ڢِرِسْتُواْثِے 7 - أَتَّوْرَتْ دَ أَنَّبَاوَا

هَدَايَ تَشَاڢٜىٰ لَيْڢِ

¹ ‏«‏غَا يَدَّ ڧَٰعِدَرْ هَدَايَ تَشَاڢٜىٰ لَيْڢِے تَكٜىٰ؞ هَدَايَ ثٜىٰ مَيْ ڟَرْكِے سُواْسَيْ؞

² ذَاعَيَنْكَ دَبَّرْ هَدَايَ تَشَاڢٜىٰ لَيْڢِے أَوُرِنْ دَ عَكَنْ يَنْكَ دَبُّواْبِنْ هَدَايَ تَڧُواْنَاوَا؞ ذَاعَكُمَ يَيَّڢَا جِنِنْ عَكُواْوَنٜىٰ غٜىٰڢٜىٰنْ بَغَدٜىٰنْ؞

³ ڢِرِسْتِ ذَيْ مِيڧَ دُكَنْ كِڟٜىٰنْ عَكَنْ بَغَدٜىٰنْ، وَتُواْ كِڟٜىٰ نَوُڟِيَ دَ كِڟٜىٰنْدَ يَرُڢٜىٰ كَايَنْ ثِكِ،

⁴ دَ ڧُواْدَرْ بِيُ دَ كِڟٜىٰنْدَ يَمَنّٜىٰ عَكَنْسُ دَ سَاشٜىٰ مَڢِے ݣَوْ نَهَنْتَ، وَنْدَ ذَاعَ ثِرٜىٰ تَرٜىٰدَ ڧُواْدَرْ نَنْ بِيُ؞

⁵ ڢِرِسْتِ ذَيْ ڧُواْنٜىٰسُ عَبَغَدٜىٰنْ، هَدَايَرْدَ عَكَ مِيڧَ غَ يَهْوٜىٰهْ، هَدَايَ تَشَاڢٜىٰ لَيْڢِے كٜىٰنَنْ؞

⁶ كُواْوَنٜىٰ نَمِجِ دَغَ عِيَلِنْ ڢِرِسْتِ ذَيْ عِيَ ثِ؞ ذَاعَكُوَ ثِشِ أَوَنِ وُرِے مَيْ ڟَرْكِے، غَمَا وَنَّنْ تَنَدَ ڟَرْكِے سُواْسَيْ، عَيِتَ بِسَغَ ڧَٰعِدَ؞

⁷ ‏«‏ڧَٰعِدَرْ يِنْ هَدَايَ تَشَاڢٜىٰ لَيْڢِے كَمَرْ تَهَدَايَ تَوَنْكٜىٰ ذُنُوبِ تَكٜىٰ؞ ڢِرِسْتِ وَنْدَ يَمِيڧَ هَدَايَرْ طَوْكَرْ أَلْحَكِنْ ذُنُوبِ، شِ ذَيْثِ نَامَنْ هَدَايَرْ؞

⁸ حَكَ مَا ڢِرِسْتِ وَنْدَ يَمِيڧَ هَدَايَ تَڧُواْنَاوَا أَمَدَدِنْ وَنِ، ذَيْ رِڧٜىٰ ڢَتَرْ دَبَّرْ دَ عَكَيِ هَدَايَ تَڧُواْنَاوَا دَ عِتَ؞

⁹ كُواْوَثٜىٰ هَدَايَ تَهَڟِ وَدَّ عَكَ تُواْيَ عَثِكِنْ مَتُواْيَ دَ دُكْ أَبِنْدَ عَكَ شِرْيَ عَݣُونُوانْ تُيَ، كُواْ عَكَسْكُوانْ تُيَ، ذَاتَ ذَمَ رَبُواْ نَڢِرِسْتِ وَنْدَ يَمِيڧَ هَدَايَرْ؞

