ڢِرِسْتُواْثِے 8 - أَتَّوْرَتْ دَ أَنَّبَاوَا

ڧَٰعِدُواْدِ غَمٜىٰدَ نَطَوَرْ ڢِرِسْتُواْثِے

¹ يَهْوٜىٰهْ يَيِ مَغَنَ دَ مُوسَٰى ثٜىٰوَ

² ‏«‏كَطَوْكِ هَٰرُونَ دَ یَیَنْسَ مَظَا دَ رِيغُنَنْسُ دَ مَنْ كٜىٰٻٜىٰوَ دَ بِجِمِنْ يِنْ هَدَايَ تَوَنْكٜىٰ ذُنُوبِ دَ رَغُنَ بِيُ دَ كُمَ ݣُونْدُوانْ غُرَاسَرْ مَرَرْ يِسْتِ؞

³ سَيْ كَتَتَّارَ دُكَنْ جَمَعَ عَبَاكِنْ ڧُواْڢَرْ تٜىٰنْتِنْ سَدُوَ؞»‏

⁴ مُوسَٰى كُوَ يَيِ كَمَرْ يَدَّ يَهْوٜىٰهْ يَعُمَرْثٜىٰشِ؞ سَعَدَّ عَكَ تَتَّارَ جَمَعَ عَبَاكِنْ ڧُواْڢَرْ تٜىٰنْتِنْ سَدُوَ،

⁵ سَيْ مُوسَٰى يَثٜىٰ وَجَمَعَ ‏«‏تُواْ، غَا أَبِنْدَ يَهْوٜىٰهْ يَعُمَرْثٜىٰنِ عَيِ؞»‏

⁶ سَيْ مُوسَٰى يَڢِتَرْدَ هَٰرُونَ دَ یَیَنْسَ مَظَا، يَوَنْكٜىٰسُ دَ ضُوَ؞

⁷ يَسَا وَ هَٰرُونَ غَجٜىٰرِيَرْ رِغَا، يَطَوْرَا مَسَ أَبِنْ طَمَرَ، يَسَا مَسَ دُواْغُوَرْ رِغَا تَڢِرِسْتِ دَ عٜىٰڢُوادْ، وَنْدَ يَطَوْرَا دَ أَبِنْ طَمَرَ مَيْ أَدُوانْ سَاڧَ نَهَنُّ دُواْمِنْ يَكَامَشِ دَݣَوْ؞

⁸ سَيْ مُوسَٰى يَسَنْيَ مَسَ أَلْجِهُنْ ڧِرْجِ نَ عٜىٰڢُوادْ، عَثِكِنْ أَلْجِهُنْ يَسَا أَبُبُوَنْ نٜىٰمَنْ سَنِنْ نُڢِنْ يَهْوٜىٰهْ؞

⁹ سَعَنً يَسَا مَسَ هُولَرْ ڢِرِسْتِ؞ أَغُواْشِنْ هُولَرْ يَمَنّٜىٰ طَنْ أَلُّواْنَّنْ نَظِينَارِيَ، وَتُواْ عَلَمَ ثٜىٰوَ أَنْكٜىٰٻٜىٰشِ دَ ڟَرْكِے، بِسَغَ يَدَّ يَهْوٜىٰهْ يَعُمَرْثِ مُوسَٰى؞

¹⁰ سَعَنً مُوسَٰى يَطَوْكِ مَنْ كٜىٰٻٜىٰوَ يَيَيَّڢَا عَكَنْ تٜىٰنْتِنْ كَسَنْثٜىٰوَرْ يَهْوٜىٰهْ دَ دُكَنْ أَبِنْدَ يَكٜىٰ ثِكِنْسَ؞ تَهَكَ أَنْكٜىٰٻٜىٰسُ دَ ڟَرْكِے غَ يَهْوٜىٰهْ؞

¹¹ يَيَيَّڢَا مَنْ عَكَنْ بَغَدٜىٰ سَوْ بَݣَويْ، يَكٜىٰٻٜىٰ دَ ڟَرْكِے بَغَدٜىٰنْ دَ دُكَنْ كَايَنْ عَيْكِنْسَ دَ ڧَتُوانْ ݣُونُوانْ ضُوَ دَ غِنْدِنْ ذَمَنْسَ؞

