ڢِرِسْتُواْثِے 4 - أَتَّوْرَتْ دَ أَنَّبَاوَا

هَدَايَ تَوَنْكٜىٰ ذُنُوبِ

¹ يَهْوٜىٰهْ يَيِ مَغَنَ دَ مُوسَٰى ثٜىٰوَ

² يَڢَطَا وَمُتَنٜىٰنْ إِسْرَٰٓءِيلَ وَطَنَّنْ عُمَرْنَيْ؞ ‏«‏غَا يَدَّ ذَاعَيِ عِدَنْ وَنِ يَيِ ذُنُوبِ بَ دَ غَنْ‌غَنْبَ، تَوُرِنْ كَرْيَ طَيَ دَغَ ثِكِنْ دُواْكُواْكِنْ يَهْوٜىٰهْ وَنْدَ يَحَنَ يِنْ حَكَنَنْ؞

³ ‏«‏عِدَنْ بَبَّنْ ڢِرِسْتِنٜىٰ يَيِ ذُنُوبِ، يِنْ حَكَ كُوَ يَجَٰوُاْ ذُنُوبِ وَ جَمَعَ دُكَ، سَيْ يَمِيڧَ طَنْ بِجِمِ مَرَرْ تَبُواْ هَدَايَ تَوَنْكٜىٰ ذُنُوبِ غَ يَهْوٜىٰهْ؞

⁴ ذَيْ كَٰوُاْ طَنْ بِجِمِنْ أَغَبَنْ يَهْوٜىٰهْ عَڧُواْڢَرْ شِغَ تٜىٰنْتِنْ سَدُوَ، يَسَا حَنُّنْسَ عَكَنْ كَيْ نَطَنْ بِجِمِنْ، سَيْ عَيَنْكَ أَوُرِنْ أَغَبَنْ يَهْوٜىٰهْ؞

⁵ سَيْ بَبَّنْ ڢِرِسْتِ يَطِبَ جِنِنْ طَنْ بِجِمِنْ يَشِغَرْ دَشِ عَثِكِنْ تٜىٰنْتِنْ سَدُوَ؞

⁶ ذَيْسَا يَڟَرْسَ عَثِكِنْ جِنِنْ يَيَيَّڢَا جِنِنْ سَوْ بَݣَويْ أَغَبَنْ يَهْوٜىٰهْ أَغَبَنْ بَبَّنْ لَبُلٜىٰنْدَ يَرُڢٜىٰ وُرِے مَڢِے ڟَرْكِے؞

⁷ سَعَنً ڢِرِسْتِ ذَيْسَاكٜىٰ طِبَنْ جِنِنْ يَسَا عَڧَهُواْنِنْ بَغَدٜىٰنْ ڧُواْنَ تُرَارٜىٰ مَيْ ڧَنْشِ وَنْدَ يَكٜىٰ عَتٜىٰنْتِنْ سَدُوَ أَغَبَنْ يَهْوٜىٰهْ؞ سَوْرَنْ جِنِنْ طَنْ بِجِمِنْ ذَيْ ظُبَ أَغِنْدِنْ بَغَدٜىٰنْ هَدَايَ تَڧُواْنَاوَا، وَنْدَ يَكٜىٰ عَڧُواْڢَرْ شِغَ تٜىٰنْتِنْ سَدُوَ؞

⁸ ڢِرِسْتِ ذَيْثِرٜىٰ دُكَنْ كِڟٜىٰ دَغَ طَنْ بِجِمِنْ هَدَايَ تَوَنْكٜىٰ ذُنُوبِ، كِڟٜىٰنْ دَيَكٜىٰ بِسَنْ كَايَنْ ثِكِنْ دَبَّرْ دَ وَنْدَ كَايَنْ ثِكِ سُكَ رُڢٜىٰ،

⁹ دَ ڧُواْدَ بِيُ دَ كِڟٜىٰنْدَ يَمَنّٜىٰ عَكَنْسُ دَ سَاشٜىٰ مَڢِے ݣَوْ نَهَنْتَ، وَطَنْدَ ذَيْثِرٜىٰ تَرٜىٰدَ ڧُواْدَرْ؞

¹⁰ ذَاعَكُوَ ثِرٜىٰسُ كَمَرْ يَدَّ عَكٜىٰثِرٜىٰسُ دَغَ بِجِمِ نَهَدَايَ تَڠَرَنْ زُمُنْثِ؞ سَيْ ڢِرِسْتِ يَڧُواْنٜىٰسُ عَكَنْ بَغَدٜىٰنْ هَدَايَ تَڧُواْنَاوَا؞

¹¹ عَمَّا ڢَتَرْ بِجِمِنْ دَ دُكَنْ نَامَنْسَ دَ كَنْسَ دَ ڧَڢَاڢُنْسَ دَ كَايَنْ ثِكِنْسَ دَ كُمَ كَاشِنْسَ،

¹² وَتُواْ، دُكَنْ سَوْرَنْ أَبِنْدَ يَرَغُ نَبِجِمِنْ، ذَيْڢِتَرْ دَسُو ذُوَا وَنِ وُرِے مَرَرْ ڧَظَنْتَا عَبَايَنْ ذَنْ‌غُوانْ عِنْدَ عَكٜىٰ ظُبَرْدَ تُواْكَ؞ أَوُرِنْ ذَيْ كُمَ ڧُواْنٜىٰسُ دَ وُتَا نَ إِتَاثٜىٰ؞

¹³ ‏«‏عِدَنْ دُكَنْ جَمَعَرْ إِسْرَٰٓءِيلَ نٜىٰ سُنْيِ ذُنُوبِ بَ دَ غَنْ‌غَنْبَ، حَرْ تَارُوانْ جَمَعَرْ بَسُ سَنِ بَ، سُكَ كَرْيَ طَيَ دَغَ ثِكِنْ دُواْكُواْكِنْ يَهْوٜىٰهْ، وَنَّنْ يَجَٰوُاْ مُسُ لَيْڢِے كٜىٰنَنْ؞

¹⁴ عِدَنْ يَا ڢَرُ حَكَ حَرْ يَكَيْ تَارُوانْ جَمَعَرْ سُكَ سَنْ ذُنُوبِنْ دَ سُكَ عَيْكَتَ، ذَاسُ كَٰوُاْ طَنْ بِجِمِنْ دَ ذَاسُ مِيڧَ هَدَايَ تَوَنْكٜىٰ ذُنُوبِ عَبَاكِنْ ڧُواْڢَرْ تٜىٰنْتِنْ سَدُوَ؞

¹⁵ دَتَّاوَنْ جَمَعَرْ ذَاسُسَا حَنُّوَنْسُ عَكَنْ كَيْ نَبِجِمِنْ أَغَبَنْ يَهْوٜىٰهْ، سَيْ سُيَنْكَ بِجِمِنْ أَوُرِنْ أَغَبَنْ يَهْوٜىٰهْ؞

¹⁶ بَبَّنْ ڢِرِسْتِ ذَيْ طِبِے جِنِنْ بِجِمِنْ يَشِغَرْ دَشِ عَثِكِنْ تٜىٰنْتِنْ سَدُوَ؞

¹⁷ ڢِرِسْتِ طِنْ ذَيْسَا يَڟَرْسَ ثِكِنْ جِنِنْ يَيَيَّڢَا جِنِنْ سَوْ بَݣَويْ أَغَبَنْ يَهْوٜىٰهْ أَغَبَنْ بَبَّنْ لَبُلٜىٰنْدَ يَرُڢٜىٰ وُرِے مَڢِے ڟَرْكِے؞

¹⁸ ڢِرِسْتِ ذَيْ طِبِے جِنِنْ يَسَا عَڧَهُواْنِنْ بَغَدٜىٰنْ وَنْدَ يَكٜىٰ أَغَبَنْ يَهْوٜىٰهْ عَثِكِنْ تٜىٰنْتِنْ سَدُوَ؞ سَوْرَنْ جِنِنْ ذَيْ ظُبَ أَغِنْدِنْ بَغَدٜىٰنْ هَدَايَ تَڧُواْنَاوَا وَنْدَ يَكٜىٰ عَڧُواْڢَرْ شِغَ تٜىٰنْتِنْ سَدُوَ؞

