ڢِرِسْتُواْثِے 23 - أَتَّوْرَتْ دَ أَنَّبَاوَا

ڧَٰعِدُواْدِنْ بُكُكُوَنْ يَهْوٜىٰهْ

¹ يَهْوٜىٰهْ يَيِ مَغَنَ دَ مُوسَٰى ثٜىٰوَ

² يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏غَا بُكُكُوَنْ يَهْوٜىٰهْ وَطَنْدَ عَكَ ڟَارَا؞ ذَاعَيِ شٜىٰلَرْسُ دُواْمِنْ مُتَنٜىٰنْ إِسْرَٰٓءِيلَ سُكِيَايٜىٰسُ، تَارُواْ مَيْ ڟَرْكِے كٜىٰنَنْ؞»‏

بِكٍ رَانَرْ هُوتُ تَمَكُواْ

³ ‏«‏ݣُونَكِے شِدَ ذَاكُيِ عَيْكِنْكُ، عَمَّا رَانَ تَبَݣَويْ رَانَرْ ثِكَكّٜىٰنْ هُوتُ نٜىٰ، رَانَ ثٜىٰ تَتَارُواْ مَيْ ڟَرْكِے؞ بَذَاكُيِ عَيْكِ أَ رَانَرْ بَ كُواْ كَطَنْ أَدُكْ عِنْدَ كُكٜىٰ دَ ذَمَ، غَمَا رَانَرْ هُوتُ تَمَكُواْ ثٜىٰ وَدَّ عَكَ كٜىٰٻٜىٰ غَ يَهْوٜىٰهْ؞»‏

بِكٍ ڧٜىٰتَرٜىٰوَ دَ نَغُرَاسَرْ مَرَرْ يِسْتِ

⁴ ‏«‏غَا بُكُكُوَنْ يَهْوٜىٰهْ وَطَنْدَ عَكَ ڟَارَا؞ ذَاعَيِ شٜىٰلَرْسُ دُواْمِنْ مُتَنٜىٰنْ إِسْرَٰٓءِيلَ سُكِيَايٜىٰ كُواْوَنٜىٰ بِكٍ تَوُرِنْ تَارُواْ مَيْ ڟَرْكِے، وَطَنْدَ كُمَ ذَاعَيِ بِكٍ سُجَّدَرْسُ أَ لُواْكَثِنْ دَ عَكَ ڟَارَا؞

⁵ أَ رَانَ تَغُواْمَشَا حُطُ غَ وَتَ نَڢَرْكُواْ دَ يَمَّ، ذَاعَ ڢَارَ بِكٍ ڧٜىٰتَرٜىٰوَ غَ يَهْوٜىٰهْ؞

⁶ أَ رَانَ تَغُواْمَشَا بِيَرْ تَوَنَّنْ وَتَ ذَاعَيِ بِكٍ غُرَاسَرْ مَرَرْ يِسْتِ غَ يَهْوٜىٰهْ؞ ذَاكُيِ ݣُونَ بَݣَويْ كُنَ ثِنْ غُرَاسَرْ مَرَرْ يِسْتِ؞

⁷ أَ رَانَ تَڢَرْكُواْ تَبِكٍ ذَاكُيِ تَارُواْ مَيْ ڟَرْكِے دُواْمِنْ سُجَّدَ؞ بَذَاكُيِ عَيْكِنْكُ نَيَوْ دَ كُلُّمْبَ؞

⁸ عَمَّا ذَاكُ مِيڧَ هَدَايُنْ دَ عَكَ مِيڧَ دَ وُتَا غَ يَهْوٜىٰهْ حَرْ ݣُونَ بَݣَويْ؞ أَ رَانَ تَبَݣَويْ طِنْ ذَاعَيِ تَارُواْ مَيْ ڟَرْكِے دُواْمِنْ سُجَّدَ؞ بَذَاكُيِ عَيْكِنْكُ نَيَوْ دَ كُلُّمْ أَ رَانَرْ بَ؞»‏

بِكٍ نُونً ڢَرِ

⁹ يَهْوٜىٰهْ يَيِ مَغَنَ دَ مُوسَٰى ثٜىٰوَ

¹⁰ يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏سَعَدَّ كُكَ شِغَ ڧَسَرْدَ نَكٜىٰ بَاكُ، إِنْ كُنْيِ غِرْبِے، سَيْ كُطَوْكِ دَمِ دَغَ نُونً ڢَارِ نَغِرْبِنْكُ كُكَيْوَ ڢِرِسْتِ؞

¹¹ ڢِرِسْتِ طِنْ ذَيْ مِيڧَ دَمٍ هَدَايَ تَطَغَوَ أَغَبَنْ يَهْوٜىٰهْ، دُواْمِنْ عَكَرْٻٜىٰكُ؞ وَشٜىٰغَرِ بَايَنْ رَانَرْ هُوتُ تَمَكُواْ نٜىٰ ڢِرِسْتِ ذَيْ مِيڧَشِ؞

¹² أَ رَانَرْ دَ عَكَ مِيڧَ دَمٍ هَدَايَ تَطَغَوَرْ، ذَاعَ مِيڧَ طَنْ ضَغُواْ مَيْ شٜىٰكَرَا غُدَا مَرَرْ تَبُواْ دُواْمِنْ هَدَايَ تَڧُواْنَاوَا غَ يَهْوٜىٰهْ؞

¹³ تَرٜىٰدَ طَنْ ضَغُوانْ، ذَاكُ مِيڧَ هَدَايَ تَهَڟِ نَكِلُواْ بِيُ نَغَارِ مَيْ لَوْشِنْ دَ عَكَ ݣُوٻَ دَ مَنْ ظَيْتُنْ، هَدَايَرْدَ عَكَ مِيڧَ دَ وُتَا غَ يَهْوٜىٰهْ، مَيْ دَاطِنْ ڧَنْشِ أَغَرٜىٰشِ كٜىٰنَنْ؞ حَطٜىٰ دَ وَطَنَّنْ، ذَاكُ كُمَ مِيڧَ هَدَايَ تَأَبِنْ شَا تَلِتَ غُدَا تَضُوً إِنَبِے؞

¹⁴ بَذَاكُثِ غُرَاسَرْ دَ عَكَيِ دَ سَابُوانْ حَڟِنْ، كُواْ غَسَشّٜىٰنْ حَڟِنْ، كُواْ طَنْيٜىٰنْ سَابُوانْ حَڟِنْبَ، سَيْ رَانَرْ دَ كُكَ كَٰوُاْ هَدَايَ تَنُونً ڢَارِنْ غَ اللَّهْ نْكُ؞ وَنَّنْ ڧَٰعِدَ ثٜىٰ تَدِنْدِنْدِنْ أَغَرٜىٰكُ أَدُكْ عِنْدَ كُكٜىٰ ذَمَ دَغَ نَنْ حَرْ إِيَاكَرْ ڟَارَرَّكِنْكُ؞»‏

بِكٍ مَكُواْمَكُواْ

¹⁵ ‏«‏دَغَ وَشٜىٰغَرِ نَ رَانَرْ هُوتُ تَمَكُواْ، وَتُواْ دَغَ رَانَرْ دَ كُكَ كَٰوُاْ دَمِ دُواْمِنْ هَدَايَ تَطَغَوَ، ذَاكُ ڧِرْغَ مَكُواْ بَݣَويْ ثِكَكُّ؞

¹⁶ أَ رَانَرْ هُوتُ تَمَكُواْ تَبَݣَويْ، وَتُواْ بَايَنْ ݣُونَ حَمْسِنْ كٜىٰنَنْ، سَيْ كُمِيڧَ وَتَ هَدَايَ تَسَابُوانْ حَڟِ غَ يَهْوٜىٰهْ؞

¹⁷ دَغَ غِدَاجٜىٰنْكُ كُكَٰوُاْ دُنْڧُلٜىٰنْ غُرَاسَ بِيُ كُمِيڧَسُ هَدَايَ تَطَغَوَ غَ يَهْوٜىٰهْ؞ كُواْوَنٜىٰ دُنْڧُلٜىٰنْ غُرَاسَ ذَاعَيِ دَ كِلُواْ بِيُ نَغَارِ مَيْ لَوْشِ وَنْدَ عَكَيِ دَ يِسْتِ، عَكُمَ مِيڧَسُ هَدَايَ تَنُونً ڢَارِ غَ يَهْوٜىٰهْ؞

