ڢِرِسْتُواْثِے 27 - أَتَّوْرَتْ دَ أَنَّبَاوَا

ڢَنْسَرْ مُتُمْ كُواْ كَايَنْدَ عَكَكٜىٰٻٜىٰ غَ يَهْوٜىٰهْ

¹ يَهْوٜىٰهْ يَيِ مَغَنَ دَ مُوسَٰى ثٜىٰوَ

² يَيِ مَغَنَ دَ مُتَنٜىٰنْ إِسْرَٰٓءِيلَ يَبَاسُ وَطَنَّنْ ڧَٰعِدُواْدِ؞ ‏«‏سَعَدَّ مُتُمْ يَيِ ضَنْڟُوَا تَمُسَمَّنْ ثٜىٰوَ ذَيْ كٜىٰٻٜىٰ وَنِ مُتُمْ غَ يَهْوٜىٰهْ تَوُرِنْ بِيَنْ كُطِنْ ڢَنْسَ،

³ غَا يَدَّ ذَاعَ ڠُودَ دَرَجَرْ مُتُمِنْ بِسَغَ مَعَوْنِنْ دَ عَكٜىٰيِنْ أَمْڢَانِ دَشِ أَ وُرِے مَيْ ڟَرْكِے؞ ‏«‏نَمِجِ مَيْ شٜىٰكَرَا عَشِرِنْ ذُوَا سِتِّنْ، ذَاعَ بِيَ أَظُرْڢَا حَمْسِنْ

⁴ ‏«‏مَثٜىٰ مَيْ شٜىٰكَرَا عَشِرِنْ ذُوَا سِتِّنْ، ذَاعَ بِيَ أَظُرْڢَا تَلَاتِنْ؞

⁵ ‏«‏سَوْرَيِ مَيْ شٜىٰكَرَا بِيَرْ ذُوَا عَشِرِنْ، ذَاعَ بِيَ أَظُرْڢَا عَشِرِنْ؞ ‏«‏يَارِنْيَ مَيْ شٜىٰكَرَا بِيَرْ ذُوَا عَشِرِنْ، ذَاعَ بِيَ أَظُرْڢَا غُواْمَ؞

⁶ ‏«‏يَرُواْ مَيْ وَتَا طَيَ ذُوَا شٜىٰكَرَا بِيَرْ، ذَاعَ بِيَ أَظُرْڢَا بِيَرْ؞ ‏«‏يَارِنْيَ مَيْ وَتَا طَيَ ذُوَا شٜىٰكَرَا بِيَرْ، ذَاعَ بِيَ أَظُرْڢَا عُكُ؞

⁷ ‏«‏نَمِجِ مَيْ شٜىٰكَرَا ڢِيٜىٰدَ سِتِّنْ، ذَاعَ بِيَ أَظُرْڢَا غُواْمَشَا بِيَرْ؞ ‏«‏مَثٜىٰ مَيْ شٜىٰكَرَا ڢِيٜىٰدَ سِتِّنْ، ذَاعَ بِيَ أَظُرْڢَا غُواْمَ؞

⁸ ‏«‏عِدَنْ مُتُمْ يَنَ سُواْ يَيِ وَنَّنْ ضَنْڟُوَا تَمُسَمَّنْ، عَمَّا بَيْ عِيَ بِيَنْ كُطِنْ دَ عَكَ ڟَارَابَ، سَيْ يَكَيْ مُتُمِنْ دَ يَيِ ضَنْڟُوَا عَكَنْسَ وُرِنْ ڢِرِسْتِ، دُواْمِنْ ڢِرِسْتِ يَكِمَنْتَادَرَجَرْ مُتُمِنْ يَڢَطَا كُطِنْ دَ مَيْ سُوانْ يِنْ ضَنْڟُوَا ذَيْبِيَ؞

⁹ ‏«‏عِدَنْ ضَنْڟُوَارْ تَشَاڢِ بَادَ دَبَّنٜىٰ وَدَّ تَثَنْثَنْتَ أَ مِيڧَ غَ يَهْوٜىٰهْ، إِرِنْ وَنَّنْ ݣَوْتَا غَ يَهْوٜىٰهْ ذَاتَ كَسَنْثٜىٰ مَيْ ڟَرْكِے؞

