ڢِرِسْتُواْثِے 19 - أَتَّوْرَتْ دَ أَنَّبَاوَاڧَٰعِدُواْدِنْ ذَمَنْ ڟَرْكِے إِرِنَّ اللَّهْ 1 يَهْوٜىٰهْ يَيِ مَغَنَ دَ مُوسَٰى ثٜىٰوَ 2 يَڢَطَا وَدُكَنْ جَمَعَرْ إِسْرَٰٓءِيلَ وَطَنَّنْ ڧَٰعِدُواْدِ؞ «كُذَمَ مَاسُ ڟَرْكِے، غَمَا نِے يَهْوٜىٰهْ اللَّهْ نْكُ نِے مَيْ ڟَرْكِے نٜىٰ؞ 3 كُواْوَنّٜىٰنْكُ يَغِرْمَمَ مَامَرْسَ دَ بَابَنْسَ، يَكُمَ كِيَايٜىٰ رَانَرْ هُوتُ تَمَكُواْ تَاوَ؞ نِنٜىٰ يَهْوٜىٰهْ اللَّهْ نْكُ؞ 4 «كَدَ كُجُويَا كُبِے غُمَكَ، كُواْ كُوَ كُيِ صِڢُّواْڢِنْ ظُبِے دُواْمِنْ يِنْ سُجَّدَ أَغَرٜىٰسُ؞ نِنٜىٰ يَهْوٜىٰهْ اللَّهْ نْكُ؞ 5 «سَعَدَّ كُكَ مِيڧَ هَدَايَ تَڠَرَنْ زُمُنْثِ غَ يَهْوٜىٰهْ، سَيْ كُيِ هَدَايَرْ بِسَغَ ڧَٰعِدَ دُواْمِنْ عَكَرْٻَ؞ 6 ذَاعَ ثِنْيٜىٰ نَامَنْ هَدَايَرْ أَ رَانَرْ دَ كُكَ مِيڧَتَ دَ رَانَرْ دَتَكٜىٰبِيٜىٰ؞ عَمَّا دُكْ أَبِنْدَ يَرَغُ حَرْ رَانَ تَ عُكُ، سَيْ عَڧُواْنٜىٰ دَ وُتَا؞ 7 عِدَنْ كُوَ عَكَ ثِ شِ أَ رَانَ تَ عُكُ، ذَيْ ذَمَ أَبِنْ ڨَمَ؞ بَذَاعَ كَرْٻِ هَدَايَرْ بَ؞ 8 دُكْ وَنْدَ يَثِ أَ رَانَ تَ عُكُ طِنْ، أَلْحَكِنْ لَيْڢِنْسَ يَنَ عَكَنْسَ، غَمَا يَيِ بَنْظَ دَ هَدَايَ مَيْ ڟَرْكِے تَ يَهْوٜىٰهْ؞ وَنَّنْ مُتُمِنْ ذَاعَ كَوَرْ دَشِ دَغَ جَمَعَرْ؞ 9 «سَعَدَّ كُكٜىٰ غِرْبِنْ أَمْڢَانِنْ ڧَسَرْكُ، كَدَ كُغِرْبٜىٰ حَرْ غٜىٰڢٜىٰ غٜىٰڢٜىٰنْ غُواْنَكِنْكُ، كَدَ كُمَ كُبِے كُنَ كَالَ بَايَنْدَ كُكَ غَمَ غِرْبِنْ؞ 10 بَذَاكُ غِرْبٜىٰ إِنَبِنْكُ كُسَاكٜىٰبِے سَوْ نَبِيُبَ، بَذَاكُ كُمَ تَتَّارَ یَیَنْ إِنَبِنْكُ دَ سُكَ ڢَاطِ ڧَسَابَ؞ ذَاكُ بَرْ وَمَتَلَوْتَ دَ بَڧِنْ دَسُكٜىٰ ذَمَ تَرٜىٰدَكُو؞ نِنٜىٰ يَهْوٜىٰهْ اللَّهْ نْكُ؞ 11 «بَذَاكُيِ سَاتَابَ؞ بَذَاكُ ثُوثِ وَنِبَ؞ بَذَاكُيِ وَجُونَ ڧَضْيَابَ؞ 12 بَذَاكُيِ ضَنْڟُوَارْ ڧَضْيَا دَ سُونَنَ بَ، دُواْمِنْ يِنْهَكَ ذَيْ يِبَنْظَ دَ سُونَنْ اللَّهْ نْكُ؞ نِنٜىٰ يَهْوٜىٰهْ؞ 13 «بَذَاكُ ثُوثِ مَڨُوبْثِنْكُ كُواْ كُڨُوثٜىٰ مَسَ كَايَبَ؞ بَذَاكُ بَرْ لُواْكَثِنْ بِيَنْ لَادَنْ عَيْكِنْ مَعَيْكَثِ يَكَيْ سَيْ غُواْبٜىٰبَ؞ 14 بَذَاكُ ذَاغِ كُرْمَ بَ، كُواْ كُسَا وَمَكَهُواْ أَبِنْدَ ذَيْ يِتُنْتُٻٜىٰ عَكَيْ يَڢَاطِبَ؞ ذَاكُ كُوَ جِڟُواْرُوانْ اللَّهْ نْكُ؞ نِنٜىٰ يَهْوٜىٰهْ؞ 15 «بَذَاكُيِ سُوانْكَيْ عَثِكِنْ شَرِيعَبَ؞ بَذَاكُ نُونَ بَمْبَنْثِ وَ تَلَكَاوَا كُواْ كُغِرْمَمَ مَاسُ أَرْزِڧِبَ؞ عَثِكِنْ غَسْكِيَ ذَاكُ شَرْعَنْتَ مَڨُوبْثِنْكُ؞ 16 بَذَاكُ بَظَ مَغَنَرْ ٻَاتَ سُونَ عَكَنْ وَنِبَ، كُواْ كُيِ وَنِ أَبِنْدَ ذَيْ ذَمَ حَڟَرِ غَ رَنْ مَڨُوبْثِنْكُ؞ نِنٜىٰ يَهْوٜىٰهْ؞ 17 «بَذَاكَڧِ طَنْعُوَنْكَ أَ ذُوثِيَارْكَبَ؞ عِدَنْ وَنِ يَيِ أَبِنْدَ بَدَيْدَيْبَ، سَيْ كَڢَطَا مَسَ لَيْڢِنْسَ أَ ڢِيلِ؞ عِدَنْ بَهَكَبَ، كَيْ مَا كَجَٰوُاْ وَكَنْكَ لَيْڢِے كٜىٰنَنْ؞ 18 «بَذَاكَ نٜىٰمِ حَنْيَرْ رَامُوَا كُواْ كَرِڧٜىٰ وَنِ أَ ذُوثِيَابَ، عَمَّا ذَاكَ ڧَوْنَثِ مَڨُوبْثِنْكَ كَمَرْ كَنْكَ؞ نِنٜىٰ يَهْوٜىٰهْ؞ 19 «ذَاكُ كِيَايٜىٰ ڧَٰعِدُواْدِنَ؞ بَذَاكُ بَرْ دَبَّرْ غِدَا إِرِ دَبَمْ دَبَمْ سُسَدُ دُواْمِنْ حَيْڢُوَبَ؞ بَذَاكَ شُوكَ حَڟِ إِرِ بِيُ أَغُواْنَ غُدَابَ؞ بَذَاكَسَا رِغَرْ دَ أَنْطِنْكَ دَ يَدِ وَنْدَ أَنْهَطَ ظَرٜىٰ إِرِ بِيُ عَكَنْ جُونَبَ؞ 20 «عِدَنْ مُتُمْ يَݣُونَ دَ مَثٜىٰ وَدَّ تَكٜىٰ بَيْوَ، وَدَّ كُمَ أَنْرِغَا أَنْيِ وَوَنِ أَلْڧَوَرِ يَ عَوْرٜىٰتَ، عَمَّا بَعَڢَنْشٜىٰتَبَ تُكُنَ، كُواْ كُوَ بَعَیَنْتَرْ دَ عِتَبَ، تُواْ سَيْ أَ حُكُنْتَسُ، عَمَّا بَذَاعَ كَشٜىٰسُبَ، غَمَا بَعَیَنْتَرْ دَ عِتَبَ؞ 21 مُتُمِنْ كُوَ ذَيْ كَٰوُاْ ضَغُواْ دُواْمِنْ هَدَايَ تَشَاڢٜىٰ لَيْڢِنْسَ أَغَبَنْ يَهْوٜىٰهْ عَبَاكِنْ ڧُواْڢَرْ شِغَ تٜىٰنْتِنْ سَدُوَ؞ 22 ڢِرِسْتِ ذَيْ يِمَسَ هَدَايَ تَطَوْكَرْ أَلْحَكِنْ ذُنُوبِ دَ ضَغُوانْ هَدَايَ تَشَاڢٜىٰ لَيْڢِنْ أَغَبَنْ يَهْوٜىٰهْ سَبُواْدَ ذُنُوبِنْدَ يَعَيْكَتَ؞ ذُنُوبِنْدَ يَعَيْكَتَ، ذَاعَ غَاڢَرْتَا مَسَ؞ 23 «سَعَدَّ كُكَ شِغُواْ ثِكِنْ ڧَسَرْ، كُكَ شُشُّوكَ كُواْوَنٜىٰ إِرِنْ إِتَاثٜىٰ مَيْ بَادَ یَیَ نَثِ، یَیَنْ إِتَاثٜىٰنْ ذَاسُ ذَمَ ڧَظَنْتَتُّ أَغَرٜىٰكُ حَرْ شٜىٰكَرَا عُكُ؞ عَثِكِنْ شٜىٰكَرُ عُكُنَّنْ بَذَاكُ ثِسُبَ؞ 24 عَمَّا أَ شٜىٰكَرَا تَهُطُ دُكَنْ یَیَنْ عِتَتُوَنْ ذَاسُ ذَمَ أَبِنْدَ عَكَ كٜىٰٻٜىٰ دَ ڟَرْكِے دَ أَبِنْ يَبُواْ غَ يَهْوٜىٰهْ؞ 25 أَ شٜىٰكَرَا تَبِيَرْ نٜىٰ ذَاكُ عِيَ ثِنْ یَیَنْ عِتَتُوَنْ؞ تَهَكَنٜىٰ عِتَتُوَنْكُ ذَاسُ ڧَارَ بَادَ یَیَ دُواْمِنْكُ؞ نِنٜىٰ يَهْوٜىٰهْ اللَّهْ نْكُ؞ 26 «بَذَاكُثِ وَنِ أَبُ دَ جِنِنْسَبَ؞ بَذَاكُيِ دُوبَا كُواْ دَبُواْبَ؞ 27 بَذَاكُ أَسْكٜىٰ غَاشِنْ غٜىٰڢٜىٰنْ ڢُسْكَرْكُ بَ، كُواْ كُمَ كُ أَسْكٜىٰ غٜىٰمُنْكُبَ؞ 28 بَذَاكُ ڟَڟَّٰغَ ڢَتَرْ جِكِنْكُ سَبُواْدَ كُنَ كُوكَنْ وَنْدَ يَمُتُبَ؞ بَكُوَ ذَاكُيِ ذَانِ ذَانِ أَجِكِنْكُبَ؞ نِنٜىٰ يَهْوٜىٰهْ؞ 29 «كَدَ كُيِ بَنْظَ دَ یَیَنْكُ مَتَ تَوُرِنْ سَاسُ سُيِ كَارُوَنْثِ أَوُرَارٜىٰنْ سُجَّدَ؞ عِدَنْ كُنْيِ كَارُوَنْثِ حَكَ، كُنْيِ رَشِنْ أَمِنْثِ غَ يَهْوٜىٰهْ كٜىٰنَنْ، كُمَ ڧَسَرْ ذَاتَ ثِكَ دَ رَايُوَرْ لَلَتَ؞ 30 «ذَاكُ كِيَايٜىٰ رَانَرْ هُوتُ تَمَكُواْ تَاوَ، كُكُمَ غِرْمَمَ وُرِنْ ذَمَنَ مَيْ ڟَرْكِے؞ نِنٜىٰ يَهْوٜىٰهْ؞ 31 «كَدَ كُتَڢِے وُرِنْ مَيْ حَطَكَيْ دَ رُوحُواْحِنْ مَتَتُّو كُواْ كُنٜىٰمِ شَوَرَا دَغَ بُواْكَ؞ كَدَ كُبِيسُ دُواْمِنْ كَدَ سُڧَظَنْتَرْ دَكُو؞ نِنٜىٰ يَهْوٜىٰهْ اللَّهْ نْكُ؞ 32 «ذَاكُ مِيڧٜىٰ ڟَيٜىٰ كُغَيْدَ مَيْ ڢُرْڢُرَرْ كَيْ، ذَاكُ غِرْمَمَ ڟُواْهُواْ، غَمَا كُنَ جِنْ ڟُواْرُوانْ اللَّهْ نْكُ؞ نِنٜىٰ يَهْوٜىٰهْ؞ 33 «عِدَنْ أَݣَويْ بَڧُوانْ دَيَكٜىٰ ذَمَ عَڧَسَرْكُ، بَذَاكُ وُلَڧَنْتَشِيبَ؞ 34 دُكْ بَڧُوانْ دَيَكٜىٰ ذَمَ ثِكِنْكُ، ذَاكُ طَوْكٜىٰشِ كَمَرْ طَيَ دَغَ ثِكِنْ یَنْعُوَنْكُ، ذَاكُ ڧَوْنَثٜىٰشِ كَمَرْ كَنْكُ؞ غَمَا دَا كُو مَا بَڧِينٜىٰ عَڧَسَرْ مَصَرْ؞ نِنٜىٰ يَهْوٜىٰهْ اللَّهْ نْكُ؞ 35 «بَذَاكُيِ رَشِنْ غَسْكِيَ وَجٜىٰنْ يِنْ أَمْڢَانِ دَ مَعَوْنِ نَڧَضْيَابَ، كُواْ أَوُانْ ڟَوُاْ، كُواْ نَنَوْيِ، كُواْ نَيَوَنْ وَنِ أَبُ؞ 36 سَيْ مَعَوْنِنْكُ نَأَوُانْ نَوْيِ دَ مُودُنْ أَوُاْ دَ مُودُنْ أَوُانْ يَوَنْ وَنِ أَبُ سُذَمَ نَغَسْكِيَ؞ نِنٜىٰ يَهْوٜىٰهْ اللَّهْ نْكُ وَنْدَ يَڢِتَرْ دَكُو دَغَ ڧَسَرْ مَصَرْ؞ 37 كُكِيَايٜىٰ دُكَنْ ڧَٰعِدُواْدِنَ دَ دُكَنْ عُمَرْنَيْنَ، كُتَبَّتَا كُنْ عَيْكَتَاسُ؞ نِنٜىٰ يَهْوٜىٰهْ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria