ڢِرِسْتُواْثِے 22 - أَتَّوْرَتْ دَ أَنَّبَاوَا

بَيٜىٰ بَيٜىٰ مَاسُ ڟَرْكِے

¹ سَعَنً يَهْوٜىٰهْ يَيِ مَغَنَ دَ مُوسَٰى ثٜىٰوَ

² يَڢَطَا وَ هَٰرُونَ دَ یَیَنْسَ مَظَا وَطَنَّنْ ڧَٰعِدُواْدِ؞ ‏«‏كُغِرْمَمَ بَيٜىٰ بَيٜىٰ مَاسُ ڟَرْكِے وَطَنْدَ إِسْرَٰٓءِيلَاوَا سُكَنْ كٜىٰٻٜىٰ غَرٜىٰنِ دُواْمِنْ كَدَ سُيِ بَنْظَ دَ سُونَنَ مَيْ ڟَرْكِے؞ نِنٜىٰ يَهْوٜىٰهْ؞

³ دَغَ نَنْ حَرْ إِيَاكَرْ ڟَارَرَّكِنْكُ، عِدَنْ وَنِ دَغَ ثِكِنْ ذُرِيَرْ ڢِرِسْتُواْثِے يَڧَظَنْتُ عَمَّا يَيِ كُسَدَ بَيٜىٰ بَيٜىٰنَّنْ مَاسُ ڟَرْكِے وَطَنْدَ مُتَنٜىٰنْ إِسْرَٰٓءِيلَ سُكَ كٜىٰٻٜىٰ غَ يَهْوٜىٰهْ، ذَاعَ كَوَرْ دَشِ دَغَ حِدِمَ أَغَبَنَ؞ نِنٜىٰ يَهْوٜىٰهْ؞

⁴ ‏«‏عِدَنْ وَنِ دَغَ ذُرِيَرْ هَٰرُونَ يَنَدَ ثُوتَرْ ڢَتَرْ جِكِے كُواْ يَنَ طِغَ، بَذَيْثِ دَغَ بَيٜىٰ بَيٜىٰ مَاسُ ڟَرْكِے بَ سَيْ يَذَمَ مَرَرْ ڧَظَنْتَا؞ كُمَ عِدَنْ ڢِرِسْتِ يَتَٻَ وَنِ أَبِنْدَ يَڧَظَنْتُ سَبُواْدَ يَتَٻَ غَاوَا، كُواْ كُمَ مَنِيِّ يَڢِتُواْ وَ ڢِرِسْتِ طِنْ،

⁵ كُواْ إِنْ يَتَٻَ وَتَ حَلِتَّ مَيْ رَرَّڢٜىٰ وَدَّ ذَاتَ سَا يَڧَظَنْتُ، كُواْ إِرِنْ مُتُمِنْ دَ ذَيْسَا يَڧَظَنْتُ، كُواْ مٜىٰنٜىٰنٜىٰ إِرِنْ ڧَظَنْتَرْدَ يَكٜىٰدَ عِتَ، تُواْ ڢِرِسْتِ ذَيْ ڧَظَنْتُ؞

⁶ دُكْ وَنْدَ يَتَٻَ كُواْوَنٜىٰ إِرِنْ أَبُبُوَنَّنْ، ذَيْ ڧَظَنْتُ حَرْ يَمَّ، كُمَ بَذَيْ عِيَ ثِ دَغَ بَيٜىٰ بَيٜىٰ مَاسُ ڟَرْكِے بَ سَيْ بَايَنْدَ يَيِ وَنْكَ دَ ضُوَ؞

⁷ عَمَّا بَايَنْ ڢَاطُوَرْ رَانَ ذَيْ ذَمَ مَرَرْ ڧَظَنْتَا؞ أَ لُواْكَثِنْ نٜىٰ ذَيْ عِيَ ثِ دَغَ بَيٜىٰ بَيٜىٰ مَاسُ ڟَرْكِے غَمَا وَطَنَّنْ عَبِنْثِنْسَ نٜىٰ؞