¹⁰ مَيْ ضَنْڟُوَارْ بَذَيْ ثَنْجَ دَبَّرْ بَ، كُواْ يَسَاكٜىٰ تَادَ وَتَبَ؞ بَذَيْ ثَنْجَ مَيْݣَوْ دَ مَرَرْ ݣَوْبَ، كُواْ مَرَرْ ݣَوْ دَ مَيْݣَوْبَ؞ عِدَنْ أَنْثَنْجَ دَبَّ دَ وَتَ، تُواْ، دُكَ بِيُنْ دَ عَكَ ثَنْجَ ذَاسُ كَسَنْثٜىٰ مَاسُ ڟَرْكِے؞

¹¹ عَمَّا عِدَنْ ضَنْڟُوَارْ تَشَاڢِ وَتَ دَبَّ وَدَّ بَتَثَنْثَنْتَ أَ مِيڧَ غَ يَهْوٜىٰهْ بَ، سَيْ مُتُمِنْ يَكَيْ دَبَّرْ وُرِنْ ڢِرِسْتِ؞

¹² ڢِرِسْتِ كُوَ ذَيْ ڠُودَ دَرَجَرْ دَبَّرْ كُواْ مَيْݣَوْ ثٜىٰ كُواْ مَرَرْ ݣَوْ ثٜىٰ، يَڢَطَا وَمَيْ ضَنْڟُوَارْ أَبِنْدَ ذَيْبِيَ؞ أَبِنْ دَ ڢِرِسْتِ يَڢَطَا، يَڟَيَ؞

¹³ عَمَّا عِدَنْ مَيْ ضَنْڟُوَارْ يَنَ سُواْ يَڢَنْشِ دَبَّرْ، سَيْ يَڧَارَ كَشِ طَيَ ثِكِنْ بِيَرْ عَكَنْ أَبِنْدَ عَكَ ڟَارَا؞

¹⁴ ‏«‏عِدَنْ مَيْ ضَنْڟُوَارْ يَكٜىٰٻٜىٰ غِدَنْسَ دَ ڟَرْكِے غَ يَهْوٜىٰهْ، سَيْ ڢِرِسْتِ يَڠُودَ دَرَجَرْ غِدَنْ، كُواْ غِدَنْ مَيْݣَوْ نٜىٰ كُواْ مَرَرْ ݣَوْ نٜىٰ؞ أَبِنْ دَ ڢِرِسْتِ يَڢَطَا، يَڟَيَ؞

¹⁵ عِدَنْ شِے وَنْدَ يَكٜىٰٻٜىٰ غِدَنْ يَنَ سُواْ يَڢَنْشِ غِدَنْ، سَيْ يَڧَارَ كَشِ طَيَ ثِكِنْ بِيَرْ عَكَنْ أَبِنْدَ عَكَ ڟَارَا؞ غِدَنْ كُوَ ذَيْ ذَمَ نَاسَ؞

¹⁶ ‏«‏عِدَنْ مُتُمْ يَكٜىٰٻٜىٰ وَ يَهْوٜىٰهْ وَنِ سَاشٜىٰ دَغَ ثِكِنْ غُواْنَرْسَ تَغَادُواْ، سَيْ عَكِمَنْتَ كُطِنْ غُواْنَرْ بِسَغَ يَوَنْ إِرِنْ دَ ذَاعَ عِيَ شُوكَ أَغُواْنَرْ؞ ذَاعَكِمَنْتَ كُطِنْ عَكَنْ أَظُرْڢَا غُواْمَ غَ كُواْوَنٜىٰ كِلُواْ عَشِرِنْ نَهَڟِنْ بَلٜىٰ؞

¹⁷ عِدَنْ يَا كٜىٰٻٜىٰ غُواْنَرْسَ أَ شٜىٰكَرَا تَهَمْسِنْ تَسَامُنْ یَنْثِ، كُطِنْ غُواْنَرْ دَ عَكَ ڟَارَا، ذَيْ ڟَيَ؞

¹⁸ عَمَّا عِدَنْ يَا كٜىٰٻٜىٰتَ بَايَنْ شٜىٰكَرَا تَهَمْسِنْ تَسَامُنْ یَنْثِ، سَيْ ڢِرِسْتِ يَكِمَنْتَ يَوَنْ كُطِنْ بِسَغَ يَوَنْ شٜىٰكَرُنْ دَ سُكَ رَغُ كَاڢِنْ وَتَ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞ ذَاعَ ضَغٜىٰ يَوَنْ كُطِنْ دَ ذَاعَ بِيَ؞

¹⁹ عِدَنْ شِے وَنْدَ يَكٜىٰٻٜىٰ غُواْنَرْ يَنَسُواْ يَڢَنْشٜىٰتَ، تُواْ، سَيْيَڧَارَ كَشِ طَيَ ثِكِنْ بِيَرْ نَكُطِنْ غُواْنَرْ؞ غُواْنَرْ كُوَ ذَاتَذَمَ تَاسَ؞

²⁰ عَمَّا عِدَنْ بَيْ ڢَنْشِ غُواْنَرْ بَ، كُواْ كُوَ يَا رِغَا يَا سَيَرْ وَ وَنِ دَ غُواْنَرْ، تُواْ بَذَاعَ عِيَ سَاكٜىٰ ڢَنْسَرْتَبَ؞

²¹ تُنْدَيَكٜىٰ مَيْ ضَنْڟُوَارْ بَيْڢَنْشِ غُواْنَرْ بَ، تُواْ، أَ شٜىٰكَرَا تَهَمْسِنْ تَسَامُنْ یَنْثِ غُواْنَرْ ذَاتَ ذَمَ أَبِنْدَ عَكَ كٜىٰٻٜىٰ دَ ڟَرْكِے غَ يَهْوٜىٰهْ كَمَرْ غُواْنَرْ دَ بَذَاعَ عِيَ سَاكٜىٰ كَرْٻَبَ؞ ذَاتَ ذَمَ غُواْنَرْ ڢِرِسْتُواْثِے؞

²² ‏«‏عِدَنْ مُتُمْ يَكٜىٰٻٜىٰ ڢِيلِنْ غُواْنَرْدَ يَسَيَ، وَدَّ بَاتَ ثِكِنْ غَادُوانْسَبَ،

²³ ڢِرِسْتِ ذَيْ كِمَنْتَ يَوَنْ كُطِنْ غُواْنَرْ بِسَغَ يَوَنْ شٜىٰكَرُنْ دَ سُكَ رَغُ كَاڢِنْ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞ مُتُمِنْ كُوَ ذَيْبِيَ كُطِنْ بِسَغَ يَدَّ عَكَ ڟَارَا أَ رَانَرْ، بَايَرْوَ مَيْ ڟَرْكِے غَ يَهْوٜىٰهْ كٜىٰنَنْ؞

²⁴ عَثِكِنْ شٜىٰكَرَا تَهَمْسِنْ تَسَامُنْ یَنْثِ، غُواْنَرْ ذَاتَكُواْمَ غَ وَنْدَ عَكَ سَيٜىٰتَ أَ حَنُّنْسَ، وَنْدَ غُواْنَ تَاسَثٜىٰ تَغَادُواْ؞

²⁵ ‏«‏ذَاعَكِمَنْتَ دُكَنْ كُطِنْ دَ ذَاعَ بِيَ بِسَغَ مَعَوْنِنْ دَ عَكٜىٰيِنْ أَمْڢَانِ دَشِ أَ وُرِے مَيْ ڟَرْكِے؞

²⁶ ‏«‏عَمَّا كُواْوَنٜىٰ طَنْ ڢَارِ نَدَبَّ، كُواْ سَانِيَ كُواْ تُنْكِيَ، نَ يَهْوٜىٰهْ نٜىٰ؞ سَبُواْدَ حَكَ وَنِ بَذَيْ عِيَكٜىٰٻٜىٰ كُواْ يَڢَنْسَ بَ، غَمَا نَ يَهْوٜىٰهْ نٜىٰ تُنْ ڢَرْكُواْ؞

