوْ دَ نَكُواْوَثٜىٰ رَانَ؞

⁴ كَغَاڢَرْتَا مَنَ ذُنُبَنْمُ، غَمَا مُو مَا مُنَ غَاڢَرْتَا وَ دُكْ وَنْدَ يَيِمَنَ لَيْڢِے؞ كَدَ كَكَيْمُ ثِكِنْ جَرَّبَ؞›‏ »‏

⁵ عِيسَىٰ يَسَاكٜىٰثٜىٰ وَ أَلْمَجِرَنْسَ ‏«‏عَثٜىٰ طَيَنْكُ يَنَدَ أَبُواْكِ، يَجٜىٰ وُرِنْسَ دَ ڟَكَرْ دَرٜىٰ يَثٜىٰمَسَ، ‏‹‏أَبُواْكِ، كَبَانِ بَاشِنْ غُرَاسَ غُدَا عُكُ مَنَ؞

⁶ غَاشِ وَنِ أَبُواْكِينَ وَنْدَ يَڢِتُواْ تَڢِيَ يَسَوْكَ أَوُرِينَ يَنْذُ يَنْذُنَّنْ؞ كُمَ بَانِدَ عَبِنْثِنْ دَ ذَنْبَاشِ؞›‏

⁷ سَعَنً عَثٜىٰ أَبُواْكِنَّنْ دَ أَنْجٜىٰ نٜىٰمَنْ بَاشِ أَوُرِنْسَ يَأَمْسَ دَغَ ثِكِنْ طَاكِ يَثٜىٰ ‏‹‏كَدَ كَدَمٜىٰنِ!‏ أَيْ، نَارِغَا نَا كُلّٜىٰ ڧُواْڢَ دَنِے دَ يَارَنَ دُكْ مُنْ ݣُونْتَ، بَذَنِيَ تَاشِ إِنْبَاكَ وَنِ أَبُبَ؞›‏

⁸ إِنَ غَيَ مُكُ، كُواْ دَ بَذَيْ تَاشِ يَبَاشِ وَنِ أَبُ دُوانْ شِے أَبُواْكِنْسَ بَنٜىٰ، ذَيْ تَاشِ يَبَاشِ كُواْ نَوَ يَكٜىٰسُواْ سَبُواْدَ أَبُواْكِنْ بَايَ جِنْ كُنْيَا يَيِ تَضُواْڧُواْ؞

⁹ ‏«‏إِنَ دَيْ غَيَ مُكُ، كُيِ تَضُواْڧُواْ ذَاعَ بَاكُ؞ كُيِ تَنٜىٰمَ ذَاكُسَامُ؞ كُيِ تَڨُونْڨُوسَاوَا، ذَاعَ بُوطٜىٰ مُكُ؞

¹⁰ غَمَا دُكْ وَنْدَ يَضُواْڧَا، ذَاعَ بَاشِ، دُكْ وَنْدَ يَنٜىٰمَ ذَيْسَامُ، كُمَ دُكْ وَنْدَ يَڨُونْڨُوسَ ذَاعَ بُوطٜىٰ مَسَ؞

¹¹ أَݣَويْ وَنِ عَثِكِنْكُ وَنْدَ إِنْ يَرُوانْسَ يَضُواْڧٜىٰشِ كِيڢِ سَيْ يَبَاشِ مَثِيجِ؟

¹² كُواْ كُوَ يَرُوانْ يَضُواْڧِ ڨُويْ سَيْ عَبَاشِ كُنَمَ؟

¹³ عِدَنْ كُو دَ كُكٜىٰ مُوغَيٜىٰ كُنْ سَنْ يَدَّ ذَاكُبَا یَیَنْكُ أَبُبُوَ مَاسُ ݣَوْ، بَلّٜىٰ عُبَنْكُ نَسَمَ ذَيْبَادَ رُوحُ مَيْ ڟَرْكِے غَ مَاسُ ضُواْڧُوانْسَ؞»‏

عِيسَىٰ دَ بَعَلْظَبُلْ

¹⁴ أَنَانً عِيسَىٰ يَنَ ڢِتَرْدَ بٜىٰبٜىٰنْ أَلْجَنِ دَغَ وَنِ مُتُمْ؞ دَ أَلْجَنِنْ يَڢِتَ، سَيْ مُتُمِنْ يَيِ مَغَنَ، تَارُوانْ كُوَ سُكَيِ مَامَاكِ؞

¹⁵ عَمَّا وَطَنْسُ مُتَنٜىٰ سُكَثٜىٰ ‏«‏أَهَبْ!‏ أَيْ، بَعَلْظَبُلْ، سَرْكِنْ أَلْجَنُ نٜىٰ يَبَاشِ وَنَّنْ إِيكُواْ نَڢِتَرْدَ أَلْجَنُ؞»‏

¹⁶ وَطَنْسُ سُنَسُواْ سُڠُودَ عِيسَىٰ، سَيْ سُكَثٜىٰ مَسَ يَيِ وَتَ بَبَّرْ عَلَمَرْ دَ ذَاتَ بَيَّنَ إِيكُوانْسَ؞

¹⁷ عَمَّا عِيسَىٰ يَغَانٜىٰ تُنَانِنْ دَسُكٜىٰ ثِكِ، سَيْيَثٜىٰ مُسُ ‏«‏دُكْ مُلْكِنْدَ يَرَبُ كَشِ بِيُ سُنَ غَابَادَ جُونَ، مُلْكٍ بَذَيْ ڟَيَبَ؞ حَكَ مَا إِنْ غِدَا يَرَبُ كَشِ بِيُ، سُنَ غَابَادَ جُونَ، ذَيْ رُشٜىٰ؞

¹⁸ إِنْ كُمَ شَيْطَنْ يَرَبُ كَشِ بِيُ يَنَ غَابَادَكَنْسَ، يَيَ مُلْكِنْسَ ذَيْ يِڧَرْڢِے؟ كُنْ ثٜىٰ دَ إِيكُوانْ بَعَلْظَبُلْ نَكٜىٰ ڢِتَرْدَ أَلْجَنُ؞

¹⁹ عِدَنْ دَ إِيكُوانْ بَعَلْظَبُلْ نَكٜىٰ ڢِتَرْدَ أَلْجَنُ، تُواْ، أَلْمَجِرَنْكُ ڢَا؟ دَ إِيكُوانْ وَ سُكٜىٰ ڢِتَرْوَ؟ أَلْمَجِرَنْكُ نٜىٰ ذَاسُيِ مُكُ شَرِيعَ عَكَنْ وَنَّنْ؞

²⁰ عَمَّا عِدَنْ دَ إِيكُوانْ اللَّهْ نَكٜىٰ ڢِتَرْدَ أَلْجَنُ، أَشٜىٰ، مُلْكٍ اللَّهْ يَاذُواْ مُكُ كٜىٰنَنْ؞

²¹ ‏«‏عِدَنْ مُتُمْ مَيْ ڧَرْڢِے يَيِ شِرِ سُواْسَيْ، يَنَ غَادِنْ غِدَنْسَ، كَايَنْ غِدَنْسَ ذَاسُ ذَوْنَ لَاڢِيَ لَوْ؞

²² عَمَّا عِدَنْ وَنْدَ يَڢِيشِ ڧَرْڢِے يَذُواْ يَهَوْ شِ دَ ڢَطَ يَكُمَ شَا ڧَرْڢِنْسَ، سَيْ يَڨُوثٜىٰ دُكْ مَكَامَنْ دَ مُتُمِنْ يَدُواْغَرَ دَسُو، يَكُمَ رَرَّبَ كَايَيَّكِنْ دَ يَڨُوثٜىٰ عَيَاڧِ؞

²³ ‏«‏وَنْدَ بَايَ تَرٜىٰدَنِ، يَنَ غَابَادَنِے كٜىٰنَنْ؞ وَنْدَ بَيْ تَيْمَكٜىٰنِ تَرَوَ بَ كُوَ، يَنَ وَاڟَرْوَ نٜىٰ؞»‏

دَاوُاْوَرْ ڧَظَمِنْ رُوحُ

²⁴ ‏«‏عِدَنْ ڧَظَامِنْ رُوحُ يَڢِتَ دَغَ جِكِنْ مُتُمْ، يَكَنْيِ تَيَٰوُاْ أَوُرَارٜىٰنْ دَ بَا ضُوَ دُواْمِنْ يَسَامِ وُرِنْ هُوتَوَا؞ عِدَنْ بَيْ سَامُبَ، سَيْيَثٜىٰ ‏‹‏ذَنْ كُواْمَ غِدَانَ دَ نَڢِتُواْ؞›‏

²⁵ عِدَنْ يَا ذُواْ يَسَامُ أَنْشَرٜىٰ، أَنْكُمَ ڠَرَ غِدَنْ،

²⁶ سَيْ يَكُواْمَ يَݣُوسُواْ وَطَنْسُ ڧَظَامَنْ رُوحُواْحِ بَݣَويْ وَطَنْدَ سُكَڢِيشِ مُغُنْتَا، سُذُواْ سُذَوْنَ أَوُرِنْ؞ عَڧَرْشٜىٰ ذَمَنْ مُتُمِنَّنْ ذَيْڢِ نَڢَرْكُوانْ مُونِ؞»‏

أَلْبَرْكَ تَغَسْكِيَ

²⁷ دَ عِيسَىٰ يَڢَطِ حَكَ، سَيْ وَتَ مَثٜىٰ دَغَ ثِكِنْ جَمَعَ تَطَغَ مُرْيَ تَثٜىٰمَسَ ‏«‏اللَّهْ يَ أَلْبَرْكَثِ مَاتَرْ دَ تَحَيْڢٜىٰكَ تَكُمَ غُواْيٜىٰكَ حَرْ كَيِغِرْمَ!‏»‏

²⁸ عِيسَىٰ يَأَمْسَ يَثٜىٰ ‏«‏عِ، عَمَّا أَلْبَرْكَ تَڢِے تَبَّتَا غَ وَطَنْدَ سُكٜىٰ جِنْ كَلْمَرْ اللَّهْ، سُكٜىٰ كُمَ كِيَايٜىٰتَ!‏»‏

نٜىٰمَنْ عَلَمَ

²⁹ سَعَدَّ مُتَنٜىٰ سُكَ دِنْ‌غَ ڧَارُوَ وُرِنْ عِيسَىٰ، سَيْ يَڢَارَ ثٜىٰوَ ‏«‏وَنَّنْ زَامَانِ مُوغُنْ زَامَانِنٜىٰ؞ سُنَ نٜىٰمَ أَنُونَ مُسُ وَتَ عَلَمَ، عَمَّا بَابُوَتَ عَلَمَرْ دَ ذَاعَ نُونَ مُسُ سَيْدَيْ تَ يُونُسَ؞

³⁰ كَمَرْ يَدَّ يُونُسَ يَذَمَ عَلَمَ غَ مُتَنٜىٰنْ نِنٜىٰبَ، حَكَمَا طَنْ مُتُمْ ذَيْ ذَمَ غَ مُتَنٜىٰنْ زَامَانِنَّنْ؞

³¹ أَ رَانَرْ شَرِيعَ، سَرَوْنِيَرْ شٜىٰبَ ذَاتَ تَاشِ تَرٜىٰدَ مُتَنٜىٰنْ زَامَانِنَّنْ تَنُونَ مُسُ بَسُيِ دَيْدَيْبَ، غَمَا تَاذُواْ نٜىٰ دَغَ وُرِے مَيْ نِيسَ سُواْسَيْ دُوانْ تَجِ كُواْيَرْوَرْ حِكِمَرْ سُلَيْمَٰنُ؞ عَمَّا غَ وَنْدَ يَڢِ سُلَيْمَٰنُ أَنَنْ؞

³² أَ رَانَرْ شَرِيعَ، مُتَنٜىٰنْ نِنٜىٰبَ ذَاسُ تَاشِ تَرٜىٰدَ مُتَنٜىٰنْ زَامَانِنَّنْ، سُنُونَ مُسُ بَسُيِ دَيْدَيْبَ، دُواْمِنْ سُو سُنْ تُوبَ سَبُواْدَ وَعَظِنْ يُونُسَ؞ غَاشِ كُوَ وَنْدَ يَڢِ يُونُسَ أَنَنْ!‏

ڢِتِلَرْ جِكِے

³³ ‏«‏بَاوَنْدَ ذَيْ كُنَّ ڢِتِلَ سَعَنً يَٻُواْيٜىٰتَ، كُواْ كُمَ يَرُڢٜىٰتَ دَ ݣُونُواْ؞ أَعَ، سَيْدَيْ يَأَجِيٜىٰتَ عَكَنْ سَنْدَا مَيْ رِڧٜىٰ ڢِتِلُ، عِنْدَ كُواْوَ دَ يَشِغَ ذَيْ غَ حَصْكٜىٰنْ؞

³⁴ عِدُواْ شِينٜىٰ ڢِتِلَرْ جِكِے؞ إِنْ عِدُوانْكَ يَنَ دَ لَاڢِيَ، دُكَنْ جِكِنْكَ ذَيْثِكَ دَ حَصْكٜىٰ؞ عَمَّا عِدَنْ عِدُوانْكَ بَا لَاڢِيَ، سَيْ دُكَنْ جِكِنْكَ يَرَسَ حَصْكٜىٰ؞

³⁵ كَلُورَ ڢَا، كُواْ حَصْكٜىٰنْ دَ كَكٜىٰ دَشِ دُهُنٜىٰ؞

³⁶ إِنْ دُكَنْ جِكِنْكَ يَنَدَ حَصْكٜىٰ، بَ عِنْدَ يَكٜىٰدَ دُهُ، أَيْ، دُكْ سَيْ يَحَصْكَكَا غَبَاطَيَ، كَمَرْ يَدَّ حَصْكٜىٰنْ ڢِتِلَ يَكٜىٰ بَاكَ حَصْكٜىٰ؞»‏

عِيسَىٰ يَتُواْنَ أَسِيرِنْ ڢَرِسِيَاوَا دَ مَلَمً كُواْيَرْوَرْ مُوسَٰى

³⁷ دَ عِيسَىٰ يَغَمَ مَغَنَ، سَيْ وَنِ بَڢَرِسِيٜىٰ يَغَيَّثِ عِيسَىٰ غِدَنْسَ سُثِ عَبِنْثِ؞ سَيْ عِيسَىٰ يَجٜىٰ يَذَوْنَ دُوانْ ثِنْ عَبِنْثِ؞

³⁸ دَ بَڢَرِسِيٜىٰنْ يَغَ ثٜىٰوَ عِيسَىٰ بَيْ وَنْكٜىٰ حَنُّ كَاڢِنْ يَڢَارَ ثِنْ عَبِنْثِنْبَ، سَيْ مَامَاكِ يَكَامَشِ؞

³⁹ عُبَنْ‌غِجِ يَثٜىٰ مَسَ ‏«‏كُو ڢَرِسِيَاوَا كُكَنْ وَنْكٜىٰ بَايَنْ ݣُوڢْ دَ كُمَ ڨُورْيَ، عَمَّا عَثِكِنْكُ كُنَ ثِكٜىٰ دَ ثُوثٜىٰ ثُوثٜىٰ دَ مُغُنْتَا؞

⁴⁰ وَوَيٜىٰ كَوَيْ!‏ أَشٜىٰ، بَ اللَّهْ وَنْدَ يَيِ وَجٜىٰنْ نٜىٰ يَيِ ثِكِنْ مَابَ؟

⁴¹ عَمَّا دَ ذَاكُيِ سَدَكَ دَ أَبُبُوَنْ دَسُكٜىٰ عَثِكِ دَكُواْمٜىٰ ذَيْ ذَمَ مَرَرْ ڧَظَنْتَا أَغَرٜىٰكُ؞

⁴² ‏«‏كَيْتُوانْكُ، ڢَرِسِيَاوَا!‏ كُنَبَا اللَّهْ زَكَّرْ كَايَنْ يَجِ نَغَنْيٜىٰ دَ كُمَ سَوْرَنْ غَنْيٜىٰنْ مِيَ دُكَ؞ عَمَّا كُنْڧِ كُلَ دَ عَيْكَتَ غَسْكِيَ دَ ڧَوْنَرْ اللَّهْ؞ وَطَنَّنْ نٜىٰ يَا كَمَاتَ كُيِ، بَاتَرٜىٰدَ كُنْ ڨَلٜىٰ سَوْرَنْبَ؞

⁴³ ‏«‏كَيْتُوانْكُ، ڢَرِسِيَاوَا!‏ كُنْثِكَسُواْ عَبَاكُ وُرَارٜىٰنْ ذَمَ مَاسُ دَرَجَ أَ مَجَمِعُ، عَكُمَ دِنْ‌غَ غَيْشٜىٰكُ عَكَاسُوَ؞

⁴⁴ كَيْتُوانْكُ!‏ كُنْيِ كَمَ دَ كَبُرْبُرَنْ دَ بَعَغَنِ، وَطَنْدَ مُتَنٜىٰ سُكٜىٰ تَڢِيَ عَكَيْ دُوانْ رَشِنْ سَنِ؞»‏

⁴⁵ سَيْ طَيَ دَغَ ثِكِنْ مَلَمً كُواْيَرْوَرْ مُوسَٰى يَثٜىٰ وَ عِيسَىٰ ‏«‏مَلَمْ، إِنْ كَڢَطِ حَكَ، أَيْ، مُو مَا، كَذَغٜىٰمُ!‏»‏

⁴⁶ عِيسَىٰ يَأَمْسَ، يَثٜىٰ ‏«‏كَيْتُوانْكُ، كُو مَا مَلَمً كُواْيَرْوَرْ مُوسَٰى!‏ كُنْ جِبْغَ وَمُتَنٜىٰ كَايَ، وَتُواْ دُواْكُواْكِ مَاسُ نَوْيِ سُطَوْكَ، عَمَّا كُو كَنْكُ بَكُتَٻَ كَايَنْ كُواْ دَيَڟَ طَيَ دُواْمِنْ كُتَيْمَكٜىٰسُبَ؞

⁴⁷ كَيْتُوانْكُ!‏ كُنْ غِنَا كَبُرْبُرَ مَاسُ ݣَوْ وَ أَنَّبَاوَنْ اللَّهْ وَطَنْدَ كَاكَنِّنْكُ سُكَ كَشٜىٰ؞

⁴⁸ وَتُواْ كُو دَ كَنْكُ كُنْ شَيْدَ كُنْ كُمَ يَرْدَ دَ يَدَّ كَاكَنِّنْكُ سُكَيِ؞ سُنْ كَشٜىٰ أَنَّبَاوَنْ، كُو كُمَ كُكَ غِنَا كَبُرْبُرَنْ؞

⁴⁹ شِيَسَا حِكِمَرْ اللَّهْ تَثٜىٰ، ‏‹‏ذَنْ عَيْكَ مُسُ دَ أَنَّبَاوَا دَ مَنْذَنِّے؞ ذَاسُكَشٜىٰ وَطَنْسُ، سُكُمَ ڟَنَنْتَا وَ وَطَنْسُ؞›‏

⁵⁰ سَبُواْدَ حَكَ ذَاعَ حُكُنْتَ مُتَنٜىٰنْ زَامَانِنَّنْ سَبُواْدَ كَشٜىٰ كَشٜىٰنْ دَ عَكَيِ وَدُكَنْ أَنَّبَاوَا تُنْ كَڢَاوَرْ دُونِيَا،

⁵¹ وَتُواْ، تُنْدَغَ جِنِنْ هَبِيلَ حَرْ ذُوَا نَ زَكَرِيَّا، وَنْدَ عَكَ كَشٜىٰ ڟَكَانِنْ بَغَدٜىٰنْ هَدَايَ دَ وُرِے مَيْ ڟَرْكِے ثِكِنْ هَيْكَلِ؞ عِ، إِنَ غَيَ مُكُ، ذَاعَ حُكُنْتَ مُتَنٜىٰنْ زَامَانِنَّنْ سَبُواْدَ وَطَنَّنْ دُكَ!‏

⁵² ‏«‏كَيْتُوانْكُ مَلَمً كُواْيَرْوَرْ مُوسَٰى!‏ كُنْ رِڧٜىٰ مَبُوطِنْ غِدَنْ عِلِمِ، كُو كَنْكُ بَكُ شِغَبَ، بَكُ كُمَ بَرْ مَاسُ سُوانْ شِغَ سُشِغَبَ؞»‏

⁵³ دَ عِيسَىٰ يَبَرْ وُرِنْ، سَيْ مَلَمً كُواْيَرْوَرْ مُوسَٰى دَ ڢَرِسِيَاوَا سُكَ ڢَارَ مَاڟَ مَسَ، سُنَ ڟُواْكَنَرْسَ دَ تَمْبَيُواْيِ عَكَنْ أَبُبُوَ دَيَوَ،

⁵⁴ سُنَ ڧُواْڧَرِ سُسَا مَسَ تَرْكُواْ دُواْمِنْ يَڢَطَا وَنِ أَبِنْدَ بَ دَيْدَيْبَ؞