⁸ بَذَيْثِ مُوشٜىٰ كُواْ أَبِنْدَ نَامَنْ دَاجِ سُكَ كَشٜىٰبَ؞ وَنَّنْ ذَيْسَا يَڧَظَنْتُ؞ نِنٜىٰ يَهْوٜىٰهْ؞

⁹ ‏«‏ڢِرِسْتُواْثِے ذَاسُ كِيَايٜىٰ عُمَرْنِنَ، دُواْمِنْ كَدَ سُجَٰوُاْ وَكَنْسُ ذُنُوبِ سُمُتُ تَوُرِنْ يِنْ بَنْظَ دَ ڧَٰعِدُواْدِنَ مَاسُ ڟَرْكِے؞ نِنٜىٰ يَهْوٜىٰهْ وَنْدَ يَكٜىٰٻٜىٰسُ دَ ڟَرْكِے؞

¹⁰ ‏«‏مُتُمِنْ دَ بَ دَغَ ثِكِنْ ذُرِيَرْ ڢِرِسْتُواْثِے بَ، بَذَيْثِ دَغَ بَيٜىٰ بَيٜىٰ مَاسُ ڟَرْكِے بَ؞ مُتُمِنْ دَيَكٜىٰ ذَمَ تَرٜىٰدَ ڢِرِسْتِ كُواْ مُتُمِنْ دَ يَكٜىٰيِ وَڢِرِسْتِ عَيْكِ، بَذَيْثِ دَغَ بَيٜىٰ بَيٜىٰ مَاسُ ڟَرْكِے بَ؞

¹¹ عَمَّا عِدَنْ ڢِرِسْتِ يَسَيِ بَاوَ دَ كُطِنْسَ، بَاوَنْ يَنَ عِيَ ثِنْ عَبِنْثِنْ؞ وَنْدَ كُمَ عَكَ حَيْڢَ أَغِدَنْ ڢِرِسْتِ يَنَ عِيَ ثِنْ عَبِنْثِنْ؞

¹² عِدَنْ یَرْ حَيْڢُوَرْ ڢِرِسْتِ تَ عَوْرِ وَنْدَ بَ ڢِرِسْتِ بَ، بَذَاتَثِ دَغَ بَيٜىٰ بَيٜىٰ مَاسُ ڟَرْكِنْ بَ؞

¹³ عَمَّا عِدَنْ مِجِنْ یَرْ ڢِرِسْتِ يَمُتُ كُواْ یَرْ ڢِرِسْتِ تَرَبُ دَ عَوْرٜىٰ كُمَ بَاتَدَ حَيْڢُوَ، تَا كُوَ كُواْمَ غِدَنْ بَابَنْتَ كَمَرْ يَدَّ دَا تَكٜىٰ كَاڢِنْ عَوْرٜىٰنْ، تُواْ، ذَاتَ عِيَ ثِنْ عَبِنْثِنْ بَابَنْتَ؞ عَمَّا ڢَا بَڧُواْ بَايَدَ إِظْنِ يَثِ عَبِنْثِنْ، سَيْدَيْ وَنْدَ يَكٜىٰ نَظُرِيَرْ ڢِرِسْتِ؞

¹⁴ ‏«‏عِدَنْ وَنِنْ دَ بَايَدَ إِظْنِ يَثِ دَغَ بَيٜىٰ بَيٜىٰ مَاسُ ڟَرْكِے بَ دَ غَنْ‌غَنْبَ، سَيْ يَمَيَرْوَ ڢِرِسْتِ أَبِنْ، يَكُمَ ڧَارَ كَشِ بِيُ ثِكِنْ غُواْمَ نَأَبِنْ؞

¹⁵ ڢِرِسْتُواْثِے بَذَاسُيِ بَنْظَ دَ بَيٜىٰ بَيٜىٰ مَاسُ ڟَرْكِے وَطَنْدَ مُتَنٜىٰنْ إِسْرَٰٓءِيلَ سُكٜىٰ كَٰوُاْوَ غَ يَهْوٜىٰهْ بَ،