¹⁰ عَمَّا دُكَنْ سَوْرَنْ هَدَايُ نَهَڟِ، وَطَنْدَ عَكَ ݣُوٻَ دَ مَيْ كُواْ بَابُ مَيْ، ذَاسُ ذَمَ رَبُواْ نَدُكَنْ یَیَ مَظَا نَ هَٰرُونَ، كُمَ ذَاعَ رَبَ مُسُ دَيْدَيْ؞»‏

هَدَايَ تَڠَرَنْ زُمُنْثِ

¹¹ ‏«‏غَا يَدَّ ڧَٰعِدَرْ هَدَايَ تَڠَرَنْ زُمُنْثِ تَكٜىٰ، هَدَايَرْدَ مُتُمْ ذَيْ عِيَ مِيڧَ غَ يَهْوٜىٰهْ؞

¹² عِدَنْ مُتُمْ يَمِيڧَ هَدَايَرْ سَبُواْدَ غُواْدِيَ، تُواْ سَيْ يَمِيڧَ دَبَّرْ هَدَايَرْ تَرٜىٰدَ وَيْنَ مَرَرْ يِسْتِ وَدَّ عَكَ ݣُوٻَ دَ مَيْ دَ غُرَاسَرْ مَرَرْ يِسْتِ وَنْدَ عَكَ شَاڢَ دَ مَيْ دَ كُمَ وَيْنَ تَغَارِ مَيْ لَوْشِ وَنْدَ يَشَا مَيْ سُواْسَيْ؞

¹³ تَرٜىٰدَ هَدَايَرْسَ تَڠَرَنْ زُمُنْثِ دُواْمِنْ غُواْدِيَ، سَيْ يَمِيڧَ دُنْڧُلٜىٰنْ غُرَاسَ مَيْيِسْتِ؞

¹⁴ دَغَ ثِكِنْ كُواْوَثٜىٰ هَدَايَ ذَيْ مِيڧَ دُنْڧُلٜىٰنْ غُرَاسَ غُدَا ݣَوْتَا تَمُسَمَّنْ غَ يَهْوٜىٰهْ؞ وَنَّنْ غُرَاسَرْ ذَيْ ذَمَ رَبُواْ نَڢِرِسْتِ وَنْدَ يَيَيَّڢَا جِنِنْ دَبَّرْ هَدَايَ تَڠَرَنْ زُمُنْثِ؞

¹⁵ نَامَنْ هَدَايَ تَڠَرَنْ زُمُنْثِ دُواْمِنْ غُواْدِيَ كُمَ ذَاعَ ثِ شِ دُكَ أَ رَانَرْ دَ عَكَ مِيڧَشِ، كَدَ عَبَرْ نَامَنْ يَݣُونَ حَرْ وَايٜىٰوَرْ غَرِ؞

¹⁶ ‏«‏عَمَّا عِدَنْ دُواْمِنْ ثِكَ ضَنْڟُوَا نٜىٰ مُتُمْ يَكَٰوُاْ هَدَايَ تَسَامُنْ سَلَمَ، كُواْ دُواْمِنْ بَايَرْوَ تَيَرْدَرْ رَيْ، ذَاعَ عِيَ ثِنْ نَامَنْ أَ رَانَرْ دَ عَكَ مِيڧَ هَدَايَرْ، كُمَ أَبِنْدَ يَرَغُ ذَاعَ عِيَ ثِنْ شِ وَشٜىٰغَرِ كُواْ دَ يَݣُونَ؞

¹⁷ عَمَّا عِدَنْ يَا ضَغٜىٰ ذُوَا رَانَ تَ عُكُ، سَيْ عَڧُواْنٜىٰ دَ وُتَا؞

¹⁸ عِدَنْ أَنْثِ نَامَنْ هَدَايَ تَڠَرَنْ زُمُنْثِ أَ رَانَ تَ عُكُ، تُواْ يَهْوٜىٰهْ بَذَيْ كَرْٻَ بَ، بَذَيْ لِسَّڢْتَا هَدَايَرْ مُتُمِنْدَ يَكَٰوُاْ تَ وَنِ أَبُبَ؞ نَامَنْ ذَيْ ذَمَ أَبِنْ ڨَمَ، كُمَ دُكْ وَنْدَ يَثِ نَامَنْ يَجَٰوُاْ وَكَنْسَ لَيْڢِے؞