¹⁹ ذَيْثِرٜىٰ دُكَنْ كِڟٜىٰنْ بِجِمِنْ يَڧُواْنٜىٰ عَكَنْ بَغَدٜىٰنْ؞

²⁰ ذَيْ يِدَ بِجِمِنَّنْ دَيْدَيْ يَدَّ يَيِ دَ بِجِمِنْ دَ عَكَ مِيڧَ هَدَايَ تَوَنْكٜىٰ ذُنُوبِ نَبَبَّنْ ڢِرِسْتِ؞ تَهَكَنٜىٰ ڢِرِسْتِ طِنْ ذَيْ يِهَدَايَ تَطَوْكَرْ أَلْحَكِنْ ذُنُبَنْ مُتَنٜىٰ، ذَاعَ كُوَ غَاڢَرْتَا مُسُ؞

²¹ سَعَنً ذَيْڢِتَرْ دَ بِجِمِنْ بَايَنْ ذَنْ‌غُوانْ، يَڧُواْنٜىٰشِ كَمَرْ يَدَّ يَڧُواْنٜىٰ نَڢَرْكُوانْ؞ وَنَّنْ هَدَايَ تَوَنْكٜىٰ ذُنُوبِ ثٜىٰ دُواْمِنْ دُكَنْ تَارُوانْ جَمَعَرْ إِسْرَٰٓءِيلَ؞

²² ‏«‏عِدَنْ شُوغَبَنٜىٰ يَيِ ذُنُوبِ، بَ دَ غَنْ‌غَنْبَ، حَرْ يَعَيْكَتَ طَيَ دَغَ ثِكِنْ أَبُبُوَنْ دَ يَهْوٜىٰهْ اللَّهْ يَعُمَرْتَ كَدَ عَيِ، وَنَّنْ يَجَٰوُاْ مَسَ لَيْڢِے كٜىٰنَنْ؞

²³ عِدَنْ عَكَ سَنَرْ مَسَ ذُنُوبِنْ دَ يَيِ، سَيْ يَكَٰوُاْ بُنْسُرُ مَرَرْ تَبُواْ دُواْمِنْ يِنْ هَدَايَ؞

²⁴ ذَيْسَا حَنُّنْسَ عَكَنْ كَيْ نَبُنْسُرُنْ، سَيْ عَيَنْكَ أَوُرِنْ دَ عَكٜىٰ يَنْكَ دَبُّواْبِے دُواْمِنْ هَدَايَ تَڧُواْنَاوَا أَغَبَنْ يَهْوٜىٰهْ؞ وَنَّنْ هَدَايَ ثٜىٰ تَوَنْكٜىٰ ذُنُوبِ؞

²⁵ ڢِرِسْتِ ذَيْ طِبَ جِنِنْ دَ يَڟَرْسَ يَسَا عَڧَهُواْنِنْ بَغَدٜىٰنْ هَدَايَ تَڧُواْنَاوَا؞ سَوْرَنْ جِنِنْ ذَيْ ظُبَ أَغِنْدِنْ بَغَدٜىٰ نَهَدَايَ تَڧُواْنَاوَا؞

²⁶ سَيْ يَڧُواْنٜىٰ دُكَنْ كِڟٜىٰنْ عَكَنْ بَغَدٜىٰنْ هَدَايَرْ، كَمَرْ يَدَّ عَكَيِ دَ كِڟٜىٰنْ هَدَايَ تَڠَرَنْ زُمُنْثِ؞ تَهَكَنٜىٰ ڢِرِسْتِ ذَيْ طَوْكِ أَلْحَكِنْ ذُنُوبِ دُواْمِنْ شُوغَبَنْ، ذَاعَ كُوَ غَاڢَرْتَا مَسَ؞

²⁷ ‏«‏عِدَنْ وَنِ دَغَ ثِكِنْ سَوْرَنْ جَمَعَرْ يَيِ ذُنُوبِ، بَ دَ غَنْ‌غَنْبَ، حَرْ يَعَيْكَتَ طَيَ دَغَ ثِكِنْ أَبُبُوَنْ دَ يَهْوٜىٰهْ يَعُمَرْتَ كَدَ عَيِ، وَنَّنْ يَجَٰوُاْ مَسَ لَيْڢِے كٜىٰنَنْ؞