¹⁸ حَطٜىٰ دَ غُرَاسَرْ، ذَاكُ مِيڧَ یَنْ رَغُنَ غُدَا بَݣَويْ مَاسُ شٜىٰكَرَا طَيَ طَيَ مَرَرْ تَبُواْ دَ طَنْ بِجِمِ دَ رَغُنَ بِيُ؞ ذَاكُ مِيڧَسُ هَدَايَ تَڧُواْنَاوَا غَ يَهْوٜىٰهْ تَرٜىٰدَ هَدَايُنْكُ نَهَڟِ دَ نَأَبِنْ شَا، هَدَايَرْدَ عَكَ مِيڧَ دَ وُتَا غَ يَهْوٜىٰهْ، مَيْ دَاطِنْ ڧَنْشِ غَرٜىٰشِ كٜىٰنَنْ؞

¹⁹ ذَاكُ كُمَ مِيڧَ بُنْسُرُ طَيَ دُواْمِنْ هَدَايَ تَوَنْكٜىٰ ذُنُوبِ دَ یَنْ رَغُنَ بِيُ مَاسُ شٜىٰكَرَا طَيَ طَيَ دُواْمِنْ هَدَايَ تَڠَرَنْ زُمُنْثِ؞

²⁰ ڢِرِسْتِ ذَيْ طَغَ یَنْ رَغُنَنَّنْ بِيُ حَطٜىٰ دَ غُرَاسَ نَنُونً ڢَارِ هَدَايَ تَطَغَوَ أَغَبَنْ يَهْوٜىٰهْ؞ أَنْ كٜىٰٻٜىٰسُ دَ ڟَرْكِے غَ يَهْوٜىٰهْ، رَبُواْ نَڢِرِسْتِنٜىٰ؞

²¹ أَ رَانَرْ ذَاعَيِ شٜىٰلَ ثٜىٰوَ رَانَ ثٜىٰ تَتَارُواْ مَيْ ڟَرْكِے أَغَرٜىٰكُ؞ بَذَاكُيِ عَيْكِنْكُ نَيَوْ دَ كُلُّمْبَ؞ وَنَّنْ ڧَٰعِدَ ثٜىٰ تَدِنْدِنْدِنْ أَدُكْ عِنْدَ كُكٜىٰ دَ ذَمَ دَغَ نَنْ حَرْ إِيَاكَرْ ڟَارَرَّكِنْكُ؞

²² ‏«‏سَعَدَّ كُكٜىٰ غِرْبِنْ أَمْڢَانِنْ ڧَسَرْكُ، كَدَ كُغِرْبٜىٰ حَرْ غٜىٰڢٜىٰ غٜىٰڢٜىٰنْ غُواْنَكِنْكُ، كَدَ كُبِے كُنَ كَالَ بَايَنْدَ كُكَ غَمَ غِرْبِنْ؞ ذَاكُ بَرْ وَنَّنْ دُواْمِنْ مَتَلَوْتَ دَ بَاڧِ؞ نِنٜىٰ يَهْوٜىٰهْ اللَّهْ نْكُ؞»‏

بِكٍ بُوسَرْ كَكَكِ

²³ يَهْوٜىٰهْ يَيِ مَغَنَ دَ مُوسَٰى ثٜىٰوَ

²⁴ يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏أَ رَانَ تَڢَرْكُواْ غَ وَتَ نَبَݣَويْ، ذَاكُ كِيَايٜىٰ رَانَرْ ثِكَكّٜىٰنْ هُوتُ، رَانَ ثٜىٰ تَتُنَاوَ دَ اللَّهْ نْكُ؞ ذَاعَيِ تَارُواْ مَيْ ڟَرْكِے نَسُجَّدَ، وَنْدَ ذَاعَ ڢَارَ دَ بُوشٜىٰ بُوشٜىٰنْ كَكَكِ؞

²⁵ بَذَاكُيِ عَيْكِنْكُ نَيَوْ دَ كُلُّمْ أَ رَانَرْبَ؞ ذَاكُيِ هَدَايَرْدَ عَكَ مِيڧَ دَ وُتَا غَ يَهْوٜىٰهْ؞»‏