¹⁹ عِدَنْ نَامَنْ يَتَٻَ وَنِ أَبُ مَيْ ڧَظَنْتَا، بَذَاعَ ثِشِيبَ، ذَاعَ ڧُواْنٜىٰشِ دَ وُتَا؞ ‏«‏دُكْ مُتُمِنْ دَيَكٜىٰ مَرَرْ ڧَظَنْتَا ذَيْ عِيَ ثِنْ نَامَنْ هَدَايَرْ؞

²⁰ عَمَّا دُكْ مُتُمِنْدَ يَثِ نَامَنْ هَدَايَ تَڠَرَنْ زُمُنْثِ غَ يَهْوٜىٰهْ لُواْكَثِنْ دَ يَكٜىٰدَ ڧَظَنْتَا، ذَاعَ كَوَرْ دَشِ دَغَ جَمَعَرْسَ؞

²¹ عِدَنْ كُمَ وَنِ يَتَٻَ وَنِ أَبُ مَيْ ڧَظَنْتَا، كُواْ نَمُتُمْ نٜىٰ، كُواْ نَدَبَّنٜىٰ، كُواْ دَمَا نَحَلِتَّ مَيْ ڧَظَنْتَا نٜىٰ، يَكُمَ ثِ نَامَنْ هَدَايَ تَسَامُنْ سَلَمَ غَ يَهْوٜىٰهْ، تُواْ وَنَّنْ مُتُمِنْ، ذَاعَ كَوَرْ دَشِ دَغَ جَمَعَرْسَ؞»‏

²² يَهْوٜىٰهْ يَيِ مَغَنَ دَ مُوسَٰى ثٜىٰوَ

²³ يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏بَذَاكُثِ كِڟٜىٰ نَبِجِمِ، كُواْ نَتُمَكِ، كُواْ نَأَوَكِبَ؞

²⁴ بَذَاكُثِ كِڟٜىٰ نَدَبَّرْ دَ تَمُتُ دَ كَنْتَبَ، كُواْ دَبَّرْ دَ نَامَنْ دَاجِ يَكَشٜىٰ، عَمَّا ذَاكُ عِيَيِنْ أَمْڢَانِ دَ كِڟٜىٰنْ عَتَوَتَ حَنْيَ دَبَمْ؞

²⁵ غَمَا دُكْ وَنْدَ يَثِ كِڟٜىٰنْ دَبَّرْ دَ عَكَ مِيڧَتَ هَدَايَرْدَ عَكَ ڧُواْنَ دَ وُتَا غَ يَهْوٜىٰهْ، ذَاعَ كَوَرْ دَشِ دَغَ جَمَعَرْسَ؞

²⁶ كُواْ تَيَيَا بَذَاكُثِ جِنِ بَ، كُواْ نَوَنِ ڟُنْڟُ نٜىٰ، كُواْ نَدَبَّنٜىٰ، أَدُكْ عِنْدَ كُكَ ذَوْنَ؞

²⁷ دُكْ وَنْدَ يَثِ جِنِ، ذَاعَ كَوَرْ دَشِ دَغَ جَمَعَرْسَ؞»‏

رَبُوانْ ڢِرِسْتُواْثِے

²⁸ يَهْوٜىٰهْ يَيِ مَغَنَ دَ مُوسَٰى ثٜىٰوَ

²⁹ يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏دُكْ مُتُمِنْ دَ ذَيْ مِيڧَ هَدَايَ تَڠَرَنْ زُمُنْثِ غَ يَهْوٜىٰهْ، ذَيْ مِيڧَ وَنِ سَاشٜىٰنْ هَدَايَ ݣَوْتَا تَمُسَمَّنْ غَ يَهْوٜىٰهْ؞

³⁰ دَهَنُّوَنْسَ ذَيْ كَٰوُاْ هَدَايَرْدَ ذَاعَ مِيڧَ دَ وُتَا غَ يَهْوٜىٰهْ؞ ذَيْ كَٰوُاْ كِڟٜىٰنْ دَ ڧِرْجِنْ دُواْمِنْ يَمِيڧَسُ هَدَايَ تَطَغَوَ أَغَبَنْ يَهْوٜىٰهْ؞

³¹ ڢِرِسْتِ ذَيْ ڧُواْنٜىٰ كِڟٜىٰنْ عَكَنْ بَغَدٜىٰنْ، عَمَّا ڧِرْجِنْ ذَيْ ذَمَ رَبُواْ نَ هَٰرُونَ دَ یَیَنْسَ مَظَا؞

³² ثِنْيَرْ دَامَ تَدَبَّرْ هَدَايَ تَڠَرَنْ زُمُنْثِ، ذَاعَ بَا ڢِرِسْتِ تَذَمَ ݣَوْتَرْ ڢِرِسْتِ دَغَ مُتُمِنْ كٜىٰنَنْ،

³³ وَتُواْ طَنْ هَٰرُونَ وَنْدَ يَيَيَّڢَا جِنِنْ هَدَايَ تَڠَرَنْ زُمُنْثِ يَكُمَ ڧُواْنَ كِڟٜىٰنْ، ذَيْ كُوَ رِڧٜىٰ ثِنْيَرْ دَامَ تَذَمَ تَاسَ رَبُوانْ؞

³⁴ غَمَا ڧِرْجِنْدَ عَكَمِيڧَ هَدَايَ تَطَغَوَ دَ ثِنْيَرْ دَ عَكَمِيڧَ، نَطَوْكُواْ نٜىٰ دَغَ هَدَايُ نَڠَرَنْ زُمُنْثِ نَمُتَنٜىٰنْ إِسْرَٰٓءِيلَ، نَبَا هَٰرُونَ ڢِرِسْتِ دَ یَیَنْسَ مَظَا سُذَمَ رَبُوانْسُ نَدِنْدِنْدِنْ؞

³⁵ ‏«‏وَنَّنْ شِينٜىٰ رَبُوانْ دَ عَكَ كٜىٰٻٜىٰ وَ هَٰرُونَ دَ یَیَنْسَ مَظَا دَغَ ثِكِنْ هَدَايُنْ دَ عَكَ ڧُواْنَ دَ وُتَا غَ يَهْوٜىٰهْ، تُنْ رَانَرْ دَ عَكَ كٜىٰٻٜىٰسُ ڢِرِسْتُواْثِنْ يَهْوٜىٰهْ؞

³⁶ وَطَنَّنْ نٜىٰ رَبُوانْ دَ يَهْوٜىٰهْ يَعُمَرْثِ إِسْرَٰٓءِيلَاوَا سُدِنْ‌غَ بَا ڢِرِسْتُواْثِے بَايَنْدَ عَكَ كٜىٰٻٜىٰسُ ڢِرِسْتُواْثِے؞ وَنَّنْ ڧَٰعِدَثٜىٰ تَدِنْدِنْدِنْ حَرْ إِيَاكَرْ ڟَارَرْسُ؞

³⁷ ‏«‏وَنَّنْ نٜىٰ ڧَٰعِدَرْ هَدَايَ تَڧُواْنَاوَا دَ تَهَدَايَ تَهَڟِ دَ تَهَدَايَ تَوَنْكٜىٰ ذُنُوبِ دَ تَهَدَايَ تَشَاڢٜىٰ لَيْڢِے دَ تَهَدَايَ تَنَطَاوَرْ ڢِرِسْتِ دَ تَهَدَايَ تَڠَرَنْ زُمُنْثِ؞

³⁸ وَطَنَّنْ نٜىٰ يَهْوٜىٰهْ يَعُمَرْثِ مُوسَٰى عَكَنْ بَبَّنْ تُدُنْ سِنَيْ، أَ رَانَرْ دَ يَهْوٜىٰهْ يَعُمَرْثِ مُتَنٜىٰنْ إِسْرَٰٓءِيلَ سُكَٰوُاْ هَدَايُنْسُ غَرٜىٰشِ، أَ دَاجِنْ سِنَيْ؞»‏