²⁸ عِدَنْ عَكَ سَنَرْ مَسَ ذُنُوبِنْدَ يَيِ، سَيْ يَكَٰوُاْ عَكُيَ تَمَثٜىٰ مَرَرْ تَبُواْ، دُواْمِنْ ذُنُوبِنْدَ يَعَيْكَتَ؞

²⁹ ذَيْسَا حَنُّنْسَ عَكَنْ كَيْ نَأَكُيَرْ هَدَايَ تَوَنْكٜىٰ ذُنُوبِ، سَيْ عَيَنْكَتَ أَوُرِنْ دَ عَكٜىٰ يَنْكَ دَبُّواْبِے دُواْمِنْ هَدَايَ تَڧُواْنَاوَا؞

³⁰ ڢِرِسْتِ ذَيْ طِبَ جِنِنْ دَ يَڟَرْسَ يَسَا عَڧَهُواْنِنْ بَغَدٜىٰنْ هَدَايَ تَڧُواْنَاوَا؞ سَوْرَنْ جِنِنْ ذَيْ ظُبَ أَغِنْدِنْ بَغَدٜىٰنْ؞

³¹ ذَيْثِرٜىٰ دُكَنْ كِڟٜىٰنْ كَمَرْ يَدَّ عَكٜىٰيِ دَ كِڟٜىٰنْ هَدَايَ تَڠَرَنْ زُمُنْثِ، سَيْ يَڧُواْنٜىٰشِ عَكَنْ بَغَدٜىٰنْ؞ هَدَايَ تَڧُواْنَاوَا ثٜىٰ مَيْ دَاطِنْ ڧَنْشِ غَ يَهْوٜىٰهْ؞ تَهَكَ ڢِرِسْتِ ذَيْ طَوْكِ أَلْحَكِنْ ذُنُوبِنْ مُتُمِنْ، ذَاعَ كُوَ غَاڢَرْتَا مَسَ؞

³² ‏«‏عِدَنْ كُمَ مَيْ لَيْڢِنْ يَكَٰوُاْ تُنْكِيَ دُواْمِنْ هَدَايَرْسَ تَوَنْكٜىٰ ذُنُوبِ، سَيْ يَكَٰوُاْ تَمَثٜىٰ مَرَرْ تَبُواْ؞

³³ ذَيْسَا حَنُّنْسَ عَكَنْ كَيْ نَتُنْكِيَرْ هَدَايَ تَوَنْكٜىٰ ذُنُوبِ، سَيْ عَيَنْكَ تُنْكِيَرْ أَوُرِنْ دَ عَكٜىٰ يَنْكَ دَبُّواْبِے دُواْمِنْ هَدَايَ تَڧُواْنَاوَا؞

³⁴ ڢِرِسْتِ ذَيْ طِبَ جِنِنْ دَ يَڟَرْسَ يَسَا عَڧَهُواْنِنْ بَغَدٜىٰ نَهَدَايَ تَڧُواْنَاوَا؞ سَوْرَنْ جِنِنْ ذَيْ ظُبَ أَغِنْدِنْ بَغَدٜىٰنْ؞

³⁵ ذَيْ كُمَ ثِرٜىٰ دُكَنْ كِڟٜىٰنْ تُنْكِيَرْ، كَمَرْ يَدَّ عَكٜىٰيِ دَ كِڟٜىٰنْ هَدَايَ تَڠَرَنْ زُمُنْثِ، سَيْ ڢِرِسْتِ يَڧُواْنٜىٰشِ عَكَنْ بَغَدٜىٰنْ تَرٜىٰدَ هَدَايُ نَڧُواْنَاوَا غَ يَهْوٜىٰهْ؞ تَهَكَ ڢِرِسْتِ ذَيْ طَوْكِ أَلْحَكِنْ ذُنُوبِنْ مُتُمِنْ، ذَاعَ كُوَ غَاڢَرْتَا مَسَ؞»‏