¹⁶ تَوُرِنْ يَرْدَ وَنْدَ بَ ڢِرِسْتِ بَنٜىٰ يَثِ دَغَ بَيٜىٰ بَيٜىٰ مَاسُ ڟَرْكِنْ؞ وَنَّنْ ذَيْ جَٰوُاْوَ مُتُمِنْ لَيْڢِنْدَ ذَيْ كَٰوُاْ حُكُنْثِ؞ نِنٜىٰ يَهْوٜىٰهْ وَنْدَ يَكٜىٰٻٜىٰسُ دَ ڟَرْكِے؞»‏

دَبُّواْبِنْ دَ سُكَ دَاثٜىٰ دُواْمِنْ هَدَايَ

¹⁷ يَهْوٜىٰهْ يَيِ مَغَنَ دَ مُوسَٰى ثٜىٰوَ

¹⁸ يَڢَطَا وَ هَٰرُونَ دَ یَیَنْسَ مَظَا دَ مُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏مَيْ يِوُوَ مُتُمِنْ غِدَنْ إِسْرَٰٓءِيلَ كُواْ بَڧُوانْ دَيَكٜىٰ ذَمَ عَثِكِنْسُ يَسُواْ يَمِيڧَ هَدَايَ تَڧُواْنَاوَا غَ يَهْوٜىٰهْ دُواْمِنْ يَثِكَ وَتَ ضَنْڟُوَارْ دَ يَيِ كُواْ كُوَ دُواْمِنْ بَايَرْوَ تَيَرْدَرْ رَيْ غَ يَهْوٜىٰهْ؞

¹⁹ عِدَنْ يَنَ سُواْ هَدَايَرْ تَذَمَ أَبِنْ كَرْٻَ، سَيْ يَكَٰوُاْ دَبَّ نَمِجِ مَرَرْ تَبُواْ دَغَ شَانُو، كُواْ تُمَكِ، كُواْ أَوَكِ؞

²⁰ دُكْ أَبِنْدَ يَكٜىٰدَ تَبُواْ، بَذَاعَ مِيڧَشِ هَدَايَبَ، غَمَا بَذَاعَ كَرْٻِ هَدَايَرْبَ؞

²¹ دُكْ وَنْدَ يَمِيڧَ هَدَايَ تَڠَرَنْ زُمُنْثِ غَ يَهْوٜىٰهْ دُواْمِنْ يَثِكَ ضَنْڟُوَارْسَ، كُواْ بَايَرْوَ تَيَرْدَرْ رَيْ دَغَ شَانُو، كُواْ غَرْكٜىٰنْ تُمَكِ كُواْ أَوَكِ، دُواْلٜىٰنٜىٰ دَبَّرْ تَكَسَنْثٜىٰ ثِكَكِّيَ بَابُ تَبُواْ أَجِكِنْتَ دُواْمِنْ تَ عِيَ ذَمَ أَبِنْ كَرْٻَ؞

²² بَذَاعَبَا يَهْوٜىٰهْ وَتَ دَبَّرْ دَتَكٜىٰ مَكَهُواْ، كُواْ كَرْيَيّٜىٰ، كُواْ مَيْ رَوْنِ، كُواْ مَيْ مِيكِ، كُواْ مَيْ ثِيوُانْ ڢَتَ، كُواْ مَيْ ݣُورُواْ ݣُورُواْبَ، بَلّٜىٰ مَا أَ مِيڧَتَ هَدَايَرْدَ عَكَ مِيڧَ دَ وُتَا عَكَنْ بَغَدٜىٰ غَ يَهْوٜىٰهْ؞

²³ بِجِمِ كُواْ تُنْكِيَ وَطَنْدَ غَٻُواْٻِنْ جِكِنْسُ بَسُيِ دَيْدَيْ دَ جُونَ بَ، ذَاعَ عِيَ مِيڧَسُ بَايَرْوَ تَيَرْدَرْ رَيْ؞ عَمَّا عِدَنْ أَنْمِيڧَسُ دُواْمِنْ هَدَايَ تَثِكَ ضَنْڟُوَا ثٜىٰ، تُواْ، بَذَاعَ كَرْٻَبَ؞