رَانَرْ طَوْكَرْ أَلْحَكِنْ ذُنُوبِ

²⁶ يَهْوٜىٰهْ يَيِ مَغَنَ دَ مُوسَٰى يَنَ ثٜىٰوَ

²⁷ ‏«‏رَانَ تَغُواْمَ غَ وَتَ نَبَݣَويْ ذَاتَ ذَمَ رَانَرْ طَوْكَرْ أَلْحَكِنْ ذُنُوبِ؞ ذَاتَ ذَمَ مُكُ رَانَرْ تَارُواْ مَيْ ڟَرْكِے؞ ذَاكُيِ أَظُمِ كُيِ هَدَايَرْدَ عَكَ مِيڧَ دَ وُتَا غَ يَهْوٜىٰهْ؞

²⁸ بَذَاكُيِ عَيْكِ كُواْ كَطَنْ أَ رَانَرْ بَ، غَمَا رَانَرْ طَوْكَرْ أَلْحَكِنْ ذُنُوبِ ثٜىٰ، ذَاعَ كُوَ طَوْكِ أَلْحَكِنْ ذُنُوبِنْكُ أَغَبَنْ يَهْوٜىٰهْ اللَّهْ نْكُ؞

²⁹ دُكْ وَنْدَ بَيْيِ أَظُمِ أَ رَانَرْ بَ، ذَاعَ كَوَرْ دَشِ دَغَ مُتَنٜىٰنْسَ؞

³⁰ دُكْ وَنْدَ يَيِ عَيْكِ أَ رَانَرْ، نِے يَهْوٜىٰهْ ذَنْ هَلَّكَ شِ دَغَ ثِكِنْ مُتَنٜىٰنْسَ؞

³¹ كُواْ كَطَنْ بَذَاكُيِ وَنِ عَيْكِبَ؞ وَنَّنْ ڧَٰعِدَ ثٜىٰ تَدِنْدِنْدِنْ أَدُكْ عِنْدَ كُكٜىٰ دَ ذَمَ دَغَ نَنْ حَرْ إِيَاكَرْ ڟَارَرَّكِنْكُ؞

³² دَغَ ڢَاطُوَرْ رَانَ تَتَرَ غَ وَتَ ذُوَا ڢَاطُوَرْ رَانَ تَغُواْمَ، ذَاكُيِ وَنَّنْ ثِكَكّٜىٰنْ هُوتُ، ذَاكُ كُمَيِ أَظُمِ؞»‏

بِكٍ بُكُّواْكِ

³³ يَهْوٜىٰهْ يَيِ مَغَنَ دَ مُوسَٰى ثٜىٰوَ

³⁴ يَڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏أَ رَانَ تَغُواْمَشَا بِيَرْ غَ وَتَنْ بَݣَويْ ذَاعَ ڢَارَ بِكٍ بُكُّواْكِ دُواْمِنْ يَهْوٜىٰهْ، ذَاعَيِ بِكٍ حَرْ ݣُونَ بَݣَويْ؞

³⁵ أَ رَانَ تَڢَرْكُواْ تَبِكٍ ذَاعَيِ تَارُواْ مَيْ ڟَرْكِے؞ أَ رَانَرْ كُوَ بَذَاكُيِ عَيْكِنْكُ نَيَوْ دَ كُلُّمْبَ؞

³⁶ عَثِكِنْ ݣُونَكِنَّنْ بَݣَويْ، ذَاكُ دِنْ‌غَ يِنْ هَدَايُنْ دَ عَكَ مِيڧَ دَ وُتَا غَ يَهْوٜىٰهْ؞ أَ رَانَ تَتَݣُوسْ ذَاكُيِ تَارُواْ مَيْ ڟَرْكِے، كُيِ هَدَايَرْدَ عَكَ مِيڧَ دَ وُتَا غَ يَهْوٜىٰهْ؞ وَنَّنْ ذَيْ كَسَنْثٜىٰ مُهِمِّنْ تَارُواْ، بَذَاكُيِ عَيْكِنْكُ نَيَوْ دَ كُلُّمْ أَ رَانَرْ بَ؞

