ڢِرِسْتُواْثِے 6 - أَتَّوْرَتْ دَ أَنَّبَاوَا

¹ يَهْوٜىٰهْ يَيِ مَغَنَ دَ مُوسَٰى يَثٜىٰ،

² ‏«‏ذَاعَكَٰوُاْ هَدَايَ عِدَنْ مُتُمْ يَيِ ذُنُوبِنْ نُونَ رَشِنْ أَمِنْثِ غَ يَهْوٜىٰهْ تَوُرِنْ ڧِنْ مَيَرْدَ أَجِيَرْ دَ أَبُواْكِنْسَ يَبَا شِ أَمَانَ، كُواْ تَوُرِنْ سَاتَا وَنِ أَبِنْ أَبُواْكِنْسَ، كُواْ تَوُرِنْ ثُوتَرْ أَبُواْكِنْ؞

³ حَكَكُمَ ذَاعَيِ عِدَنْ مُتُمْ يَسَامِ أَبِنْدَ يَٻَثٜىٰ، عَمَّا يَيِ ڧَضْيَا ثٜىٰوَ بَيْ سَامُ بَ، كُواْ يَيِ ضَنْڟُوَارْ ڧَضْيَا غَمٜىٰدَ إِرِنْ أَبُبُوَنَّنْ دَ مُتُمْ يَنَ عِيَيِ سُذَمَ مَسَ لَيْڢِے؞

⁴ عِدَنْ وَنِ يَعَيْكَتَ طَيَ دَغَ وَطَنَّنْ ذُنُبَيْ يَكُمَ غَانٜىٰ لَيْڢِنْسَ، تُواْ، سَيْ يَمَيَرْدَ أَجِيَرْ دَ عَكَ بَاشِ، كُواْ أَبِنْدَ يَسَاتَا، كُواْ أَبِنْدَ يَٻَثٜىٰ أَنْسَامُ، كُواْ ثُوتَرْ دَ يَيِ،

⁵ كُواْ أَبِنْدَ يَيِ ضَنْڟُوَارْ ڧَضْيَا عَكَيْ؞ ذَيْ مَيَرْ دَسُو دُكَ حَرْ يَڧَارَ كَشِ طَيَ ثِكِنْ بِيَرْ؞ مُتُمِنْ ذَيْ يِوَنَّنْ أَ رَانَرْ دَ ذَيْ مِيڧَ هَدَايَ تَشَاڢٜىٰ لَيْڢِنْسَ؞

⁶ مُتُمِنْ ذَيْ كَٰوُاْ وَ ڢِرِسْتِ هَدَايَ تَشَاڢٜىٰ لَيْڢِے غَ يَهْوٜىٰهْ ضَغُواْ مَرَرْ تَبُواْ دَغَ غَرْكٜىٰنْ تُمَكِ كُواْ أَوَكِ، كُواْ أَڠُودَ دَرَجَرْ ضَغُوانْ دَ أَظُرْڢَا بِسَغَ مَعَوْنِنْ دَ عَكٜىٰيِنْ أَمْڢَانِ دَشِ أَ وُرِے مَيْ ڟَرْكِے؞ وَنَّنْ هَدَايَ تَشَاڢٜىٰ لَيْڢِے كٜىٰنَنْ؞

⁷ تَهَكَ ڢِرِسْتِ ذَيْ طَوْكِ أَلْحَكِنْ ذُنُوبِ دُواْمِنْ مُتُمِنْ أَغَبَنْ يَهْوٜىٰهْ، ذَاعَ كُوَ غَاڢَرْتَا مَسَ إِرِنْ أَبُبُوَنَّنْ دَ مُتُمْ يَنَ عِيَيِ سُجَٰوُاْ مَسَ لَيْڢِے؞»‏

هَدَايَ تَڧُواْنَاوَا

⁸ سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ

⁹ يَبَا هَٰرُونَ دَ یَیَنْسَ وَطَنَّنْ ڧَٰعِدُواْدِ؞ ‏«‏غَا يَدَّ ڧَٰعِدَرْ هَدَايَ تَڧُواْنَاوَا تَكٜىٰ؞ هَدَايَ تَڧُواْنَاوَا ذَاتَ ݣُونَ بِسَ غَرْوَشِنْ وُتَرْ بَغَدٜىٰنْ وَدَّ تَكٜىٰ ثِ حَرْ سَڢٜىٰ؞

¹⁰ ڢِرِسْتِ ذَيْسَا رِيغُنَنْسَ نَلِيلِنْ دَ غَجٜىٰرٜىٰنْ وَنْدُواْ؞ ذَيْ ݣُوشِ تُواْكَرْ هَدَايَ تَڧُواْنَاوَا يَسَا أَغٜىٰڢٜىٰنْ بَغَدٜىٰنْ؞