²⁴ ‏«‏دُكْ دَبَّرْ دَ عَكَ ڧُجٜىٰ ڠُويْوَرْسَ، كُواْ دَنْدَڧٜىٰسُ، كُواْ يَاغٜىٰسُ، كُواْ يَنْكٜىٰسُ، بَذَاعَ مِيڧَا وَ يَهْوٜىٰهْ بَ؞ بَكُوَ ذَاكُيِ هَدَايَ دَسُو عَڧَسَرْكُبَ؞

²⁵ بَذَاكُ كُمَ كَرْٻِ إِرِنْ دَبُّواْبِنَّنْ دَغَ بَڧُواْ كُمِيڧَسُ هَدَايَرْ عَبِنْثِ غَ اللَّهْ نْكُبَ؞ غَمَا بَسُ دَاثٜىٰ دُواْمِنْ هَدَايَ بَ سَبُواْدَ سُنَدَ رَوْنِ دَ تَبُواْ أَجِكِنْسُ؞ بَذَاعَ كَرْٻٜىٰسُ دُواْمِنْكُبَ؞»‏

²⁶ يَهْوٜىٰهْ كُمَ يَيِ مَغَنَ دَ مُوسَٰى يَثٜىٰ،

²⁷ ‏«‏سَعَدَّ بِجِمِ، كُواْ تُنْكِيَ، كُواْ عَكُيَ تَحَيْڢُ، ذَاعَ بَرْ يَرُوانْ يَيِ ݣُونَ بَݣَويْ دَ مَامَرْ؞ دَغَ رَانَ تَتَݣُوسْ حَرْ غَبَ، ذَاعَ كَرْٻٜىٰشِ يَذَمَ هَدَايَرْدَ عَكَ مِيڧَ دَ وُتَا غَ يَهْوٜىٰهْ؞

²⁸ بَذَاعَيَنْكَ مَامَرْ دَبَّرْ دَ يَرُوانْتَ أَ رَانَ طَيَبَ، كُواْ عُوَرْ سَانِيَثٜىٰ، كُواْ تَتُنْكِيَ ثٜىٰ، كُواْ تَأَكُيَثٜىٰ؞

²⁹ عِدَنْ ذَاكَ مِيڧَ هَدَايَ تَغُواْدِيَ غَ يَهْوٜىٰهْ، ذَاكَ مِيڧَتَ عَتَهَنْيَرْ دَ ذَاتَ ذَمَ أَبِنْ كَرْٻَ دُواْمِنْكَ؞

³⁰ عَتَبَّتَا أَنْثِ نَامَنْ هَدَايَ دُكَ أَ رَانَرْ دَ عَكَ مِيڧَ هَدَايَرْ؞ كَدَ أَ ضَغٜىٰ كُواْمٜىٰ حَرْ وَايٜىٰوَرْ غَرِ؞ نِنٜىٰ يَهْوٜىٰهْ؞

³¹ ‏«‏تَهَكَ ذَاكُ كِيَايٜىٰ عُمَرْنَيْنَ كُكُمَ عَيْكَتَاسُ؞ نِنٜىٰ يَهْوٜىٰهْ؞

³² بَذَاكُيِ بَنْظَ دَ سُونَنَ مَيْ ڟَرْكِے بَ، عَمَّا كُو جَمَعَرْ إِسْرَٰٓءِيلَ، ذَاكُ كِيَايٜىٰ سُونَنَ دَ ڟَرْكِے؞ نِنٜىٰ يَهْوٜىٰهْ؞ نِے نَا كٜىٰٻٜىٰكُ دَڟَرْكِے،

³³ نَا ڢِتَرْ دَكُو دَغَ ڧَسَرْ مَصَرْ، دُواْمِنْ إِنْذَمَ اللَّهْ نْكُ؞ نِنٜىٰ يَهْوٜىٰهْ؞»‏