¹² سَيْ مُوسَٰى يَظُبَ مَنْ كٜىٰٻٜىٰوَ عَكَنْ هَٰرُونَ دُواْمِنْ عَكٜىٰٻٜىٰشِ دَ ڟَرْكِے؞

¹³ سَيْ مُوسَٰى يَكَٰوُاْ یَیَنْ هَٰرُونَ مَظَا، يَسَا وَ كُواْوَنّٜىٰنْسُ غَجٜىٰرِيَرْ رِغَا دَ هُولَرْ ڢِرِسْتِ، يَطَوْرَا مُسُ أَبِنْ طَمَرَ، بِسَغَ يَدَّ يَهْوٜىٰهْ يَعُمَرْثٜىٰشِ؞

¹⁴ سَيْ مُوسَٰى يَسَا عَكَ كَٰوُاْ بِجِمِ نَهَدَايَ تَوَنْكٜىٰ ذُنُوبِ؞ هَٰرُونَ دَ یَیَنْسَ مَظَا سُكَسَا حَنُّوَنْسُ عَكَنْ كَيْ نَبِجِمِنْ،

¹⁵ عَكَ كُوَ يَنْكَشِ؞ مُوسَٰى يَطِبِے جِنِنْ دَ يَڟَرْسَ يَشَاڢَ عَكُواْوَنٜىٰ ڧَهُوانْ بَغَدٜىٰنْ هَدَايَ دُواْمِنْ أَڟَبْتَثٜىٰ بَغَدٜىٰنْ؞ سَيْ يَظُبَ جِنِنْ أَغِنْدِنْ بَغَدٜىٰنْ؞ تَهَكَ يَكٜىٰٻٜىٰشِ دَ ڟَرْكِے يَكُمَ ڟَبْتَثٜىٰشِ دُواْمِنْ أَ عِيَيِنْ هَدَايَ عَكَنْسَ؞

¹⁶ سَيْ مُوسَٰى يَثِرٜىٰ دُكَنْ كِڟٜىٰنْدَ يَرُڢٜىٰ كَايَنْ ثِكِنْ بِجِمِنْ دَ سَاشٜىٰ مَڢِے ݣَوْ نَهَنْتَ دَ ڧُواْدَ بِيُنْ تَرٜىٰدَ كِڟٜىٰنْسُ، يَڧُواْنٜىٰ عَكَنْ بَغَدٜىٰنْ؞

¹⁷ عَمَّا سَوْرَنْ بِجِمِنْ دَ ڢَتَرْسَ دَ نَامَنْسَ دَ كَاشِنْسَ دُكْ مُوسَٰى يَڧُواْنٜىٰ عَبَايَنْ ذَنْ‌غُواْ، بِسَغَ يَدَّ يَهْوٜىٰهْ يَعُمَرْثٜىٰشِ؞

¹⁸ سَيْ مُوسَٰى يَكَٰوُاْ ضَغُواْ نَهَدَايَ تَڧُواْنَاوَا؞ هَٰرُونَ دَ یَیَنْسَ مَظَا سُكَسَا حَنُّوَنْسُ عَكَنْ كَيْ نَضَغُوانْ،

¹⁹ عَكَ كُوَ يَنْكَ شِ؞ مُوسَٰى يَيَيَّڢَا جِنِنْ عَكُواْوَنٜىٰ غٜىٰڢٜىٰنْ بَغَدٜىٰنْ؞

²⁰ عَكَ يَيَّنْكَ ضَغُوانْ غَٻَ غَٻَ، سَعَنً يَڧُواْنٜىٰ كَيْ طِنْ دَ دُكَنْ غَٻُواْٻِنْ جِكِنْ تَرٜىٰدَ كِڟٜىٰنْ؞

²¹ بَايَنْدَ عَكَ وَنْكٜىٰ كَايَنْ ثِكِنْ دَ ڧَڢَاڢُنْ ضَغُوانْ دَ ضُوَ، سَيْ مُوسَٰى يَڧُواْنٜىٰ ضَغُوانْ طُنْ‌غُمْ عَبَغَدٜىٰنْ؞ هَدَايَ تَڧُواْنَاوَا كٜىٰنَنْ مَيْ دَاطِنْ ڧَنْشِ؞ هَدَايَرْدَ عَكَ مِيڧَ دَ وُتَا غَ يَهْوٜىٰهْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

²² سَيْ مُوسَٰى يَسَا عَكَ كَٰوُاْ ضَغُواْ نَبِيُنْ، وَتُواْ ضَغُواْ نَنَطَوَرْ ڢِرِسْتِ؞ هَٰرُونَ دَ یَیَنْسَ مَظَا سُكَسَا حَنُّوَنْسُ عَكَنْ كَيْ نَضَغُوانْ،

²³ عَكَ كُوَ يَنْكَ شِ؞ سَيْ مُوسَٰى يَطِبِے جِنِنْ يَسَا أَ لٜىٰٻٜىٰنْ كُنّٜىٰنْ دَامَ نَ هَٰرُونَ دَ بَبَّرْ يَڟَرْسَ تَهَنُّنْ دَامَ دَ بَبَّرْ يَڟَرْسَ تَڧَڢَرْ دَامَ؞

²⁴ يَكَٰوُاْ یَیَ مَظَا نَ هَٰرُونَ؞ يَطِبِے جِنِ يَسَا وَكُواْوَنّٜىٰنْسُ أَ لٜىٰٻٜىٰنْ كُنّٜىٰنْ دَامَ دَ بَبَّرْ يَڟَ تَهَنُّنْ دَامَ دَ بَبَّرْ يَڟَ تَڧَڢَرْ دَامَ؞ سَيْ يَيَيَّڢَا سَوْرَنْ جِنِنْ عَكُواْوَنٜىٰ غٜىٰڢٜىٰنْ بَغَدٜىٰنْ؞

²⁵ سَيْ مُوسَٰى يَثِرٜىٰ كِڟٜىٰنْ ضَغُوانْ دَ كِڟٜىٰنْ وُڟِيَرْ دَ دُكَنْ كِڟٜىٰنْدَ يَرُڢٜىٰ كَايَنْ ثِكِ دَ سَاشٜىٰ مَڢِے ݣَوْ نَهَنْتَ دَ ڧُواْدَ بِيُنْ تَرٜىٰدَ كِڟٜىٰنْسُ دَ كُمَ ثِنْيَرْ دَامَ؞

²⁶ دَغَ ثِكِنْ ݣُونْدُوانْ غُرَاسَرْ مَرَرْ يِسْتِ وَنْدَ يَكٜىٰ أَغَبَنْ يَهْوٜىٰهْ، سَيْ يَطَوْكِ دُنْڧُلٜىٰ طَيَ نَغُرَاسَرْ مَرَرْ يِسْتِ دَ دُنْڧُلٜىٰ طَيَ نَغُرَاسَرْ دَ عَكَ ݣُوٻَ دَ مَيْ دَ كُمَ بِسْكِتْ طَيَ، يَسَاسُ عَكَنْ كِڟٜىٰنْ دَ ثِنْيَرْ دَامَرْ؞

²⁷ دُكَنْ وَطَنَّنْ أَبُبُوَ يَسَا أَ حَنُّنْ هَٰرُونَ دَ حَنُّنْ یَیَنْسَ مَظَا؞ سُكَ كُوَ مِيڧَسُ هَدَايَ تَطَغَوَ أَغَبَنْ يَهْوٜىٰهْ؞

²⁸ سَيْ مُوسَٰى يَسَاكٜىٰ كَرْٻَرْ كَايَنْ دَغَ حَنُّوَنْسُ، يَمِيڧَسُ هَدَايَ تَڧُواْنَاوَا عَكَنْ هَدَايَ تَڧُواْنَاوَا تَڢَرْكُواْ عَكَنْ بَغَدٜىٰنْ؞ هَدَايَ تَنَطَاوَ كٜىٰنَنْ مَيْ دَاطِنْ ڧَنْشِ؞ هَدَايَرْدَ عَكَمِيڧَ دَ وُتَا غَ يَهْوٜىٰهْ؞

²⁹ مُوسَٰى كُمَ يَطَوْكِ ڧِرْجِنْ ضَغُوانْ، وَنْدَ يَكٜىٰ رَبُواْ نَاسَ، يَمِيڧَشِ هَدَايَ تَطَغَوَ غَ يَهْوٜىٰهْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

³⁰ مُوسَٰى كُمَ يَطِبِے مَنْ كٜىٰٻٜىٰوَ دَ جِنِنْ دَيَكٜىٰ عَكَنْ بَغَدٜىٰنْ، يَيَيَّاڢَسُ عَكَنْ هَٰرُونَ دَ عَكَنْ رِيغُنَنْ هَٰرُونَ؞ يَكُمَ يَيَّڢَا عَكَنْ یَیَنْ هَٰرُونَ مَظَا دَ عَكَنْ رِيغُنَنْسُ؞ تَهَكَ يَكٜىٰٻٜىٰ هَٰرُونَ دَ رِيغُنَنْسَ دَ یَیَنْسَ دَ رِيغُنَنْسُ دَ ڟَرْكِے؞

³¹ سَيْ مُوسَٰى يَثٜىٰ وَ هَٰرُونَ دَ یَیَنْسَ مَظَا ‏«‏كُدَڢَ نَامَنْ ضَغُواْ نَبِيُنْ عَڧُواْڢَرْ شِغَ تٜىٰنْتِنْ سَدُوَ، كُكُمَ ثِشِ أَوُرِنْ، تَرٜىٰدَ غُرَاسَرْ دَيَكٜىٰ ثِكِنْ ݣُونْدُوانْ كَايَنْ هَدَايَ تَنَطَاوَرْ ڢِرِسْتِ، بِسَغَ يَدَّ يَهْوٜىٰهْ يَعُمَرْثٜىٰنِ ثٜىٰوَ هَٰرُونَ دَ یَیَنْسَ مَذَنٜىٰ ذَاسُ ثِنْيٜىٰسُ؞

³² دُكْ أَبِنْدَ يَرَغُ دَغَ نَامَنْ كُواْ غُرَاسَرْ، ذَاكُ ڧُواْنَ دَ وُتَا؞

³³ بَذَاكُ ڢِتَ وَجٜىٰ دَغَ ڧُواْڢَرْ تٜىٰنْتِنْ سَدُوَ بَ، سَيْ بَايَنْ ݣُونَ بَݣَويْ، وَتُواْ سَيْ كُنْ ثِكَ ݣُونَكِنْ ڧَٰعِدَرْ نَطَوَرْكُ، غَمَا ڧَٰعِدَرْ نَطَوَرْكُ ذَاتَ طَوْكِ ݣُونَ بَݣَويْ؞

³⁴ أَبِنْ دَ عَكَيِ يَوْ، أَنْيِ نٜىٰ بِسَغَ عُمَرْنِنْ يَهْوٜىٰهْ دُواْمِنْ طَوْكَرْ أَلْحَكِنْ ذُنُبَنْكُ؞

³⁵ ذَاكُ ذَوْنَ عَڧُواْڢَرْ تٜىٰنْتِنْ سَدُوَ دَرٜىٰ دَ رَانَ حَرْ ݣُونَ بَݣَويْ، كُنَ كِيَايٜىٰ عُمَرْنِنْ يَهْوٜىٰهْ، دُواْمِنْ كَدَ كُمُتُ؞ غَمَا حَكَ عَكَ عُمَرْثٜىٰنِ؞»‏

³⁶ سَيْ هَٰرُونَ دَ یَیَنْسَ مَظَا سُكَيِ دُكَنْ أَبُبُوَنْ دَ يَهْوٜىٰهْ يَعُمَرْثٜىٰسُ تَبَاكِنْ مُوسَٰى؞