³⁷ ‏«‏وَطَنَّنْ نٜىٰ بُكُكُوَنْ يَهْوٜىٰهْ وَطَنْدَ عَكَ ڟَارَا؞ ذَاكُيِ بِكٍ سُجَّدَرْسُ تَوُرِنْ تَارُواْ مَيْ ڟَرْكِے، دُواْمِنْ كُيِ هَدَايُنْ دَ عَكَ مِيڧَ دَ وُتَا غَ يَهْوٜىٰهْ، وَتُواْ هَدَايُ نَڧُواْنَاوَا دَ نَهَڟِ دَ نَأَبِنْ شَا؞ ذَاعَ مِيڧَ كُواْوَثٜىٰ هَدَايَ أَ رَانَرْتَ؞

³⁸ وَطَنَّنْ بُكُكُوَ ڧَارِ نٜىٰ عَكَنْ رَانَكُنْ هُوتُ نَمَكُواْ نٜىٰ وَطَنْدَ عَكَ كٜىٰٻٜىٰ غَ يَهْوٜىٰهْ؞ وَطَنَّنْ هَدَايُ كُمَ ڧَارِ نٜىٰ عَكَنْ بَيٜىٰ بَيٜىٰنْكُ دَ عَكَنْ هَدَايُنْكُ نَثِكَ ضَنْڟُوَا دَ عَكَنْ بَيٜىٰ بَيٜىٰنْكُ نَيَرْدَرْ رَيْ وَطَنْدَ كُكَنْ بَا يَهْوٜىٰهْ؞

³⁹ ‏«‏أَ رَانَ تَغُواْمَشَا بِيَرْ غَ وَتَنْ بَݣَويْ، لُواْكَثِنْ دَ كُكَ تَتَّارَ أَمْڢَانِنْ ڧَسَرْكُ، سَيْ كُكِيَايٜىٰ وَنَّنْ بِكٍ يَهْوٜىٰهْ حَرْ ݣُونَ بَݣَويْ؞ أَ رَانَ تَڢَرْكُوانْ دَ كُمَ أَ رَانَ تَتَݣُوسْ تَبِكٍ، ذَاعَيِ ثِكَكّٜىٰنْ هُوتُ؞

⁴⁰ أَ رَانَ تَڢَرْكُوانْ، ذَاكُ طِبِے یَیَنْ إِتَاثٜىٰ نَ عِتَتُوَ مَاسُ ݣَوْ دَ رَسَّنْ إِتَاثٜىٰنْ دَبِينُواْ دَ رَسَّنْ عِتَتُوَ مَاسُ غَنْيَيٜىٰ دَيَوَ دَ رَسَّنْ عِتَتُوَ نَبَاكِنْ رَاڢِ، كُيِتَيِنْ مُرْنَ أَغَبَنْ يَهْوٜىٰهْ اللَّهْ نْكُ حَرْ ݣُونَ بَݣَويْ؞

⁴¹ ذَاكُ كِيَايٜىٰ بِكٍ سُجَّدَرْ نَنْ غَ يَهْوٜىٰهْ حَرْ ݣُونَ بَݣَويْ عَكُواْوَثٜىٰ شٜىٰكَرَا؞ وَنَّنْ ڧَٰعِدَ ثٜىٰ تَدِنْدِنْدِنْ أَغَرٜىٰكُ دَغَ نَنْ حَرْ إِيَاكَرْ ڟَارَرَّكِنْكُ؞

⁴² عَثِكِنْ وَطَنَّنْ ݣُونَكِے بَݣَويْ نَبِكٍ، دُكْ وَطَنْدَ سُكٜىٰ یَیَنْ إِسْرَٰٓءِيلَ ذَاسُ ذَوْنَ عَبُكُّواْكِ؞

⁴³ تَهَكَ ڟَارَرَّكِنْكُ مَاسُ ذُوَا ذَاسُ سَنِ ثٜىٰوَ نَا سَا یَیَنْ إِسْرَٰٓءِيلَ سُذَوْنَ عَبُكُّواْكِ لُواْكَثِنْدَ نَڢِتَرْ دَسُو دَغَ مَصَرْ؞ نِنٜىٰ يَهْوٜىٰهْ اللَّهْ نْكُ؞»‏

⁴⁴ حَكَ كُوَ مُوسَٰى يَكَڢَ وَ یَیَنْ إِسْرَٰٓءِيلَ وَطَنَّنْ بُكُكُوَنْ يَهْوٜىٰهْ وَطَنْدَ عَكَ ڟَارَا؞