ڢِرِسْتُواْثِے 9 - أَتَّوْرَتْ دَ أَنَّبَاوَا

ڢِرِسْتُواْثِے سُنْ ڢَرَ عَيْكِنْسُ

¹ بَايَنْ ݣُونَكِنْ ڧَٰعِدَرْ نَطَوَرْ ڢِرِسْتِ سُكَ ثِكَ، أَ رَانَ تَتَݣُوسْ كٜىٰنَنْ، سَيْ مُوسَٰى يَكِرَا هَٰرُونَ دَ یَیَنْسَ مَظَا تَرٜىٰدَ دَتَّاوَنْ إِسْرَٰٓءِيلَ؞

² يَثٜىٰ وَ هَٰرُونَ ‏«‏كَطَوْكِ طَنْ بِجِمِ دُواْمِنْ هَدَايَ تَوَنْكٜىٰ ذُنُوبِ دَ ضَغُواْ دُواْمِنْ هَدَايَ تَڧُواْنَاوَا، دُكَنْسُ ذَاسُ كَسَنْثٜىٰ مَرَرْ تَبُواْ؞ كَكَٰوُاْسُ كَمِيڧَ أَغَبَنْ يَهْوٜىٰهْ؞

³ سَعَنً كَڢَطَا وَمُتَنٜىٰنْ إِسْرَٰٓءِيلَ ثٜىٰوَ سُطَوْكِ بُنْسُرُ دُواْمِنْ هَدَايَ تَوَنْكٜىٰ ذُنُوبِ دَ طَنْ بِجِمِ دَ طَنْ ضَغُواْ، دُكَنْسُ سُكَسَنْثٜىٰ مَاسُ شٜىٰكَرَا طَيَ تَكْ، مَرَسَ تَبُواْ دُواْمِنْ يِنْ هَدَايَ تَڧُواْنَاوَا؞

⁴ سُكُمَ كَٰوُاْ بِجِمِ دَ ضَغُواْ دُواْمِنْ هَدَايَ تَڠَرَنْ زُمُنْثِ غَ يَهْوٜىٰهْ دَ هَدَايَ تَهَڟِنْ دَ عَكَ ݣُوٻَ دَ مَيْ؞ غَمَا يَوْ نِے يَهْوٜىٰهْ ذَنْ بَيَّنَ كَيْنَ غَرٜىٰكُ؞»‏

⁵ سَيْ سُكَ طَوْكِ أَبُبُوَنْ دَ مُوسَٰى يَعُمَرْتَ ذُوَا غَبَنْ تٜىٰنْتِنْ سَدُوَ؞ سَيْ دُكَنْ جَمَعَرْ سُكَ مَڟُواْ كُسَ سُكَ ڟَيَ أَغَبَنْ يَهْوٜىٰهْ؞

⁶ سَيْ مُوسَٰى يَثٜىٰ ‏«‏تُواْ، غَا أَبِنْدَ يَهْوٜىٰهْ يَعُمَرْثٜىٰكُ كُيِ دُواْمِنْ حَصْكٜىٰنْ طَوْكَكَرْسَ يَبَيَّنَ غَرٜىٰكُ؞»‏

⁷ مُوسَٰى يَثٜىٰ وَ هَٰرُونَ ‏«‏مَڟُواْ كُسَدَ بَغَدٜىٰنْ، كَمِيڧَ هَدَايَرْكَ تَوَنْكٜىٰ ذُنُوبِ دَ هَدَايَرْكَ تَڧُواْنَاوَا دُواْمِنْ طَوْكَرْ أَلْحَكِنْ ذُنُبَنْكَ دَ نَمُتَنٜىٰ؞ كَمِيڧَ هَدَايَرْدَ مُتَنٜىٰنْ سُكَ كَٰوُاْ دُواْمِنْ طَوْكَرْ أَلْحَكِنْ ذُنُبَنْسُ، بِسَغَ يَدَّ يَهْوٜىٰهْ يَعُمَرْتَ؞»‏

⁸ سَيْ هَٰرُونَ يَمَاڟَ كُسَدَ بَغَدٜىٰنْ يَيَنْكَ طَنْ بِجِمِ نَهَدَايَ تَوَنْكٜىٰ ذُنُوبِ، وَنْدَ يَكٜىٰ دُواْمِنْ كَنْسَ؞

⁹ سَعَنً یَیَنْ هَٰرُونَ مَظَا سُكَ كَٰوُاْ مَسَ جِنِنْ؞ هَٰرُونَ يَطِبِے جِنِ دَ يَڟَرْسَ يَسَا عَڧَهُواْنِنْ بَغَدٜىٰنْ، سَيْ سَوْرَنْ جِنِنْ يَظُبَ أَغِنْدِنْ بَغَدٜىٰنْ؞

¹⁰ عَمَّا كِڟٜىٰنْ دَ ڧُواْدَ بِيُنْ دَ سَاشٜىٰ مَڢِے ݣَوْ نَهَنْتَ دَغَ هَدَايَ تَوَنْكٜىٰ ذُنُوبِ، يَڧُواْنٜىٰسُ عَكَنْ بَغَدٜىٰنْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

¹¹ عَمَّا نَامَنْ دَ ڢَتَرْ، يَڧُواْنٜىٰسُ دَ وُتَا عَبَايَنْ ذَنْ‌غُوانْ؞

¹² سَعَنً هَٰرُونَ يَيَنْكَ دَبَّرْ هَدَايَ تَڧُواْنَاوَرْ؞ سَيْ یَیَنْسَ مَظَا سُكَ كَٰوُاْ مَسَ جِنِنْ، سَيْ يَيَيَّڢَا شِ عَكُواْوَنٜىٰ غٜىٰڢٜىٰنْ بَغَدٜىٰنْ؞

¹³ عَكَ كُمَ كَٰوُاْ مَسَ غَٻَ غَٻَ نَدَبَّرْ هَدَايَ تَڧُواْنَاوَا تَرٜىٰدَكَيْ طِنْ، سَيْ يَڧُواْنٜىٰسُ عَكَنْ بَغَدٜىٰنْ؞

¹⁴ يَوَنْكٜىٰ كَايَنْ ثِكِ دَ ڧَڢَاڢُنْ، سَيْ يَڧُواْنٜىٰسُ تَرٜىٰدَ هَدَايَ تَڧُواْنَاوَرْ دَتَكٜىٰ عَكَنْ بَغَدٜىٰنْ؞

¹⁵ دَغَ نَنْ سَيْ هَٰرُونَ يَمِيڧَ هَدَايَ دُواْمِنْ مُتَنٜىٰنْ؞ يَطَوْكِ بُنْسُرُنْ دَ ذَاعَ مِيڧَ هَدَايَ تَوَنْكٜىٰ ذُنُبَنْ مُتَنٜىٰنْ، يَيَنْكَ شِ؞ يَمِيڧَ شِ هَدَايَ تَوَنْكٜىٰ ذُنُوبِ كَمَرْ يَدَّ يَيِ دَ نَڢَرْكُوانْ؞

¹⁶ بَايَنْ حَكَ يَكَٰوُاْ هَدَايَ تَڧُواْنَاوَا يَمِيڧَسْتَ بِسَغَ ڧَٰعِدَرْتَ؞

¹⁷ سَعَنً يَمِيڧَ هَدَايَ تَهَڟِ، يَسَا حَنُّ يَطِبِے حَڟِ يَڧُواْنٜىٰ عَكَنْ بَغَدٜىٰنْ، حَطٜىٰ دَ هَدَايَ تَڧُواْنَاوَا تَسَاڢِيَرْ؞

¹⁸ بَايَنْ حَكَ سَيْ هَٰرُونَ يَيَنْكَ بِجِمِنْ دَ ضَغُوانْ دُواْمِنْ هَدَايَ تَڠَرَنْ زُمُنْثِ دُواْمِنْ مُتَنٜىٰنْ؞ سَيْ یَیَنْسَ سُكَ كَٰوُاْ مَسَ جِنِنْ، سَيْ يَيَيَّڢَا شِ عَكُواْوَنٜىٰ غٜىٰڢٜىٰنْ بَغَدٜىٰنْ؞

¹⁹ سَعَنً يَطَوْكِ كِڟٜىٰنْ بِجِمِنْدَ نَضَغُوانْ دَ كِڟٜىٰنْ وُڟِيَرْ دَ كِڟٜىٰنْدَ يَرُڢٜىٰ كَايَنْ ثِكِ دَ ڧُواْدَ بِيُنْ تَرٜىٰدَ كِڟٜىٰنْدَ يَمَنّٜىٰ عَكَنْسُ دَ سَاشٜىٰ مَڢِے ݣَوْ نَهَنْتَ؞

²⁰ يَسَا كِڟٜىٰنْ دُكَ عَكَنْ ڧِرْجِنْ دَبُّواْبِنْ، يَڧُواْنٜىٰ كِڟٜىٰنْ عَكَنْ بَغَدٜىٰنْ؞

²¹ ڧِرْجِنْ دَ ثِنْيَرْ دَامَرْ يَمِيڧَسُ هَدَايَ تَطَغَوَ غَ يَهْوٜىٰهْ، بِسَغَ يَدَّ مُوسَٰى يَعُمَرْتَ؞

²² بَايَنْدَ يَمِيڧَ هَدَايَ تَوَنْكٜىٰ ذُنُوبِ دَ تَڧُواْنَاوَا دَ تَڠَرَنْ زُمُنْثِ، سَيْ هَٰرُونَ يَتَادَ حَنُّوَنْسَ سَمَ تَوَجٜىٰنْ مُتَنٜىٰنْ يَسَا مُسُ أَلْبَرْكَ؞ بَايَنْ وَنَّنْ سَيْ يَسَوْكَ دَغَ بَغَدٜىٰنْ؞

²³ سَعَنً مُوسَٰى دَ هَٰرُونَ سُكَ شِغَ ثِكِنْ تٜىٰنْتِنْ سَدُوَ؞ لُواْكَثِنْ دَ سُكَ ڢِتَ سَيْ سُكَسَاكٜىٰ سَا وَمُتَنٜىٰنْ أَلْبَرْكَ، سَيْ حَصْكٜىٰنْ طَوْكَكَرْ يَهْوٜىٰهْ يَبَيَّنَ غَ دُكَنْ جَمَعَرْ؞

²⁴ وُتَا كُمَ تَڢِتُواْ دَغَ وُرِنْ يَهْوٜىٰهْ تَثِنْيٜىٰ هَدَايَ تَڧُواْنَاوَا دَ كِڟٜىٰنْ دَيَكٜىٰ عَكَنْ بَغَدٜىٰنْ؞ سَعَدَّ دُكَنْ جَمَعَ سُكَغَ وَنَّنْ، سَيْ سُكَيِ إِيهُ سُكَ ڢَاطِ دَ ڢُسْكَرْسُ حَرْ ڧَسَا؞