ڢِرِسْتُواْثِے 24 - أَتَّوْرَتْ دَ أَنَّبَاوَاكُلَاوَا دَ ڢِتِلُ ﴿ ڢِتْ 27.20-21 ﴾ 1 يَهْوٜىٰهْ يَيِ مَغَنَ دَ مُوسَٰى ثٜىٰوَ 2 يَعُمَرْثِ مُتَنٜىٰنْ إِسْرَٰٓءِيلَ سُكَٰوُاْ مَسَ ظَلَّرْ مَنْ ظَيْتُنْ وَنْدَ عَكَ تَاثٜىٰ دُواْمِنْ ڢِتِلَرْ، دُواْمِنْ أَ سَا حَصْكٜىٰنْ ڢِتِلَرْ يَيِ تَثِ كُلُّمْ؞ 3 هَٰرُونَ ذَيْ أَجِيٜىٰ ڢِتِلَرْ أَ وُرِے مَيْ ڟَرْكِے أَغَبَنْ بَبَّنْ لَبُلٜىٰنْدَ يَڟَرٜىٰ عَݣُوتِنْ شَيْدَرْ يَرْجٜىٰجٜىٰنِيَ عَتٜىٰنْتِنْ سَدُوَ؞ هَٰرُونَ ذَيْ دِنْغَ كُلَ دَ ڢِتِلَرْ أَغَبَنْ يَهْوٜىٰهْ دَغَ يَمَّ حَرْ سَڢٜىٰ؞ وَنَّنْ ڧَٰعِدَ ثٜىٰ تَدِنْدِنْدِنْ دَغَ نَنْ حَرْ إِيَاكَرْ ڟَارَرَّكِنْكُ؞ 4 هَٰرُونَ نٜىٰ كُمَ ذَيْ دِنْغَ كُلَ دَ ڢِتِلُ أَ سَنْدَنْ ظِينَارِيَ أَغَبَنْ يَهْوٜىٰهْ دُواْمِنْ سُيِتَثِ؞ غُرَاسَرْ دَ عَكَ كٜىٰٻٜىٰ غَ يَهْوٜىٰهْ 5 طَوْكِ غَارِنْ حَڟِ مَيْ لَوْشِ عَيِ دُنْڧُلٜىٰنْ غُرَاسَ غُواْمَشَا بِيُ دَشِ؞ كُواْوَنٜىٰ دُنْڧُلٜىٰ ذَيْثِ غَارِنْ حَڟِ مَيْ نَوْيِنْ كِلُواْ بِيُ؞ 6 ذَاكَ جٜىٰرَسُ أَ لَيِ بِيُ، كُواْوَنٜىٰ لَيِ دُنْڧُلٜىٰ شِدَ عَكَنْ تٜىٰبُرِنْ ظِينَارِيَرْ دَيَكٜىٰ أَغَبَنْ يَهْوٜىٰهْ؞ 7 ذَاكَ ظُبَ تُرَارٜىٰ عَكُواْوَنٜىٰ لَيِ، يَذَمَ رَبُواْ نَتُنَاوَا، هَدَايَرْدَ عَكَ مِيڧَ دَ وُتَا غَ يَهْوٜىٰهْ أَمَدَدِنْ غُرَاسَ كٜىٰنَنْ؞ 8 عَكُواْوَثٜىٰ رَانَرْ هُوتُ تَمَكُواْ ڢِرِسْتِ ذَيْ شِرْيَ غُرَاسَرْ حَكَ أَغَبَنْ يَهْوٜىٰهْ أَمَدَدِنْ إِسْرَٰٓءِيلَاوَا؞ وَنَّنْ كُوَ ذَيْ كَسَنْثٜىٰ شَيْدَرْ يَرْجٜىٰجٜىٰنِيَرْسُ دَ يَهْوٜىٰهْ تَهَرْ أَبَدَا؞ 9 وَنَّنْ غُرَاسَرْ ذَيْ ذَمَ رَبُوانْ هَٰرُونَ دَ نَیَیَنْسَ مَظَا؞ ذَاسُثِ أَوَنِ وُرِے مَيْ ڟَرْكِے، غَمَا وَنَّنْ رَبُواْ يَنَدَ ڟَرْكِے سُواْسَيْ دَغَ ثِكِنْ هَدَايُنْ دَ عَكَ مِيڧَ دَ وُتَا غَ يَهْوٜىٰهْ؞ وَنَّنْ ڧَٰعِدَ ثٜىٰ تَدِنْدِنْدِنْ؞ ڧَٰعِدُواْدِ غَمٜىٰدَ غِرْمَمَ اللَّهْ دَ حَلِتُّنْسَ 10 أَنَانً سَيْ مُتُمْ وَنْدَ مَامَرْسَ یَرْ إِسْرَٰٓءِيلَ ثٜىٰ كُمَ بَابَنْسَ مُتُمِنْ مَصَرْ نٜىٰ، يَڢِتَ يَيِ ڢَطَ دَ وَنِ مُتُمِنْ إِسْرَٰٓءِيلَ عَثِكِنْ ذَنْغُوانْ؞ 11 سَيْ طَنْ مَاتَرْ إِسْرَٰٓءِيلَنْ نَنْ يَيِ صَاٻُواْ غَ سُونَنْ يَهْوٜىٰهْ تَوُرِنْ ذَاغِ؞ سَيْ عَكَ كَٰوُاْ شِ وُرِنْ مُوسَٰى؞ سُونَنْ مَامَرْسَ كُوَ شٜىٰلُواْمِتْ یَرْ دِبْرِ دَغَ ذُرِيَرْ دَنْ؞ 12 عَكَ كُلّٜىٰشِ أَوَنِ وُرِے، حَرْ سَيْ يَهْوٜىٰهْ يَڢَطَا مُسُ نُڢِنْسَ غَمٜىٰدَ طَنْ مَاتَرْ؞ 13 سَيْ يَهْوٜىٰهْ يَيِ مَغَنَ دَ مُوسَٰى يَثٜىٰ، 14 «كَطَوْكِ مُتُمِنْ دَ يَيِ صَاٻُوانْ ذُوَا بَايَنْ ذَنْغُوانْ؞ كَسَا دُكَنْ وَطَنْدَ سُكَجِ صَاٻُوانْدَ يَيِ سُسَا حَنُّوَنْسُ عَكَنْ كَنْسَ، سَعَنً أَسَا دُكَنْ جَمَعَ سُجٜىٰجّٜىٰڢٜىٰشِ دَ دُوَڟُو؞ 15 بَايَنْ حَكَ سَيْ كَتَتَّارَ یَیَنْ إِسْرَٰٓءِيلَ كَڢَطَا مُسُ ثٜىٰوَ دُكْ وَنْدَ يَسَٻِ اللَّهْ، أَلْحَكِنْ ذُنُوبِنْسَ يَنَ عَكَنْسَ؞ 16 كُمَ دُكْ وَنْدَ يَسَٻِ سُونَنْ يَهْوٜىٰهْ، ذَاعَ كَشٜىٰشِ؞ دُكَنْ جَمَعَ ذَاسُ جٜىٰجّٜىٰڢٜىٰشِ، كُواْ دَشِے بَڧُواْ نٜىٰ كُواْ طَنْ ڧَسَرْ نٜىٰ؞ سَعَدَّ مُتُمْ يَسَٻِ سُونَنْ يَهْوٜىٰهْ، ذَاعَ كَشٜىٰشِ؞ 17 «دُكْ وَنْدَ يَكَشٜىٰ مُتُمْ، شِے مَا ذَاعَ كَشٜىٰشِ؞ 18 دُكْ وَنْدَ يَكَشٜىٰ دَبَّرْ وَنِ، ذَيْبِيَ دَ وَتَ دَبَّ أَمَيْمَكُوانْ وَدَّ يَكَشٜىٰ؞ ڧَٰعِدَثٜىٰ، رَيْ مَيْمَكُوانْ رَيْ؞ 19 «دُكْ وَنْدَ يَيِ وَوَنِ رَوْنِ، كُواْوَنٜىٰ إِرِنْ رَوْنِ نٜىٰ يَيِ مَسَ، شِے مَا حَكَ ذَاعَيِ مَسَ؞ 20 عِدَنْ يَا كَرْيَ مَسَ ڧَشِ، شِے مَا ذَاعَ كَرْيَ نَاسَ ڧَشِنْ؞ عِدَنْ يَا ثِرٜىٰوَ وَنِ عِدُواْ، شِے مَا ذَاعَ ثِرٜىٰ نَاسَ عِدُوانْ؞ عِدَنْ يَا ٻَلّٜىٰ وَوَنِ هَڧُواْرِ، شِے مَا ذَاعَ ٻَلّٜىٰ نَاسَ هَڧُواْرِنْ؞ إِرِنْ رَوْنِنْ دَ يَيِ وَوَنِ، حَكَ ذَاعَيِ مَسَ؞ 21 دُكْ وَنْدَ يَكَشٜىٰ دَبَّ، ذَيْبِيَ دَ وَتَ؞ عَمَّا دُكْ وَنْدَ يَكَشٜىٰ مُتُمْ، ذَاعَ كَشٜىٰشِ؞ 22 عُمَرْنِ ذَيْ ذَمَ طَيَ غَ بَڧُواْ دَ طَنْ ڧَسَا، غَمَا نِنٜىٰ يَهْوٜىٰهْ اللَّهْ نْكُ؞» 23 بَايَنْدَ مُوسَٰى يَڢَطَا وَمُتَنٜىٰنْ إِسْرَٰٓءِيلَ وَنَّنْ، سَيْ عَكَ طَوْكِ وَنْدَ يَيِ صَاٻُوانْ ذُوَا بَايَنْ ذَنْغُوانْ، عَكَ جٜىٰجّٜىٰڢٜىٰشِ دَ دُوَڟُو حَرْ يَمُتُ؞ جَمَعَرْ إِسْرَٰٓءِيلَ كُوَ سُكَيِ يَدَّ يَهْوٜىٰهْ يَعُمَرْثِ مُوسَٰى؞ |
Hausa Common Language Ajami Bible © The Bible Society of Nigeria, 2020
Bible Society of Nigeria