ڢِرِسْتُواْثِے 25 - أَتَّوْرَتْ دَ أَنَّبَاوَاشٜىٰكَرَا تَهُوتُ ﴿ مَيْ شَـ 15.1-11 ﴾ 1 يَهْوٜىٰهْ يَيِ مَغَنَ دَ مُوسَٰى عَكَنْ بَبَّنْ تُدُنْ سِنَيْ ثٜىٰوَ 2 يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «سَعَدَّ كُكَ شِغَ ثِكِنْ ڧَسَرْدَ نَكٜىٰ بَاكُ، دُواْلٜىٰ كُسَا ڧَسَرْ تَهُوتَ عَكُواْوَثٜىٰ شٜىٰكَرَا تَبَݣَويْ دُواْمِنْ أَغِرْمَمَ يَهْوٜىٰهْ؞ 3 شٜىٰكَرُ شِدَ ذَاكُيِ نُواْمَنْ غُواْنَكِنْكُ؞ عَثِكِنْ شٜىٰكَرُ شِدَنَّنْ ذَاكُ ڠَرَ غُواْنَكِنْ إِنَبِنْكُ، كُغِرْبٜىٰ أَمْڢَانِنْسُ؞ 4 عَمَّا شٜىٰكَرَا تَبَݣَويْ شٜىٰكَرَا ثٜىٰ تَثِكَكّٜىٰنْ هُوتُ غَ ڧَسَرْ، شٜىٰكَرَا تَدَيْنَ عَيْكِ ثٜىٰ وَدَّ عَكَ كٜىٰٻٜىٰ غَ يَهْوٜىٰهْ؞ بَذَاكُ نُواْمٜىٰ غُواْنَكِنْكُ بَ، بَذَاكُ كُمَ ڠَرَ غُواْنَكِنْ إِنَبِنْكُبَ؞ 5 بَذَاكُ غِرْبٜىٰ أَبِنْدَ يَڟِيرَا دَ كَنْسَبَ، كُواْ كُوَ كُتَتَّارَ یَیَنْ إِنَبِنْدَ بَكُ ڠَرَبَ، غَمَا شٜىٰكَرَا ثٜىٰ تَثِكَكّٜىٰنْ هُوتُ غَ ڧَسَرْ؞ 6 دُكْ أَبِنْدَ ڧَسَرْ تَتَنَدَ بَ دَغَ نُواْمَ بَ أَشٜىٰكَرَا تَهُوتُ، شِے ذَاكَثِ دَ بَايِنْكَ مَظَا دَ مَاتَادَ مَعَيْكَتَنْكَ دَ بَڧِنْ دَسُكٜىٰ ذَمَ تَرٜىٰدَكَيْ، 7 دَ دَبُّواْبِنْكَ دَ نَمُواْمِنْ دَاجِ دُكَ؞ دُكْ أَلْبَرْكَرْ دَ ڧَسَرْ ذَاتَ بَايَرْ، ذَاتَ ذَمَ عَبِنْثِ نَكُواْوَ؞» شٜىٰكَرَا تَسَامُنْ یَنْثِ 8 «ذَاعَڧِرْغَ شٜىٰكَرُنْ هُوتُ غُدَا بَݣَويْ، وَتُواْ بَݣَويْ سَوْ بَݣَويْ، شٜىٰكَرُ أَرْبَعِنْ دَ تَرَ كٜىٰنَنْ؞ 9 ذَاعَيِ شٜىٰلَرْ شٜىٰكَرَا تَهَمْسِنْ دَ ڧَهُواْ مَيْ ڧَارَ؞ أَ رَانَ تَغُواْمَ غَ وَتَنْ بَݣَويْ، وَتُواْ أَ رَانَرْ طَوْكَرْ أَلْحَكِنْ ذُنُوبِ، ذَاعَ سَا عَبُوسَ ڧَهُواْ عَكُواْعِنَ عَثِكِنْ ڧَسَرْ؞ 10 ذَاعَكٜىٰٻٜىٰ وَنَّنْ شٜىٰكَرَا تَهَمْسِنْ دَ ڟَرْكِے؞ ذَاعَكُوَيِ شٜىٰلَرْ سَامُنْ یَنْثِ أَدُكَنْ ڧَسَرْ غَ دُكَنْ مَذَوْنَنْتَ؞ ذَاتَ ذَمَ شٜىٰكَرَا تَسَامُنْ یَنْثِ أَغَرٜىٰكُ؞ كُواْوَ ذَيْكُواْمَ غَ كَايَنْ غَادُوانْ عِيَلِنْسَ، كُواْوَ كُمَ غَ عِيَلِنْسَ؞ 11 شٜىٰكَرَا تَهَمْسِنْ طِنْ ذَاتَ ذَمَ شٜىٰكَرَا تَسَامُنْ یَنْثِ أَغَرٜىٰكُ؞ أَ شٜىٰكَرَرْ، بَذَاكُيِ شُوكَ بَ، كُواْ كُغِرْبٜىٰ أَبِنْدَ يَڟِيرَا دَ كَنْسَبَ، كُواْ كُتَتَّارَ یَیَنْ إِنَبِنْدَ بَكُ ڠَرَبَ؞ 12 غَمَا وَنَّنْ شٜىٰكَرَا ثٜىٰ تَسَامُنْ یَنْثِ أَغَرٜىٰكُ، ذَاكُ كٜىٰٻٜىٰتَ دَ ڟَرْكِے؞ ذَاكُثِ كَوَيْ أَبِنْدَ يَڟِيرَا دَ كَنْسَ؞ 13 «أَوَنَّنْ شٜىٰكَرَا تَسَامُنْ یَنْثِ، كُواْوَ ذَيْ كُواْمَ غَ كَايَنْ غَادُوانْسَ؞ 14 عِدَنْ وَنِ يَسَيَرْ دَ ڢِيلِنْسَ كُواْ يَسَيَ وَنِ ڢِيلِ دَغَ طَنْعُوَنْسَ مُتُمِنْ إِسْرَٰٓءِيلَ، كَدَ يَثُوثٜىٰشِ؞ 15 سَعَدَّ مُتُمْ يَسَيِ ڢِيلِ دَغَ مَڨُوبْثِنْسَ، كُطِنْ ذَيْ كَسَنْثٜىٰ بِسَغَ يَوَنْ شٜىٰكَرُنْ دَ سُكَ وُثٜىٰ بَايَنْ شٜىٰكَرَا تَهَمْسِنْ تَسَامُنْ یَنْثِ دَ كُمَ بِسَغَ يَوَنْ شٜىٰكَرُنْ نُواْمَ وَطَنْدَ سُكَ رَغُ كَاڢِنْ وَتَ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞ 16 عِدَنْ شٜىٰكَرُنْ دَ سُكَ رَغُ كَاڢِنْ وَتَ شٜىٰكَرَا تَهَمْسِنْ تَسَامُنْ یَنْثِ سُنَدَ يَوَ، كُطِنْ ڢِيلِنْ ذَيْ كَسَنْثٜىٰ دَيَوَ؞ عِدَنْ شٜىٰكَرُنْ دَ سُكَ رَغُ كَاڢِنْ شٜىٰكَرَا تَهَمْسِنْ تَسَامُنْ یَنْثِ بَسُ دَيَوَ، حَكَمَا كُطِنْ ڢِيلِنْ بَذَيْ يِيَوَبَ؞ غَمَا أَنَ سَيَرْ مَكَ بِسَغَ شٜىٰكَرُنْ دَ ذَاكَثِ أَمْڢَانِنْسَ نٜىٰ؞ 17 بَذَاكُ ثُوثِ جُونَبَ، عَمَّا كُجِڟُواْرُوانْ اللَّهْ نْكُ، غَمَا نِنٜىٰ يَهْوٜىٰهْ اللَّهْ نْكُ؞» تَنَدِ دُواْمِنْ شٜىٰكَرَا تَبَݣَويْ 18 «ذَاكُ كِيَايٜىٰ ڧَٰعِدُواْدِنَ دَ عُمَرْنَيْنَ، كُنَ عَيْكَتَاسُ، دُواْمِنْ كُذَوْنَ لَاڢِيَ عَڧَسَرْ، 19 ڧَسَرْ كُمَ ذَاتَ بَادَ أَمْڢَانِنْتَ، ذَاكُثِ كُڧُواْشِ، كُذَوْنَ لَاڢِيَ؞ 20 «مَيْ يِوُوَ ذَاكُيِ تَمْبَيَ ثٜىٰوَ مٜىٰظَامُثِ أَ شٜىٰكَرَا تَبَݣَويْ تَهُوتُ دَيَكٜىٰ بَذَامُيِ شُوكَ بَ بَلّٜىٰ مَا مُتَتَّارَ أَمْڢَانِنْ غُواْنَكِنْمُ؟ 