¹¹ سَعَنً سَيْ يَثَنْجَ رِيغُنَنْسَ نَلِيلِنْ يَسَا وَطَنْسُ، يَݣُوشِ تُواْكَرْ ذُوَا وُرِے مَرَرْ ڧَظَنْتَا عَبَايَنْ ذَنْ‌غُوانْ يَظُبَرْ؞

¹² ذَاعَبَرْ وُتَرْ بَغَدٜىٰنْ تَيِ تَثِ، بَذَاعَبَرِ تَمُتُبَ؞ كُواْوَثٜىٰ سَاڢِيَ ڢِرِسْتِ ذَيْ ڧَارَ وَ وُتَرْ إِتَاثٜىٰ، يَجٜىٰرَ هَدَايَ تَڧُواْنَاوَا عَكَنْ وُتَرْ، دُواْمِنْ يَڧُواْنٜىٰ كِڟٜىٰنْ هَدَايَ تَڠَرَنْ زُمُنْثِ؞

¹³ ذَاعَبَرْ وُتَرْ تَنَ تَثِ عَبَغَدٜىٰنْ بَابُ مُتُوَ؞»‏

هَدَايَ تَهَڟِ

¹⁴ ‏«‏غَا يَدَّ ڧَٰعِدَرْ هَدَايَ تَهَڟِ تَكٜىٰ؞ یَیَنْ هَٰرُونَ ذَاسُ مِيڧَتَ غَ يَهْوٜىٰهْ دَغَ غَبَنْ بَغَدٜىٰنْ؞

¹⁵ ڢِرِسْتِ مَيْ حِدِمَ ذَيْسَا حَنُّنْسَ يَطِبِے غَارِنْ حَڟِ مَيْ لَوْشِ دَ مَيْ دَ دُكَنْ تُرَارٜىٰ، يَڧُواْنٜىٰسُ رَبُواْ نَتُنَاوَا عَبَغَدٜىٰنْ؞ هَدَايَ مَيْ دَاطِنْ ڧَنْشِ غَ يَهْوٜىٰهْ كٜىٰنَنْ؞

¹⁶ أَبِنْ دَ يَرَغُ دَغَ هَدَايَ تَهَڟِنْ ذَيْ ذَمَ رَبُواْ نَڢِرِسْتِنٜىٰ، وَتُواْ هَٰرُونَ دَ یَیَنْسَ مَظَا؞ ذَاسُثِ شِ بَابُ يِسْتِ أَوَنِ وُرِے مَيْ ڟَرْكِے عَثِكِنْ ڢِيلِنْ تٜىٰنْتِنْ سَدُوَ؞

¹⁷ بَذَاعَ شِرْيَشِ دَ يِسْتِبَ؞ نَا بَادَشِ غَ ڢِرِسْتُواْثِے دُواْمِنْ يَذَمَ رَبُوانْسُ نَهَدَايَ تَڧُواْنَاوَا؞ وَنَّنْ هَدَايَ تَنَدَ ڟَرْكِے سُواْسَيْ، عَيِتَ بِسَغَ ڧَٰعِدَ، كَمَرْ هَدَايَ تَوَنْكٜىٰ ذُنُوبِ دَ هَدَايَ تَشَاڢٜىٰ لَيْڢِے؞

¹⁸ كُواْوَنٜىٰ نَمِجِ دَغَ ثِكِنْ یَیَنْ هَٰرُونَ ذَيْ عِيَ ثِ، يَذَمَ رَبُوانْسُ دَغَ هَدَايَ تَڧُواْنَاوَا تَ يَهْوٜىٰهْ؞ وَنَّنْ ڧَٰعِدَ ثٜىٰ تَدِنْدِنْدِنْ حَرْ إِيَاكَرْ ڟَارَرَّكِنْكُ؞ دُكْ أَبِنْدَ يَتَٻَ وَنَّنْ، ذَيْ كَسَنْثٜىٰ دَ ڟَرْكِے؞»‏

¹⁹ يَهْوٜىٰهْ يَيِ مَغَنَ دَ مُوسَٰى يَثٜىٰ،

²⁰ ‏«‏غَا هَدَايَرْدَ هَٰرُونَ دَ یَیَنْسَ ذَاسُ مِيڧَ غَ يَهْوٜىٰهْ أَ رَانَرْ دَ عَكَ ظُبَ مُسُ مَنْ كٜىٰٻٜىٰوَ سُذَمَ ڢِرِسْتُواْثِے؞ كُواْوَنٜىٰ ذَيْ كَٰوُاْ كِلُواْ طَيَ نَغَارِنْ حَڟِ مَيْ لَوْشِ كَمَرْ يَدَّ عَكَنْ كَٰوُاْ نَهَدَايَ تَهَڟِ؞ ذَاعَكَٰوُاْ رَبِے دَ سَڢٜىٰ، رَبِے كُمَ دَ يَمَّ؞

²¹ ذَاعَݣُوٻَشِ دَ مَيْ عَتُواْيَ عَكَسْكُوانْ تُيَ؞ ذَاعَ تُواْيَ شِ دُنْڧُلٜىٰ دُنْڧُلٜىٰ كَمَرْ هَدَايَ تَهَڟِ، سَعَنً عَكَكَّرْيَ شِ أَ مِيڧَ شِ هَدَايَ مَيْ دَاطِنْ ڧَنْشِ غَ يَهْوٜىٰهْ؞

²² تَهَكَ دُكْ وَنْدَ عَكَ نَطَشِ يَغَاجِ مَڟَيِ نَبَبَّنْ ڢِرِسْتِ دَغَ یَیَنْ هَٰرُونَ، شِينٜىٰ ذَيْ مِيڧَ وَنَّنْ هَدَايَ غَ يَهْوٜىٰهْ؞ ذَاعَڧُواْنَ هَدَايَرْ دُكَ؞ وَنَّنْ ڧَٰعِدَ ثٜىٰ تَدِنْدِنْدِنْ؞

²³ كُواْوَثٜىٰ هَدَايَ تَهَڟِ دُواْمِنْ نَطَوَرْ ڢِرِسْتِ، ذَاعَ ڧُواْنٜىٰتَ طُنْ‌غُمْ، بَذَاعَثِ تَبَ؞»‏

هَدَايَ تَوَنْكٜىٰ ذُنُوبِ

²⁴ يَهْوٜىٰهْ يَيِ مَغَنَ دَ مُوسَٰى ثٜىٰوَ

²⁵ يَڢَطَا وَ هَٰرُونَ دَ یَیَنْسَ مَظَا وَطَنَّنْ ڧَٰعِدُواْدِ؞ ‏«‏غَا يَدَّ ڧَٰعِدَرْ هَدَايَ تَوَنْكٜىٰ ذُنُوبِ تَكٜىٰ؞ ذَاعَيَنْكَ دَبَّرْ أَغَبَنْ يَهْوٜىٰهْ، عِنْدَ عَكَنْ يَنْكَ دَبُّواْبِنْ هَدَايَ تَڧُواْنَاوَا؞ غَمَا وَنَّنْ هَدَايَ تَنَدَ ڟَرْكِے سُواْسَيْ، عَيِتَ بِسَغَ ڧَٰعِدَ؞

²⁶ ڢِرِسْتِ وَنْدَ يَمِيڧَ هَدَايَ تَوَنْكٜىٰ ذُنُوبِ، شِينٜىٰ ذَيْثِ دَغَ نَامَنْ هَدَايَرْ؞ ذَيْثِ شِ أَوَنِ وُرِے مَيْ ڟَرْكِے عَثِكِنْ ڢِيلِنْ تٜىٰنْتِنْ سَدُوَ؞

²⁷ دُكْ أَبِنْدَ يَتَٻَ نَامَنْ هَدَايَرْ ذَيْ كَسَنْثٜىٰ دَ ڟَرْكِے؞ عِدَنْ كُمَ جِنِنْ هَدَايَرْ يَظُبَ أَ رِغَا، ذَاعَ وَنْكٜىٰ رِغَرْ أَوَنِ وُرِے مَيْ ڟَرْكِے؞

²⁸ عِدَنْ أَنْدَڢَ نَامَنْ عَتُكُنْيَرْ لَاكَ، ذَاعَ ڢَرْڢَشٜىٰ تُكُنْيَرْ؞ عَمَّا عِدَنْ أَنْدَڢَشِ عَتُكُنْيَرْ تَغُلَّ، ذَاعَ كَنْكَرٜىٰ تُكُنْيَرْ أَوَنْكٜىٰ دَ ضُوَ؞

²⁹ كُواْوَنٜىٰ نَمِجِ دَغَ عِيَلِنْ ڢِرِسْتِ ذَيْ عِيَثِ، غَمَا وَنَّنْ يَنَدَ ڟَرْكِے سُواْسَيْ، عَيِشِ بِسَغَ ڧَٰعِدَ؞

³⁰ عَمَّا عِدَنْ أَنْطِبَ جِنِ دَغَ هَدَايَ تَوَنْكٜىٰ ذُنُوبِ، أَنْشِغَرْ دَشِ ثِكِنْ تٜىٰنْتِنْ سَدُوَ دُواْمِنْ طَوْكَرْ أَلْحَكِنْ ذُنُوبِ أَ وُرِے مَيْ ڟَرْكِے، بَذَاعَثِ نَامَنْ هَدَايَرْ بَ؞ ذَاعَڧُواْنٜىٰشِ دَ وُتَا؞»‏