²⁷ عَمَّا عِدَنْ دَبَّرْ مَيْ ڧَظَنْتَا ثٜىٰ، ذَاعَ عِيَ ڢَنْشٜىٰتَ بِسَغَ يَوَنْ كُطِنْ دَ ڢِرِسْتِ يَكِمَنْتَ مَتَ تَرٜىٰدَ ڧَارِنْ كَشِ طَيَ ثِكِنْ بِيَرْ؞ عِدَنْ بَعَڢَنْسَ بَ، ذَاعَ سَيَرْ دَ عِتَ بِسَغَ يَوَنْ كُطِنْ دَ عَكَ ڟَارَا؞

²⁸ ‏«‏عَمَّا دَغَ دُكَنْ أَبِنْدَ مُتُمْ يَكٜىٰدَشِ، كُواْ مُتُمْنٜىٰ، كُواْ دَبَّثٜىٰ، كُواْ ڢِيلِنْ غُواْنَنٜىٰ، بَابُ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ غَ يَهْوٜىٰهْ وَنْدَ ذَاعَ عِيَ سَيَرْ كُواْ أَ ڢَنْسَرْ؞ كُواْوَنٜىٰ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ، أَنْكٜىٰٻٜىٰشِ غَ يَهْوٜىٰهْ؞

²⁹ كُواْ دَ مُتُمْ نٜىٰ وَنْدَ عَكَ كٜىٰٻٜىٰ دُواْمِنْ هَلَّكَرْوَ، بَذَاعَ عِيَ ڢَنْسَرْسَبَ؞ دُواْلٜىٰنٜىٰ عَكَشٜىٰشِ؞

³⁰ ‏«‏دُكَنْ زَكَّ دَغَ ڧَسَرْ، كُواْ تَهَڟِ نٜىٰ، كُواْ تَیَیَنْ إِتَاثٜىٰ نٜىٰ، تَ يَهْوٜىٰهْ نٜىٰ؞ دُكَنْسُ أَنْكٜىٰٻٜىٰسُ دَ ڟَرْكِے غَ يَهْوٜىٰهْ؞

³¹ عَثِكِنْ زَكَّ وَدَّ مُتُمْ يَبِيَ، عِدَنْ يَنَ سُواْ يَڢَنْسَ، سَيْ يَڧَارَ دَ طَيَ ثِكِنْ بِيَرْ عَكَيْ؞

³² دُكَنْ زَكَّ تَغَرْكٜىٰ، كُواْ تَشَانُو، كُواْ تَتُمَكِ كُواْ تَأَوَكِ، وَتُواْ كُواْوَثٜىٰ دَبَّرْ دَ تَذَمَ تَغُواْمَ بِسَغَ ڧِرْغٜىٰنْ مَكِيَايَ، تُواْ ذَاعَ كٜىٰٻٜىٰتَ دَ ڟَرْكِے غَ يَهْوٜىٰهْ؞

³³ بَذَاعَ ذَاٻِ دَبَّرْ تَغُواْمَ عَكَنْ ݣَنْتَ كُواْ رَشِنْ ݣَنْتَ بَ، بَ كُوَ ذَاعَ يَرْدَ عَثَنْجَتَبَ؞ عِدَنْ أَنْثَنْجَ دَبَّ دَ وَتَ، تُواْ، دُكَ بِيُنْ دَ عَكَ ثَنْجَ ذَاسُ كَسَنْثٜىٰ مَاسُ ڟَرْكِے؞ بَذَاعَ عِيَ ڢَنْسَرْسُبَ؞»‏

³⁴ وَطَنَّنْ نٜىٰ عُمَرْنَنْ دَ يَهْوٜىٰهْ يَبَا مُوسَٰى عَكَنْ بَبَّنْ تُدُنْ سِنَيْ دُواْمِنْ مُتَنٜىٰنْ إِسْرَٰٓءِيلَ؞