21 نِے يَهْوٜىٰهْ ذَنْظُبَ مُكُ أَلْبَرْكَ أَ شٜىٰكَرَا تَشِدَ يَدَّ ڧَسَرْ ذَاتَ بَادَ أَمْڢَانِنْ غُواْنَ مَيْ يَوَنْ غَسْكٜىٰ، وَنْدَ ذَيْثِيَرْ دَكُو حَرْ شٜىٰكَرُ عُكُ؞ 22 يَايِنْ دَ ذَاكُيِ شُوكَ أَ شٜىٰكَرَا تَتَݣُوسْ، ذَاكُيِ تَثِ دَغَ ضَغُواْوَرْ حَڟِ تَشٜىٰكَرَا تَشِدَ؞ ذَاكُيِ تَثِ دَغَ وَنَّنْ حَڟِ حَرْ سَابُوانْ غِرْبِے نَشٜىٰكَرَا تَتَرَ؞» ڢَنْسَرْ كَايَنْ غَادُواْ 23 «بَذَاعَ سَيَرْوَ وَنِ ڢِيلِ يَرِڧٜىٰ شِ دِنْدِنْدِنْ بَ، غَمَا ڧَسَرْ تَاوَثٜىٰ؞ أَ وُرِينَ كُو بَڧِينٜىٰ مَاسُ ذَمَنْ هَيَ؞ 24 دُكَنْ ڢِيلَيٜىٰنْ غُواْنَكِنْ دَ كُكَ غَادَ، عِدَنْ كُكَ سَيَرْ، ذَاعَ دِنْغَ بَادَ دَامَ دُواْمِنْ أَ ڢَنْشٜىٰسُ؞ 25 «عِدَنْ وَنِ دَغَ یَنْعُوَنْكُ يَتَلَوْثٜىٰ، حَرْ يَيَنْكَ غٜىٰڢٜىٰنْ ڢِيلِنْسَ يَسَيَرْ، تُواْ سَيْ وَنِ دَغَ دَنْغِنْسَ نَكُسَ يَڢَنْشِ أَبِنْدَ طَنْعُوَنْسَ يَسَيَرْ؞ 26 عِدَنْ مَيْ سَيَرْ دَ ڢِيلِنْ بَاشِ دَ وَنْدَ ذَيْ ڢَنْسَ مَسَ، عَمَّا إِنْ نَنْ غَبَ يَيِ ڧُواْڧَرِ يَسَامِ ڧَرْڢِنْ دَ ذَيْ ڢَنْشِ ڢِيلِنْ دَ كَنْسَ، 27 سَيْ يَڧِرْغَ يَوَنْ شٜىٰكَرُنْ دَ عَكَيِ تُنْ لُواْكَثِنْ دَ عَكَ سَيَرْ دَ ڢِيلِنْ؞ سَيْ أَ لِسَّڢْتَا كُطِنْ ڢِيلِنْ بِسَغَ يَوَنْ شٜىٰكَرُنْ دَ سُكَ رَغُ كَاڢِنْ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞ سَوْرَنْ كُطِنْدَ يَرَغُ ذَاعَ مَيَرْ وَ وَنْدَ يَسَيِ ڢِيلِنْ؞ ڢِيلِنْ كُمَ ذَاعَ مَيَرْوَ عَيْنِحِنْ مَيْشِ؞ 28 عَمَّا عِدَنْ بَاشِ دَ إِسَشّٜىٰنْ أَبِنْدَ ذَيْڢَنْشِ أَبِنْسَ، تُواْ، ڢِيلِنْ دَ عَكَ سَيَرْ دَشِ ذَيْثِيغَبَ دَ ذَمَ أَ حَنُّنْ وَنْدَ يَسَيَ حَرْ سَيْ شٜىٰكَرَا تَهَمْسِنْ تَسَامُنْ یَنْثِ؞ أَوَنَّنْ شٜىٰكَرَنٜىٰ، ذَاعَ مَيَرْوَ عَيْنِحِنْ مَيْ ڢِيلِنْ دَ ڢِيلِنْسَ؞ 29 «عِدَنْ مُتُمْ يَسَيَرْ دَ غِدَا عَثِكِنْ بِرْنِ مَيْ كَتَنْغَ، ذَيْ عِيَ ڢَنْسَرْ غِدَنْ ثِكِنْ شٜىٰكَرَا غُدَا بَايَنْ سَيَرْوَ؞ عَثِكِنْ شٜىٰكَرَا غُدَا ذَيْ كَسَنْثٜىٰ دَ دَامَرْ ڢَنْسَ؞ 30 عَمَّا عِدَنْ بَيْ عِيَ ڢَنْسَرْ غِدَنْ ثِكِنْ شٜىٰكَرَا غُدَنَّنْ بَ، تُواْ غِدَنْ دَيَكٜىٰ عَثِكِنْ بِرْنِ مَيْ كَتَنْغَ ذَيْ كَسَنْثٜىٰ دِنْدِنْدِنْ نَوَنْدَ يَسَيَ، حَرْ إِيَاكَرْ ڟَارَرَّكِنْسَ؞ بَذَاعَ مَيَرْدَ غِدَنْ أَ شٜىٰكَرَا تَهَمْسِنْ تَسَامُنْ یَنْثِبَ؞ 31 عَمَّا غِدَاجٜىٰ نَڧَوْيُكَ عِنْدَ بَابُ كَتَنْغَ كٜىٰوَيٜىٰ دَسُو، ذَاعَ لِسَّڢْتَاسُ كَمَرْ ڢِيلَيٜىٰنْ غُواْنَكِ نٜىٰ؞ ذَاعَ عِيَ أَ ڢَنْشٜىٰسُ، ذَاعَ كُمَ مَيَرْوَ عَيْنِحِنْ مَاسُ غِدَاجٜىٰنْ أَ شٜىٰكَرَا تَهَمْسِنْ تَسَامُنْ یَنْثِ؞ 32 عَمَّا غَمٜىٰدَ بِرَنٜىٰنْ لَوِيَاوَا دَ غِدَاجٜىٰنْسُ عَثِكِنْ بِرَنٜىٰنْ دَ عَكَ كٜىٰٻٜىٰ مُسُ، لَوِيَاوَا سُنَدَ دَامَرْ ڢَنْسَ عَكُواْوَنٜىٰ لُواْكَثِ؞ 33 عِدَنْ مُتُمِنْ لَوِ يَسَيَرْ دَ غِدَا دَغَ ثِكِنْ غِدَاجٜىٰنْ بِرَنٜىٰنْ لَوِيَاوَا، بَيْ كُمَ عِيَ ڢَنْسَرْ غِدَنْبَ، ذَاعَ مَيَرْ مَسَ دَشِ أَ شٜىٰكَرَا تَهَمْسِنْ تَسَامُنْ یَنْثِنْ؞ غَمَا غِدَاجٜىٰ نَبِرَنٜىٰنْ لَوِيَاوَا مَلَّكَرْسُ تَغَادُواْ كٜىٰنَنْ تَدِنْدِنْدِنْ عَثِكِنْ مُتَنٜىٰنْ إِسْرَٰٓءِيلَ؞ 34 عَمَّا ڢِيلَيٜىٰ كٜىٰوَيٜىٰ دَ بِرَنٜىٰنْسُ بَذَاعَ سَيَرْبَ، غَمَا وَنَّنْ مَلَّكَرْسُ تَغَادُواْ كٜىٰنَنْ تَدِنْدِنْدِنْ؞» بَادَ رَنْثٜىٰ غَ مَتَلَوْثِ 35 «عِدَنْ طَيَ دَغَ ثِكِنْ یَنْعُوَنْكَ يَشِغَ رَشِ حَرْ تَلَوْثِ يَكَامَ شِ، سَيْ كَتَيْمَكٜىٰشِ كَمَرْ يَدَّ يَا كَمَاتَ كَتَيْمَكِ بَڧُوانْ دَيَكٜىٰ ذَمَ عَثِكِنْكُ؞ 36 كَدَ كَبَاشِ رَنْثٜىٰ دَ رِيبَ عَكَيْ؞ عَمَّا كَجِڟُواْرُوانْ اللَّهْ نْكَ، كَبَرْ طَنْعُوَنْكَ يَذَوْنَ تَرٜىٰدَكَيْ؞ 37 بَذَاكَ بَاشِ رَنْثٜىٰنْ كُطِ دَ سَا عِدُواْ غَ سَامُنْ رِبَبَ، كُواْ كُوَ كَسَيَرْ مَسَ عَبِنْثِ دَ نٜىٰمَنْ وَتَ رِيبَ دَغَ غَرٜىٰشِيبَ؞ 38 نِنٜىٰ يَهْوٜىٰهْ اللَّهْ نْكُ وَنْدَ يَڢِتَرْ دَكُو دَغَ ڧَسَرْ مَصَرْ، دُواْمِنْ إِنْبَاكُ ڧَسَرْ كَنْعَنَ إِنْكُمَ ذَمَ اللَّهْ نْكُ؞» ڧَٰعِدُواْدِ غَمٜىٰدَ بَايِ 39 «عِدَنْ طَيَ دَغَ ثِكِنْ یَنْعُوَنْكَ يَتَلَوْثٜىٰ حَرْ يَكَيْ غَ سَيَرْ دَ كَنْسَ غَرٜىٰكَ، كَدَ كَتِلَسْتَ شِ يَيِ بَوْتَا كَمَرْ بَاوَ؞ 40 ذَيْ ذَوْنَ تَرٜىٰدَكَيْ كَمَرْ مَعَيْكَثِنْكَ نٜىٰ، يَيِ مَكَ حِدِمَ حَرْ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞ 41 أَ لُواْكَثِنْ، شِے دَ یَیَنْسَ ذَاسُ تَاشِ سُكُواْمَ وُرِنْ دَنْغِنْسُ؞ ذَاسُ كُواْمَ وُرِنْ كَايَنْ غَادُوانْسُ؞ 42 غَمَا إِسْرَٰٓءِيلَاوَا بَايِنَ نٜىٰ وَطَنْدَ نَڢِتَرْ دَسُو دَغَ ڧَسَرْ مَصَرْ؞ بَذَاعَ سَيَرْ دَسُو كَمَرْ بَيِبَ؞ 43 بَذَاكَيِ مُلْكِ عَكَنْسُ تَرٜىٰدَ نُونَ مُسُ عَذَابَ بَ، عَمَّا كَجِڟُواْرُوانْ اللَّهْ نْكَ؞ 44 عَمَّا غَمٜىٰدَ بَايِ مَظَا دَ مَاتَادَغَ ڧَبِيلُنْ دَسُكٜىٰ كٜىٰوَيٜىٰ دَكَيْنٜىٰ كَوَيْ ذَاكَ عِيَ سَيٜىٰنْسُ؞ 45 ذَاكَ عِيَ سَيٜىٰنْ بَايِ دَغَ بَڧِنْ دَسُكٜىٰ ظَوْنٜىٰ عَثِكِنْكُ، وَتُواْ عِيَلَنْسُ دَ یَیَنْ دَ سُكَ حَيْڢَ عَثِكِنْكُ؞ ذَاسُ ذَمَ مَلَّكَرْكَ؞ 46 ذَاكَ عِيَ مَيْشٜىٰسُ أَبِنْ غَادُواْ غَ یَیَنْكَ دُواْمِنْ سُذَمَ مَلَّكَرْ یَیَنْكَ؞ ذَاسُ ذَمَ مُكُ بَايِ نَدِنْدِنْدِنْ؞ عَمَّا غَمٜىٰدَ یَنْعُوَنْكُ إِسْرَٰٓءِيلَاوَا، وَنِ بَذَيْ يِمُلْكِ عَكَنْ وَنِ تَرٜىٰدَ نُونَ مَسَ عَذَابَبَ؞ 47 «عِدَنْ بَڧُوانْ دَيَكٜىٰ ذَمَ عَثِكِنْكُ يَذَمَ مَيْ أَرْزِڧِ، سَعَنً طَنْعُوَنْكُ مُتُمِنْ إِسْرَٰٓءِيلَ يَذَمَ مَيْ تَلَوْثِ، حَرْ يَسَيَرْ دَ كَنْسَ غَ بَڧُوانْ، كُواْ غَ وَنِ دَغَ عِيَلِنْ بَڧُوانْ، 48 ذَاعَ عِيَ ڢَنْسَرْ مُتُمِنْ إِسْرَٰٓءِيلَ طِنْ؞ طَيَ دَغَ ثِكِنْ یَنْعُوَنْسَ ذَيْ عِيَ ڢَنْسَرْسَ، 49 كُواْ طَنْعُوَنْ بَابَنْسَ نٜىٰ، كُواْ يَرُوانْ طَنْعُوَنْ بَابَنْسَ، كُواْ وَنِ دَغَ ثِكِنْ دَنْغِنْسَ نَكُسَ؞ شِ كَنْسَ ذَيْ عِيَ ڢَنْسَرْ كَنْسَ إِنْ يَنَدَ كُطِنْ؞ 50 شِے دَ وَنْدَ يَسَيٜىٰشِ ذَاسُ لِسَّڢْتَا يَوَنْ كُطِنْ؞ يَوَنْ كُطِنْ دَ ذَاعَ بِيَ دُواْمِنْ یَنْثِنْسَ ذَاعَ لِسَّڢْتَا بِسَغَ يَوَنْ شٜىٰكَرُنْ دَ سُكَ رَغُ كَاڢِنْ شٜىٰكَرَا تَهَمْسِنْ تَسَامُنْ یَنْثِ تَكٜىٰوَيُواْ؞ ذَاعَيِ لِسَّڢِنْ بِسَغَ كُطِنْ دَ عَكٜىٰ بِيَنْ لٜىٰبُرَ؞ 51 عِدَنْ شٜىٰكَرُنْ دَ سُكَ رَغُ سُنْيِيَوَ، ذَيْبِيَ كُطِنْ ڠُورْڠُودُوانْ يَوَنْ كُطِنْ دَ دَا يَكَرْٻَ أَ لُواْكَثِنْدَ يَسَيَرْ دَ كَنْسَ؞ 52 عَمَّا عِدَنْ شٜىٰكَرُنْ دَ سُكَ رَغُ سُنْيِ كَطَنْ كَاڢِنْ شٜىٰكَرَا تَهَمْسِنْ تَسَامُنْ یَنْثِ، تُواْ ذَيْبِيَ كُطِ كَطَنْ دُواْمِنْ سَامُنْ یَنْثِنْسَ؞ 53 بَڧُوانْ ذَيْبِدَ مُتُمِنْ إِسْرَٰٓءِيلَنْ نَنْ كَمَرْ مَعَيْكَثِنْ دَ عَكَ طَوْكَ هَيَ تَشٜىٰكَرَا شٜىٰكَرَا؞ بَذَاعَبَرْ وَنِ بَڧُوانْ دَيَكٜىٰ ذَمَ عَثِكِنْ إِسْرَٰٓءِيلَاوَا يَنُونَ وَ طَنْعُوَنْكُ عَذَابَبَ؞ 54 عِدَنْ كُوَ بَعَڢَنْشٜىٰشِ تَوُرِنْ طَيَ دَغَ ثِكِنْ وَطَنَّنْ هَنْيُواْيِبَ، تُواْ، ذَاعَ یَنْتَرْ دَشِ دَ یَیَنْسَ أَشٜىٰكَرَا تَهَمْسِنْ تَسَامُنْ یَنْثِ؞ 55 غَمَا إِسْرَٰٓءِيلَاوَا بَايِنَنٜىٰ، سُو بَايِنَ نٜىٰ وَطَنْدَ نَڢِتَرْ دَسُو دَغَ ڧَسَرْ مَصَرْ؞ نِنٜىٰ يَهْوٜىٰهْ اللَّهْ نْكُ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria